Tesla in Gurugram: ଗୁରୁଗ୍ରାମ ରେ ଏକ ନୂଆ ସୋ ରୁମ ଖୋଲିବାକୁ ଯାଉଛି ଆମେରିକାର ପ୍ରଖ୍ୟାତ ଇଭି କାର ନିର୍ମାତା ଟେସଲା। ଏଇ ମାସ 23 ତାରିଖରେ ଏହାର ଉଦଘାଟନ ହେବ ବୋଲି ଟେସଲା କଂପାନୀ ତରଫରୁ କୁହାଯାଇଛି। ଏହା ଉଦଘାଟନ ହେଲେ ଟେସଲା ଭାରତରେ ସ୍ଥାପନ କରିଥିବା ସୋରୁମ ସଂଖ୍ୟା 3 ହେବ। ଫଳରେ ଭାରତରେ ଇଭି କାର ବଜାରକୁ ପୁରା ଅକ୍ତିୟାର କରିବା ପାଇଁ ଏହି କଂପାନୀ ପ୍ରୟାସ ଜାରି ରଖିଛି।
ପୂର୍ବରୁ ଟେସଲା ଗତ ଅଗଷ୍ଠ ମାସରେ ନୂଆ ଦିଲ୍ଲୀରେ ତାହାର ସୋ ରୁମ ପ୍ରତିଷ୍ଠା କରିଛି। ସେହିପରି ମୁମ୍ବାଇରେ ମଧ୍ୟ କଂପାନୀ ତାହାର ପ୍ରଥମ ସୋ ରୁମ ଗତ ଜୁଲାଇରେ ଆରମ୍ଭ କରିଛି। ମୁମ୍ବାଇରେ କଂପାନୀ ପ୍ରାୟ 4000 ସ୍କୋୟାରଫୁଟ ସ୍ଥାନରେ ବାନ୍ଦ୍ରା କୁରୁଲା କଂପ୍ଲେକ୍ସରେ ପ୍ରତିଷ୍ଠା କରିଛି। ବିଶ୍ବର ଅନ୍ୟତମ ବାଣିଜ୍ୟିକ ସହର ମୁମ୍ବାଇରେ ଟେସଲା ପ୍ରଥମ ସୋ ରୁମ ପ୍ରତିଷ୍ଠା କରି ବଜାରରେ ପ୍ରବେଶ କରିଛି।
ଏଲନ ମସ୍କଙ୍କ ପ୍ରତିଷ୍ଠିତ ଏହି କଂପାନୀ ଭାରତରେ 500 କିଲୋମିଟର ଏବଂ 622 କିଲୋମିଟର ରେଜଂ ଇଭି କାର ବିକ୍ରି କରୁଛି। ପରବର୍ତ୍ତି ସମୟରେ ଅନ୍ୟ ଭାରିଆଣ୍ଟ ଗାଡି ବିକ୍ରି ଆରମ୍ଭ ହେବ ବୋଲି ଜଣାପଡିଛି। ଭାରତରେ ବର୍ତ୍ତମାନ Tesla Model Y କାରର ମୂଲ୍ୟ ପ୍ରାୟ 60 ଲକ୍ଷ ଟଙ୍କା ପଡୁଛି। ଏଥିରେ 70 ପ୍ରତିଶତ ରପ୍ତାନୀ ଶୁଳ୍କ ମଧ୍ୟ ରହିଛି। ଏହି କାର ଟି ଆମେରିକୀୟ ବଜାର ଠାରୁ ପ୍ରାୟ 30 ପ୍ରତିଶତ ଅଧିକ ବୋଲି ଜଣାପଡିଛି।
South India Natural Farming Summit 2025: PM Modi addresses Event in Coimbatore (To Read Click Here)
