ଆସିଫା ଇଣ୍ଡିଆ ଦ୍ୱାରା ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସ ଆୟୋଜିତ

ନୂଆଦିଲ୍ଲୀ: ଆନିମେସନକୁ ପ୍ରୋତ୍ସାହିତ କରୁଥିବା ୟୁନେସ୍କୋ ସ୍ୱୀକୃତିପ୍ରାପ୍ତ ବିଶ୍ୱସ୍ତରୀୟ ଏନଜିଓ ଆସିଫା ଇଣ୍ଡିଆ ସୂଚନା ଓ ପ୍ରସାରଣ ମନ୍ତ୍ରଣାଳୟର ସହଯୋଗରେ କ୍ରିଏଟ୍ ଇନ୍ ଇଣ୍ଡିଆ ଚ୍ୟାଲେଞ୍ଜର ଏକ ଅଂଶ ଭାବରେ ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସ ଆୟୋଜନ କରୁଛି, ଯାହା କି ବିଶ୍ୱସ୍ତରରେ ଭାରତର ସୃଜନଶୀଳ ନେତୃତ୍ୱକୁ ସୁଦୃଢ଼ କରିବା ପାଇଁ ଆନିମେସନ, ଭିଜୁଆଲ ଇଫେକ୍ଟସ ଏବଂ ଏକ୍ସଆରରେ ଅସାଧାରଣ ଉପଲବ୍ଧିକୁ ପାଳନ କରିବ।

ଏହି ସମ୍ମାନଜନକ ପୁରସ୍କାର ପାଇଁ ୧୫ ଡିସେମ୍ବର ୨୦୨୪ ପର୍ଯ୍ୟନ୍ତ ଏଣ୍ଟ୍ରି ଖୋଲା ରହିବ ଏବଂ ନୂଆଦିଲ୍ଲୀର ଭାରତ ମଣ୍ଡପମଠାରେ ବିଶ୍ୱ ଅଡିଓ ଭିଜୁଆଲ ଆଣ୍ଡ ଏଣ୍ଟରଟେନମେଣ୍ଟ ସମିଟ (ୱେଭ୍ସ) ୨୦୨୫ରେ ଏହି ପୁରସ୍କାର ପ୍ରଦାନ କରାଯିବ।

ୱେଭ୍ସ ଅଫ୍ ଏକ୍ସଲେନ୍ସ ପୁରସ୍କାର

ଛାତ୍ର ଏବଂ ବୃତ୍ତିଗତମାନଙ୍କ ପାଇଁ ଏହି ପୁରସ୍କାରରେ ଶ୍ରେଷ୍ଠ ଚରିତ୍ର ଆନିମେସନ୍, ଶ୍ରେଷ୍ଠ ଭିଜୁଆଲ୍ ଇଫେକ୍ଟସ ଏବଂ ଶ୍ରେଷ୍ଠ କ୍ଷୁଦ୍ର ଚଳଚ୍ଚିତ୍ର ଭଳି ବର୍ଗ ଅନ୍ତର୍ଭୁକ୍ତ। ବିଜେତାମାନେ ସରକାରଙ୍କ ‘କ୍ରିଏଟ୍ ଇନ୍ ଇଣ୍ଡିଆ’ ଅଭିଯାନ ସହ ଯୋଡ଼ି ହୋଇ ଭାରତର ସୃଜନଶୀଳ ବିପ୍ଳବର ଏକ ଅଂଶ ଭାବରେ ପରାମର୍ଶ, ଶିଳ୍ପ ନେତୃବୃନ୍ଦଙ୍କ ସହିତ ନେଟୱାର୍କିଂ ସୁଯୋଗ ଏବଂ ସ୍ୱୀକୃତି ପାଇବେ।

