ନୂଆଦିଲ୍ଲୀ: ଭାରତୀୟ ମହିଳା କ୍ରିକେଟ୍ ଦଳ ପ୍ରଥମ ଥର ପାଇଁ ବିଶ୍ୱକପ୍ ଜିତି ଇତିହାସ ରଚିଛି। ନଭି ମୁମ୍ବାଇର ଡିୱାଇ ପାଟିଲ ଷ୍ଟାଡିୟମରେ ଦକ୍ଷିଣ ଆଫ୍ରିକାକୁ ୫୨ ରନରେ ପରାସ୍ତ କରି ଟିମ ଇଣ୍ଡିଆ ବିଶ୍ୱକପ୍ ଜିତିଛି। ଏହି ଅବସରରେ କେବଳ ଦେଶରୁ ନୁହେଁ ବରଂ ପଡ଼ୋଶୀ ପାକିସ୍ତାନରୁ ମଧ୍ୟ ପ୍ରତିକ୍ରିୟା ପ୍ରକାଶ ପାଇଛି।
ପୂର୍ବତନ ପାକିସ୍ତାନ ଅଧିନାୟକ ରମିଜ୍ ରାଜା ଏକ ଭିଡିଓରେ କହିଛନ୍ତି ଯେ, “ଭାରତ ପୁଣି ଥରେ ଦେଖାଦେଇଛି, ସେମାନେ କାହିଁକି ଏତେ ମହାନ ଦଳ, କାରଣ ସେମାନଙ୍କର ମିଶ୍ରଣ ବହୁତ ଭଲ। ଖେଳାଳିଙ୍କର ପ୍ରଦର୍ଶନ ଉଚ୍ଚକୋଟିର ଥିଲା। ସେମାନେ ଚାପ ସ୍ଥିତିକୁ ଆସିନଥିଲେ। ଏହା ଭାରତ ବିଷୟରେ ଏକ ମହାନ ଜିନିଷ ଦର୍ଶାଏ। ସେମାନେ ପରସ୍ପରର ସହଭାଗିତାକୁ ଉପଭୋଗ କରୁଛନ୍ତି, ଯାହା ଫଳାଫଳ ଆପଣଙ୍କ ସାମ୍ନାରେ ଅଛି।
ଭାରତୀୟ ମହିଳା ଦଳର ବିଜୟ ସମ୍ପର୍କରେ ପୂର୍ବତନ ଦ୍ରୁତ ବୋଲର ସୋଏବ ଅଖତର କହିଛନ୍ତି ଯେ, “ଭାରତକୁ ବିଜୟ ପାଇଁ ଅଭିନନ୍ଦନ। ଭାରତୀୟ ଝିଅମାନେ ଭଲ ଖେଳିଥିଲେ ଏବଂ ପ୍ରକୃତରେ ବିଜୟର ଯୋଗ୍ୟ ଥିଲେ। ଉତ୍ସବ ପାଳନ ଆପୀନ ସେମାନେ ଲୋକମାନଙ୍କୁ ସୁଯୋଗ ଦେଇଥିଲେ। ଟିମ୍ ଇଣ୍ଡିଆର ବୋଲିଂ ଏବଂ ବ୍ୟାଟିଂ ମଧ୍ୟ ବହୁତ ଭଲ ଥିଲା। ଏହା ସେମାନଙ୍କୁ ପୂର୍ଣ୍ଣ ମନୋବଳ ସହିତ ପଡ଼ିଆକୁ ଓହ୍ଲାଇବାରେ ସାହାଯ୍ୟ କରିଥିଲା।” ସୋଏବ ଅଖତର ଆହୁରି କହିଛନ୍ତି ଯେ, “ମୁଁ ଖୁସି ଯେ ଟିମ୍ ଇଣ୍ଡିଆ ଏକ ବଡ ବିଜୟ ହାସଲ କରିଛି।