ନୂଆଦିଲ୍ଲୀ: ଚୟନ କମିଟି ହଟାଇବା ପରେ ବିସିସିଆଇ ଆଉ ଏକ ବଡ ନିଷ୍ପତ୍ତି ନେବାକୁ ଯାଉଛି। ଟି -୨୦ ଦଳରେ ଜଣେ ନୂତନ ଅଧିନାୟକ ଆଣିବା ସହିତ ଦଳ ପାଇଁ ଅଲଗା ମୁଖ୍ୟ ପ୍ରଶିକ୍ଷକ ନିଯୁକ୍ତ ହେବାର ଆଲୋଚନା ହେଉଛି। ସମ୍ପ୍ରତି ରାହୁଲ ଦ୍ରାବିଡ଼ ଭାରତୀୟ ଦଳକୁ ତିନୋଟି ଫର୍ମାଟରେ ପ୍ରଶିକ୍ଷଣ ଦେଉଛନ୍ତି, କିନ୍ତୁ ଖୁବ୍ ଶୀଘ୍ର ଏହା ଦେଖିବାକୁ ମିଳିବ ଯେ, ଦ୍ରାବିଡଙ୍କ କାର୍ଯ୍ୟ କେବଳ ଟେଷ୍ଟ ଏବଂ ଦିନିକିଆରେ ସୀମିତ ରହିବ। କ୍ରମାଗତ ଦୁଇଟି ଟି-୨୦ ବିଶ୍ୱକପରେ ନିରାଶ ହେବା ପରେ ବର୍ତ୍ତମାନ ବୋର୍ଡ ଏହି ଫର୍ମାଟକୁ ସମ୍ପୂର୍ଣ୍ଣ ଭିନ୍ନ ଢଙ୍ଗରେ ଚଳାଇବାକୁ ଚିନ୍ତା କରୁଛି।
ବିସିସିଆଇର ଜଣେ ଅଧିକାରୀ କହିଛନ୍ତି ଯେ, “ଆମେ ଲଗାତାର ହାରିବା ସହ୍ୟ କରିପାରିବୁ ନାହିଁ ଏବଂ ବର୍ତ୍ତମାନ ଆମେ କୌଣସି ସୁଯୋଗ ନେବାକୁ ଚାହୁଁନାହୁଁ। ଆମେ ରୋହିତ ଶର୍ମାଙ୍କ ସହ ଆଲୋଚନା କରୁଛୁ ଏବଂ ସେ ଟି-୨୦ ଫର୍ମାଟରେ ନୂତନ ଅଧିନାୟକ ନିଯୁକ୍ତ କରିବା ପାଇଁ ସଂକେତ ଦେଉଛନ୍ତି। ଆମେ ରାହୁଲଙ୍କ ସହ ମଧ୍ୟ ତାହା କରିବୁ। ଏଥିରେ କୌଣସି ସନ୍ଦେହ ନାହିଁ ଯେ, ସେ ଜଣେ ବଡ କିମ୍ବଦନ୍ତୀ, କିନ୍ତୁ ବର୍ତ୍ତମାନ ସମୟରେ ତାଙ୍କ ଉପରେ ବହୁତ ଭାର ରହିଛି ଏବଂ ଆମେ ଏହାକୁ ହ୍ରାସ କରିବାକୁ ଚାହୁଁଛୁ। ଆମେ ଶୀଘ୍ର ତାଙ୍କୁ ଭେଟିବୁ।
ଧୋନିଙ୍କୁ ଭାରତୀୟ ଟି-୨୦ ଦଳରେ ଆଣିବାକୁ ପ୍ରସ୍ତୁତି ଚାଲିଛି। ଭାରତୀୟ ପ୍ରିମିୟର ଲିଗର ଆଗାମୀ ସିଜିନ ଖେଳିବା ପରେ ଧୋନି କ୍ରିକେଟରୁ ଅବସର ନେବେ ବୋଲି ବିଶ୍ୱାସ କରାଯାଉଛି ଏବଂ ବିସିସିଆଇ ଏହି ସୁଯୋଗ ହାତଛଡ଼ା କରିବାକୁ ଚାହୁଁନାହିଁ। ଧୋନି ଏହି ଖେଳକୁ ବହୁତ ଭଲ ଭାବରେ ବୁଝନ୍ତି ଏବଂ ସେ ଏଥିପାଇଁ ଖେଳାଳିମାନଙ୍କୁ ଭଲ ଭାବରେ ପ୍ରସ୍ତୁତ କରିପାରିବେ। ଧୋନିଙ୍କୁ ଦଳର ନିର୍ଦ୍ଦେଶକ କରିବା ପାଇଁ ପ୍ରସ୍ତୁତି ଚାଲିଛି।
