ଭୁବନେଶ୍ଵର: ନୂଆପଡ଼ା ଜିଲ୍ଲା ପ୍ରାଣୀ ଚିକିତ୍ସା ଇତିହାସରେ ପ୍ରଥମ ଘଟଣା, ଦୁର୍ଘଟଣା ରେ ଆହତ ହୋଇଥିବା ଏକ ବିଷାକ୍ତ ନାଗ ସାପ ଖଡିଆଳ ପ୍ରାଣୀ ଚିକିତ୍ସାଳୟ ରେ ଅସ୍ତ୍ରୋପଚାର। ଖଡିଆଳ ଲାଲ ସାହେବ୍ ପଡ଼ା ଠାରେ ଏହି ବିଷାକ୍ତ ନାଗ ସାପ ସଡ଼କ ଅତିକ୍ରମ କରୁଥିବା ବେଳେ ଏକ ଜେସିପି ଭାରି ଗାଡ଼ି ମାଡ଼ି ଯାଇଥିଲା। ଫଳରେ ବହୁ ପୁରୁଣା ନାଗ ସାପ ଦୁର୍ଘଟଣା ର ଶିକାର ହୋଇଥିଲା। ନାଗ ସାପ ଆସି ସାମ୍ବାଦିକ ତପନ ଦାଶ ଙ୍କ ଘର ସମ୍ମୁଖ ରେ ପଡ଼ିଥିବା ବେଳେ ତାଙ୍କୁ ଉଦ୍ଧାର କରି ଚିକିତ୍ସା ପାଇଁ ଖାଡ଼ିଆଳ ପ୍ରାଣୀ ଚିକିତ୍ସା କେନ୍ଦ୍ର କୁ ନେଇଥିଲେ।
ଘଟଣା ସ୍ଥଳ କୁ ପ୍ରାଣୀ ଚିକିତ୍ସା ବିଭାଗ ରୁ ଲକ୍ଷ୍ମୀକାନ୍ତ ଭୋଇ ଆସି ଉଦ୍ଧାର କରିଥିଲେ। ଖଡିଆଳ ପ୍ରାଣୀ ଚିକିତ୍ସା ଅଧିକାରୀ ସଂଗ୍ରାମ କେଶରୀ ବେହେରା ଆସି ତୁରନ୍ତ ନାଗ ସାପ କୁ ଚିକିତ୍ସା ଆରମ୍ଭ କରିଥିଲେ। ପ୍ରାଣୀ ଚିକିତ୍ସା ଇତିହାସ ରେ ମଧ୍ୟ ପ୍ରଥମ ବିଷାକ୍ତ ନାଗ ସାପ ର ଅସ୍ତ୍ରୋପ୍ରଚାର କରିଛନ୍ତି। ନାଗ ସାପ ର ଅଣ୍ଟା ରୁ ଲାଞ୍ଜ ପାଖ ରେ ଦୁଇ ଗୋଟି ସ୍ଥାନ ରେ ଅସ୍ତ୍ରୋପଚାର ହୋଇଥିବା ବେଳେ ଶରୀର ରେ ୧୧ ଗୋଟି ସିଲେଇ ହୋଇଅଛି।
ଏହି ବଡ ବିଷାକ୍ତ ନାଗ ସାପ କୁ ଖାଦିଆଳ ପ୍ରାଣୀ ଚିକିତ୍ସାଳୟ ରେ ଅନୁଧ୍ୟାନ ପାଇଁ ରଖାଯାଇଛି।