ଭୁବନେଶ୍ବର: ତିଆରି ହେବ ଏକ ନୂଆ ଭୁବନେଶ୍ବର। ରାଜଧାନୀର ପାଖ ଅଞ୍ଚଳକୁ ନେଇ ଏହି ପରିକଳ୍ପନା କରାଯାଇଛି। ପ୍ରାୟ 800 ଏକର ପରିମିତ ସ୍ଥାନରେ ଏହି ନୂଆ ଭୁବନେଶ୍ବର ସ୍ଥାପନ କରାଯିବ। ଗତକାଲି ମୁଖ୍ୟମନ୍ତ୍ରୀ ମୋହନ ମାଝୀ ସ୍ବାୟତ ଶାସନ ଦିବସ ଉପଲକ୍ଷେ ଏହା ଘୋଷଣା କରାଯିବା ପରେ ଚାରିଆଡେ ଉତ୍କଣ୍ଠା ସୃଷ୍ଟି ହୋଇଛି।
ଏହି ନୂଆ ଭୁବନେଶ୍ବର ଅନ୍ଧାରୁଆ, ଗୋଠପାଟଣା, ଦାସପୁର, ମଳିପଡା ପରି ରାଜସ୍ବ ଗ୍ରାମକୁ ନେଇ ଗଠନ କରାଯିବ। ଏହାର ନକ୍ସା ପ୍ରସ୍ତୁତ କରିବା ପାଇଁ ସିଙ୍ଗାପୁର ସରକାର କାମ ଆରମ୍ଭ କରିଛନ୍ତି। ସେଥିପାଇଁ ସେମାନେ ରାଜ୍ୟ ସରକାରଙ୍କଠାରୁ ଅର୍ଥ ମଧ୍ୟ ନେଇସାରିଛନ୍ତି। ସେମାନେ ଏହାର ନକ୍ସା ଦେବା ପରେ ଏହି ନୂଆ ଭୁବନେଶ୍ବରର ଭିତ୍ତି ପ୍ରସ୍ତର ସ୍ଥାପନ ହେବ।
ଏହି ନୂଆ ଭୁବନେଶ୍ବରରେ ଉଚ୍ଚ ମାନର ହସପିଟାଲ, ଶିକ୍ଷା ଅନୁଷ୍ଠାନ, ପାର୍କ, ମଲ, ମନୋରଞ୍ଜନ ବ୍ୟବସ୍ଥା ପରି ବହୁ ସୁବିଧା ରହିବ। ସେହିପରି ବ୍ୟାଙ୍କ, ବୀମା ଏବଂ ସରକାରୀ କାର୍ଯ୍ୟାଳୟ ସ୍ଥାପନ ମଧ୍ୟ କରାଯିବ।