ଭୁବନେଶ୍ୱର: ଯେତେବେଳେ ଏଫଆଇଏଚ୍ ଓଡ଼ିଶା ହକି ପୁରୁଷ ଜୁନିୟର ବିଶ୍ୱକପ ୨୦୨୧ର କ୍ୱାର୍ଟର ଫାଇନାଲରେ ଭାରତ, ବେଲଜିୟମକୁ ପରାସ୍ତ କଲା, ସେତେବେଳେ ଏହା ସମସ୍ତଙ୍କ ପାଇଁ ଏକ ଖୁସିର ମୂହୁର୍ତ୍ତ ଥିଲା । ବିଶେଷ କରି କଳିଙ୍ଗ ଷ୍ଟାଡିୟମରେ ନିୟୋଜିତ ହୋଇଥିବା ସ୍ବେଚ୍ଛାସେବୀମାନଙ୍କ ଭିତରେ ଏହା ସୃଷ୍ଟି କରିଥିଲା ଏକ ଅଭୂତପୂର୍ବ ଶିହରଣ ।
ସମ୍ମାନଜନକ ବିଶ୍ୱକପ୍ର ଅଂଶ ହୋଇ କ୍ୱାର୍ଟର ଫାଇନାଲର ସଂଘର୍ଷପୂର୍ଣ୍ଣ ମୁକାବିଲା ଦେଖିବା ସେମାନଙ୍କ ଜୀବନର ସର୍ବୋତ୍ତମ ମୁହୂର୍ତ୍ତ ପରି ସେମାନେ ଅନୁଭବ କଲେ । ଏହା ଥିଲା ତାଙ୍କ ଜୀବନର ଅତି ଆନନ୍ଦଦାୟକ ତଥା ସ୍ମରଣୀୟ ମୁହୂର୍ତ୍ତ ଯାହାକୁ ସେମାନେ କେବେ ଭୁଲି ପାରିବେ ନାହିଁ ।
କ୍ରୀଡ଼ା ଏବଂ ଯୁବସେବା ବିଭାଗର ଯୁଗ୍ମ ଶାସନ ସଚିବ ତଥା କଳିଙ୍ଗ ଷ୍ଟାଡିୟମର ପ୍ରଶାସକ ଶ୍ରୀ ବିଜୟାନନ୍ଦ ନାୟକ ଏ ସମ୍ପର୍କରେ କହିଛନ୍ତି ଯେ ଯଥେଷ୍ଟ ପୂର୍ବ ପ୍ରସ୍ତୁତି ଏବଂ ସଠିକ ଦାୟିତ୍ୱ ବଣ୍ଟନ ଯେ କୌଣସି ବଡ଼ ଆୟୋଜନକୁ ସଫଳତା ଆଡକୁ ବାଟ ଦେଖାଏ । କଳିଙ୍ଗ ଷ୍ଟାଡିୟମରେ ଚାଲିଥିବା ଏଫଆଇଏଚ୍ ଓଡ଼ିଶା ହକି ପୁରୁଷ ଜୁନିୟର ବିଶ୍ୱକପ ୨୦୨୧ ଏହାର ଏକ ବଡ଼ ଉଦାହରଣ ଅଟେ ।
ଏହି ସମ୍ମାନଜନକ ବିଶ୍ୱକପ୍ରେ ବହୁ ସଂଖ୍ୟକ ଛାତ୍ର ଏବଂ କ୍ରୀଡ଼ାବିତ୍ ରହିଛନ୍ତି, ଯେଉଁମାନେ ପ୍ରଥମ ଥର ପାଇଁ କ୍ରୀଡ଼ା ସ୍ବେଛାସେବୀ ଭାବରେ କାର୍ଯ୍ୟ କରୁଛନ୍ତି ଏବଂ ସୁପରିଚାଳନାରେ ପ୍ରମୁଖ ଭୂମିକା ଗ୍ରହଣ କରୁଛନ୍ତି । କ୍ୟାରିୟର ଅଗ୍ରଗତି ପାଇଁ ଯୁବ ପ୍ରଶିକ୍ଷାର୍ଥୀଙ୍କ ଦକ୍ଷତା ବୃଦ୍ଧି ଆମ କ୍ରୀଡ଼ା ଇକୋ-ସିଷ୍ଟମର ଏକ ଅଂଶ ବିଶେଷ । ଏଥିପାଇଁ ଆମେ ଆମର ନିଜ ବାଳକ ଏବଂ ବାଳିକାମାନଙ୍କୁ ଅନ୍ତର୍ଜାତୀୟ ଇଭେଣ୍ଟରେ ଅଂଶ ଗ୍ରହଣ କରି ତାଙ୍କ ପାଇଁ ଏକ ସୁଯୋଗ ସୁଯୋଗ ସୃଷ୍ଟି ପାଇଁ ପ୍ରୟାସ କରିଛୁ ।
କ୍ରୀଡା ଓ ଯୁବସେବା ବିଭାଗ ବିଶ୍ୱକପ ସେ୍ୱଚ୍ଛାସେବୀମାନଙ୍କ ପାଇଁ ଏକ ଶିକ୍ଷଣ ସୁଯୋଗ ତଥା ଏକ ସ୍ମରଣୀୟ କ୍ରୀଡା ଅଭିଜ୍ଞତା ନିଶ୍ଚିତ କରିବାକୁ ଏହି ବିଶ୍ୱକପରେ ୧୦୦ରୁ ଅଧିକ କ୍ରୀଡା ଛାତ୍ରଙ୍କୁ ନିୟୋଜିତ କରିଛି । ଏହା ସେମାନଙ୍କ ମଧ୍ୟରେ ଦାୟିତ୍ୱ ଏବଂ ଆତ୍ମବିଶ୍ୱାସ ବଢାଇବାରେ ସାହାଯ୍ୟ କରିବ ।
