ଦୁବାଇ: ଶେଷରେ ଟି୨୦ ବିଶ୍ବକପ୍ ଅଷ୍ଟ୍ରେଲିଆ ହାସଲ କରିଛି। ଅଷ୍ଟ୍ରେଲିଆ ନ୍ୟୁଜିଲାଣ୍ଡକୁ ବିଶ୍ବକପ୍ ଫାଇନାଲରେ ୮ ଓ୍ବିକେଟରେ ହରାଇ ହୋଇଛି ଚାମ୍ପିଅନ । ୧୭୩ ରନ ବିଜୟ ଲକ୍ଷ୍ୟକୁ ୭ଟି ବଲ ବାକି ଥାଇ ୨ ଓ୍ବିକେଟ ହରାଇ ଅଷ୍ଟ୍ରେଲିଆ ବିଜୟ ହୋଇଛି। ଅଷ୍ଟ୍ରେଲିଆ ଟିମ୍ ବିଜୟରେ ମିଚେଲଙ୍କ ଅବଦାନ ବିଶେଷ ଭାବେ ରହିଛି। କାରଣ ସେ ୫୦ ବଲରେ ୬ ଚୌକା ଓ ୪ ଛକା ସହ ୭୭ ରନ୍ କରି ନଟ ଆଉଟ୍ ରହିଥିଲେ ।
ଓପନର ଫିଞ୍ଚ ବିଶେଷ କିଛି କରି କରିପାରି ନଥିଲେ । ହେଲେ ଅନ୍ୟତମ ଓପନର ଓ୍ବାର୍ଣ୍ଣର ୫୩ ରନର ଧୂଆଁଧାର ପାରି ଖେଳିଥିଲେ । ୩୮ ବଲର ସମ୍ମୁଖୀନ ହୋଇ ୪ ଚୌକା ଓ ୩ ଛକା ସହାୟତାରେ ସେ ଏହି ରନ୍ କରିଥିଲେ । ମାକ୍ସଓ୍ବେଲ ୨୮ ରନ୍ କରି ନଟ ଆଉଟ ରହିଥିଲେ । ନ୍ୟୁଜିଲାଣ୍ଡ ତରଫରୁ ଟ୍ରଣ୍ଟ ବୋଲ୍ଟ ୨ଟି ଓ୍ବିକେଟ ନେଇଥିଲେ । ଅନ୍ୟ କୌଣସି ବୋଲର ଅଷ୍ଟ୍ରେଲିଆ ବ୍ୟାଟ୍ସମ୍ୟାନଙ୍କ ଉପରେ ପ୍ରଭାବ ପକାଇ ପାରିନଥିଲେ ।
ପ୍ରଥମେ ବ୍ୟାଟିଂ କରି ନ୍ୟୁଜିଲାଣ୍ଡ ୨୦ ଓଭରରେ ୪ ଓ୍ବିକେଟ ହରାଇ ୧୭୨ ରନ୍ କରିଥିଲା। ଦଳ ତରଫରୁ ଅଧିନାୟକ ଓ୍ବିଲମସନ ୧୦ ଚୌକା ଓ ୩ ଛକା ସହାୟତାରେ ୮୫ ରନର ପାରି ଖେଳିଥିଲେ। ଓପନର ଗୁପଟିଲ ୨୮ ରନ୍ କରିଥିଲେ । ଅନ୍ୟ କୌଣସି ଖେଳାଳି ଆଖିଦୁର୍ଶିଆ ପ୍ରଦର୍ଶନ କରିପାରି ନଥିଲେ । ଅଷ୍ଟ୍ରେଲିଆ ପକ୍ଷରୁ ଜୋସ ହାଜଲେଉଡ ସର୍ବାଧିକ ୩ ଓ୍ବିକେଟ ନେଇଥିବା ବେଳେ ଆଦାମ ଜାମ୍ପା ଗୋଟିଏ ଓ୍ବିକେଟ ନେଇଥିଲେ ।