ବ୍ରହ୍ମପୁର : କବି ସୂର୍ଯ୍ୟନଗର ଥାନାରେ ପୋଲିସ ନିସ୍ତୁକ ପିଟିଥିବା ଅଭିଯୋଗ ହୋଇଛି । ବ୍ରହ୍ମପୁର ମେଡିକାଲରେ ଚିକିତ୍ସାଧୀନ ଅବସ୍ଥାରେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଶୁବୁଲିଆ ଗାଁର ୩୨ ବର୍ଷିୟ ସୁଶାନ୍ତ ସାହୁ । ୨୫ ତାରିଖ ପଥର ବ୍ଲଷ୍ଟି ମାମଲାରେ ଥାନାକୁ ପୋଲିସ ଆଣିଥିଲା । କାଲି ପରିବାର ସଦସ୍ୟଙ୍କୁ ଗୁରୁତର ଅବସ୍ଥାରେ ହସ୍ତାନ୍ତର କରିଥିଲା ପୋଲିସ । ଆଜି ଯୁବକରୁ ମୃତ୍ୟୁ ହୋଇଯାଇଥିବାବେଳେ ପରିବାର ଲୋକେ ପୋଲିସ ମାଡରେ ଯୁବକର ମୃତ୍ୟୁ ହୋଇଛି ବୋଲି ଅଭିଯୋଗ କରିଛନ୍ତି।
ସୂଚନାଯୋଗ୍ୟ, ବାରଙ୍ଗ ଥାନାରେ ଥାର୍ଡ଼ ଡିଗ୍ରୀ ଘଟଣାକୁ ନେଇ ବେଶ ଉତ୍ତେଜନା ଲାଗିରହିଛି । ସେହିପରି ସୌମ୍ୟ ହତ୍ୟାକାଣ୍ଡରେ ପୋଲିସର ଭୂମିକା ମଧ୍ୟ ସନ୍ଦେହଜନକ ରହିଛି। ରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ଅଣାୟତ୍ତ ଥିବାବେଳେ ଏପରି କିଛି ଘଟଣା ପୋଲିସ ଉପରକୁ ଆଙ୍ଗୁଳି ଉଠାଉଛି ।