ସିଡନୀ: ସିଡନୀଠାରେ ଭାରତ-ଅଷ୍ଟ୍ରେଲିଆ ମଧ୍ୟରେ ତୃତୀୟ ଟେଷ୍ଟ ମ୍ୟାଚର ପ୍ରଥମ ଦିନ ଖେଳ ଜାରି ରହିଛି। ଏହି ମ୍ୟାଚରେ ଖେଳ ପରିଚାଳନା କରୁଛନ୍ତି ଜଣେ ମହିଳା। ଆନ୍ତର୍ଜାତୀୟ ଟେଷ୍ଟ ପରିଚାଳନ କରିବା ପ୍ରଥମ ମହିଳା ଅଧିକାରୀ ଭାବେ କ୍ଲେୟାର ପୋଲୋସାକ ଗୌରବ ଲାଭ କରିଛନ୍ତି। ଅଷ୍ଟ୍ରେଲିଆର ନ୍ୟୁ ସାଉଥ୍ ଓ୍ୱେଲସର ୩୨ ବର୍ଷୀୟ ପୋଲୋସାକ ମ୍ୟାଚରେ ଚତୁର୍ଥ ଅମ୍ପାୟାରର ଭୂମିକା ତୁଲାଉଛନ୍ତି। ଏହାପୂର୍ବରୁ ମଧ୍ୟ ସେ ପୁରୁଷ ଏକଦିବସୀୟ ଆନ୍ତର୍ଜାତୀୟ କ୍ରିକେଟ ମ୍ୟାଚରେ ଅମ୍ପାୟାରିଂ କରୁଥିବା ପ୍ରଥମ ମହିଳା ଅମ୍ପାୟାର ଭାବେ ଉପଲବ୍ଧି ହାସଲ କରିଥିଲେ।
