ଟି-୨୦ ବିଶ୍ୱକପ୍‌ର ପୁରସ୍କାର ରାଶି ଘୋଷଣା କଲା ଆଇସିସି, ଜାଣନ୍ତୁ ଚମ୍ପିୟାନ ଦଳକୁ ମିଳିବ କେତେ କୋଟି

Published: Oct 10, 2021, 7:45 pm IST

ନୂଆଦିଲ୍ଲୀ: ଅକ୍ଟୋବର ୧୭ ତାରିଖରୁ ଟି -୨୦ ବିଶ୍ୱକପ ଟୁର୍ଣ୍ଣାମେଣ୍ଟ ଆରମ୍ଭ ହେଉଛି। ଚଳିତ ବିଶ୍ଵକପ ପାଇଁ ପୁରସ୍କାର ରାଶି ଘୋଷଣା କରିଛି ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି)। ପୁରୁଷ ଟି -୨୦ ବିଶ୍ୱକପ ୨୦୨୧ର ବିଜେତାକୁ ୧.୬ ମିଲିୟନ ଡଲାର (ପ୍ରାୟ 12 କୋଟି) ମିଳିବାକୁ ଥିବା ବେଳେ ରନର୍ ଅପ୍ ଦଳକୁ ୮ ଲକ୍ଷ ଡଲାର (ପ୍ରାୟ 6 କୋଟି ଟଙ୍କା) ମିଳିବ।

ସେହିଭଳି ସେମିଫାଇନାଲ ମ୍ୟାଚରେ ହାରିଥିବା ଦଳକୁ ପ୍ରାୟ ୩ କୋଟି ଟଙ୍କା ଦିଆଯିବ। ଏହା ସହିତ ସୁପର ୧୨ ପର୍ଯ୍ୟାୟରେ ପ୍ରତ୍ୟେକ ମ୍ୟାଚ୍ ଜିତୁଥିବା ଦଳକୁ ଏକ ବୋନସ ଘୋଷଣା କରିଛି | ୨୦୧୬ ଟି -୨୦ ବିଶ୍ୱକପ ପରି, ୨୦୨୧ରେ ମଧ୍ୟ ସୁପର ୧୨ ପର୍ଯ୍ୟାୟରେ ପ୍ରତ୍ୟେକ ମ୍ୟାଚ ପାଇଁ ବିଜେତା ଦଳକୁ ବୋନସ ରାଶି ମିଳିବ। ତେଣୁ ସେହି ପର୍ଯ୍ୟାୟର ୩୦ ଟି ମ୍ୟାଚରେ ବିଜେତା ଦଳ ଏଥର ୪୦ ହଜାର ଡଲାର ସହିତ ମୋଟ ବଜେଟ୍ ୧,୨୦୦,୦୦୦ ଡଲାର ପାଇବେ।

ଟି -୨୦ ବିଶ୍ୱକପରେ ପ୍ରଥମ ଥର ପାଇଁ DRS ନିୟମ ବ୍ୟବହାର କରାଯିବ:

ପୁରୁଷ ଟି -୨୦ ବିଶ୍ୱକପ୍‌ର ପ୍ରତ୍ୟେକ ମ୍ୟାଚ୍‌ରେ ଦୁଇଟି ନିର୍ଦ୍ଧାରିତ ପାନୀୟ ବିରତି ହେବ। ନିର୍ଦ୍ଧାରିତ ବିରତି ୨ ମିନିଟ୍ ୩୦ ସେକେଣ୍ଡ ପର୍ଯ୍ୟନ୍ତ ଚାଲିବ ଏବଂ ପ୍ରତ୍ୟେକ ଇନିଂସ ମଝିରେ ନିଆଯିବ। ପୁରୁଷ ଟି -୨୦ ବିଶ୍ୱକପରେ ପ୍ରଥମ ଥର ପାଇଁ DRS ନିୟମ ବ୍ୟବହୃତ ହେବ। ପ୍ରତ୍ୟେକ ଦଳ ମ୍ୟାଚ୍‌ରେ ପ୍ରତି ଇନିଂସରେ ସର୍ବାଧିକ ଦୁଇଟି DRS ସୁଯୋଗ ପାଇବେ।

Related posts