Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଜାତୀୟ ଖବର»ଆଶ୍ଚର୍ଯ୍ୟଜନକ! ମୁଣ୍ଡରେ ନିର୍ବାଚନ ଓ ବିରୋଧୀ ଏକତାର ଏହି ଚିତ୍ର!
ଜାତୀୟ ଖବର

ଆଶ୍ଚର୍ଯ୍ୟଜନକ! ମୁଣ୍ଡରେ ନିର୍ବାଚନ ଓ ବିରୋଧୀ ଏକତାର ଏହି ଚିତ୍ର!

February 3, 2024No Comments3 Mins Read
Share Facebook Twitter LinkedIn Email WhatsApp Copy Link

ନୂଆଦିଲ୍ଲୀ: ଦେଶରେ ଲୋକସଭା ନିର୍ବାଚନ ପାଇଁ ଆଉ ଅଧିକ ସମୟ ବାକି ନାହିଁ। କେନ୍ଦ୍ର ସରକାରଙ୍କ ପକ୍ଷରୁ ଅନ୍ତରୀଣ ବଜେଟ ଆସିଛି। ଅଯୋଧ୍ୟାର ରାମ ମନ୍ଦିରରେ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ମଧ୍ୟ ଶେଷ ହୋଇଛି। ଏବେ ଲୋକସଭା ନିର୍ବାଚନ ତାରିଖ ଘୋଷଣାକୁ ଅପେକ୍ଷା କରାଯାଇଛି। ଅପରପକ୍ଷରେ କ୍ଷମତାର ହ୍ୟାଟ୍ରିକ୍ ପାଇଁ ପ୍ରସ୍ତୁତ ହେଉଥିବା ବିଜେପି ନେତୃତ୍ୱାଧୀନ ଏନ୍ ଡିଏ ମେଣ୍ଟ ବିରୋଧରେ ଲଢ଼େଇ କେତେ? ବିରୋଧୀ ଦଳଠାରୁ ମୋଦି କେତେ ଶକ୍ତିଶାଳୀ ହେବେ? ନିର୍ବାଚନ ପୂର୍ବରୁ ଇଣ୍ଡି ମେଣ୍ଟରେ ଦେଖାଦେଇଥିବା ଅସ୍ଥିରତା ପରେ ଏହି ପ୍ରଶ୍ନ ଉଠିଛି। କେନ୍ଦ୍ରର ଅନ୍ତରୀଣ ବଜେଟକୁ ନେଇ ବିରୋଧୀ ଦଳମାନେ ପ୍ରଥମ ଥର ପାଇଁ ଏକ ସ୍ୱରରେ ଥିଲେ ମଧ୍ୟ ବିରୋଧୀ ସମ୍ପୂର୍ଣ୍ଣ ବିଚ୍ଛିନ୍ନ ହୋଇପଡ଼ିଥିବା ଦେଖିବାକୁ ମିଳୁଛି।

କେଉଁଠି ରହିଛି ଆସନ ବୁଝାମଣା?

୨୮ ଦଳ ବିଶିଷ୍ଟ ଇଣ୍ଡି ମେଣ୍ଟରେ ନିର୍ବାଚନ ପୂର୍ବରୁ ସହଯୋଗୀ ବିଭାଜନ ପ୍ରକ୍ରିୟା ଆରମ୍ଭ ହୋଇଛି। ଗତବର୍ଷ ଡିସେମ୍ବର ମାସରୁ କଂଗ୍ରେସ ଓ ଅନ୍ୟ ସହଯୋଗୀ ଦଳମଧ୍ୟରେ ଆସନ ବୁଝାମଣା ପାଇଁ ଆଲୋଚନା ଚାଲିଛି। ପାଖାପାଖି ୫୦ ଦିନ ବିତିଯାଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି ଠୋସ୍ ତଥ୍ୟ ଜନସାଧାରଣଙ୍କ ସାମ୍ନାକୁ ଆସିନାହିଁ। ସେପଟେ ଇଣ୍ଡି ମେଣ୍ଟର ଆବାହକ ଦୌଡ଼ରେ ସାମିଲ ହୋଇଥିବା ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ମେଣ୍ଟ ବଦଳାଇ ସାରିଛନ୍ତି। ଏହା ଏନଡିଏକୁ କେତେ ଶକ୍ତି ଦେବ ପ୍ରସଙ୍ଗ ନୁହେଁ, ତାହା ଇଣ୍ଡି ମେଣ୍ଟ କେତେବଡ଼ ଝଟକା ସୃଷ୍ଟି କରିଛି ତାହାଠାରୁ ଅଧିକ ଗୁରୁତ୍ୱପୂର୍ଣ୍ଣ। କଂଗ୍ରେସ ହୁଏତ ଏହାର ପ୍ରଭାବକୁ ଅଣଦେଖା କରୁଛି, କିନ୍ତୁ ରାଜନୈତିକ ବିଶ୍ଳେଷକମାନେ ଏହାକୁ ମୋଦୀଙ୍କ ବିରୋଧରେ ଲଢ଼େଇରେ ଏକ ବଡ଼ ଝଟକାଭାବେ ଦେଖୁଛନ୍ତି।

