Tag: ଅବକାରୀ ବିଭାଗ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଜରଡା ଥାନା ଅର୍ନ୍ତଗତ ହରିପୁର ଓ ଠଣାଗାଁ ଅଞ୍ଚଳରେ କିଛି ଦେଶୀମଦ ଭାଟି ଉପରେ ଉଭୟ ପୋଲିସ ଓ ଅବକାରୀ ବିଭାଗ ପକ୍ଷରୁ ଚଢ଼ାଉ ହୋଇଛି। ଏହି ଚଢ଼ାଉରେ ପ୍ରାୟ ୨୭ ହଜାର ଲିଟର ମଦ ପୋଚ ନଷ୍ଟ ହୋଇଥିବା ଉଭୟ ବିଭାଗ ପକ୍ଷରୁ ଜଣାପଡିଛି। କିନ୍ତୁ ଆଗୁଆ ସୂଚନା ପାଇ ମଦ ଭାଟି କର୍ମଚାରୀ ଆଉ ମାଲିକ ମାନେ ସେଠାରୁ ଖସି ପଳାଇଯିବାର ସଫଳ ହୋଇଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା ବେଲଗୁଣ୍ଠା ଥାନା ଅର୍ନ୍ତଗତ ଜି ନୁଆ ଗାଁ ରେ ଏକ ମଦ ପ୍ରସ୍ତୁତି କାରଖାନା ଉପରେ ଭଞ୍ଜନଗର, ବୁଗୁଡ଼ା ଓ ବ୍ରହ୍ମପୁର ଅବକାରୀ ବିଭାଗ ପକ୍ଷରୁ ମିଳିତ ଭାବେ ଚଢ଼ାଉ କରି ସଫଳତା ପାଇଛନ୍ତି ଅବକାରୀ ବିଭାଗ ପୋଲିସ। ଭଞ୍ଜନଗର ଅବକାରୀ ଅଧିକାରୀ ଅଲିଭା ମାଝୀଙ୍କ ନେତୃତ୍ବରେ ଏହି ଚଢ଼ାଉରେ ବ୍ରହ୍ମପୁର ଅବକାରୀ ଗୋଇନ୍ଦା ବିଭାଗ, ବୁଗୁଡ଼ା ଓ ଭଞ୍ଜନଗର ଅବକାରୀ ବିଭାଗ କର୍ମଚାରୀଙ୍କ ସହଯୋଗରେ ଚୋରା ଦେଶୀ ମଦ ପ୍ରସ୍ତୁତି କରୁଥିବା ୮ ଜଣ ଅଭିଯୁକ୍ତଙ୍କୁ ଘଟଣାସ୍ଥଳରୁ ଅଟକ ରଖାଯାଇଛି। ଏହା ମଧ୍ୟରେ ୫ ଜଣ ମହିଳା ଅନ୍ତର୍ଭୁକ୍ତ। ଏଥି ସହିତ ଗୋଟିଏ ମୋଟରସାଇକେଲ, ୯୧୦ ଲିଟର ଦେଶୀମଦ, କିଛି ମଦ ପ୍ରସ୍ତୁତି ସାମଗ୍ରୀ ଜବତ କରିବା ସହ ୪ ହଜାର କିଲୋଗ୍ରାମରୁ ଅଧିକ ମଦ ପୋଚକୁ ବିଭାଗୀୟ ଅଧିକାରୀମାନେ ନଷ୍ଟ କରିଛନ୍ତି।

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ନିରଞ୍ଜନ ରେଡ଼ି ନାମକ ଜଣେ ଚୋରା ମଦ ବ୍ୟବସାୟୀକୁ ବ୍ରହ୍ମପୁର ଅବକାରୀ ଗୋଇନ୍ଦା ବିଭାଗ ଖୋଡାସିଙ୍ଗି ନିକଟରେ ଧରିଥିଲା। ନିରଞ୍ଜନଙ୍କୁ ଜେରା କରିବା ବେଳେ ସେ ଗୋଳନ୍ଥରା ଥାନା ଅର୍ନ୍ତଗତ ଇନ୍ଦ୍ରାକ୍ଷୀ ଗ୍ରାମରୁ ବେଆଇନ ରନ୍ଧା ମଦ ଆଣି ନିଜ ଗ୍ରାମରେ ବିକ୍ରି କରୁଥିବା କହିଥିଲେ।

