ନୂଆଦିଲ୍ଲୀ: ଜିମ୍ବାୱେ କ୍ରିକେଟ୍ ଦଳ ଇତିହାସ ରଚିଛି। ଆଜି ଆୟରଲ୍ୟାଣ୍ଡ ସହିତ ମ୍ୟାଚ୍ ବାତିଲ ହେବା ପରେ ଜିମ୍ବାୱେ ସୁପର ୮ ପର୍ଯ୍ୟାୟ ପାଇଁ ଯୋଗ୍ୟତା ଅର୍ଜନ କରିଛି। ଏହା ଟି-୨୦ ବିଶ୍ୱକପ ଇତିହାସରେ ଦ୍ୱିତୀୟ ଥର ପାଇଁ ଅଷ୍ଟ୍ରେଲିଆ ଗ୍ରୁପ୍ ପର୍ଯ୍ୟାୟରୁ ବାଦ୍ ପଡ଼ିଛି। ଆଜି ଶ୍ରୀଲଙ୍କାର ପାଲେକେଲରେ ଜିମ୍ବାୱେ ଏବଂ ଆୟରଲ୍ୟାଣ୍ଡ ଖେଳିବାର କାର୍ଯ୍ୟକ୍ରମ ଥିଲା, କିନ୍ତୁ ପ୍ରବଳ ବର୍ଷା ଯୋଗୁଁ ଟସ୍ ବାତିଲ ହୋଇଯାଇଥିଲା।
ଜିମ୍ବାୱେ ଇତିହାସ ରଚିଛି
ପ୍ରଥମ ଥର ପାଇଁ ଜିମ୍ବାୱେ ଟି-୨୦ ବିଶ୍ୱକପର ସୁପର ୮ ପର୍ଯ୍ୟାୟ ପାଇଁ ଯୋଗ୍ୟତା ଅର୍ଜନ କରିଛି। ୨୦୨୪ ମସିହାରେ ବିଶ୍ୱକପ୍ ଫର୍ମାଟ୍ ପରିବର୍ତ୍ତନ ହେବା ପରଠାରୁ ଏହା ପ୍ରଥମ ଥର ପାଇଁ ଜିମ୍ବାୱେ ଗ୍ରୁପ୍ ପର୍ଯ୍ୟାୟ ଅତିକ୍ରମ କରିଛି। ତଥାପି ଏହା କେବଳ ଦ୍ୱିତୀୟ ଥର ପାଇଁ ଜିମ୍ବାୱେ ଟି-୨୦ ବିଶ୍ୱକପରେ ଗ୍ରୁପ୍ ପର୍ଯ୍ୟାୟ ଅତିକ୍ରମ କରିଛି। ୨୦୨୨ ମସିହାରେ ସେମାନେ ଶେଷ ୧୨ ପାଇଁ ଯୋଗ୍ୟତା ଅର୍ଜନ କରିଥିଲେ, କିନ୍ତୁ ଫର୍ମାଟ୍ ପରିବର୍ତ୍ତନ ହେବା ପରଠାରୁ, ଜିମ୍ବାୱେ ପ୍ରଥମ ଥର ପାଇଁ ସୁପର ୮ରେ ପହଞ୍ଚିଛି।
ଅଷ୍ଟ୍ରେଲିଆ ବାଦ
ଅଷ୍ଟ୍ରେଲିଆ ଏପର୍ଯ୍ୟନ୍ତ ତିନୋଟି ମ୍ୟାଚ୍ ରୁ କେବଳ ଗୋଟିଏ ବିଜୟ ହାସଲ କରିଛି। ଅନ୍ୟପକ୍ଷରେ ଜିମ୍ବାୱେ ସେମାନଙ୍କର ଦୁଇଟି ମ୍ୟାଚ୍ ଜିତିଛନ୍ତି। ଅଷ୍ଟ୍ରେଲିଆ ଆଶା କରିବ ଯେ, ଆୟର୍ଲାଣ୍ଡ କୌଣସି ପ୍ରକାରେ ଜିମ୍ବାୱେକୁ ପରାସ୍ତ କରିବ, କାରଣ ଏହା ଅଷ୍ଟ୍ରେଲିଆର ସୁପର ୮ ଆଶାକୁ ଉଜ୍ଜୀବିତ ରଖିପାରିବ। ତଥାପି ଆଜିର ମ୍ୟାଚ୍ ଡ୍ରରେ ଶେଷ ହେବା ସହିତ ଜିମ୍ବାୱେର ମୋଟ ପଏଣ୍ଟ ୫ କୁ ବୃଦ୍ଧି ପାଇଛି। ମିନତୁ ସେପଟେ ଅଷ୍ଟ୍ରେଲିଆ ସର୍ବାଧିକ ୪ ପଏଣ୍ଟ ହାସଲ କରିପାରିବ।
ଫଳସ୍ୱରୂପ, ଅଷ୍ଟ୍ରେଲିଆ ୨୦୨୬ ଟି-୨୦ ବିଶ୍ୱକପର ଗ୍ରୁପ ପର୍ଯ୍ୟାୟରୁ ବାଦ ପଡ଼ିଛି। ପୂର୍ବରୁ ୨୦୦୯ ବିଶ୍ଵକପରେ ଅଷ୍ଟ୍ରେଲିଆ ଗ୍ରୁପ ପର୍ଯ୍ୟାୟ ଅତିକ୍ରମ କରିପାରିନଥିଲା। ଏପର୍ଯ୍ୟନ୍ତ ମୋଟ ୭ ଟି ଦଳ ଟି-୨୦ ବିଶ୍ୱକପର ସୁପର ୮ ପାଇଁ ଯୋଗ୍ୟତା ଅର୍ଜନ କରିଛନ୍ତି। ଏହି ଦଳଗୁଡ଼ିକ ହେଉଛି ଭାରତ, ଶ୍ରୀଲଙ୍କା, ଜିମ୍ବାୱେ, ୱେଷ୍ଟଇଣ୍ଡିଜ୍, ଇଂଲଣ୍ଡ, ଦକ୍ଷିଣ ଆଫ୍ରିକା ଏବଂ ନ୍ୟୁଜିଲ୍ୟାଣ୍ଡ।