ନୂଆଦିଲ୍ଲୀ: ଦିଲ୍ଲୀରେ ଖେଳାଯାଇଥିବା ଟେଷ୍ଟ ମ୍ୟାଚରେ ଭାରତ ଅଷ୍ଟ୍ରେଲିଆକୁ ୬ ୱିକେଟରେ ପରାସ୍ତ କରିଛି। ଏହି ବିଜୟ ପରେ ଟିମ୍ ଇଣ୍ଡିଆ ଚାରି ଟେଷ୍ଟ ସିରିଜରେ ଅପରାଜିତ ୨-୦ରେ ଆଗୁଆ ହୋଇପାରିଛି। ଏହାପୂର୍ବରୁ ଭାରତ ନାଗପୁର ଟେଷ୍ଟରେ ଇନିଂସ ଏବଂ ୧୩୨ ରନରେ କଙ୍ଗାରୁକୁ ପରାସ୍ତ କରିଥିଲା। କ୍ରମାଗତ ଦ୍ୱିତୀୟ ଟେଷ୍ଟ ଜିତିବା ପରେ ଭାରତ ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଫାଇନାଲ ଆଡ଼କୁ ଗତି କରିଛି। ଯଦି ଆମେ ବର୍ତ୍ତମାନର WTC ପଏଣ୍ଟ ଟେବୁଲକୁ ଦେଖିବା, ତେବେ ଭାରତ ଦ୍ୱିତୀୟ ସ୍ଥାନରେ ନିଜର ସ୍ଥିତିକୁ ଆହୁରି ମଜବୁତ କରିଛି। ପଏଣ୍ଟ ଟେବୁଲର ଶ୍ରେଷ୍ଠ ଦୁଇ ଦଳ ଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ। ଅଷ୍ଟ୍ରେଲିଆ ଫାଇନାଲରେ ପ୍ରବେଶ କରିସାରିଛି। ବର୍ତ୍ତମାନ ଟିମ୍ ଇଣ୍ଡିଆ ଟାଇଟଲ୍ ମ୍ୟାଚ୍ ରେ ପହଞ୍ଚିବା ଏକପ୍ରକାର ନିଶ୍ଚିତ ହୋଇଛି।
ଯଦି ଆମେ ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପ୍ର ସର୍ବଶେଷ ପଏଣ୍ଟ ଟେବୁଲକୁ ଦେଖିବା, ୬୪.୦୬ ପଏଣ୍ଟ ସହ ଭାରତ ଦ୍ୱିତୀୟ ସ୍ଥାନରେ ଅଛି। ୬୬.୬୭ ପଏଣ୍ଟ ସହ ଅଷ୍ଟ୍ରେଲିଆର ଦଳ ଏକ ନମ୍ବରରେ ରହିଛି। ଏହା ବ୍ୟତୀତ ଶ୍ରୀଲଙ୍କା ୫୩.୩୩ ପଏଣ୍ଟ ସହ ତୃତୀୟ, ଦକ୍ଷିଣ ଆଫ୍ରିକା ୪୮.୭୨ ପଏଣ୍ଟ ସହ ଚତୁର୍ଥ, ୪୦.୯୧ ପଏଣ୍ଟ ସହ ୱେଷ୍ଟଇଣ୍ଡିଜ ଷଷ୍ଠ, ୩୮.୧ ପଏଣ୍ଟ ସହ ପାକିସ୍ତାନ ସପ୍ତମ, ୨୭.୨୭ ପଏଣ୍ଟ ସହ ନ୍ୟୁଜିଲ୍ୟାଣ୍ଡ ଅଷ୍ଟମ ଏବଂ ୧୧.୧୧ ପଏଣ୍ଟ ସହ ବାଂଲାଦେଶ ଦଳ ୯ ନମ୍ବର ସ୍ଥାନରେ ଅଛି।
ଆଇସିସି ବିଶ୍ୱ ଟେଷ୍ଟ ଚାମ୍ପିଅନସିପ୍ ର ଫାଇନାଲ୍ ଚଳିତ ବର୍ଷ ଜୁନ୍ ୭ ତାରିଖରୁ ଲଣ୍ଡନର ଓଭାଲ୍ ଗ୍ରାଉଣ୍ଡରେ ଖେଳାଯିବ। ଅଷ୍ଟ୍ରେଲିଆର ଦଳ ଏହି ପ୍ରତିଯୋଗିତାର ଫାଇନାଲରେ ପହଞ୍ଚି ସାରିଛି। ତେବେ ଟାଇଟଲ ମ୍ୟାଚରେ ତାଙ୍କ ବିରୋଧରେ କିଏ ହେବ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। କିନ୍ତୁ ଭାରତ ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଫାଇନାଲ ଖେଳିବା ନିଶ୍ଚିତ। ବର୍ତ୍ତମାନ ଭାରତ ଦଳ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ରହିଛି। ବିଶ୍ୱ ଟେଷ୍ଟ ଚାମ୍ପିଅନସିପର ଫାଇନାଲରେ ପ୍ରବେଶ କରିବାକୁ ଭାରତୀୟ ଦଳକୁ ବର୍ତ୍ତମାନର ସିରିଜରେ ଅଷ୍ଟ୍ରେଲିଆକୁ ୨-୦ କିମ୍ବା ୩-୧ ରେ ପରାସ୍ତ କରିବାକୁ ପଡିବ। ଯଦିଓ ଭାରତ ଅଷ୍ଟ୍ରେଲିଆ ବିପକ୍ଷରେ ୨-୦ ଅଗ୍ରଣୀ ହାସଲ କରିଛି। ବର୍ତ୍ତମାନ ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଫାଇନାଲରେ ପହଞ୍ଚିବା ପାଇଁ ତାଙ୍କୁ ବାକି ଦୁଇଟି ମ୍ୟାଚ୍ ଡ୍ର କରିବାକୁ ପଡିବ। ଏହା ଦ୍ଵାରା ଭାରତୀୟ ଦଳ ବିଶ୍ୱ ଟେଷ୍ଟ ଚାମ୍ପିୟନଶିପ୍ର ଫାଇନାଲରେ ପହଞ୍ଚିବା ପ୍ରାୟ ନିଶ୍ଚିତ ହେବ।