ଏହାପରେ ଅବକାରୀ ପୋଲିସ ଇନ୍ଦ୍ରାକ୍ଷୀ ଠାରେ ଚଢ଼ାଉ କରି ରନ୍ଧା ମଦ ପ୍ରସ୍ତୁତି ପାଇଁ କଞ୍ଚାମାଲ ଯୋଗାଉଥିବା ଗଣେଶ ରେଡ଼ି ନାମକ ଜଣେ ବ୍ୟକ୍ତିକୁ କାବୁ କରିଥିଲେ। ତାଙ୍କୁ ଜେରା କରିବା ପରେ ବେଳେ ସେ ନିମଖଣ୍ଡି ଥାନା ଅର୍ନ୍ତଗତ ଜଗଦଲପୁର ଗ୍ରାମର ବୁଲୁ ଦା କୁ ଉକ୍ତ କଞ୍ଚାମାଲ ଯୋଗାଉଥିବା କହିଥିଲେ।

ଗଣେଶ ଠାରୁ ସୁଚନା ପାଇ ଅବକାରୀ ପୋଲିସ ଜଗଦଲପୁର ଗ୍ରାମର ପଡ଼ିଆ ସାହିରେ ଆତର୍କିତ ଭାବେ ଚଢ଼ାଉ କରି ରନ୍ଧାମଦ ପ୍ରସ୍ତୁତିରେ ନିୟୋଜିତ ବୁଲୁ ଦାସ, ବାବୁଲି ଦାସ ଓ କବିତା ଦାସ କୁ ଘଟଣାସ୍ଥଳରୁ ଧରିଥିଲେ ଓ ସେମାନଙ୍କ ନିକଟରୁ ପ୍ରସ୍ତୁତ ହୋଇସାରିଥିବା ପ୍ରାୟ ୮୦୦ ଲିଟର ମଦ ସହ କିଛି ଜରି ପାଉଚ୍, କିଛି ରନ୍ଧା ମଦ ସାମଗ୍ରୀ,ପେକିଂ ମେସିନ ଓ ଏକ ସ୍କୁଟି ମୋଟରସାଇକେଲ କୁ ଜବତ କରି ଏତଲା ନଂ ୪୬୩/୨୪ ଅନୁଯାୟୀ ମକଦ୍ଦମା ରୁଜୁ କରି ଉକ୍ତ ସମସ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।

ବାଣପୁର: ଖୋର୍ଦ୍ଧା ଜିଲ୍ଲାପାଳ, ଏସପି ଏବଂ ଅବକାରୀ ଅଧିକ୍ଷକଙ୍କ ନିର୍ଦ୍ଦେଶକ୍ରମେ ଆଜି ବାଣପୁର ଥାନା ଅନ୍ତର୍ଗତ କୋଷରଡ଼ା ଜଙ୍ଗଲ ଅଞ୍ଚଳରେ ପୋଲିସ ଓ ଅବକାରୀ ମିଳିତ ଭାବେ ଚଢାଉ କରି ବିପୁଳ ପରିମାଣରେ ପୋଚ ଜବତ ହୋଇଛି।

ସୂଚନା ମୁତାବକ ଆଜି ସକାଳେ ବାଣପୁର ଅତିରିକ୍ତ ତହସିଲଦାର ସାହୀନ ନାଜଙ୍କ ଉପସ୍ଥିତିରେ ଟାଙ୍ଗୀ, ଖୋର୍ଦ୍ଧା, ବାଲୁଗାଁ ଅବକାରୀ ବିଭାଗ ଏବଂ ବାଣପୁର ପୋଲିସ ମିଳିତ ଭାବେ ଉକ୍ତ ଅଞ୍ଚଳରେ ଚଢ଼ାଉ କରିଥିଲା। ଚଢ଼ାଉ ବେଳେ ସମୁଦାୟ ୧୩୧୦ ଲିଟର ଦେଶୀ ମଦ ଜବତ ହୋଇଥିବା ବେଳେ ୧୬୬୦୦ ଲିଟର ପୋଚ ଜବତ ହୋଇ ନଷ୍ଟ କରିଦିଆଯାଇଛି।

