ପୁରୀ: ପୁରୀରେ ଚାଲିଥିବା ଶ୍ରୀମନ୍ଦିର ପରିକ୍ରମା ପ୍ରକଳ୍ପର ଉଦଘାଟନ ସମାରୋହରେ ଯୋଗ ଦେବା ପାଇଁ ଜଗତଗୁରୁ ଶଙ୍କରାଚାର୍ଯ୍ୟଙ୍କୁ ନିମନ୍ତ୍ରଣ କରାଯାଇଛି। ଆଜି ସକାଳୁ ଶ୍ରୀମନ୍ଦିର ପ୍ରଶାସନର ମୁଖ୍ୟ ପ୍ରଶାସକ ରଂଜନ ଦାସଙ୍କ ସହ ପାଞ୍ଚ ଜଣିଆ ସଦସ୍ୟ ଶଙ୍କରାଚାର୍ଯ୍ୟଙ୍କୁ ନିମନ୍ତ୍ରଣ କରିଛନ୍ତି।
ଏଥିରେ ପରିଚାଳନା କମିଟର ସଦସ୍ୟ ଅଶୋକ ମହାପାତ୍ର, ମାଧବ ମହାପାତ୍ର, ମଣ୍ଟୁ ସିଂହାରୀ ଏବଂ ଦୁର୍ଗାଦାସ ମହାପାତ୍ର ସାମିଲ ଥିଲେ। ଏହି ସଦସ୍ୟଗଣ ଜଗଦଗୁରୁଙ୍କୁ ନିମନ୍ତ୍ରଣ କରିବା ସହିତ ପରିକ୍ରମା ପ୍ରକଳ୍ପ ସଂପର୍କରେ ଅବଗତ କରାଇଥିଲେ। ଆସନ୍ତା ଜାନୁୟାରୀ 17 ତାରିଖରେ ଏହି ପ୍ରକଳ୍ପର ଉଦଘାଟନ କରାଯିବ।
