ନୂଆଦିଲ୍ଲୀ : ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀ ଆଇପିଏଲ୍ ଏବଂ କ୍ରିକେଟ୍ ପାଇଁ ପ୍ରସ୍ତୁତ ବୋଲି ପୂର୍ବତନ ଚୟନକର୍ତ୍ତା କିରଣ ମୋରେ ମତ ଦେଇଛନ୍ତି । ଚେନ୍ନାଇ ସୁପର କିଙ୍ଗସ୍କୁ ପ୍ରତ୍ୟାବର୍ତ୍ତନ ପାଇଁ ଧୋନୀ ବର୍ତ୍ତମାନ ପ୍ରସ୍ତୁତ ବୋଲି ମୋରେ ପ୍ରକାଶ କରିଛନ୍ତି । ଏହା ସହିତ ଖୁବ୍ ଶୀଘ୍ର ଧୋନୀ ବ୍ଲୁ ଜର୍ସି ସହିତ ଭାରତୀୟ ଦଳକୁ ପ୍ରତ୍ୟାବର୍ତ୍ତନ କରିବେ ବୋଲି ମୋରେ ଭବିଷ୍ୟବାଣୀ କରିଛନ୍ତି । ଧୋନୀଙ୍କ ଅବସର ନେଇ ଚର୍ଚ୍ଚା ଚାଲିଥିବା ବେଳେ ଏହାକୁ ସମ୍ପୂର୍ଣ୍ଣ ଭାବରେ ଖଣ୍ଡନ କରିଛନ୍ତି ପୂର୍ବତନ ମୁଖ୍ୟ ଚୟନକର୍ତ୍ତା । ଧୋନୀଙ୍କ ନିକଟରେ ଆହୁରି 2-3 ବର୍ଷର କ୍ରିକେଟ ବାକି ରହିଛି ଏବଂ ସେ ନିଶ୍ଚିତ ଭାବରେ ଭାରତୀୟ ଦଳକୁ ପ୍ରତ୍ୟାବର୍ତ୍ତନ କରିବେ ବୋଲି ମୋରେ କହିଛନ୍ତି । (ଏଜେନ୍ସି)
