ନୂଆଦିଲ୍ଲୀ: ୨୦୨୨ ଏସିଆ କପ୍ ଶ୍ରୀଲଙ୍କାରେ ଖେଳାଯିବ ନାହିଁ। ଏହାପୂର୍ବରୁ ଶ୍ରୀଲଙ୍କା ଏସିଆ କପ୍ ଆୟୋଜନ କରିବାକୁ ଯାଉଥିଲା, କିନ୍ତୁ ଶ୍ରୀଲଙ୍କାରେ ଚାଲିଥିବା ଅଶାନ୍ତି ଯୋଗୁଁ ଏହି ଟୁର୍ଣ୍ଣାମେଣ୍ଟକୁ ସଂଯୁକ୍ତ ଆରବ ଏମିରେଟ୍ସ (ୟୁଏଇ) କୁ ସ୍ଥାନାନ୍ତର କରାଯାଇଛି। ଏହି ଟୁର୍ଣ୍ଣାମେଣ୍ଟରେ ମୋଟ ୬ ଟି ଦଳ ଅଂଶଗ୍ରହଣ କରିବେ।
ଅଗଷ୍ଟ ୨୭ ରୁ ଏସିଆ କପ୍ ଖେଳାଯିବ:
୬ ଟି ଦଳ ମଧ୍ୟରେ ଖେଳାଯାଉଥିବା ଏହି ଟୁର୍ଣ୍ଣାମେଣ୍ଟ ଅଗଷ୍ଟ ୨୭ ତାରିଖରୁ ଆରମ୍ଭ ହୋଇଥିବାବେଳେ ଏହାର ଅନ୍ତିମ ମ୍ୟାଚ୍ ସେପ୍ଟେମ୍ବର ୧୧ ତାରିଖ ରେ ଖେଳାଯିବ। ତେବେ ଟୁର୍ଣ୍ଣାମେଣ୍ଟର ଯୋଗ୍ୟତା ମ୍ୟାଚ୍ ଅଗଷ୍ଟ ୨୪ ତାରିଖରୁ ଆରମ୍ଭ ହେବ। ପୁଣିଥରେ ଏସିଆ କପ୍ ଟି-୨୦ ଫର୍ମାଟରେ ଖେଳାଯିବ।
ଏହି ଦଳ ମଧ୍ୟରେ ଯୋଗ୍ୟତା ମ୍ୟାଚ୍ ଖେଳାଯିବ:
ପ୍ରକାଶ ଥାଉ କି ଏସିଆ କପ୍ ପାଇଁ ପାଞ୍ଚଟି ଦଳ ଚୟନ ହୋଇସାରିଛନ୍ତି। ଏଥି ସହିତ ଷଷ୍ଠ ଦଳ ଯୋଗ୍ୟତା ପର୍ଯ୍ୟାୟରୁ ଟପ୍ -୬ ରେ ପହଞ୍ଚିବ। ଅଗଷ୍ଟ ୨୪ ତାରିଖରୁ ଚାରିଟି ଦଳ ମଧ୍ୟରେ ଯୋଗ୍ୟତା ମ୍ୟାଚ୍ ଖେଳାଯିବ।
ଶ୍ରୀଲଙ୍କା, ଭାରତ, ପାକିସ୍ଥାନ, ବାଂଲାଦେଶ ଏବଂ ଆଫଗାନିସ୍ତାନର ଦଳ ଅଗଷ୍ଟ ୨୭ ତାରିଖରୁ ଏସିଆ କପ୍ ପାଇଁ ଯୋଗ୍ୟତା ଅର୍ଜନ କରିସାରିଛନ୍ତି। ଏଥି ସହିତ ୟୁଏଇ, କୁଏତ, ସିଙ୍ଗାପୁର ଏବଂ ହଂକଂର ଦଳ ଯୋଗ୍ୟତା ପର୍ଯ୍ୟାୟରେ ପ୍ରତିଦ୍ୱନ୍ଦ୍ୱିତା କରିବେ। ଏହି ଦଳ ମଧ୍ୟରୁ ଗୋଟିଏ ଦଳ ଶେଷ ୬ ଟିରେ ପହଞ୍ଚିବ।
