ନୂଆଦିଲ୍ଲୀ: ଟି-୨୦ ଏବଂ ଦିନିକିଆ ସିରିଜରେ ଇଂଲଣ୍ଡକୁ ପରାସ୍ତ କରିବା ପରେ ବର୍ତ୍ତମାନ ଟିମ୍ ଇଣ୍ଡିଆ ୱେଷ୍ଟଇଣ୍ଡିଜ୍ ସହିତ ମୁହାଁମୁହିଁ ହେବ। ଖୁବ୍ ଶୀଘ୍ର ଟିମ୍ ଇଣ୍ଡିଆ କାରିବିଆନ୍ ଯାତ୍ରା ପାଇଁ ଯିବ। ୱେଷ୍ଟଇଣ୍ଡିଜରେ ଭାରତୀୟ ଦଳ ତିନି ମ୍ୟାଚ୍ ବିଶିଷ୍ଟ ଦିନିକିଆ ଏବଂ ପାଞ୍ଚ ମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଖେଳିବ।
ସୂଚନା ଅନୁଯାୟୀ ୱେଷ୍ଟଇଣ୍ଡିଜ୍ ବିପକ୍ଷ ଦିନିକିଆ ସିରିଜରେ ଶିଖର ଧାୱନ ଟିମ୍ ଇଣ୍ଡିଆର ଅଧିନାୟକ ହେବେ। ଦିନିକିଆ ସିରିଜରେ ରୋହିତ ଶର୍ମା, ବିରାଟ କୋହଲି, ଋଷଭ ପନ୍ତ, ଜସପ୍ରୀତ ବୁମ୍ରା ଏବଂ ହାର୍ଦ୍ଦିକ ପାଣ୍ଡ୍ୟା ଭାରତୀୟ ଦଳର ଅଂଶ ହେବେ ନାହିଁ।
ଟି-୨୦ ସିରିଜରେ ରୋହିତ ଶର୍ମା ଭାରତୀୟ ଦଳର ନେତୃତ୍ୱ ନେବେ। ଭଲ କଥା ହେଉଛି କେଏଲ ରାହୁଲ ମଧ୍ୟ ଟି-୨୦ ସିରିଜକୁ ଫେରିବେ। ଏହା ବ୍ୟତୀତ ହାର୍ଦ୍ଦିକ ପାଣ୍ଡ୍ୟା, ଦୀନେଶ କାର୍ତ୍ତିକ, ରବିନ୍ଦ୍ର ଜାଡେଜା ମଧ୍ୟ ଟି-୨୦ ଦଳରେ ରହିବେ। ତେବେ ବିରାଟ କୋହଲି ଉଭୟ ଟି-୨୦ ଏବଂ ଦିନିକିଆ ସିରିଜରେ ନଜର ଆସିବେ ନାହିଁ।
ଦିନିକିଆ ସିରିଜ୍ କାର୍ଯ୍ୟସୂଚୀ:
ପ୍ରଥମ ଦିନିକିଆ- ଜୁଲାଇ ୨୨ ତାରିଖ (ତ୍ରିନିଦାଦ)
ଦ୍ୱିତୀୟ ଦିନିକିଆ- ଜୁଲାଇ ୨୪ ତାରିଖ (ତ୍ରିନିଦାଦ)
ତୃତୀୟ ଦିନିକିଆ- ଜୁଲାଇ ୨୭ ତାରିଖ (ତ୍ରିନିଦାଦ)
ଟି-୨୦ ସିରିଜ୍ କାର୍ଯ୍ୟସୂଚୀ:
ପ୍ରଥମ ଟି-୨୦- ଜୁଲାଇ ୨୯ ତାରିଖ (ତ୍ରିନିଦାଦ)
୨ୟ ଟି-୨୦- ଅଗଷ୍ଟ ୧ ତାରିଖ (ସେଣ୍ଟ କିଟ୍ସ)
ତୃତୀୟ ଟି-୨୦- ଅଗଷ୍ଟ ୨ ତାରିଖ (ସେଣ୍ଟ କିଟ୍ସ)
ଚତୁର୍ଥ ଟି-୨୦- ଅଗଷ୍ଟ ୬ ତାରିଖ (ଲାଉଡର୍ହିଲ୍, ଫ୍ଲୋରିଡା)
ପଞ୍ଚମ ଟି-୨୦- ଅଗଷ୍ଟ ୭ ତାରିଖ (ଲାଉଡର୍ହିଲ୍, ଫ୍ଲୋରିଡା)
ଦିନିକିଆ ପାଇଁ ଭାରତ ଦଳ: ଶିଖର ଧାୱନ (ଅଧିନାୟକ), ରୁତୁରାଜ ଗାଇକ୍ଵାଡ, ଶୁବମାନ ଗିଲ, ଦୀପକ ହୁଡା, ସୂର୍ଯ୍ୟକୁମାର ଯାଦବ, ଶ୍ରେୟସ ଆୟର, ଇଶାନ କିଶନ (ଡବ୍ଲୁ.କେ), ସଞ୍ଜୁ ସାମସନ (ଡବ୍ଲୁ.କେ), ରବିନ୍ଦ୍ର ଜାଡେଜା (ଉପ-ଅଧିନାୟକ), ଶାର୍ଦ୍ଦୁଳ ଠାକୁର ଚହଲ, ଅକ୍ସର ପଟେଲ, ଆବେଶ ଖାନ, ପ୍ରସିଦ୍ଧ କୃଷ୍ଣ, ମହମ୍ମଦ ସିରାଜ ଏବଂ ଅର୍ଶଦୀପ ସିଂ।
ଟି-୨୦ ପାଇଁ ଭାରତ ଦଳ: ରୋହିତ ଶର୍ମା (ଅଧିନାୟକ), ଇଶାନ କିଶନ, କେ.ଏଲ ରାହୁଲ, ସୂର୍ଯ୍ୟକୁମାର ଯାଦବ, ଦୀପକ ହୁଡା, ଶ୍ରେୟସ ଆୟର, ଦୀନେଶ କାର୍ତ୍ତିକ, ଋଷଭ ପନ୍ତ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଅକ୍ସର ପଟେଲ, ଆର ଅଶ୍ୱିନ, ରବି ବିଷ୍ନୋଇ, , ଭୁବନେଶ୍ୱର କୁମାର, ଆବେଶ ଖାନ, ହର୍ଷଲ ପଟେଲ ଏବଂ ଅର୍ଶଦୀପ ସିଂ।