ଚେନ୍ନାଇ: ଚେନ୍ନାଇରେ ଆଜି ଆଇପିଏଲ-୨୦୨୧ର ଉଦଘାଟନୀ ମ୍ୟାଚ ଖେଳାଯିବ। ଏହି ଉଦଘାଟନୀ ମ୍ୟାଚ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜେର୍ସ ବେଙ୍ଗଲୁରୁ ମଧ୍ୟରେ ଅନୁଷ୍ଠିତ ହେବ। କରୋନା ସଂକ୍ରମଣକୁ ଦୃଷ୍ଟିରେ ରଖି ବିନା ଦର୍ଶକରେ ଏହି ଟୁର୍ଣ୍ଣାମେଣ୍ଟକୁ ଆୟୋଜନ କରାଯାଉଛି। କରୋନାର ଦ୍ଵିତୀୟ ଲହର ଭିତରେ ଏହି ଟୁର୍ଣ୍ଣାମେଣ୍ଟଟି ୭ ସପ୍ତାହ ଧରି ଚାଲିବ। ଯାହା ଆୟୋଜକଙ୍କ ପାଇଁ ଏକ ଚ୍ୟାଲେଞ୍ଜର ବିଷୟ ପାଲଟିଛି।
ମୁମ୍ବାଇ ଏବଂ ବେଙ୍ଗଲୁରୁ ମଧ୍ୟରେ କଣ ରହିଛି ରେକର୍ଡ:
ଆଇପିଏଲରେ ମୁମ୍ବାଇର ସ୍ଥିତି ବହୁତ ଭଲ ଅଛି। ଉଭୟ ଦଳ ମଧ୍ୟରେ ୨୭ ଟି ମ୍ୟାଚ ଖେଲାଯାଇଛି, ଯେଉଁଥିରେ ମୁମ୍ବାଇ ୧୭ ଟି ମ୍ୟାଚ ଜିତିଥିବା ବେଳେ ବେଙ୍ଗଲୁରୁ ୧୦ ଟି ମ୍ୟାଚରେ ବିଜୟ ଲାଭ କରିଛି।
