ଭୁବନେଶ୍ବର: ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ଅନୁଯାୟୀ 5T ସଚିବ ଭି କେ ପାଣ୍ଡିଆନ୍ ଯାଜପୁର ଜିଲ୍ଲା ଗସ୍ତ କରିଛନ୍ତି। ସେଠାରେ ସେ ବିଭିନ୍ନ ବିକାଶମୂଳକ କାଯ୍ୟର ଅଗ୍ରଗତି ଏବଂ ଜନସାଧାରଣଙ୍କ ଅଭିଯୋଗର ଶୁଣାଣି କରିଛନ୍ତି।
ସେ ବଡଚଣାର ମହାବିନୟକ ମନ୍ଦିର ଏବଂ ବିଞ୍ଜରପୁରର ବରୁଣେଶ୍ୱର ମନ୍ଦିରର ବିକାଶ ବିଷୟରେ ଆଲୋଚନା କରିଥିଲେ। ସେଠାରେ ସେ ସେବାୟତ, ଟ୍ରଷ୍ଟି ସଦସ୍ୟ ତଥା ସାଧାରଣ ଜନତାଙ୍କ ସହ ମନ୍ଦିରର ବିକାଶ ସଂପର୍କରେ ଆଲୋଚନା କରିଥିଲେ। ସେଠାରେ ଭକ୍ତଙ୍କ ପାଇଁ ଉନ୍ନତ ସୁବିଧା ସହ ମନ୍ଦିରର ରୂପାନ୍ତରୀକରଣ ଉପରେ ପରାମର୍ଶ ଦେଇଥିଲେ। ପର୍ଯ୍ୟଟନ ବିକାଶ ପାଇଁ ଏକ ମାଷ୍ଟରପ୍ଲାନ ପ୍ରସ୍ତୁତ କରିବାକୁ ସେ ଜିଲ୍ଲା ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି।
ପାଣ୍ଡିଆନ୍ ୯୫୬ କୋଟି ଟଙ୍କା ବ୍ୟୟରେ ଚାଲିଥିବା ମେଗା ପାଇପ୍ ଜଳ ଯୋଗାଣ ପ୍ରକଳ୍ପର ଅଗ୍ରଗତିର ମଧ୍ୟ ସମୀକ୍ଷା କରିଛନ୍ତି। ବଡଚଣା, ବିଞ୍ଜରପୁର, ଦଶରଥପୁର, ଧର୍ମଶାଳା, ରସୁଲପୁର ଏବଂ ଯାଜପୁର ବ୍ଲକର ସମସ୍ତ ପରିବାରକୁ ଏହି ପ୍ରକଳ୍ପଗୁଡିକ ଜଳ ଯୋଗାଇଦେବ। ଡିସେମ୍ବର ୨୦୨୩ ପରଠାରୁ ଏହି ପ୍ରକଳ୍ପଗୁଡିକ ପର୍ୟ୍ୟାୟ କ୍ରମେ କାର୍ୟ୍ୟକ୍ଷମ ହେବ ବୋଲି ନିଷ୍ପତି ଗ୍ରହଣ କରାଯାଇଛି। ଠିକ ସମୟରେ କାର୍ୟ୍ୟ ଶେଷ କରିବା ସହ କାମ ଠିକ ଭାବେ ହେଉଛି କି ନାହିଁ ତାହା ତଦାରଖ କରିବାକୁ ସେ ସମ୍ପୃକ୍ତ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି।
