ଶିମଲା: ରାଜ୍ୟସଭା ନିର୍ବାଚନରେ କ୍ରସ ଭୋଟିଂ ପାଇଁ ଅଯୋଗ୍ୟ ହୋଇଥିବା ହିମାଚଳ ପ୍ରଦେଶର ୬ ଜଣ ବିଧାୟକ ଆନୁଷ୍ଠାନିକ ଭାବେ ବିଜେପିରେ ଯୋଗ ଦେଇଛନ୍ତି। ଏହି ବିଧାୟକଙ୍କ ମଧ୍ୟରେ କଂଗ୍ରେସର ସୁଧୀର ଶର୍ମା, ରବି ଠାକୁର, ରାଜେନ୍ଦ୍ର ସିଂ ରାଣା, ଚୈତନ୍ୟ ଶର୍ମା, ଦେବେନ୍ଦ୍ର ଭୁଟ୍ଟୋ, ଇନ୍ଦର ଦତ୍ତ ଲାଖାନପାଲ ଅଛନ୍ତି। ଏମାନଙ୍କ ବ୍ୟତୀତ ହିମାଚଳ ପ୍ରଦେଶର ତିନି ଜଣ ସ୍ୱାଧୀନ ବିଧାୟକ, ହୋସିଆର ସିଂ, କେ.ଏଲ୍ ଠାକୁର ଏବଂ ଆଶିଷ ଶର୍ମା ମଧ୍ୟ ଆନୁଷ୍ଠାନିକ ଭାବେ ବିଜେପିରେ ଯୋଗଦେବା ସମ୍ଭାବନା ରହିଛି।
୬ ଜଣ କଂଗ୍ରେସ ବିଧାୟକଙ୍କ ଅଯୋଗ୍ୟତା ପରେ ୬୨ ସଦସ୍ୟ ବିଶିଷ୍ଟ ହିମାଚଳ ପ୍ରଦେଶ ବିଧାନସଭାରେ କଂଗ୍ରେସ ସଦସ୍ୟଙ୍କ ସଂଖ୍ୟା ୩୯ ରୁ ୩୩ କୁ ହ୍ରାସ ପାଇଛି। ବିଧାନସଭାର ମୋଟ ୬୮ ସଦସ୍ୟ ଅଛନ୍ତି। ବିଜେପିରେ ୨୫ ଜଣ ବିଧାୟକ ଅଛନ୍ତି।
