ନୂଆଦିଲ୍ଲୀ: ରାଜସ୍ଥାନ ରୟାଲ୍ସ ଏବଂ ଲକ୍ଷ୍ନୌ ସୁପର ଜଏଣ୍ଟସ୍ ମଧ୍ୟରେ ମ୍ୟାଚ୍ ଆଜି ଜୟପୁରର ସୱାଇ ମାନସିଂହ ଷ୍ଟାଡିୟମରେ ଖେଳାଯାଇଥିଲା। ପ୍ରଥମେ ବ୍ୟାଟିଂ କରି ରାଜସ୍ଥାନ ରୟାଲ୍ସ ୨୦ ଓଭରରେ ୧୯୩ ରନ୍ ସଂଗ୍ରହ କରିଥିଲା। ଏହି ମ୍ୟାଚରେ ସଞ୍ଜୁ ସାମସନ୍ ୫୨ ବଲରେ ୮୨ ରନ୍ ର ଇନିଂସ ଖେଳିଥିଲେ, ଯେଉଁଥିରେ ସେ ୩ ଚୌକା ଓ ୬ ଛକା ମାରିଥିଲେ। ରିୟାନ୍ ପରାଗ୍ ମଧ୍ୟ ମ୍ୟାଚର ହିରୋ ଥିଲେ, ଯିଏ ୨୯ ବଲରେ ୪୩ ରନ୍ ସଂଗ୍ରହ କରିଥିଲେ।
ଟାର୍ଗେଟକୁ ପିଛା କରି ଲକ୍ଷ୍ନୌ ଦଳ ଆରମ୍ଭରେ ଅଧିକ ୱିକେଟ୍ ହରାଇଥିଲା। ଲକ୍ଷ୍ନୌ ଦଳ ମାତ୍ର ୬୦ ରନରେ ୪ ୱିକେଟ ହରାଇଥିଲା। କେ.ଏଲ୍ ରାହୁଲ ଏବଂ ନିକୋଲାସ୍ ପୁରାନ୍ ଙ୍କ ମଧ୍ୟରେ ୮୫ ରନ୍ ଭାଗିଦାରୀ ମ୍ୟାଚକୁ ରୋମାଞ୍ଚକର କରିଥିଲା। କେଏଲ ରାହୁଲ ୪୪ ବଲରେ ୫୮ ରନ ଏବଂ ନିକୋଲାସ ପୁରନ ୪୧ ବଲରେ ୬୪ ରନ ସ୍କୋର କରିଥିଲେ। ପୁରନ ଶେଷ ପର୍ଯ୍ୟନ୍ତ କ୍ରିଜରେ ରହିଥିଲେ ମଧ୍ୟ ସନ୍ଦୀପ ଶର୍ମା ଏବଂ ଆବେଶ ଖାନଙ୍କ ଚତୁର ବୋଲିଂ ରାଜସ୍ଥାନର ବିଜୟ ସୁନିଶ୍ଚିତ କରିଥିଲା। ଏହି ମ୍ୟାଚରେ ରାଜସ୍ଥାନ ଲକ୍ଷ୍ନୌ କୁ ୨୦ ରନରେ ପରାସ୍ତ କରିଥିଲା।