Lok Sabha Elections 2024: ଲୋକସଭା ନିର୍ବାଚନ ୨୦୨୪ ର ପ୍ରଥମ ପର୍ଯ୍ୟାୟ ମତଦାନ ଆଜି ଶୁକ୍ରବାର ସକାଳ ୭:୦୦ ରେ ଆରମ୍ଭ ହୋଇଛି। ଏହି ପର୍ଯ୍ୟାୟରେ ୨୧ ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ମତଦାନ ହୋଉଛି। ଏଥିରେ ୧୦୨ ଟି ଆସନରେ ଭୋଟ ଗ୍ରହଣ ଚାଲିଛି।
ଭୋଟରମାନେ ଆଜି ସକାଳ ୭:୦୦ ରୁ ସନ୍ଧ୍ୟା ୬:୦୦ ପର୍ଯ୍ୟନ୍ତ ସେମାନଙ୍କର ମତାଧିକାର ସାବସ୍ତ କରିପାରିବେ। ଗତ ୨୦୧୯ ରେ ଶେଷ ସାଧାରଣ ନିର୍ବାଚନ ମଧ୍ୟ ସାତୋଟି ପର୍ୟ୍ୟାୟରେ ଅନୁଷ୍ଠିତ ହୋଇଥିଲା।
ଲୋକସଭା ନିର୍ବାଚନର ପ୍ରଥମ ପର୍ଯ୍ୟାୟରେ ସମୁଦାୟ ୧୬.୬୩ କୋଟି ଭୋଟର ମତଦାନ କରିବାକୁ ଯାଉଛନ୍ତି, ଯେଉଁଥିରେ ୧୬୨୫ ପ୍ରାର୍ଥୀଙ୍କ ଭାଗ୍ୟ ନିର୍ଣ୍ଣୟ ହେବ। ପ୍ରଥମ ପର୍ଯ୍ୟାୟରେ ଯେଉଁ ଭେଟରାନଙ୍କ ଭାଗ୍ୟ ପରୀକ୍ଷା ହେବ ସେମାନେ ହେଲ ନିତିନ ଗଡକରୀ, କିରେନ ରିଜିଜୁ, ଭୁପେନ୍ଦ୍ର ଯାଦବ ଏବଂ ଅର୍ଜୁନ ରାମ ମେଘୱାଲ ସହ ଅନେକ କେନ୍ଦ୍ର ମନ୍ତ୍ରୀ ଅଛନ୍ତି।