ଭୁବନେଶ୍ୱର: ରାଜ୍ୟର ୩.୨୫ କୋଟି ଲୋକେ ପ୍ରତି ମାସରେ ପାଉଥିବା ୫ କିଲୋଗ୍ରାମ ଚାଉଳକୁ ଓଡ଼ିଶା ବିଜେପି କିପରି ଛଡ଼ାଇ ନେଇଛି ବିଜେଡି ତାହାର ପର୍ଦ୍ଦାଫାସ କରିବ ବୋଲି କହଛନ୍ତି ବିଜେଡି ମୁଖପାତ୍ର ଲେନିନ୍ ମହାନ୍ତି ।
ଆଜି ଏକ ସାମ୍ବାଦିକ ସମ୍ମିଳନୀରେ ଶ୍ରୀ ମହାନ୍ତି କହିଛନ୍ତି ଯେ ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାକୁ ବନ୍ଦ କରି ଓଡିଶା ବିଜେପି ରାଜ୍ୟର ୩.୨୫ କୋଟି ଗରିବ ଲୋକଙ୍କୁ ମିଳୁଥିବା ୫ କିଲୋ ଚାଉଳକୁ ଛଡାଇ ନେଇଛି ।
ଏ ପରିପ୍ରେକ୍ଷୀରେ ବିଜୁ ଜନତା ଦଳ ଓଡିଶା ବିଜେପି ବିରୋଧରେ ସାରା ରାଜ୍ୟରେ ଆନ୍ଦୋଳନ କରିବ ଏବଂ ଓଡିଶାର ଗରିବ ଲୋକଙ୍କ ଠାରୁ ଛଡାଇ ନିଆଯାଇଥିବା ୫ କେଜି ମାଗଣା ଚାଉଳ ଯେଭଳି ପୁଣି ଥରେ ସେମାନଙ୍କୁ ମିଳିବ ସେ ଦିଗରେ ଉଦ୍ୟମ ଜାରି ରଖିବ ବୋଲି ଶ୍ରୀ ମହାନ୍ତି କହିଛନ୍ତି ।
