ନୂଆଦିଲ୍ଲୀ: ମହିଳା ଟି -୨୦ ବିଶ୍ୱକପ ମ୍ୟାଚରେ ଇଂଲଣ୍ଡ ଦଳ ଟିମ୍ ଇଣ୍ଡିଆ ଆଗରେ ଥିଲା। ଏହି ମ୍ୟାଚ୍ରେ ଇଂଲଣ୍ଡ ଭାରତୀୟ ଦଳକୁ ୧୧ ରନରେ ପରାସ୍ତ କରିଛି। ଏହି ମ୍ୟାଚ ଜିତିବା ପାଇଁ ଭାରତୀୟ ଦଳର ଲକ୍ଷ୍ୟ ୧୫୨ ରନ୍ ଥିଲା, କିନ୍ତୁ ହରମାନପ୍ରୀତ କୌରଙ୍କ ନେତୃତ୍ୱରେ ଦଳ ୨୦ ଓଭରରେ ୫ ୱିକେଟ୍ ହରାଇ ୧୪୦ ରନ୍ କରିପାରିଥିଲା। ସ୍ମୃତି ମନ୍ଧନା ଏବଂ ରିଚା ଘୋଷ ଭାରତ ପାଇଁ ଚମତ୍କାର ଇନିଂସ ଖେଳିଥିଲେ ମଧ୍ୟ ଟିମ୍ ଇଣ୍ଡିଆ ବିଜୟର ଦ୍ୱାର ଦେଶରେ ପହଞ୍ଚି ପାରି ନଥିଲା। ସ୍ମୃତି ମନ୍ଧନା ୪୧ ବଲରେ ୫୨ ରନ୍ ସଂଗ୍ରହ କରିଥିଲେ। ସେ ୭ ଚୌକା ଓ ଗୋଟିଏ ଛକା ମାରିଥିଲେ। ଏଥି ସହିତ ରିଚା ଘୋଷ ୩୪ ବଲରୁ ଅପରାଜିତ ୪୭ ରନ୍ କରିଥିଲେ। ସେ ତାଙ୍କ ଇନିଂସରେ ୪ ଟି ଚୌକା ଓ ୨ ଟି ଛକା ମାରିଥିଲେ।
ସ୍ମୃତି ମନ୍ଧନା ଏବଂ ରିଚା ଘୋଷଙ୍କ ବ୍ୟତୀତ ବାକି ବ୍ୟାଟ୍ସମ୍ୟାନ୍ ମାନେ ଟିମକୁ ନିରାଶ କରିଥିଲେ। ଓପନର୍ ଶେଫାଲୀ ଭର୍ମା ୧୧ ବଲରେ ୮ ରନ୍ ସଂଗ୍ରହ କରିଥିଲେ। ଜେମିମା ରୋଡ୍ରିଗୁସ୍ ୧୬ ବଲରୁ ୧୩ ରନ୍ ସ୍କୋର କରିଥିଲେ। ଏହା ବ୍ୟତୀତ ଅଧିନାୟକ ହରମାନପ୍ରୀତ କୌର ଏବଂ ଦୀପ୍ତି ଶର୍ମା ଯଥାକ୍ରମେ ୪ ଓ ୭ ରନ୍ ସଂଗ୍ରହ କରିଥିଲେ। ଅନ୍ୟପକ୍ଷରେ ଇଂଲଣ୍ଡର ସାରା ଗ୍ଲେନ୍ ସର୍ବାଧିକ ୱିକେଟ୍ ନେଇଥିଲେ। ସେ ୪ ଓଭରରେ ୨୭ ରନ୍ ଦେଇ ୨ ଟି ଖେଳାଳିଙ୍କୁ ଆଉଟ କରିଥିଲେ।
ଏହାପୂର୍ବରୁ ଭାରତୀୟ ଦଳର ଅଧିନାୟକ ହରମାନପ୍ରୀତ କୌର ଟସ୍ ଜିତିବା ପରେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରି ଇଂଲଣ୍ଡ ଟିମ୍ ଇଣ୍ଡିଆ ସମ୍ମୁଖରେ ବିଜୟ ପାଇଁ ୧୫୨ ରନ୍ ସଂଗ୍ରହ କରିଥିଲା। ଇଂଲଣ୍ଡ ପାଇଁ ନେଟ୍ ସିଭର୍ ବ୍ରଣ୍ଟ ସର୍ବାଧିକ ୫୦ ରନ୍ ସଂଗ୍ରହ କରିଥିଲେ। ସେ ୫ ଟି ଚୌକା ସହାୟତାରେ ୪୨ ବଲରେ ୫୦ ରନ ଖେଳିଥିଲେ। ଏହି ସମୟରେ ହେଥର ନାଇଟ୍ ୨୩ ବଲରୁ ୨୮ ରନ୍ ସଂଗ୍ରହ କରିଥିଲେ। ସେ ତାଙ୍କ ଇନିଂସରେ ୪ ଟି ଚୌକା ମାରିଥିଲେ। ଏହା ବ୍ୟତୀତ ଆମି ଜୋନ୍ସ ୪୦ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ସେ ତାଙ୍କ ଇନିଂସରେ ୩ ଟି ଚୌକା ଓ ୨ ଟି ଛକା ମାରିଥିଲେ। ଭାରତୀୟ ବୋଲରଙ୍କ ବିଷୟରେ କହିବାକୁ ଗଲେ ରେଣୁକା ସିଂ ସବୁଠାରୁ ସଫଳ ବୋଲର ଥିଲେ। ରେଣୁକା ସିଂ ୪ ଓଭରରେ ୧୫ ରନ୍ ଦେଇ ୫ ଟି ୱିକେଟ୍ ନେଇଥିଲେ। ଏହା ବ୍ୟତୀତ ଶିଖା ପାଣ୍ଡେ ଏବଂ ଦୀପ୍ତି ଶର୍ମାଙ୍କୁ ୧-୧ ସଫଳତା ମିଳିଥିଲା।
