ନୂଆଦିଲ୍ଲୀ: ବିରୋଧୀ ଦଳ କେ ସୁରେଶଙ୍କୁ ଲୋକସଭା ବାଚସ୍ପତି ପଦ ପାଇଁ ପ୍ରାର୍ଥୀ ଘୋଷଣା କରିଥିବାବେଳେ ଏନଡିଏ ଓମ ବିର୍ଲାଙ୍କୁ ମନୋନୀତ କରିଛି। ଲୋକସଭା ବାଚସ୍ପତି ପଦ ପାଇଁ ଏପର୍ଯ୍ୟନ୍ତ ସର୍ବସମ୍ମତି କ୍ରମେ ଏହା ପ୍ରଥମ ନିର୍ବାଚନ ହେବ। କିନ୍ତୁ ଆପଣ ଜାଣନ୍ତି କି ଲୋକସଭା ବାଚସ୍ପତି ପଦ ପାଇଁ ମନୋନୀତ ପ୍ରାର୍ଥୀ କେତେ ବେତନ ଏବଂ କେଉଁ ସୁବିଧା ପାଆନ୍ତି? ଆସନ୍ତୁ ଜାଣିବା…..
ଲୋକସଭା ବାଚସ୍ପତି ନିର୍ବାଚନରେ ପ୍ରଥମ ଥର ପାଇଁ ମତଦାନ ଅନୁଷ୍ଠିତ ହେବ। ଏହାପୂର୍ବରୁ ଶାସକ ଦଳ ଏବଂ ବିରୋଧୀ ଦଳଙ୍କ ସହମତରେ ବାଚସ୍ପତି ହେଉଥିଲେ। ବାସ୍ତବରେ ଲୋକସଭାର ବାଚସ୍ପତି ମଧ୍ୟ ସଂସଦର ସଦସ୍ୟ ଅଟନ୍ତି। ୧୯୫୪ ଅଧିନିୟମ ଅନୁଯାୟୀ ଲୋକସଭା ବାଚସ୍ପତି ବେତନ ସହିତ ଭତ୍ତା ଏବଂ ପେନ୍ସନ୍ ମଧ୍ୟ ପାଇଥାନ୍ତି।
୧୯୫୪ ର ଅଧିନିୟମ ୨୦୧୦ ରେ ସଂଶୋଧିତ ହୋଇଥିଲା। ଲୋକସଭା ବାଚସ୍ପତି ସାଂସଦ ଭାବରେ ୧ ଲକ୍ଷ ଟଙ୍କା ଦରମା ପାଅନ୍ତି। ଏହା ବ୍ୟତୀତ ଅତିରିକ୍ତ ଭତ୍ତା ମଧ୍ୟ ପାଇଥାନ୍ତି। ବାଚସ୍ପତିଙ୍କୁ ତାଙ୍କର ସମ୍ପୂର୍ଣ୍ଣ କାର୍ଯ୍ୟକାଳ ପାଇଁ ସଂସଦ ଅଧିବେଶନ କିମ୍ବା ଅନ୍ୟାନ୍ୟ କମିଟି ବୈଠକରେ ଯୋଗଦେବା ପାଇଁ ଦୈନିକ ଭତ୍ତା ଦିଆଯାଏ।
କାର୍ଯ୍ୟକାଳ ସମାପ୍ତ ହେବା ପରେ ବାଚସ୍ପତି ପେନ୍ସନ୍, ଅତିରିକ୍ତ ଭତ୍ତା, ଭ୍ରମଣ ଭତ୍ତା, ମାଗଣା ଆବାସ, ମାଗଣା ବିଦ୍ୟୁତ୍ ଏବଂ ମାଗଣା ଫୋନ୍ ଭଳି ସୁବିଧା ପାଆନ୍ତି।