ତେବେ ଜଙ୍ଗଲ ଅଞ୍ଚଳର ସୁଯୋଗ ନେଇ ଅଭିଯୁକ୍ତ ମାନେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ବାଲୁଗାଁ ଅବକାରୀ ଅଧିକାରୀ ସୁଜିତ କୁମାର ମୁଦୁଲିଙ୍କ ନେତୃତ୍ୱରେ ଉକ୍ତ ଚଢ଼ାଉ କରାଯାଇଥିଲା।

ରଣପୁର: ରଣପୁର ଅଂଚଳରେ ଦିନକୁ ଦିନ ନିଶା କାରବାର ବଢୁଥିବା ବେଳେ ଏବେ ଆକ୍ସନ ମୋଡ଼ରେ ରଣପୁର ଅବକାରୀ ବିଭାଗ। ଆଜି ରଣପୁର ଅବକାରୀ ପୋଲିସ ମୟୂରଝାଲିଆ ଠାରେ ଚଢ଼ାଉ କରି ୨ ଶହ ଗ୍ରାମର ବ୍ରାଉନ ସୁଗାର ସହ ଗୋଟିଏ ଟାଟା ଏସି ଗାଡି, ୭ଟି ମୋବାଇଲ ଓ ନଗଦ ୧ ଲକ୍ଷ ୧୭ ହଜାର ପାଞ୍ଚଶହ ଜବତ କରିବା ସହ ୨ ଜଣ ଅଭିଯୁକ୍ତଙ୍କୁ ଗିରଫ କରିଛନ୍ତି।

ଅଭିଯୁକ୍ତମାନେ ହେଲେ ସଚିନ ପ୍ରଧାନ ଓ ରୀନା ପ୍ରଧାନ। ଜବତ ସାମଗ୍ରୀର ଆନୁମାନିକ ମୂଲ୍ୟ ୨୦ ଲକ୍ଷ ହୋଇଥିବା ବେଳେ ଏମାନେ ପେସାଦାର ନିଶାବେପାରୀ ବୋଲି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି।

ଭୁବନେଶ୍ୱର: ଅବକାରୀ କମିଶନର ନରସିଂହ ଭୋଳ ବେଆଇନ ମଦ କାରବାରରୁ ଲାଞ୍ଚ ନେଇ ଦୁର୍ନୀତି କରିଥିବା ଅଭିଯୋଗରେ କଟକ ଜିଲ୍ଲା ଅବକାରୀ ଏଏସଆଇ ନିରଞ୍ଜନ ଖଟୁଆଙ୍କୁ ଚାକିରିରୁ ବହିଷ୍କାର କରିଛନ୍ତି। ତାଙ୍କ ବିରୋଧରେ ଏ ସଂକ୍ରାନ୍ତରେ ଅନେକ ଅଭିଯୋଗ ଆସିଥିଲା। ଆଇଟି ଆପ୍ଲିକେସନ୍ ମାଧ୍ୟମରେ ତଦନ୍ତରୁ ବେଆଇନ ମଦ କାରବାରରେ ମଦ ବେପାରୀଙ୍କ ସହ ତାଙ୍କର ସମ୍ପୃକ୍ତି ଥିବା ପ୍ରମାଣିତ ହୋଇଥିଲା।

ଏହା ପୂର୍ବରୁ ମଧ୍ୟ ଗୋଟିଏ ବିଦେଶୀ ମଦ ଦୋକାନରେ ମଦ ବେପାରୀଙ୍କ ସହ ମଦ ପିଇବା ଅଭିଯୋଗରେ ତାଙ୍କୁ ନିଲମ୍ବିତ କରାଯାଇଥିଲା ଏବଂ ତାଙ୍କ ବିରୁଦ୍ଧରେ ବିଭାଗୀୟ ତଦନ୍ତ ଜାରି ରହିଛି। ପୂର୍ବରୁ ବେଆଇନ ଭାବେ ବିଦେଶୀ ମଦ ବିକ୍ରି କରୁଥିବା ବେଳେ ତାଙ୍କ ବାପାଙ୍କୁ କଟକ ଇଆଇ ଓ ଇବି ୟୁନିଟ୍-୧ ଗିରଫ କରି ଜେଲ୍ ହାଜତକୁ ପଠାଇଥିଲେ।

