ନୂଆଦିଲ୍ଲୀ: ଆଜି ରାଉରକେଲାରେ ଚାଲିଥିବା ହକି ବିଶ୍ୱକପ୍ର ଶେଷ ମ୍ୟାଚ୍ରେ ଭାରତୀୟ ଦଳ ଦକ୍ଷିଣ ଆଫ୍ରିକାକୁ ୫-୨ ରେ ପରାସ୍ତ କରିଛି। ଏହି ବିଜୟ ସହିତ ଭାରତ ହକି ବିଶ୍ୱକପ-୨୦୨୩ ରେ ୯ ମ ସ୍ଥାନ ହାସଲ କରିଛି। ବିର୍ସା ମୁଣ୍ଡା ଆନ୍ତର୍ଜାତୀୟ ହକି ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚରେ ଭାରତର ପାଞ୍ଚଜଣ ଭିନ୍ନ ଭିନ୍ନ ଖେଳାଳି ଗୋଲ ସ୍କୋର କରି ଟୁର୍ଣ୍ଣାମେଣ୍ଟକୁ ବିଜୟୀ କରିଥିଲେ। ଟୁର୍ଣ୍ଣାମେଣ୍ଟରେ ୯ ରୁ ୧୨ ସ୍ଥାନ ପାଇଁ ଏହି ମ୍ୟାଚ୍ ଖେଳାଯାଇଥିଲା। ଏହାପୂର୍ବରୁ ହରମାନପ୍ରୀତ ସିଂଙ୍କ ନେତୃତ୍ୱାଧୀନ ଦଳ ଗୁରୁବାର ଦିନ ୯ ରୁ ୧୬ ସ୍ଥାନ ପାଇଁ ଜାପାନକୁ ୮-୦ ଗୋଲରେ ପରାସ୍ତ କରିଛି। ପେନାଲ୍ଟି ସୁଟଆଉଟରେ ନ୍ୟୁଜିଲ୍ୟାଣ୍ଡ ଦ୍ଵାରା କ୍ୱାର୍ଟର ଫାଇନାଲ ଦୌଡରୁ ଟିମ୍ ଇଣ୍ଡିଆକୁ ବାଦ୍ ଦିଆଯାଇଥିଲା।
ଗୋଲ ସାରାଂଶ:
ଭାରତ:
୫ ମିନିଟ- ଅଭିଷେକ ନୈନ
୧୨ ମିନିଟ- ହରମାନପ୍ରୀତ ସିଂ
୪୫ ମିନିଟ- ସମଶର ସିଂ
୪୯ ମିନିଟ- ଆକାଶଦୀପ ସିଂ
୫୯ ମିନିଟ- ସୁଖଜିତ୍ ସିଂ
ଦକ୍ଷିଣ ଆଫ୍ରିକା:
୪୯ ମିନିଟ- ସଙ୍କେଲୋ ମୱିମ୍ବି
୬୦ ମିନିଟ- କାସିମ୍ ମୁସ୍ତଫା।