ନିଜ ଢୋଲ ନିଜେ ପିଟୁଛନ୍ତି

କଂଗ୍ରେସ ହେଉଛି ଇଣ୍ଡି ମେଣ୍ଟର ସବୁଠାରୁ ବଡ଼ ଦଳ। ଏଭଳି ସ୍ଥିତିରେ ମେଣ୍ଟରେ ସାମିଲ ଥିବା ୨୮ଟି ଦଳ ମଧ୍ୟରେ ଏହାର ଦାୟିତ୍ୱ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଦିଲ୍ଲୀ, ପଞ୍ଜାବ, କେରଳ ଓ ପଶ୍ଚିମବଙ୍ଗରେ କଂଗ୍ରେସ ଦ୍ୱନ୍ଦ୍ୱର ସମ୍ମୁଖୀନ ହୋଇଛି। ଦିଲ୍ଲୀ ଓ ପଞ୍ଜାବରେ ଆମ୍ ଆଦମୀ ପାର୍ଟି ଓ କଂଗ୍ରେସର ଆଞ୍ଚଳିକ ୟୁନିଟ୍ ମେଣ୍ଟ ପାଇଁ ମାନସିକ ସ୍ତରରେ ପ୍ରସ୍ତୁତ ହୋଇପାରୁନାହାନ୍ତି। ପଞ୍ଜାବରେ ମଧ୍ୟ ଆମ୍ ଆଦମୀ ପାର୍ଟି ସମସ୍ତ ଆସନରେ ନିର୍ବାଚନ ଲଢ଼ିବ ବୋଲି କୁହାଯାଉଛି। ସେହିପରି ମମତା ବାନାର୍ଜୀ ମଧ୍ୟ ପଶ୍ଚିମବଙ୍ଗରେ ଏକାକୀ ଲଢ଼ିବା କଥା କହିଛନ୍ତି। ବର୍ତ୍ତମାନ ଏହି ଦୁଇଦଳ ମଧ୍ୟରେ ମତଭେଦର ସ୍ୱର ସାମ୍ନାକୁ ଆସୁଥିଲା ଯେ ଇଣ୍ଡି ମେଣ୍ଟ ପାଇଁ ମହାରାଷ୍ଟ୍ରରୁ ଶୁଭ ଖବର ଆସୁନାହିଁ। ମହାରାଷ୍ଟ୍ରର ମହାବିକାଶ ଆଘାଡିରେ ଯୋଗ ଦେଇଥିବା ପ୍ରକାଶ ଆମ୍ବେଦକର ସ୍ପଷ୍ଟଭାବେ କହିଛନ୍ତି ଯେ ଇଣ୍ଡି ମେଣ୍ଟ ପ୍ରାୟ ଶେଷ ହୋଇଯାଇଛି। ପ୍ରକାଶ କହିଛନ୍ତି ଯେ ରାଜ୍ୟରେ ଆସନ ବଣ୍ଟନକୁ ନେଇ ଶିବସେନା ଏବଂ ଏନସିପି ସହ ଆଲୋଚନା ଚାଲିଛି। କଂଗ୍ରେସ ସହ କୌଣସି କଥାବାର୍ତ୍ତା ହେଉନାହିଁ।

ମୋଦିଙ୍କ ସହ କେମିତି ପ୍ରତିଦ୍ୱନ୍ଦ୍ୱିତା କରିବେ?