ସେ ଆହୁରି ମଧ୍ୟ ୨୨୩ କୋଟି ଟଙ୍କା ବ୍ୟୟରେ ମେଗା ଉଠା ଜଳସେଚନ ପ୍ରକଳ୍ପର ଅଗ୍ରଗତି ସମୀକ୍ଷା କରିଛନ୍ତି। କୋଚିଲା ଏବଂ ବୈତରଣୀ ନଦୀରେ ଇନ୍-ଷ୍ଟ୍ରିମ୍ ଷ୍ଟୋରେଜ୍ ନିର୍ମାଣ ବିଷୟରେ ଆଲୋଚନା କରିଥିଲେ। ଏହି ପ୍ରକଳ୍ପରେ ୩୭୩ କୋଟି ବ୍ୟୟ ବରାଦ କରାଯାଇଥିବା ବେଳେ ସେପ୍ଟେମ୍ବର ୨୦୨୫ ସୁଦ୍ଧା ଶେଷ କରିବାକୁ ସମୟ ଧାର୍ୟ୍ୟ କରାଯାଇଛି। ସେ ସମ୍ପୃକ୍ତ ଅଧିକାରୀମାନଙ୍କୁ ପ୍ରକଳ୍ପ କାମ ସମୟ ସୀମା ମଧ୍ୟରେ ଶେଷ କରିବାକୁ କହିଥିଲେ।
ଦିନ ସମୟରେ ସେ ବଡଚଣା, ବିଞ୍ଜାରପୁର, ଧର୍ମଶାଳା ଏବଂ ଯାଜପୁରରେ ଅନୁଷ୍ଠିତ ଜନ ଅଭିଯୋଗ ସଭାରେ ଭାଗ ନେଇଥିଲେ। ସେ ସେମାନଙ୍କ ଅଭିଯୋଗ ସମ୍ପର୍କରେ ଜନସାଧାରଣଙ୍କ ସହ କଥାବାର୍ତ୍ତା କରିଥିଲେ। ସେ କହିଛନ୍ତି ଯେ ନାଗରିକଙ୍କ ଅଭିଯୋଗକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରାଥମିକତା ଦେଇଛନ୍ତି ଏବଂ ଦାଖଲ ହୋଇଥିବା ଆବେଦନଗୁଡିକର ଶୀଘ୍ର ସମାଧାନ କରାଯିବ। ପାଣ୍ଡିଆନ୍ ଜିଲ୍ଲାର ଅନ୍ୟାନ୍ୟ ପ୍ରମୁଖ ପ୍ରକଳ୍ପର ଅଗ୍ରଗତିର ସମୀକ୍ଷା କରିଥିଲେ। ସେଗୁଡିକ ମଧ୍ୟରେ ରହିଛି
୧-ଯାଜପୁରରେ ୯୫ କୋଟି ଟଙ୍କା ବ୍ୟୟରେ ୨୫୦ ଶଯ୍ୟା ବିଶିଷ୍ଟ ନୂତନ ଡିଏଚଏଚ କୋଠା ନିର୍ମାଣ
୨-୯୮ କୋଟି ଟଙ୍କା ବ୍ୟୟରେ ସ୍ପୋର୍ଟସ ଷ୍ଟାଡିୟମ ଏବଂ ୪୧ କୋଟି ଟଙ୍କା ବ୍ୟରେ ସ୍ପୋର୍ଟସ ଏକାଡେମୀ ନିର୍ମାଣ
୩-୫ଟି ର ନୀତି ଅନୁସରଣ କରୁଥିବା ବିଭିନ୍ନ ପ୍ରକଳ୍ପଗୁଡିକର ଶୀଘ୍ର ସମାପ୍ତ କରିବାକୁ ସେ ନିର୍ଦ୍ଦେଶ ଦେଇଛନ୍ତି।
ସେ ଜିଲ୍ଲାର ପ୍ରମୁଖ ସଡକଗୁଡିକର ଅଗ୍ରଗତି ଉପରେ ମଧ୍ୟ ସମୀକ୍ଷା କରିଛନ୍ତି। ସେଗୁଡିକ ହେଲା
୧- ୨୧ କୋଟି ଟଙ୍କା ବ୍ୟୟରେ ସାୟଦପୁରରୁ ଉତାଙ୍ଗରା ଦେଇ ଭାୟା ଚିଲିକା ରୋଡ ନିର୍ମାଣ ବ୍ୟବସ୍ଥା।
୨- ୨୯ କୋଟି ଟଙ୍କା ବ୍ୟୟରେ ନରୀଗାଁ, ଦୁବକାଣ ରୁ ଭାୟା ଗରାବନ୍ଧ ଏବଂ ଜୁନଧପୁର ରାସ୍ତା ନିର୍ମାଣ
୩- ୨୦ କୋଟି ଟଙ୍କା ବ୍ୟୟରେ ମଳିଆ ବଳଭଦ୍ରପୁର ଭାୟା କପିଳ ରୋଡ
