ନୂଆଦିଲ୍ଲୀ: ଭାରତୀୟ ଷ୍ଟାର କ୍ରିକେଟର ଶିଖର ଧାୱନଙ୍କ ପତ୍ନୀ ଆୟଶା ମୁଖାର୍ଜୀ ସୋସିଆଲ ମିଡିଆରେ ଏକ ପୋଷ୍ଟ କରିଛନ୍ତି। ଯେଉଁଥିପାଇଁ ଉଭୟଙ୍କ ମଧ୍ୟରେ ଛାଡପତ୍ର ହେବାର ଖବର ରହିଛି। ତେବେ ଏପର୍ଯ୍ୟନ୍ତ ଶିଖର ଧାୱନଙ୍କ ବିଷୟରେ କୌଣସି ସୂଚନା ଦିଆଯାଇ ନାହିଁ। ଆୟଶା ମୁଖାର୍ଜୀଙ୍କ ଏହି ଇନଷ୍ଟାଗ୍ରାମ ପୋଷ୍ଟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଯଦିଓ ଆୟଶାଙ୍କ ଏହି ପୋଷ୍ଟ ବର୍ତ୍ତମାନ ଭାଇରାଲ ହେଉଛି। କିନ୍ତୁ ଏପର୍ଯ୍ୟନ୍ତ ଶିଖର ଧାୱନଙ୍କଠାରୁ କୌଣସି ପ୍ରତିକ୍ରିୟା ମିଳିନାହିଁ। ଶିଖର ଏଭଳି କୌଣସି ସୂଚନା ଦେଇନାହାଁନ୍ତି। ଏଭଳି ପରିସ୍ଥିତିରେ, ଶିଖରଙ୍କ ବକ୍ତବ୍ୟ ପରେ ହିଁ ସତ୍ୟତା ଜଣାପଡିବ।
ଉଲ୍ଲେଖ ଯୋଗ୍ୟ ଯେ, ୨୦୧୨ ମସିହାରେ ଶିଖର ଧାୱନ ଏବଂ ଆୟଶା ମୁଖାର୍ଜୀ ବିବାହ କରିଥିଲେ। ଆୟେଶା ତାଙ୍କର ପ୍ରଥମ ସ୍ୱାମୀଙ୍କୁ ଛାଡପତ୍ର ଦେଇଥିଲେ। ପ୍ରଥମ ସ୍ଵାମୀଙ୍କ ଏବଂ ଆୟେଶାଙ୍କ ୨ ଜଣ ଝିଅ ଥିଲେ। ପରେ ୨୦୧୪ ମସିହାରେ ଶିଖର ଏବଂ ଆୟେଶାଙ୍କର ଏକ ପୁତ୍ର ଜନ୍ମ ହୋଇଥିଲେ।