ଆଗାମୀ ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସରେ ଅଂଶଗ୍ରହଣ କରିଥିବା ନିର୍ମାତାଙ୍କୁ ପ୍ରେରଣା ଦେବା ପାଇଁ ଭାରତର ବିଭିନ୍ନ ସହରରେ ଆନ୍ତର୍ଜାତିକ ଆନିମେସନ୍ ଦିବସ ଉତ୍ସବ ଆୟୋଜନ କରାଯାଉଛି। ଆଗାମୀ ସପ୍ତାହରେ ପୁଣେ, ଇନ୍ଦୋର, ନାସିକ୍, ମୁମ୍ବାଇ, ନୋଏଡା, ବେଙ୍ଗାଲୁରୁ ଏବଂ ଅନ୍ୟାନ୍ୟ ସବ-ଚାପ୍ଟରରେ ଛାତ୍ରଛାତ୍ରୀ ଓ ବୃତ୍ତିଜୀବୀଙ୍କ ଅଂଶଗ୍ରହଣକୁ ପ୍ରୋତ୍ସାହିତ କରିବା ପାଇଁ ଏହା ପାଳନ କରାଯିବ।

ଏହା ପୂର୍ବରୁ ଆସିଫା ଇଣ୍ଡିଆ ୧୬-୧୭ ନଭେମ୍ବର ୨୦୨୪ ରେ ହାଇଦ୍ରାବାଦରେ ଏକ ସଫଳ ଅନ୍ତର୍ଜାତୀୟ ଆନିମେସନ ଦିବସ ଆୟୋଜନ କରିଥିଲା ଏବଂ ନଭେମ୍ବର ୨୧ରେ ଭୋପାଳ ଡିଜାଇନ ମହୋତ୍ସବରେ ଅଂଶଗ୍ରହଣ କରିଥିଲା ଯାହା ଆଗାମୀ ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସରେ ଅଂଶଗ୍ରହଣ ପାଇଁ ନିର୍ମାତାଙ୍କୁ ପ୍ରେରଣା ଦେଇଥିଲା।

ହାଇଦ୍ରାବାଦ ଆଇଏଡି’୨୪ ସମୟରେ ଶିଳ୍ପ ବିଶେଷଜ୍ଞଙ୍କ ସହ ପ୍ୟାନେଲ୍ ଆଲୋଚନା

୧୯୬୦ ମସିହାରେ ଫ୍ରାନ୍ସର ଆନେସି ଠାରେ ସ୍ଥାପିତ ଏବଂ ୨୪ ବର୍ଷ ଧରି ଭାରତରେ ସକ୍ରିୟ ଭାବରେ ସମୁଦାୟ ଗଠନ କରିବା ପାଇଁ ଆସିଫା କର୍ମଶାଳା, ସିଜି ମିଟ୍ ଅପ୍ ଏବଂ ଏହାର ଅନ୍ତର୍ଜାତୀୟ ଆନିମେସନ୍ ଡେ (ଆଇଏଡି) ଉତ୍ସବ ଭଳି କାର୍ଯ୍ୟକ୍ରମ ମାଧ୍ୟମରେ ପ୍ରତିଭା ଏବଂ ଉଦ୍ଭାବନକୁ ପ୍ରୋତ୍ସାହିତ କରିବାରେ ଏହାର ଅବଦାନ ପାଇଁ ପ୍ରସିଦ୍ଧ।

ୱେଭ୍ସ ଆୱାର୍ଡସ ଅଫ୍ ଏକ୍ସଲେନ୍ସ ୨୦୨୫ ଦାଖଲ ବିବରଣୀ:

ସମୟ ସୀମା: ୧୫ ଡିସେମ୍ବର ୨୦୨୪

ଦାଖଲ ପୋର୍ଟାଲ: https://filmfreeway.com/asifaiad

ଇଣ୍ଡିଆ ପାସ୍ : india10281892

ୱେଭସ ପାସକୋଡ୍: ASIFAIADINDIA25

ହାଇଦ୍ରାବାଦ: ଅନ୍ତର୍ଜାତୀୟ ଆନିମେସନ୍ ଦିବସ ଅବସରରେ ଆସିଫା ଇଣ୍ଡିଆର ସଭାପତି ସଞ୍ଜୟ ଖୀମେସରା ମାରିଆ ଏଲିନା ଗୁଟିରେଜ୍ ଙ୍କୁ ସମ୍ମାନିତ କରିଥିଲେ।