ନୂଆଦିଲ୍ଲୀ: ଆଜି ରାଜ୍ୟସଭା ସଦସ୍ୟ ଭାବେ ଓଡିଶାର ତିନିଜଣ ଶପଥ ପାଠ କରିଛନ୍ତି। ସେମାନେ ହେଲେ ମନମୋହନ ସାମଲ, ସନ୍ତୃପ୍ତ ମିଶ୍ର ଏବଂ ଦିଲ୍ଲୀପ ରାୟ। ରାଜ୍ୟସଭା ଅଧ୍ୟକ୍ଷ ଶ୍ରୀ ସି.ପି. ରାଧାକ୍ରିଷ୍ଣନ୍ ଏମାନଙ୍କୁ ଶପଥପାଠ କରାଇଥିଲେ। ଏହି ସଦସ୍ୟଗଣ ଓଡିଆରେ ସେମାନଙ୍କ ଶପଥପାଠ କରିଥିଲେ। ଆଜି ମୋଟ ୧୯ ଜଣ ଶପଥ ଗ୍ରହଣ କରିଥିଲେ।
ଆଜି ରାଜ୍ୟସଭା ଅଧ୍ୟକ୍ଷ ବିଭିନ୍ନ ରାଜ୍ୟରୁ ନିର୍ବାଚିତ ହୋଇ ଆସିଥିବା ସଦସ୍ୟମାନଙ୍କୁ ଶପଥ ପାଠ କରାଇଥିଲେ। ସେଥିରେ ଓଡିଶାରୁ ଚାରିଜଣଙ୍କ ମଧ୍ୟରୁ ଆଜି ତିନିଜଣ ଶପଥ କରିଥିଲେ। ଏଥିସହିତ ଅନ୍ୟ ରାଜ୍ୟର ଯେଉଁମାନେ ଶପଥ କରିଥିଲେ ସେମାନେ ହେଲେ ଶ୍ରୀ ରାମଦାସ ବାନ୍ଦୁ ଆଥୱାଲେ, ଶ୍ରୀମତି ମାୟା ଚିଣ୍ଟମାନ ଇଭନାଟେ, ଶ୍ରୀ ଶରଦଚନ୍ଦ୍ର ପାୱାର, ଶ୍ରୀ ରାମରାଓ ସାଖରାମ ୱାଡକ୍ୟୁଟ୍, ଡକ୍ଟର ଜ୍ୟୋତି ନାଗନାମ୍ ୱାଗମ୍ରେ, , ଶ୍ରୀ ଖ୍ରୀଷ୍ଟୋଫର ମାଣିକମ୍, ଡକ୍ଟର ଅନ୍ବୁମାନି ରାମାଦୋସ୍, ଶ୍ରୀ କନଷ୍ଟାଣ୍ଡାଇନ୍ ରବିନ୍ଦ୍ରନ୍, ଶ୍ରୀ ତିରୁଚି ଶିବ, ଶ୍ରୀ ବାବୁଲ ସୁପ୍ରିୟା ବାରାଲ, ଡ. ମେନାକା ଗୁରୁସ୍ୱାମୀ, ଶ୍ରୀ ରାଜୀବ କୁମାର, ସୁଶ୍ରୀ ରୁକ୍ମିଣୀ ମଲ୍ଲିକ, ଶ୍ରୀ ବିଶ୍ୱଜିତ୍ ସିହ୍ନା।
ତିନିଜଣ ସଦସ୍ୟ ମରାଠୀରେ, ଦୁଇଜଣ ହିନ୍ଦୀରେ, ଛଅ ଜଣ ତାମିଲରେ, ଜଣେ ଇଂରାଜୀରେ, ଚାରିଜଣ ବଙ୍ଗାଳୀରେ ଏବଂ ତିନିଜଣ ଓଡିଆରେ ଶପଥ ଗ୍ରହଣ କରିଥିଲେ। ପାଞ୍ଚଜଣ ସଦସ୍ୟ ମହାରାଷ୍ଟ୍ର ରାଜ୍ୟରୁ, ଛଅ ଜଣ ତାମିଲନାଡୁର, ପାଞ୍ଚ ଜଣ ପଶ୍ଚିମବଙ୍ଗ ଏବଂ ତିନିଜଣ ଓଡିଶାର।
ସଂସଦୀୟ ବ୍ୟାପାର ଏବଂ ସଂଖ୍ୟାଲଘୁ ବ୍ୟାପାର ମନ୍ତ୍ରୀ ଶ୍ରୀ କିରେନ ରିଜିଜୁ; ଶ୍ରୀ ଜୁଆଲ ଓରାମ, ଆଦିବାସୀ ବ୍ୟାପାର ମନ୍ତ୍ରୀ; ଏହି ଅବସରରେ ରାଜ୍ୟସଭାର ମହାସଚିବ ଶ୍ରୀ ପି ସି ମୋଡି ଏବଂ ସଚିବାଳୟର ଅନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।