ଏହି ସମୟରେ ବିଜେପିର ସ୍ଥିତିକୁ ସମୁଦ୍ରରେ ଏକ ବଡ଼ ଜାହାଜଭାବେ ଦେଖିବାକୁ ମିଳୁଛି। କିଷାନ ସମ୍ମାନ ନିଧି, ମାଗଣା ଖାଦ୍ୟଶସ୍ୟ ଯୋଜନା, ପିଏମ ଆବାସ ଯୋଜନା, ମୁଦ୍ରା ଋଣ ଭଳି କଲ୍ୟାଣକାରୀ ଯୋଜନାକୁ ମୋଦି ସରକାର ଦୃଢ଼ତାର ସହ ପରିଚାଳନା କରୁଛନ୍ତି। ସେପଟେ ବିହାର ଭଳି ବଡ଼ ରାଜ୍ୟରେ ଇଣ୍ଡି ମେଣ୍ଟ ସମ୍ପୂର୍ଣ୍ଣ ବିଚ୍ଛିନ୍ନ ହୋଇପଡ଼ିଛି। ନିଜେ ନୀତୀଶ କୁମାର କହିଛନ୍ତି ଯେ ଇଣ୍ଡି ମେଣ୍ଟ ବହୁତ ଧୀରେ ଚାଲିଛି। କଂଗ୍ରେସ ହୁଏତ କହୁଛି ଯେ ଇଣ୍ଡି ମେଣ୍ଟର ଉଦ୍ଦେଶ୍ୟ ମୋଦିଙ୍କୁ କ୍ଷମତାରୁ ହଟାଇବା, କିନ୍ତୁ ତୃଣମୂଳ ସ୍ତରରେ ଏହା ଦୂରର କଥା ମନେହେଉଛି। ମୁଦ୍ରାସ୍ଫୀତି ଓ ବେକାରୀ ପ୍ରସଙ୍ଗରେ ସରକାରଙ୍କୁ ଘେରିବାରେ ବିରୋଧୀ ସମ୍ପୂର୍ଣ୍ଣ ବିଫଳ ହୋଇଛନ୍ତି। ଇଣ୍ଡି ମେଣ୍ଟ ପକ୍ଷରୁ ମିଳିତ ରାଲି କିମ୍ବା ପ୍ରଚାରକୁ ନେଇ ଏପର୍ଯ୍ୟନ୍ତ ସ୍ଥିତି ସ୍ପଷ୍ଟ ହୋଇନାହିଁ। ରାଜନୈତିକ ବିଶ୍ଳେଷକଙ୍କ ମତରେ ସାଧାରଣ ନିର୍ବାଚନରେ ଲୋକଙ୍କ ମଧ୍ୟରେ ମୁଖ୍ୟ ପ୍ରସଙ୍ଗ ଓ ଧାରଣା ଲଢ଼େଇ କ୍ଷେତ୍ରରେ କଂଗ୍ରେସ ନେତୃତ୍ୱାଧୀନ ଇଣ୍ଡି ମେଣ୍ଟ ସମ୍ପୂର୍ଣ୍ଣ ପଛରେ ପଡ଼ିଛି। ଏଭଳି ସ୍ଥିତିରେ ମୋଦିଙ୍କ ସହ ଇଣ୍ଡି ମେଣ୍ଟ କିପରି ପ୍ରତିଦ୍ୱନ୍ଦ୍ୱିତା କରିପାରିବ ତାହା ସମୟ ହିଁ ସ୍ଥିର କରିବ।

ayodhya bihar election 2024 INDI Alliance Interim Budget NDA ram mandir
Share. Facebook Twitter LinkedIn Email WhatsApp Copy Link

Related Posts

‘ରୁଷର ଡ୍ରୋନ ସହିତ ଭାରତର ସମ୍ପର୍କ ଅଛି’, ଟ୍ରମ୍ପଙ୍କ ପରେ ଗମ୍ଭୀର ଅଭିଯୋଗ ଆଣିଲା ୟୁକ୍ରେନ

August 5, 2025

‘ଭାରତକୁ ଆଖି ଦେଖାଉଥିବା ଲୋକମାନେ ନିଜେ ରୁଷ ସହିତ ବ୍ୟବସାୟ କରୁଛନ୍ତି’: ବୈଦେଶିକ ମନ୍ତ୍ରଣାଳୟ

August 5, 2025

ଓଭାଲ୍ ଟେଷ୍ଟରେ ବିଜୟ ପରେ ମଧ୍ୟ ନିରାଶ କଲେ ଗୌତମ ଗମ୍ଭୀର: ଦେଖନ୍ତୁ ରିପୋର୍ଟ କାର୍ଡ

August 5, 2025

ଅଗଷ୍ଟ ୬ରେ କର୍ତ୍ତବ୍ୟ ଭବନ ଉଦଘାଟନ କରିବେ ପ୍ରଧାନମନ୍ତ୍ରୀ

August 5, 2025
Latest News

VinFast India: ତାମିଲନାଡୁରେ ଇଲେଟ୍ରିକ ଭେଇକଲ ଆସେମ୍ବଲି ପ୍ରକଳ୍ପର ଉଦଘାଟନ କଲା ଭିନଫାଷ୍ଟ

August 5, 2025

‘ରୁଷର ଡ୍ରୋନ ସହିତ ଭାରତର ସମ୍ପର୍କ ଅଛି’, ଟ୍ରମ୍ପଙ୍କ ପରେ ଗମ୍ଭୀର ଅଭିଯୋଗ ଆଣିଲା ୟୁକ୍ରେନ

August 5, 2025

ପ୍ରତିଶୃତି ପୂରଣ କଲେ ଆଇନ ମନ୍ତ୍ରୀ, ବାଣପୁରରେ ଏଡିଜେ କୋର୍ଟ ପ୍ରତିଷ୍ଠା ହେବା ନେଇ ବିଜ୍ଞପ୍ତି ଜାରି

August 5, 2025

ବଳଙ୍ଗା ଛାତ୍ରୀ ମୃତ୍ୟୁ ଘଟଣାରେ ଆସନ୍ତା ଗୁରୁବାର ଦିନ ପୁରୀ ଜିଲ୍ଲାରେ ହରତାଳ କରିବ ବିଜେଡି

August 5, 2025

‘ଭାରତକୁ ଆଖି ଦେଖାଉଥିବା ଲୋକମାନେ ନିଜେ ରୁଷ ସହିତ ବ୍ୟବସାୟ କରୁଛନ୍ତି’: ବୈଦେଶିକ ମନ୍ତ୍ରଣାଳୟ

August 5, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.