ଅଧ୍ୟାପକଙ୍କ ନେତୃତ୍ୱରେ ସରକାରୀ ଶାରୀରିକ ଶିକ୍ଷା ମହାବିଦ୍ୟାଳୟ (ଜିସିପିଏ) ର ୬୦ ରୁ ଅଧିକ ଛାତ୍ର ଫିଲï ଅଫ୍ ପ୍ଲେ, ପ୍ରୋଟୋକଲ୍ ମ୍ୟାନେଜମେଣ୍ଟ, ଅଫିସ୍ ଆସିଷ୍ଟାଣ୍ଟ, ଷ୍ଟାଣ୍ଡ ମ୍ୟାନେଜମେଣ୍ଟ, ଗେଷ୍ଟ ଏଣ୍ଟ୍ରି, ପାର୍କିଂ ଭଳି ବିଭିନ୍ନ କାର୍ଯ୍ୟରେ ନିୟୋଜିତ ହୋଇଛନ୍ତି । କିଛି ସ୍ପୋର୍ଟସ୍ ହଷ୍ଟେଲ ବାଳକମାନେ ମଧ୍ୟ ବଲ୍ ବଏ ଭାବରେ ନିୟୋଜିତ ଅଛନ୍ତି ବୋଲି ଶ୍ରୀ ନାୟକ କହିଛନ୍ତି ।
କ୍ରୀଡା ଇଭେଣ୍ଟରେ ଅଫିସିଆଲ୍ କାର୍ଯ୍ୟ କରିବା ଆମର ଶିକ୍ଷା ପାଠ୍ୟକ୍ରମର ଏକ ଅଂଶ ଏବଂ ଏହି ଇଭେଣ୍ଟ ଆମ ପାଇଁ ଏକ ଭଲ ଶିକ୍ଷଣ ଅଭିଜ୍ଞତା ଏବଂ ମଜା ମଧ୍ୟ ଅଟେ । ଏହି ସମ୍ମାନଜନକ ଇଭେଣ୍ଟ ଅଂଶ ହେବା ଆମ ପାଇଁ ଗର୍ବର ବିଷୟ । ପ୍ରତେକ ଦିନ ଇଭେଣ୍ଟ ପୂର୍ବରୁ ବିଭିନ୍ନ ପ୍ରତିକୂଳ ଘଟଣା ନହେବା ପାଇଁ ଏକ ସଂକ୍ଷିପ୍ତ ଅଧିବେଶନ ଆମକୁ ବେଶ ସାହାଯ୍ୟ କରେ ବୋଲି ଜିସିପିଏର, ଭୁବନେଶ୍ୱରର ଛାତ୍ରୀ ଗୀତାଞ୍ଜଳି ମହାନ୍ତ କହିଛନ୍ତି ।
କ୍ରୀଡା ପରିଚାଳନାରେ XEBS ସେଣ୍ଟର ଅଫ ଏକ୍ସଇଲେନ୍ସ ଅଳ୍ପ କିଛି ପ୍ରଶିକ୍ଷାର୍ଥୀ ଯୋଗାଯୋଗ ଅଧିକାରୀ (LO) ଭାବରେ ନିୟୋଜିତ ଅଟନ୍ତି । ହକି ବିଶ୍ୱକପ ଭଳି ଏକ ସମ୍ମାନଜନକ ଇଭେଣ୍ଟ ସହିତ ଜଡିତ ହେବା ଅତ୍ୟନ୍ତ ଗର୍ବର ବିଷୟ । ଓଡ଼ିଶାର କ୍ରୀଡ଼ା ଇକୋସିଷ୍ଟମ୍ ମୋତେ ଏବଂ ମୋର ବନ୍ଧୁମାନଙ୍କୁ ଏକ ଭଲ ଅଭିଜ୍ଞତା ପ୍ରଦାନ କରୁଛି ବୋଲି XEBS ଛାତ୍ର ଶୁଭମ୍ ମହାନ୍ତି କହିଛନ୍ତି ।
XEBS ଚେୟାରମ୍ୟାନ୍ ଆଶଲି ଫର୍ଣ୍ଣାଣ୍ଡିସ୍ କରିଛନ୍ତି, କ୍ରୀଡା ଓ ଯୁବ ସେବା ବିଭାଗ ପରିଚାଳନାରେ ଡିଗ୍ରୀ ପାଠ୍ୟକ୍ରମର ଛାତ୍ରମାନଙ୍କୁ ଦିଆଯାଇଥିବା ସୁଯୋଗ ପାଇଁ ଆମେ କ୍ରୀଡ଼ା ଏବଂ ଯୁବସେବା ବିଭାଗ, ଓଡିଶା ସରକାର ଏବଂ ହକି ଇଣ୍ଡିଆ ପାଖରେ କୃତଜ୍ଞ । ହକି ଇଣ୍ଡିଆର ଅଧିକାରୀଙ୍କ ସହ କ୍ରୀଡା ଏବଂ ଯୁବସେବା ବିଭାଗର ୧୦୦୦ରୁ ଅଧିକ ହକି ପୁରୁଷ ଜୁନିୟର ବିଶ୍ୱକପ୍ର ସୁଗମ ତଥା ସଫଳ କାର୍ଯ୍ୟରେ ନିୟୋଜିତ ଅଛନ୍ତି ।