ଭୁବନେଶ୍ବର: ନାକାଗେଟ ଛକ ଠାରୁ କାଟେଣୀ ପର୍ଯ୍ୟନ୍ତ ୨.୦୩୫ କି.ମି ଦୈର୍ଘ୍ୟ ବିଶିଷ୍ଟ ରାସ୍ତା ଚାରି ଲେନ ହେବ। ପୂର୍ତ୍ତମନ୍ତ୍ରୀ ପୃଥିରାଜ ହରିଚନ୍ଦନ ଏହାର ଶିଳାନ୍ୟାସ କରିଛନ୍ତି। ଏହି ରାସ୍ତା ଦ୍ୱାରା କଳିଙ୍ଗନଗର, କଳିଙ୍ଗ ବିହାର, କାଟେଣୀ ଛକରେ ଉପୁଜୁଥିବା ଟ୍ରାଫିକ ସମସ୍ୟାରୁ ସାଧାରଣ ଜନତାଙ୍କୁ ମୁକ୍ତି ମିଳିବ। ଏଥିରେ ୬ କୋଟି ୨୭ ଲକ୍ଷରୁ ଉର୍ଦ୍ଧ୍ୱ ଟଙ୍କା ବ୍ୟୟ ଅଟ୍ଟକଳ କରାଯାଇଛି।
ଘାଟିକିଆସ୍ଥିତ ହନୁମାନ ମନ୍ଦିର ଠାରେ ପୂର୍ତ୍ତବିଭାଗ ଦ୍ୱାରା ଆୟୋଜିତ କାର୍ଯ୍ୟକ୍ରମରେ ଏକାମ୍ର ବିଧାୟକ ଶ୍ରୀ ବାବୁ ସିଂ, ରାସ୍ତା ଏବଂ ବିଲଡିଂ ବିଭାଗର ମୁଖ୍ୟ ନିର୍ମାଣ ଯନ୍ତ୍ରୀ ଇଂ ମନୋଜ କୁମାର ମହାନନ୍ଦା, ରାସ୍ତା ଏବଂ ବିଲଡିଂ ବିଭାଗର ଅଧିକ୍ଷଣ ଯନ୍ତ୍ରୀ ଇଂ ଅମରେଶ ରାଉତରାୟ ଓ ଘାଟିକିଆ ହନୁମାନ ମନ୍ଦିର ସଭାପତି ଶ୍ରୀ ବିପିନ ବିହାରୀ ଦାଶ ପ୍ରମୁଖ ଉପସ୍ଥିତ ଥିଲେ।