ନୂଆଦିଲ୍ଲୀ: ୨୦୨୬ ଟି-୨୦ ବିଶ୍ୱକପ୍ ଆସନ୍ତା ବର୍ଷ ଫେବୃଆରୀ-ମାର୍ଚ୍ଚରେ ଖେଳାଯିବାର କାର୍ଯ୍ୟକ୍ରମ ରହିଛି। ଭାରତର ପ୍ରଥମ ମ୍ୟାଚ୍ ଫେବୃଆରୀ ୭ ତାରିଖରେ ଆମେରିକା ବିପକ୍ଷରେ ହେବ। ICC ଅଧ୍ୟକ୍ଷ ଜୟ ଶାହ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ପ୍ରଥମ ବିଶ୍ୱକପ୍ ଟିକେଟ୍ ଲଞ୍ଚ କରିଛନ୍ତି। ସେ ଲୁଇସ୍ ସୁଆରେଜ୍ ଏବଂ ରୋଡ୍ରିଗୋ ଡି ପାଲଙ୍କୁ ଭାରତର ଟି-୨୦ ବିଶ୍ୱକପ୍ ଜର୍ସି ମଧ୍ୟ ପ୍ରଦାନ କରିଛନ୍ତି। ଏହଗି ସମୟରେ ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ମଧ୍ୟ ଉପସ୍ଥିତ ଥିଲେ।
ଜୟ ଶାହ ମେସିଙ୍କୁ ଭାରତ ବନାମ ଆମେରିକା ଟି-୨୦ ବିଶ୍ୱକପ୍ ମ୍ୟାଚ୍ ପାଇଁ ଟିକେଟ୍ ପ୍ରଦାନ କରିଥିଲେ, ଯାହା ଫେବୃଆରୀ ୭ ତାରିଖରେ ଖେଳାଯିବ। ଟି-୨୦ ବିଶ୍ୱକପ୍ ଫେବୃଆରୀ ୭ ତାରିଖରୁ ମାର୍ଚ୍ଚ ୮ ତାରିଖ ପର୍ଯ୍ୟନ୍ତ ଖେଳାଯିବ।
ଏହା ଲିଓନେଲ ମେସିଙ୍କ GOAT ଟୁରର ତୃତୀୟ ଏବଂ ଶେଷ ଦିନ ଥିଲା। ସେ ପୂର୍ବରୁ କୋଲକାତା, ହାଇଦ୍ରାବାଦ ଏବଂ ମୁମ୍ବାଇ ଗସ୍ତ କରିଥିଲେ। ମେସି, ସୁଆରେଜ୍ ଏବଂ ଡି ପାଲ ମଧ୍ୟ ଅରୁଣ ଜେଟଲି ଷ୍ଟାଡିୟମରେ ପିଲାମାନଙ୍କ ସହିତ ଫୁଟବଲ୍ ଖେଳିଥିଲେ।
ଅରୁଣ ଜେଟଲି ଷ୍ଟାଡିୟମରେ ଏକ ପ୍ରଦର୍ଶନୀ ମ୍ୟାଚ୍ ମଧ୍ୟ ଖେଳାଯାଇଥିଲା। ମିନର୍ଭା ମେସି ଅଲଷ୍ଟାର୍ସ ସେଲିବ୍ରିଟି ମେସି ଅଲଷ୍ଟାର୍ସକୁ ୬-୦ ଗୋଲରେ ପରାସ୍ତ କରିଥିଲେ। ମୋଟ ୨୨,୦୦୦ ଦର୍ଶକ ଷ୍ଟାଡିୟମରେ ଉପସ୍ଥିତ ଥିଲେ ଏବଂ “ମେସି, ମେସି!” ସ୍ଲୋଗାନ ଦେଇଥିଲେ। ମେସି, ସୁଆରେଜ ଏବଂ ଡି ପଲ୍ ପ୍ରଶଂସକଙ୍କ ଅଭିବାଦନ ଗ୍ରହଣ କରି ପଡିଆ ପରିକ୍ରମା କରିଥିଲେ। ସେମାନେ ବଲକୁ ଭିଡ଼ ଭିତରକୁ ଫିଙ୍ଗି ଥିଲେ।