ନୂଆଦିଲ୍ଲୀ: ଲୋକସଭା ନିର୍ବାଚନ କେବେ ହେବ ତାହାର ଘୋଷଣା ହୋଇ ନ ଥିଲେ ମଧ୍ୟ ପ୍ରାର୍ଥିଙ୍କ ନାମ ଘୋଷଣା କରିଛି ବିଜେପି। ଆଜି ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକାରେ ୧୯୫ ଜଣ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି। ଏହି ପ୍ରାର୍ଥୀ ତାଲିକାରେ ୩୪ ଜଣ କେନ୍ଦ୍ରମନ୍ତ୍ରୀଙ୍କ ନାମ ରହିଛି।
ଏହି ଘୋଷଣା ଅନୁସାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ପୁରୁଣା ଆସନ ବାରଣାସୀରୁ ଛିଡା ହେବେ ବୋଲି ଘୋଷଣା ହୋଇଛି। ସେହିପରି ଅମିତ ସାହା, ରାଜନାଥ ସିଂ ପ୍ରମୁଖଙ୍କ ନାମ ଘୋଷଣା କରାଯାଇଛି। ତେବେ ମଧ୍ୟ ପ୍ରଦେଶରୁ ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ଚୌହ୍ବାନ ସିଂଙ୍କୁ ଦଳ ଲୋକସଭାରେ ଲଢେଇ କରିବା ପାଇଁ ଘୋଷଣା କରିଛି। ତେବେ ଏହି ତାଲିକାରେ ଓଡିଶାର କାହାର ନାମ ଘୋଷଣା କରାଯାଇ ନାହିଁ।