୪- ୧୩ କୋଟି ଟଙ୍କା ବ୍ୟୟରେ କସ୍ତୁରିଆ ଗଡମାଧବପୁର ବାରମାଣ ଢେଙ୍କାନାଳ ସୀମା ରାସ୍ତାର ଉନ୍ନତିକରଣ।
୫- ୧୩ କୋଟି ଟଙ୍କା ବ୍ୟୟରେ ନେଉଳପୁର ହରିଦାସପୁର ରୋଡର ସଂପ୍ରସାରଣ।
୬- ୧୬ କୋଟି ଟଙ୍କା ବ୍ୟୟରେ ଧର୍ମଶାଳା ବାଇପାସ ରୋଡର ଉନ୍ନତି କରଣ ସହ ସଂପ୍ରସାରଣ କାମ।
୭-୧୭ କୋଟି ଟଙ୍କା ବ୍ୟୟରେ ଧର୍ମଶାଳାରୁ ନାକପୋଲ ଧର୍ମଶାଳା କବାଟବନ୍ଧ ରୋଡର ସଂପ୍ରସାରଣ ଏବଂ ଉନ୍ନତିକରଣ।
୮-୨୧ କୋଟି ଟଙ୍କା ବ୍ୟୟରେ ଶ୍ରୀବନ୍ତପୁରରୁ ଏନଏଚ-୧୬ ଭାୟା କାନ୍ଧିତାରା, ସାନ୍ତ୍ରିଲୋଚଣାପୁର ରାସ୍ତା ନିର୍ମାଣ।
୯- ୧୧ କୋଟି ଟଙ୍କା ବ୍ୟୟରେ କବାଟବନ୍ଧ ମାଣଝୁରିପଡା ରାସ୍ତା ନିର୍ମାଣ କାର୍ୟ୍ୟ।
୧୦- ୨୭ କୋଟି ଟଙ୍କା ବ୍ୟୟରେ କୁଆଖାଇ ଜେନାପୁର ରୋଡର ଉନ୍ନତି କରଣ।
୧୧- ୧୨ କୋଟି ଟଙ୍କା ବ୍ୟୟରେ ଗଡମାଧପୁର ଡନକାରୀ ତୁରୁଙ୍ଗା ରୋଡର ଉନ୍ନତିକରଣ କାର୍ଯ୍ୟ।
୧୨- ୧୫ କୋଟି ଟଙ୍କା ବ୍ୟୟରେ ଅଚ୍ୟୁତପୁର ବଡବାରିସି ରୋଡର ଉନ୍ନତି କରଣ
୧୩- ୩୭ କୋଟି ଟଙ୍କା ବ୍ୟୟରେ ଅଙ୍କୁଲା-ପାନିକୋଇଲି ରାସ୍ତାର ନୁଆପଡା-ତ୍ରିଲୋଚନପୁର ଏବଂ ଅଡଙ୍ଗ ବୁଦ୍ଧଘାଟ (ଞଜଋ) ବୁଦ୍ଧ ଡାହାଣ ବନ୍ଧ ଏବଂ ଅଡାଙ୍ଗ ମୋକିପୁର ରାସ୍ତାର ନବୀକରଣ
୧୪- ୨୯ କୋଟି ଟଙ୍କା ବ୍ୟୟରେ ଦଶରଥପୁର ଆଇବି ରୁ ଶୁଶୁଆ ଶିବ ତାଣ୍ଡବ ରୋଡ ଭାୟା ଛାଚିନା ନାଗପାଟଣା ଆଖୁ ସାହି ରୋଡର ଉନ୍ନତି କରଣ କାର୍ୟ୍ୟ।
ଏଗୁଡିକ ଠିକ ସମୟରେ ଶେଷ କରିବା ପାଇଁ ଉପସ୍ଥିତ ଅଧିକାରୀଙ୍କୁ ସେ ନିର୍ଦ୍ଦେଶ ଦେଇଥିଲେ।
ଏହି ଗସ୍ତ ସମୟରେ ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ ଆର ଭିନିଲ କ୍ରିଷ୍ଣା, ଯାଜପୁର ଜିଲ୍ଲପାଳ ଚକ୍ରବର୍ତ୍ତି ସିଂ ରାଠୋର, ଯାଜପୁର ଏସପି ବିନିତ ଅଗ୍ରୱାଲ ଏବଂ ବହୁ ବରିଷ୍ଠ ଅଧିକାରୀ ଉପସ୍ଥିତ ଥିଲେ।