ପୋଷାକରେ ରହି ବେଆଇନ ମଦ କାରବାର ରୋକିବା ଦିଗରେ ସେ ଦାୟିତ୍ୱ ତୁଲାଇବା ପରିବର୍ତ୍ତେ ବେଆଇନ ମଦ ବେପାରୀମାନଙ୍କୁ ସୁରକ୍ଷା ଦେବା ଏବଂ ମଦ ମାଫିଆଙ୍କ ସହ ହାତ ମିଳାଇ ଥିବାର ଯଥେଷ୍ଟ ପ୍ରମାଣ ରହିଛି। ସେ କେବଳ ନିଜକୁ ଅପମାନିତ କରିନାହାନ୍ତି, ବରଂ ତାଙ୍କ କାର‌୍ୟ୍ୟ ଅବକାରୀ ବିଭାଗର ସ୍ୱାର୍ଥ ବିରୋଧୀ। ବେଆଇନ ମଦ କାରବାରରେ ମଦ ବେପାରୀଙ୍କ ସହ ତାଙ୍କର ମିଳାମିଶା ଜଣେ ସରକାରୀ କର୍ମଚାରୀଙ୍କ ପାଇଁ ନୀତି ବିରୁଦ୍ଧ ଓ ଅଗ୍ରହଣୀୟ । ତେଣୁ ଭାରତୀୟ ସମ୍ବିଧାନର ନିୟମ ୩୧୧(୨) (ଖ) ଅନୁଯାୟୀ ଜନସ୍ୱାର୍ଥ ଦୃଷ୍ଟିରୁ ତାଙ୍କୁ ଚାକିରିରୁ ବହିଷ୍କାର କରାଯାଇଛି।

ଏଠାରେ ଉଲ୍ଲେଖଯୋଗ୍ୟ ଯେ ଗତ ପାଞ୍ଚ ମାସ ମଧ୍ୟରେ ୫ ଜଣ ଅବକାରୀ କର୍ମଚାରୀଙ୍କୁ ସେମାନଙ୍କ ବେଆଇନ କାର‌୍ୟ୍ୟପାଇଁ ବହିଷ୍କାର କରାଯାଇଛି। ଅବକାରୀ ବିଭାଗର ସଚ୍ଚୋଟତା ଓ ଦକ୍ଷତା ରେ ଉନ୍ନତି ଆଣିବା ପାଇଁ ଅବକାରୀ ବିଭାଗର ଦୁର୍ନୀତିଗ୍ରସ୍ତ/ ଅପାରଗ ସଦସ୍ୟଙ୍କୁ ବହିଷ୍କାର/ହଟାଇବା ପ୍ରକ୍ରିୟା ଆଗାମୀ ଦିନରେ ଜାରି ରହିବ।

କନ୍ଦର୍ପ ବେହେରା
ରେଢାଖୋଲ: ସମ୍ବଲପୁର ଜିଲ୍ଲା ରେଢ଼ାଖୋଲରେ ଦିନକୁ ଦିନ ଗଂଜେଇ ଚୋରାଚାଲାଣ ବଢିଚାଲିଛି। ପୋଲିସ୍ ଓ ଅବକାରୀ ବିଭାଗ ବହୁ ସମୟରେ ଚୋରା ବେପାରୀମାନଙ୍କୁ ଧରିବାରେ ବିଫଳ ହେଉଛି।

