ନୂଆଦିଲ୍ଲୀ: ଆଜି ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ୩ ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ଦ୍ୱିତୀୟ ମ୍ୟାଚ୍ ଖେଳାଯିବ। ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ପ୍ରଥମ ମ୍ୟାଚକୁ ୬ ୱିକେଟରେ ଜିତି ସିରିଜରେ ୧-୦ ରେ ଆଗୁଆ ରହିଛି। ଏହା ଭାରତର ୧୦୦୦ ତମ ଦିନିକିଆ ମ୍ୟାଚ୍ ଥିଲା ଏବଂ ରୋହିତ ଶର୍ମା ପ୍ରଥମ ଥର ପାଇଁ ପୂରା ସମୟର ଦିନିକିଆ ଅଧିନାୟକ ଭାବରେ ପଡ଼ିଆରେ ପ୍ରବେଶ କରିଥିଲେ। ପ୍ରଥମ ଦିନିକିଆ ବିଷୟରେ କହିବାକୁ ଗଲେ ଭାରତୀୟ ବୋଲର କାରିବିଆନ୍ ଦଳକୁ ୧୭୬ ରନରେ ବାନ୍ଧି ରଖିଥିଲା। ଏହା ପରେ ଭାରତ ୪ ୱିକେଟ୍ ହରାଇ ୧୩୨ ବଲ ପୂର୍ବରୁ ଲକ୍ଷ୍ୟ ହାସଲ କରିଥିଲା। ଭାରତ ପାଇଁ ରୋହିତ ଶର୍ମା ସର୍ବାଧିକ ୬୦ ରନ୍ ସଂଗ୍ରହ କରିଥିଲେ।
ଏହି ସିରିଜକୁ କାବୁ କରିବା ପାଇଁ ଭାରତୀୟ ଦଳର ନଜର ରହିଛି। ଉପ-ଅଧିନାୟକ କେ.ଏଲ୍ ରାହୁଲ ମଧ୍ୟ ଦ୍ୱିତୀୟ ଦିନିକିଆରେ ପ୍ରତ୍ୟାବର୍ତ୍ତନ କରିବେ। ଭଉଣୀଙ୍କ ବିବାହ ହେତୁ ସେ ପ୍ରଥମ ମ୍ୟାଚରେ ଦଳର ଅଂଶ ହୋଇନଥିଲେ। ଏଭଳି ପରିସ୍ଥିତିରେ ସେ ରୋହିତ ଶର୍ମାଙ୍କ ସହ ଇନିଂସ ଆରମ୍ଭ କରିବେ ନା ମଧ୍ୟମ କ୍ରମରେ ଖେଳିବେ ତାହା ଦେଖିବା ବାକି ରହିଲା। ଯଦି ରାହୁଲ ଇନିଂସ ଆରମ୍ଭ କରନ୍ତି, ତେବେ ଇଶାନ କିଶନଙ୍କୁ ଦ୍ୱିତୀୟ ଦିନିକିଆରୁ ବାଦ ଦେବାକୁ ପଡିବ।
ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ କେତେବେଳ କେବେ ଆରମ୍ଭ ହେବ?:
ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ୍ ବୁଧବାର ଦିନ ଭାରତୀୟ ସମୟ ୧.୩୦ ରେ ଖେଳାଯିବ।
ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ୍ କେଉଁଠାରେ ଅନୁଷ୍ଠିତ ହେବ?:
ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ।
ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ୨ୟ ଦିନିକିଆ ମ୍ୟାଚ୍ ର ସିଧା ପ୍ରସାରଣ କେଉଁଠାରେ ଦେଖାଯିବ?:
ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ ଦିନିକିଆ ମ୍ୟାଚ୍ ଷ୍ଟାର୍ ସ୍ପୋର୍ଟସ୍ ନେଟୱାର୍କରେ ସିଧା ପ୍ରସାରଣ ହେବ।
ଭାରତ ବନାମ ୱେଷ୍ଟଇଣ୍ଡିଜ୍ ମ୍ୟାଚ୍ ର ଲାଇଭ୍ ଷ୍ଟ୍ରିମିଂ କେଉଁଠାରେ ଦେଖିବେ?:
ଆପଣ ହଟଷ୍ଟାରରେ ଇଣ୍ଡିଆ ଏବଂ ୱେଷ୍ଟଇଣ୍ଡିଜ୍ ର ଲାଇଭ୍ ଷ୍ଟ୍ରିମିଂ ଦେଖିପାରିବେ।
