ନୂଆଦିଲ୍ଲୀ: କେଏଲ ରାହୁଲ ଅଷ୍ଟ୍ରେଲିଆ ବିପକ୍ଷ ବିଶ୍ୱ ଟେଷ୍ଟ ଚାମ୍ପିଅନସିପ୍ (ଡବ୍ଲୁଟିସି) ର ଫାଇନାଲ ମ୍ୟାଚ୍ ଖେଳି ପାରିବେ ନାହିଁ। ଏନେଇ ଭାରତୀୟ କ୍ରିକେଟ୍ ବୋର୍ଡ (ବିସିସିଆଇ) ନିଶ୍ଚିତ କରିଛି। ରାହୁଲଙ୍କ ସ୍ଥାନ ନେବାକୁ ବିସିସିଆଇ ମଧ୍ୟ ଘୋଷଣା କରିଛି।
କେ.ଏଲ୍ ରାହୁଲଙ୍କ ସ୍ଥାନରେ ବିସିସିଆଇ ୱିକେଟ୍ କିପର ବ୍ୟାଟ୍ସମ୍ୟାନ୍ ଇଶାନ୍ କିଶନଙ୍କୁ ଟିମ୍ ଇଣ୍ଡିଆରେ ସାମିଲ କରିଛି। ତେବେ କେ.ଏସ୍ ଭରତ ମଧ୍ୟ ଟିମ୍ ଇଣ୍ଡିଆର ଏକ ଅଂଶ।
କେ.ଏଲ୍ ରାହୁଲଙ୍କ ବଦଳି ସହିତ ବିସିସିଆଇ ତିନି ଜଣ ଷ୍ଟାଣ୍ଡବାଇ ଖେଳାଳିଙ୍କ ନାମ ମଧ୍ୟ ଘୋଷଣା କରିଛି। ଏଥିରେ ଓପନର୍ ରୁତୁରାଜ ଗାଇକ୍ଵାଡ, ଦ୍ରୁତ ବୋଲର ମୁକେଶ କୁମାର ଏବଂ ବିସ୍ଫୋରକ ବ୍ୟାଟ୍ସମ୍ୟାନ୍ ସୂର୍ଯ୍ୟକୁମାର ଯାଦବ ଅଛନ୍ତି। ଏହି ତିନି ଖେଳାଳି ଟିମ୍ ଇଣ୍ଡିଆ ସହିତ ଇଂଲଣ୍ଡ ଯିବେ।
NEWS – KL Rahul ruled out of WTC final against Australia.
Ishan Kishan named as his replacement in the squad.
Standby players: Ruturaj Gaikwad, Mukesh Kumar, Suryakumar Yadav.
More details here – https://t.co/D79TDN1p7H #TeamIndia
— BCCI (@BCCI) May 8, 2023
ସୂଚନାଯୋଗ୍ୟ ଯେ, ଆଇପିଏଲ ୨୦୨୩ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବିପକ୍ଷ ମ୍ୟାଚରେ ଫିଲ୍ଡିଂ କରୁଥିବାବେଳେ କେ.ଏଲ୍ ରାହୁଲ ଆହତ ହୋଇଥିଲେ। ତାଙ୍କ ଜଙ୍ଘରେ ଏକ ଆଘାତ ଲାଗିଥିଲା। ଏହା ପରେ ରାହୁଲଙ୍କ ଜଙ୍ଘ ସ୍କାନ୍ କରାଯାଇଥିଲା। ତା’ପରେ ରାହୁଲ ଆଇପିଏଲ ୨୦୨୩ ରୁ ବାଦ ପଡିଥିଲେ। ତେବେ କେବଳ ସେତେବେଳେ କଳ୍ପନାଜଳ୍ପନା କରାଯାଉଥିଲା ଯେ, ସେ ବିଶ୍ୱ ଟେଷ୍ଟ ଚାମ୍ପିଅନସିପର ଅନ୍ତିମ ମ୍ୟାଚରେ ଭାଗ ନେଇ ପାରିବେ ନାହିଁ।
ଆଇପିଏଲ୍ ୨୦୨୩ ବାଦ ପଡିବା ପରେ କେ.ଏଲ୍ ରାହୁଲ ଏକ ଇନଷ୍ଟାଗ୍ରାମ ପୋଷ୍ଟ କରିଥିଲେ। ଏହି ପୋଷ୍ଟରେ ସେ ତାଙ୍କ ଆଘାତ ବିଷୟରେ ସର୍ବଶେଷ ଅଦ୍ୟତନ ଦେଇଛନ୍ତି। କେ.ଏଲ୍ ରାହୁଲ ଲେଖିଛନ୍ତି ଯେ, ଡାକ୍ତରୀ ଦଳର ପରାମର୍ଶ ଅନୁଯାୟୀ ମୋର ଆଘାତ ପାଇଁ ମୁଁ ଅସ୍ତ୍ରୋପଚାର କରିବି, ଏହି ଅସ୍ତ୍ରୋପଚାର ଶୀଘ୍ର କରାଯାଇପାରେ।
