ନୂଆଦିଲ୍ଲୀ: ଆଜି ଆଇପିଏଲ୍ ରେ ରାଜସ୍ଥାନ ରୟାଲ୍ସ ଏବଂ ଲକ୍ଷ୍ନୌ ସୁପର ଜିଆଣ୍ଟସ୍ ଦଳ ମୁହାଁମୁହିଁ ହେବେ। ଦୁଇ ଦଳ ମଧ୍ୟରେ ମ୍ୟାଚ୍ ଜୟପୁରର ସୱାଇ ମାନସିଂହ ଷ୍ଟାଡିୟମରେ ଖେଳାଯିବ। ଏହି ମ୍ୟାଚ୍ ଭାରତୀୟ ସମୟ ସନ୍ଧ୍ୟା ୭.୩୦ ରେ ଆରମ୍ଭ ହେବ। ବର୍ତ୍ତମାନ, ରାଜସ୍ଥାନ ରୟାଲ୍ସ ଦଳ ପଏଣ୍ଟ ଟେବୁଲର ଶୀର୍ଷରେ ଥିବାବେଳେ କେଏଲ ରାହୁଲଙ୍କ ନେତୃତ୍ୱାଧୀନ ଲକ୍ଷ୍ନୌ ସୁପର ଜିଆଣ୍ଟସ ପଏଣ୍ଟ ଟେବୁଲରେ ଦ୍ୱିତୀୟ ସ୍ଥାନରେ ରହିଛି। ଏହିପରି, ପ୍ରଶଂସକମାନେ ପଏଣ୍ଟ ଟେବୁଲର ଶ୍ରେଷ୍ଠ-୨ ଦଳ ମଧ୍ୟରେ ଏକ ଆକର୍ଷଣୀୟ ପ୍ରତିଯୋଗିତା ଦେଖିବାକୁ ପାଇବେ।
ରାଜସ୍ଥାନ ରୟାଲ୍ସ ଏବଂ ଲକ୍ଷ୍ନୌ ସୁପର ଜଏଣ୍ଟସ୍ ଦଳ ସୱାଇ ମାନସିଂହ ଷ୍ଟାଡିୟମ୍ ଜୟପୁରରେ ମୁହାଁମୁହିଁ ହେବେ। ସାୱାଇ ମାନସିଂହ ଷ୍ଟାଡିୟମର ପିଚ୍ ବିଷୟରେ କହିବାକୁ ଗଲେ ଏହି ୱିକେଟ୍ ରେ ହାରାହାରି ସ୍କୋର ୧୬୪ ରନ୍ ହୋଇଛି। ଏଥି ସହିତ, ପରିସଂଖ୍ୟାନ ଦର୍ଶାଉଛି ଯେ, ପଛରେ ବ୍ୟାଟିଂ କରୁଥିବା ଦଳ ଅଧିକ ମ୍ୟାଚ୍ ଜିତିଛନ୍ତି। ତେବେ ରାଜସ୍ଥାନ ରୟାଲ୍ସ ଏବଂ ଲକ୍ଷ୍ନୌ ସୁପର ଜିଆଣ୍ଟସ୍ ମଧ୍ୟରେ ହୋଇଥିବା ମ୍ୟାଚରେ ଟସ୍ ଜିତିଥିବା ଅଧିନାୟକ ପ୍ରଥମେ ବୋଲିଂ କରିବାକୁ ଚାହାଁନ୍ତି। ତେବେ ଟସ୍ ଜିତିଥିବା ଅଧିନାୟକ ପ୍ରଥମେ କ’ଣ କରିବେ ତାହା ଦେଖିବା ମଜାଦାର ହେବ।
ଲକ୍ଷ୍ନୌ ସୁପର ଜଏଣ୍ଟସ୍ ର ସମ୍ଭାବ୍ୟ ଏକାଦଶ ଖେଳାଳି:
କେଏଲ ରାହୁଲ (ଅଧିନାୟକ), କାଇଲ ମେୟର୍ସ, ଦୀପକ ହୁଡା, କୃନାଲ ପାଣ୍ଡ୍ୟା, ନିକୋଲାସ ପୁରନ, ମାର୍କସ ଷ୍ଟୋଇନିସ, ଆୟୁଷ ବଡୋନି, ଆବେଶ ଖାନ, ଯୁଦ୍ଧବୀର ସିଂହ ଚରକ, ମାର୍କ ୱୁଡ, ରବି ବିଶ୍ନୋଇ।
ରାଜସ୍ଥାନ ରୟାଲ୍ସର ସମ୍ଭାବ୍ୟ ଖେଳାଳି ଏକାଦଶ:
ଯଶସ୍ୱୀ ଜୟସ୍ଵାଲ, ଜୋସ୍ ବଟଲର, ସଞ୍ଜୁ ସାମସନ (ଅଧିନାୟକ), ରିୟାନ୍ ପରାଗ, ଶିମ୍ରନ୍ ହେଟମିୟର, ଧ୍ରୁଭ ଜୁରେଲ, ରବିଚନ୍ଦ୍ରନ ଅଶ୍ୱିନ, ଟ୍ରେଣ୍ଟ ବୋଲ୍ଟ, ଏଡମ ଜାମ୍ପା, ସନ୍ଦୀପ ଶର୍ମା ଏବଂ ୟୁଜଭେନ୍ଦ୍ର ଚହଲ।