ଗତକାଲି ବିଳମ୍ବିତ ରାତ୍ରିରେ ବୌଦ୍ଧ ରେଢ଼ାଖୋଲ ରାସ୍ତା କଦଳିଗଡ ଟୋଲଗେଟ ନିକଟରେ ବେଆଇନ ଗଂଜେଇ ଚୋରାଚାଲାଣ ପାଇଁ ସଜବାଜ ହେଉଥିବା ବେଳେ ଅବକାରୀ ବିଭାଗ ଧରିବାରେ ସଫଳ ହୋଇଛି। ଉଇଙ୍ଗର୍ ଗାଡ଼ିର ସିଟ ତଳେ ଏକ ଭିନ୍ନ ଧରଣର ଚେମ୍ବର ତିଆରିକରି ଗଞେଇ ଲୋଡିଙ୍ଗ ଚାଲୁଥିବାବେଳେ ରେଢ଼ାଖୋଲ ଅବକାରୀ ବିଭାଗ ଖବର ପାଇ ଗାଡିକୁ ଚଢ଼ାଉ କରି ୧୦୫ କେଜି ଗଂଜେଇ ଜବତ କରିବା ସହ ୨ ଜଣଙ୍କୁ ଅଟକ ରଖିଥିବା ଜଣାପଡିଛି। ଗଂଜେଇ ର ଆନୁମାନିକ ମୂଲ୍ୟ ହେବ ୧୧ଲକ୍ଷ ବୋଲି ଅବକାରୀ ବିଭାଗ କହିଛି। ଗିରଫ ବ୍ୟକ୍ତି ଦୁଇ ଜଣ ହେଲେ ବିହାର ଅଂଚଳର ଗୌତମ କୁମାର(୨୮) ଓ ଲବକୁସ ରାମ(୨୩)।

ଚଢ଼ାଉ ସମୟରେ ଅନ୍ୟ ଏକ ହିରୋ ବାଇକ ରୁ (ଓଆର୧୫କ୍ୟୁ ୦୪୨୯) ୫ କେଜି ଗଞ୍ଜେଇ ଜବତ କରିଛି ଅବକାରୀ ବିଭାଗ ା ବୌଦ୍ଧ ରୁ ରେଢ଼ାଖୋଲ ରାସ୍ତାରେ ଯାଉଥିବାବେଳେ ବାଇକରେ ଯାଉଥିବା ଗଞେଇ ବେପାରୀ ଧରା ପଡିଯାଇଥିଲା।  ରେଢ଼ାଖୋଲ ଆମ୍ବଝୁରି ଗ୍ରାମର ପଙ୍କଜ ପ୍ରଧାନ(୫୫) କୁ ଅବକାରୀ ବିଭାଗ ଗିରଫ କରିଛି। ଅବକାରି ଇନ୍ସପେକ୍ଟର ପବିତ୍ର ମୋହନ ମାଝୀ ଙ୍କ ନିର୍ଦ୍ଦେଶରେ ଏଏସ ଆଇ ସଞ୍ଜୟ ବରିହା, ବନମାଳୀ ନାଏକ ସମେତ ଅବକାରୀ ବିଭାଗର ସମସ୍ତ ଟିମ୍ ସାମିଲ୍ ହୋଇଥିଲେ।

ଖୋର୍ଦ୍ଧା: ଆଜି ଅବକାରୀ ବିଭାଗ ଖୋର୍ଦ୍ଧା ଜିଲ୍ଲା ବାଘମାରି ଛକରେ ଚଢ଼ାଉ କରି ବିପୁଳ ପରିମାଣରେ ଗଞ୍ଜେଇ ଜବତ କରିବା ସହ ଜଣେ ମହିଳାଙ୍କୁ ଗିରଫ କରିଛି। ଅଭିଯୁକ୍ତ ମହିଳା ଜଣକ ହେଲେ ବାଲେଶ୍ୱର ଜିଲ୍ଲାର ଯଶୋଦା ବେହେରା। ତାଙ୍କ ନିକଟରୁ ୧୬.୬୦୦ କେଜି ଗଞ୍ଜେଇ ଜବତ ହୋଇଛି, ଯାହାର ଆନୁମାନିକ ମୂଲ୍ୟ ୧ ଲକ୍ଷ ୬୦ ହଜାର ଟଙ୍କା ହେବ।

