ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ‘ମନ କି ବାତ୍’ କାର୍ଯ୍ୟକ୍ରମରେ ପାକିସ୍ତାନ ଉପରେ ହୋଇଥିବା ସର୍ଜିକାଲ୍ ଷ୍ଟ୍ରାଇକ୍ ବିଷୟରେ ଉଲ୍ଲେଖ କରିଛନ୍ତି। ୧୦ ବର୍ଷ ପୂରଣର ଗୋଟିଏ ଦିନ ପୂର୍ବରୁ ଆଜି ସେ କହିଛନ୍ତି ଯେ, ସର୍ଜିକାଲ୍ ଷ୍ଟ୍ରାଇକ୍ ଦ୍ୱାରା ବିଶ୍ୱ ଆଶ୍ଚର୍ଯ୍ୟ ହୋଇଯାଇଥିଲା। ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଆମ ଦେଶର ଏକ ଆତଙ୍କବାଦ ବିରୋଧୀ ନୀତି ଅଛି, ଏବଂ ଏହି ଆକ୍ରମଣ ସମସ୍ତଙ୍କୁ ଏହାର ବାର୍ତ୍ତା ଦେଇଛି।
କାର୍ଯ୍ୟକ୍ରମର ଆରମ୍ଭରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, “ମୁଁ ଦେଶର ସମସ୍ତ ଲୋକଙ୍କୁ ସ୍ୱାଗତ କରୁଛି। ‘ମନ କି ବାତ୍’ରେ, ଆମେ ଆମ ଦେଶବାସୀଙ୍କ ସକାରାତ୍ମକ ପ୍ରୟାସ ପାଇଁ ଏକ ମଞ୍ଚ ପ୍ରଦାନ କରୁ। ଆମେ ଦେଶର ସଫଳତା ବିଷୟରେ କଥା ହେଉ। ଭାରତର ଏପରି ଏକ ପ୍ରମୁଖ ଐତିହାସିକ ସଫଳତା ଗୋଟିଏ ଦିନରେ ୧୦ ବର୍ଷ ପୂରଣ ହେବ। ଏହି ସଫଳତା ହେଉଛି ‘ସର୍ଜିକାଲ୍ ଷ୍ଟ୍ରାଇକ୍’।”
ସେ କହିଛାଣ୍ଟ ଯେ, ସର୍ଜିକାଲ୍ ଷ୍ଟ୍ରାଇକ୍ ଆତଙ୍କବାଦୀ ଆକ୍ରମଣ ଯୋଗୁଁ ଭାରତ ଯେଉଁ ଦୀର୍ଘକାଳୀନ ଯନ୍ତ୍ରଣା ସହିଥିଲା ତାହାର ଏକ ନିର୍ଣ୍ଣାୟକ ପ୍ରତିକ୍ରିୟା ଥିଲା। ଗତ ଦଶନ୍ଧି ମଧ୍ୟରେ ଭାରତର ବିକଶିତ ରଣନୀତି ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଛନ୍ତି ଯେ, ବାଲାକୋଟ ଏୟାରଷ୍ଟ୍ରାଇକରୁ ଅପରେସନ ସିନ୍ଦୂର ପର୍ଯ୍ୟନ୍ତ, ଭାରତ ବାରମ୍ବାର ସ୍ପଷ୍ଟ ବାର୍ତ୍ତା ଦେଇଛି ଯେ ଯଦି ଆତଙ୍କବାଦୀମାନେ ଭାରତ ଉପରେ ଆକ୍ରମଣ କରିବାକୁ ସାହସ କରନ୍ତି, ତେବେ ସେମାନଙ୍କୁ ଉପଯୁକ୍ତ ଜବାବ ଦିଆଯିବ।
ଦେଶର ଅତୀତକୁ ମନେ ପକାଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, “ଏକ ସମୟ ଥିଲା ଯେତେବେଳେ ଭାରତରେ ସିରିଏଲ ବିସ୍ଫୋରଣ ସାଧାରଣ ଥିଲା। ଏହି ସେପ୍ଟେମ୍ବର ମାସରେ, ସେପ୍ଟେମ୍ବର ୧୩, ୨୦୦୮ରେ, ଦିଲ୍ଲୀରେ ସିରିଏଲ ବିସ୍ଫୋରଣରେ ଅନେକ ନିର୍ଦ୍ଦୋଷ ଲୋକ ପ୍ରାଣ ହରାଇଥିଲେ। ମାତ୍ର କିଛି ସପ୍ତାହ ପରେ, ମୁମ୍ବାଇରେ ୨୬/୧୧ର ବଡ଼ ଆକ୍ରମଣ ଘଟିଥିଲା।”
ସେ କହିଛନ୍ତି ଯେ, ଅତୀତରେ ପ୍ରତ୍ୟେକ ଆତଙ୍କବାଦୀ ଆକ୍ରମଣ ପରେ ପାକିସ୍ତାନ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ଦାବି ହେଉଥିଲା। କିନ୍ତୁ ଏହାକୁ ଅଣଦେଖା କରାଯାଇଥିଲା ଏବଂ ସମୟ ଅତିକ୍ରମ କରିବାକୁ ଦିଆଯାଇଥିଲା। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, “ବର୍ତ୍ତମାନ ଭାରତ ଆତଙ୍କବାଦ ବିରୁଦ୍ଧରେ ଶୂନ୍ୟ-ସହନଶୀଳତା ନୀତି ଅନୁସରଣ କରୁଛି ଏବଂ ଆମେ ଏହାର ଫଳାଫଳ ଦେଖୁଛୁ।”