ନୂଆଦିଲ୍ଲୀ: ଶହଜାଦ ଭଟିଙ୍କ ଆତଙ୍କବାଦୀ ନେଟୱାର୍କ ସମ୍ପର୍କରେ ପାକିସ୍ତାନର ଦାବିର ଜବାବ ଦେଇଛି ବୈଦେଶିକ ବ୍ୟାପାର ମନ୍ତ୍ରଣାଳୟ। ଆତଙ୍କବାଦ ପ୍ରସଙ୍ଗରେ ପାକିସ୍ତାନକୁ କଡ଼ା ଜବାବ ଦେବା ସମୟରେ ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସ୍ଵାଲ କହିଛନ୍ତି ଯେ, “ଆତଙ୍କବାଦର ଏହି ଅଭିଶାପକୁ ପରାସ୍ତ କରିବା ପାଇଁ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଆମେ ଗ୍ରହଣ କରିବୁ।”
ସେ କହିଛନ୍ତି ଯେ, “ଆତଙ୍କବାଦ ସମ୍ବନ୍ଧୀୟ ପ୍ରସଙ୍ଗ ଅତ୍ୟନ୍ତ ଗମ୍ଭୀର ଏବଂ ଆମେ ସେଗୁଡ଼ିକୁ ବହୁତ ଗମ୍ଭୀରତାର ସହିତ ନେଉଛୁ। ଆମେ ଚାହୁଁଛୁ ଯେ, ବିଶ୍ୱ ସମ୍ପ୍ରଦାୟ ଏପରି କାର୍ଯ୍ୟର ଗୁରୁତ୍ୱକୁ ବୁଝିବା ଉଚିତ। ଭାରତ ଆତଙ୍କବାଦ ଦ୍ୱାରା ଗୁରୁତର ପ୍ରଭାବିତ ହୋଇଛି। ଗତ କିଛି ବର୍ଷ ଧରି ଆମେ ସୀମାପାର ଆତଙ୍କବାଦ ସମେତ ଆତଙ୍କବାଦର ମୁକାବିଲା ପାଇଁ ବିଶ୍ୱସ୍ତରୀୟ କାର୍ଯ୍ୟାନୁଷ୍ଠାନକୁ ତ୍ୱରାନ୍ୱିତ ଏବଂ ମଜବୁତ କରିବା ପାଇଁ ଗୁରୁତ୍ୱପୂର୍ଣ୍ଣ ପ୍ରୟାସ କରିଛୁ। ଆତଙ୍କବାଦ ବିରୁଦ୍ଧରେ ଆମର ଲଢ଼େଇ ଜାରି ରହିବ।” ଆତଙ୍କବାଦର ଏହି ଅଭିଶାପକୁ ପରାସ୍ତ କରିବା ପାଇଁ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଆମେ ଗ୍ରହଣ କରିବୁ।
ଆତଙ୍କବାଦୀ ମଡ୍ୟୁଲ୍ ବିଷୟରେ ସାମ୍ବାଦିକଙ୍କ ପ୍ରଶ୍ନର ଉତ୍ତର ଦେଇ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସ୍ଵାଲ୍ ଆଜି କହିଛନ୍ତି ଯେ, “ଏଠାରେ ସକ୍ରିୟ ଥିବା ଆତଙ୍କବାଦୀ ମଡ୍ୟୁଲ୍ ଏବେ ଭାଙ୍ଗି ଦିଆଯାଇଛି। ଭାରତ ସରକାର ଏ ସମ୍ପର୍କରେ ପୂର୍ବରୁ ନିଜର ସ୍ଥିତି ସ୍ପଷ୍ଟ କରିସାରିଛନ୍ତି, ଏବଂ ଆମେ ଏହା ସହିତ ଅଛୁ।”