ଆଜି ବେଗୁନିଆ ଅବକାରୀ ବିଭାଗ ପାଟ୍ରୋଲିଂ କରୁଥିବା ବେଳେ ବାଘମାରୀ ଛକରେ ଉକ୍ତ ମହିଳା ଅଭିଯୁକ୍ତ ଗଞ୍ଜେଇ ସହ ଧରା ପଡ଼ିଥିଲେ। ଏହି ପରିପ୍ରେକ୍ଷୀରେ ଅଭିଯୁକ୍ତଙ୍କ ବିରୁଦ୍ଧରେ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି।

ଖୋର୍ଦ୍ଧା: ଆଜି ଅବକାରୀ ବିଭାଗ ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅଞ୍ଚଳରେ ଚଢ଼ାଉ କରି ୧୫ କେଜି ଗଞ୍ଜେଇ ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରିଛି। ବେଗୁନିଆ ଥାନା ଭାଗଲପୁର ଗ୍ରାମରୁ ଅଭିଯୁକ୍ତ ପ୍ରମୋଦ କୁମାର ସାହୁ (୫୭) ଗିରଫ ହୋଇଥିବା ବେଳେ ତାଙ୍କ ନିକଟରୁ ଉକ୍ତ ଗଞ୍ଜେଇ ଜବତ ହୋଇଛି।

ଜବତ ଗଞ୍ଜେଇର ମୂଲ୍ୟ ଦେଢ଼ ଲକ୍ଷ ଟଙ୍କା ହେବ ବୋଲି ଜଣାପଡିଛି। ଅଭିଯୁକ୍ତଙ୍କ ବିରୁଦ୍ଧରେ ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି।

ଉକ୍ତ ଚଢ଼ାଉରେ ଜିଲ୍ଲା ଅବକାରୀ ମୋବାଇଲ ଟିମ ଏବଂ ଖୋର୍ଦ୍ଧା ରେଞ୍ଜ ଅବକାରୀ ଟିମ ସାମିଲ ଥିଲା।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ଅବକାରୀ ବିଭାଗ ଭ୍ରାମ୍ୟମାଣ ଟିମ୍ ବିଶ୍ଵସ୍ତ ସୁତ୍ରରୁ ଖବର ପାଇ ଗୋପାଳପୁର ଥାନା ଅନ୍ତର୍ଗତ ପଥରା ଗ୍ରାମରେ ଚଢ଼ାଉ କରି ୪୨ ଗ୍ରାମ ଧଳା ଜହର ଜବତ କରିବା ସହ କାରବାରରେ ଲିପ୍ତ ଭରତ ସାହୁ ନାମକ ଦୁଇଜଣ ଯୁବକଙ୍କୁ ଗିରଫ କରିଛି। ଜବତ ଧଳା ଜହରର ମୁଲ୍ୟ ୬ ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାପଡିଛି।

ଏତଦବ୍ୟତୀତ ବ୍ରହ୍ମପୁର ରେଳଷ୍ଟେସନ ନିକଟରେ କାହ୍ନା ଡାକୁଆ ନାମକ ଜଣେ ଯୁବକକୁ ସନ୍ଦେହ ଜନକ ଭାବେ ଦେଖି ତାକୁ ଜେରା କରିବା ବେଳେ ତାଙ୍କ ନିକଟରୁ ୧୦ କିଲୋ ଗଞ୍ଜେଇ ଜବତ ହୋଇଥିଲା। କାହ୍ନାକୁ ଗିରଫ କରି କୋର୍ଟ ଚାଲାଣ କରାଯାଇଛି। ଜବତ ଗଞ୍ଜେଇର ମୁଲ୍ୟ ଏକ ଲକ୍ଷ ଟଙ୍କାରୁ ଅଧିକ ହେବ ବୋଲି ନୀରିକ୍ଷକ ରମେନ୍ଦ୍ର ନାରାୟଣ ନାୟକଙ୍କ ଠାରୁ ପ୍ରକାଶ।

ମାନସ ପୂର୍ଣ୍ଣ ଆଚାର୍ଯ୍ୟ

ଆସିକା: ଅବକାରୀ ବିଭାଗ ପକ୍ଷରୁ ଆସିକା ଥାନା ