କୋଚି: କୋଚିରେ ଆଇପିଏଲ୍ ନିଲାମ ୨୦୨୩ ଚାଲିଛି। ଏହି ନିଲାମରେ ଇଂଲଣ୍ଡର ସାମ କୁରାନ୍ ସର୍ବାଧିକ ବିକ୍ରି ହୋଇଥିଲେ। ସାମ୍ କୁରାନ୍ ଙ୍କୁ ପଞ୍ଜାବ କିଙ୍ଗସ୍ ୧୮.୫୦ କୋଟିରେ କିଣିଛି। ଯେଉଁଠାରେ ଅଷ୍ଟ୍ରେଲିଆର କ୍ୟାମେରନ୍ ଗ୍ରୀନ୍ ଦ୍ୱିତୀୟ ମହଙ୍ଗା ଖେଳାଳି ହୋଇଛନ୍ତି। କ୍ୟାମେରନ୍ ଗ୍ରୀନ୍ ମୁମ୍ବାଇ ଇଣ୍ଡିଆନ୍ସଙ୍କ ସହ ୧୭.୫୦ କୋଟି ଟଙ୍କାରେ ଯୋଗ ଦେଇଛନ୍ତି। ଇଂଲଣ୍ଡର ବେନ୍ ଷ୍ଟୋକ୍ସ ତୃତୀୟ ମହଙ୍ଗା ଖେଳାଳି ହୋଇଛନ୍ତି। ବେନ ଷ୍ଟୋକ୍ସଙ୍କୁ ଚେନ୍ନାଇ ସୁପର କିଙ୍ଗ୍ସ ୧୬.୨୫ କୋଟିରେ କିଣିଛି। ଏହିପରି ଭାବରେ ସାମ୍ କୁରାନ୍, କ୍ୟାମେରନ୍ ଗ୍ରୀନ୍ ଏବଂ ବେନ୍ ଷ୍ଟୋକ୍ସ ତିନି ମହଙ୍ଗା ଖେଳାଳି ଥିଲେ।
ଏହା ବ୍ୟତୀତ ୱେଷ୍ଟଇଣ୍ଡିଜ୍ ୱିକେଟ୍ କିପର ବ୍ୟାଟ୍ସମ୍ୟାନ୍ ନିକୋଲାସ୍ ପୁରାନ୍ ଙ୍କୁ ୧୬ କୋଟିରେ ବିକ୍ରି କରାଯାଇଛି। ନିକୋଲାସ୍ ପୁରାନ୍ ଙ୍କୁ ଲକ୍ଷ୍ନୌ ସୁପର ଜଏଣ୍ଟସ୍ କିଣିଛି। ସେହିଭଳି ଇଂଲଣ୍ଡର ଯୁବ ବ୍ୟାଟ୍ସମ୍ୟାନ୍ ହ୍ୟାରି ବ୍ରୁକଙ୍କୁ ୧୩.୨୫ କୋଟିରେ ବିକ୍ରି କରାଯାଇଛି। ହ୍ୟାରି ବ୍ରୁକ୍ ସନରାଇଜର୍ସ ହାଇଦ୍ରାବାଦ ଦ୍ୱାରା କିଣାଯାଇଛନ୍ତି। ଆଇପିଏଲ୍ ନିଲାମ ୨୦୨୩ ରେ ବାକି ଅଲରାଉଣ୍ଡର ଖେଳାଳିଙ୍କ ବିଷୟରେ ଆଲୋଚନା କଲେ ରାଜସ୍ଥାନ ରୟାଲ୍ସ ଜେସନ ହୋଲଡରଙ୍କୁ ୫.୭୫ କୋଟି ଟଙ୍କାରେ ଯୋଡିଛି। ସିକନ୍ଦର ରଜା ପଞ୍ଜାବ କିଙ୍ଗ୍ସ ଦ୍ୱାରା ୫୦ ଲକ୍ଷ ଟଙ୍କାରେ କିଣାଯାଇଛନ୍ତି। ତେବେ ବାଂଲାଦେଶର ଅଭିଜ୍ଞ ଅଲରାଉଣ୍ଡର ଶାକିବ ଅଲ ହାସନଙ୍କୁ କୌଣସି ଦଳ କିଣିନାହାଁନ୍ତି। ବାସ୍ତବରେ ଶାକିବ ଅଲ ହାସନ ଆଇପିଏଲରେ କୋଲକାତା ନାଇଟ୍ ରାଇଡର୍ସ ଏବଂ ସନରାଇଜର୍ସ ପାଇଁ ଖେଳିଛନ୍ତି।
