ନୂଆଦିଲ୍ଲୀ: ଭାରତର ଅଧିନାୟକ ରୋହିତ ଶର୍ମା ଏକ ସ୍ୱତନ୍ତ୍ର ରେକର୍ଡ ସୃଷ୍ଟି କରିଛନ୍ତି। ରୋହିତ ଇନିଂସରେ ୨୧ ରନ୍ ସଂଗ୍ରହ କରିବା ମାତ୍ରେ ସେ ଅନ୍ତର୍ଜାତୀୟ କ୍ରିକେଟ୍ ରେ ୧୭ ହଜାର ରନ୍ ପୂରଣ କରିବାରେ ସକ୍ଷମ ହୋଇଛନ୍ତି। ସେ ଅନ୍ତର୍ଜାତୀୟ କ୍ରିକେଟରେ ୧୭ହଜାର ରନ୍ ସ୍କୋର କରିବାରେ ଭାରତର ସପ୍ତମ ବ୍ୟାଟ୍ସମ୍ୟାନ୍ ହୋଇଛନ୍ତି। ରୋହିତଙ୍କ ପୂର୍ବରୁ ସଚିନ ତେନ୍ଦୁଲକର, ବିରାଟ କୋହଲି, ରାହୁଲ ଦ୍ରାବିଡ, ସୌରଭ ଗାଙ୍ଗୁଲି, ଏମଏସ ଧୋନି ଏବଂ ବିରେନ୍ଦ୍ର ସେହୱାଗ ଅନ୍ତର୍ଜାତୀୟ କ୍ରିକେଟରେ ଏଭଳି ପ୍ରଦର୍ଶନ କରିବାରେ ସଫଳ ହୋଇଛନ୍ତି।
ପ୍ରକାଶ ଯେ, ସଚିନ ତେନ୍ଦୁଲକର ଭାରତ ପାଇଁ ସର୍ବାଧିକ ଆନ୍ତର୍ଜାତୀୟ ରନ୍ କରିଛନ୍ତି। ତେନ୍ଦୁଲକର ମଧ୍ୟ ବିଶ୍ୱ କ୍ରିକେଟ୍ ର ସର୍ବାଧିକ ରନ୍ ସ୍କୋରର। ମହାନ ସଚିନ ତାଙ୍କ ଅନ୍ତର୍ଜାତୀୟ କ୍ୟାରିୟରରେ ୩୪,୩୫୭ ରନ୍ ସ୍କୋର କରିବାର ରେକର୍ଡ ରଖିଛନ୍ତି। ଏଥି ସହିତ, ଏହି ମାମଲାରେ ଶ୍ରୀଲଙ୍କାର ଭେଟେରାନ ବ୍ୟାଟ୍ସମ୍ୟାନ୍ କୁମାର ସାଙ୍ଗାକାରା ଦ୍ୱିତୀୟ ସ୍ଥାନରେ ଅଛନ୍ତି, ଯିଏ ତାଙ୍କ କ୍ୟାରିୟରରେ ୨୮,୦୧୬ ରନ୍ ସଂଗ୍ରହ କରିଛନ୍ତି।
ଆନ୍ତର୍ଜାତୀୟ କ୍ରିକେଟ୍ ରେ ୧୭୦୦୦+ ରନ୍ କରିଥିବା ସକ୍ରିୟ ଖେଳାଳି:
– ବିରାଟ କୋହଲି – ୨୫୦୪୭
– ଜୋ ରୁଟ୍ – ୧୮୦୪୮
– ଡେଭିଡ୍ ୱାର୍ଣ୍ଣର – ୧୭୦୫୯
– ରୋହିତ ଶର୍ମା – ୧୭୦୧୧
ଏଥି ସହ ଭାରତର ଅଧିନାୟକ ରୋହିତ ଶର୍ମା ୩୫ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ରୋହିତଙ୍କୁ ସ୍ପିନର ମାଥ୍ୟୁ କୁହାନମ୍ୟାନଙ୍କ ଦ୍ୱାରା ରୋହିତଙ୍କୁ ପ୍ୟାଭିଲିୟନର ରାସ୍ତା ଦେଖାଯାଇଥିଲା।