ନୂଆଦିଲ୍ଲୀ: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ତିନୋଟି ଟି-୨୦ ମ୍ୟାଚ୍ ର ସିରିଜ୍ ନଭେମ୍ବର ୧୮ ତାରିଖରୁ ଆରମ୍ଭ ହେଉଛି। ତିନୋଟି ଟି-୨୦ ମ୍ୟାଚ୍ ବ୍ୟତୀତ ଭାରତୀୟ ଦଳ ନ୍ୟୁଜିଲ୍ୟାଣ୍ଡ ଗସ୍ତରେ ସମାନ ସଂଖ୍ୟକ ଦିନିକିଆ ଖେଳିବ। ରୋହିତ ଶର୍ମା, ବିରାଟ କୋହଲି, କେ.ଏଲ୍ ରାହୁଲ ଏବଂ ମହମ୍ମଦ ଶାମିଙ୍କ ପରି ବରିଷ୍ଠ ଖେଳାଳିମାନେ ଏହି ସିରିଜରେ ଖେଳୁ ନାହାଁନ୍ତି। ହାର୍ଦ୍ଦିକ ପାଣ୍ଡ୍ୟାଙ୍କ ହାତରେ ଭାରତୀୟ ଟି-୨୦ ଦଳର ନେତୃତ୍ଵ। ଏଥିସହିତ ଅଭିଜ୍ଞ ଖେଳାଳି ଶିଖର ଧାୱନଙ୍କୁ ଦିନିକିଆ ଦଳର ଅଧିନାୟକତ୍ୱ ଦାୟିତ୍ଵ ଦିଆଯାଇଛି। ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡ ମଧ୍ୟ ନ୍ୟୁଜିଲ୍ୟାଣ୍ଡ ଗସ୍ତରେ ଯାଇ ନାହାଁନ୍ତି। ଭିଭିଏସ୍ ଲକ୍ଷ୍ମଣ ଟିମ୍ ଇଣ୍ଡିଆର କୋଚ୍ ହେବେ।
ଇଣ୍ଡିଆ ବନାମ ନୂଆ ଜିଲାଣ୍ଡ ଟି-୨୦ ସିରିଜ୍ କାର୍ଯ୍ୟସୂଚୀ:
ପ୍ରଥମ ଟି-୨୦ ମ୍ୟାଚ୍: ୧୮ ନଭେମ୍ବର, ୱେଲିଙ୍ଗଟନ୍।
୨ୟ ଟି-୨୦ ମ୍ୟାଚ୍: ୨୦ ନଭେମ୍ବର, ମାଉଣ୍ଟ ମାଉଙ୍ଗାନୁଇକ।
ତୃତୀୟ ଟି-୨୦ ମ୍ୟାଚ୍: ୨୨ ନଭେମ୍ବର, ନାପିଅର୍।
ଟି-୨୦ ସିରିଜ ଭାରତୀୟ ସମୟାନୁସାର ଅପରାହ୍ନ ୧୨ ଟାରେ ଖେଳ ଆରମ୍ଭ ହେବ। ଏହାର ଅଧା ଘଣ୍ଟା ପୂର୍ବରୁ ଟସ୍ ପଡିବ। ଏହି ମ୍ୟାଚ ଡିଡି ସ୍ପୋର୍ଟସରେ ସିଧା ପ୍ରସାରଣ ହେବା ସହିତ ପ୍ରାଇମ ଭିଡ଼ିଓରେ ମଧ୍ୟ ଦେଖାଯାଇପାରିବ।
ପ୍ରଥମ ଟି-୨୦ ପାଇଁ ଭାରତର ସମ୍ଭାବ୍ୟ ଖେଳାଳି ଏକାଦଶ: ଇଶାନ କିଶାନ, ଶୁଭମାନ ଗିଲ, ସୂର୍ଯ୍ୟକୁମାର ଯାଦବ, ଋଷଭ ପନ୍ତ, ଶ୍ରେୟସ ଆୟର, ହାର୍ଦ୍ଦିକ ପାଣ୍ଡ୍ୟା, ୱାଶିଂଟନ ସୁନ୍ଦର, ୟୁଜବେନ୍ଦ୍ର ଚହଲ, ଅର୍ଶଦୀପ ସିଂ, ଭୁବନେଶ୍ୱର କୁମାର ଏବଂ ଉମରନ ମଲିକ।
