Konark Festival 2025: ଆଜି ସଂଧ୍ୟାରୁ ଆରମ୍ଭ ହେବ ଅନ୍ତର୍ଜାତୀୟ କୋଣାର୍କ ଉତ୍ସବ। ପାଞ୍ଚଦିନ ଧରି କୋଣାର୍କ ମନ୍ଦିର ନିକଟସ୍ଥ ମୁକ୍ତାକାଶ ରଂଗମଞ୍ଚରେ ଏହି ଉତ୍ସବ ଚାଲିବ। ରାଜ୍ୟ ପର୍ଯ୍ୟଟନ ବିଭାଗ ଓ ସଂସ୍କୃତି ବିଭାଗ ମିଳିତ ଉଦ୍ୟମରେ ଏହି ଉତ୍ସବ ଦୀର୍ଘ ବର୍ଷ ଧରି ଆୟୋଜିତ ହୋଇ ଆସୁଛି।
ଆଜି ଏହି ଉତ୍ସବକୁ ମୁଖ୍ୟମନ୍ତ୍ରୀ ମୋହନ ମାଝୀ ପ୍ରଦୀପ ପ୍ରଜ୍ଜୋଳନ କରି ଉଦଘାଟନ କରିବେ। ପାଞ୍ଚଦିନ ଧରି ଏହି ଉତ୍ସବରେ ଭାରତୀୟ ଶାସ୍ତ୍ରୀୟ ନୃତ୍ୟ ପରିବେଷଣ କରାଯିବ। ଏଥରେ ଓଡିଶୀ, ଭାରତନାଟ୍ୟମ, କୁଚୁପୁଡି ଏବଂ କଥକଲ୍ଲି ପ୍ରମୁଖ ନୃତ୍ୟ ପରିବେଷଣ କରାଯିବ।
କୋଣାର୍କ ଉତ୍ସବର ପାଞ୍ଚଦିନିଆ କାର୍ଯ୍ୟକ୍ରମ
ପ୍ରଥମ ଦିନ- ନୃତ୍ୟ ଉପାସନା ପିଠ ଦ୍ବାରା ଓଡିଶୀ ନୃତ୍ୟ ପରିବେଷଣ ସହିତ ହାଇଦ୍ରାବାଦର ଶଙ୍କରାନନ୍ଦ କଳାକ୍ଷେତ୍ର ଦ୍ବାରା ପରିବେଷଣ ହେବ ଭାରତନାଟ୍ୟମ
ଦ୍ବିତୀୟ ଦିନ- ପ୍ରଥମ କାର୍ଯ୍ୟକ୍ରମ ବାଙ୍ଗୁଲୁରର ସମ୍ଭବି ନୃତ୍ୟ ଅନୁଷ୍ଠାନର କୁଚୁପୁଡି ସହିତ କୋଲକାତାର ଓଡିଶୀ ଭିଜନ ଓ ମୁଭମେଣ୍ଟ ସେଣ୍ଟର ଗୁରୁ ଶର୍ମିଳା ବିଶ୍ବାସଙ୍କ ନୃତ୍ୟ ସଂଯୋଜନାରେ ଓଡିଶୀ
ତୃତୀୟ ଦିନ– ଗୁରୁ ରତିକାନ୍ତ ମହାପାତ୍ରଙ୍କ ସୃଜନ ଅନୁଷ୍ଠାନର ଓଡିଶୀ ସହିତ କେରଳ କଳା ମଣ୍ଡଳମର କଥକଲ୍ଲୀ ପରିବେଷଣ କରାଯିବ
ଚତୁର୍ଥ ଦିନ- କୋଲକାତାର ମଣିପୁରୀ ନୃତ୍ୟାଳୟ ଅନୁଷ୍ଠାନର ମଣିପୁରୀ ନୃତ୍ୟ ସହିତ ପରିବେଷଣ ହେବ ଭାରତୀ ନୃତ୍ୟ ମନ୍ଦିର ଅନୁଷ୍ଠାନର ଓଡିଶୀ ନୃତ୍ୟ
ପଞ୍ଚମ ଦିନ– ଭୁବନେଶ୍ବରର ଉତ୍କଳ ଡ୍ୟାନସ ଓ ଗବେଷଣା କେନ୍ଦ୍ରର ଓଡିଶୀ ନୃତ୍ୟ ସହିତ ଅହମ୍ମଦାବାଦର ସଂଯୁକ୍ତା ସିହ୍ନା ଡ୍ୟାନସ ଏକାଡେମୀର କଥକ ନୃତ୍ୟ ପରିବେଷଣ ହେବ।
