ନୂଆଦିଲ୍ଲୀ: ଦକ୍ଷିଣ ଆଫ୍ରିକା ଗସ୍ତ ପାଇଁ ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ବୁଧବାର ଟିମ୍ ଇଣ୍ଡିଆ ଘୋଷଣା କରିଛି। ଏଥିରେ ରୋହିତ ଶର୍ମା ଦିନିକିଆ ଫର୍ମାଟର ନୂତନ ଅଧିନାୟକ ହେବେ। ବିରାଟ କୋହଲିଙ୍କ ସ୍ଥାନରେ ରୋହିତଙ୍କୁ ଦିନିକିଆର ଅଧିନାୟକ କରାଯାଇଛି। ବିସିସିଆଇ ଏହି ବଡ ଘୋଷଣା କରିବା ମାତ୍ରେ କ୍ରିକେଟ୍ ଜଗତରେ ଆଲୋଡ଼ନ ସୃଷ୍ଟି ହୋଇଛି। କ୍ରିକେଟ୍ ର ସମସ୍ତ ପୂର୍ବତନ ଖେଳାଳି ସମେତ ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ମଧ୍ୟ ଏହା ଉପରେ ନିଜର ପ୍ରତିକ୍ରିୟା ପ୍ରକାଶ କରିଛି। ୨୦୨୧ ଟି-୨୦ ବିଶ୍ୱକପ ପୂର୍ବରୁ କୋହଲି ଟି-୨୦ ଫର୍ମାଟର ଅଧିନାୟକତ୍ୱ ଛାଡିବାକୁ ନିଷ୍ପତ୍ତି ନେଇଥିଲେ। ବର୍ତ୍ତମାନ କୋହଲି କେବଳ ଟେଷ୍ଟର ଅଧିନାୟକ ହେବେ।
ରୋହିତଙ୍କ ବିଷୟରେ ଆଇସିସି ଏହା କହିଛି:
ରୋହିତ ଶର୍ମାଙ୍କୁ ଟିମ୍ ଇଣ୍ଡିଆର ନୂଆ ଦିନିକିଆ ଅଧିନାୟକ କରାଯିବା ପରେ ସୋସିଆଲ ମିଡିଆରେ ଆତଙ୍କ ଖେଳିଯାଇଥିଲା। ସମସ୍ତ କ୍ରିକେଟ୍ କିମ୍ବଦନ୍ତୀ ଏବଂ ପ୍ରଶଂସକମାନେ ଏ ବିଷୟରେ ନିଜର ପ୍ରତିକ୍ରିୟା ପ୍ରକାଶ କରିଥିଲେ। କ୍ରିକେଟର ଅନ୍ତର୍ଜାତୀୟ ସଂସ୍ଥା ଆଇସିସି ଟୁଇଟ୍ କରି କହିଛନ୍ତି ଯେ, “ରୋହିତ ଶର୍ମାଙ୍କୁ ଟିମ୍ ଇଣ୍ଡିଆର ନୂଆ ଦିନିକିଆ ଅଧିନାୟକ କରାଯାଇଛି। ସେ ବିରାଟ କୋହଲିଙ୍କ ସ୍ଥାନ ନେବେ।” ଏହା ପରେ ଆଇସିସିର ଆଉ ଏକ ଟ୍ୱିଟ୍ରେ କୁହାଯାଇଛି ଯେ, ଭାରତୀୟ ସୀମିତ ଓଭର କ୍ରିକେଟ୍ ରେ ଏକ ନୂତନ ଯୁଗର ଆରମ୍ଭ।”
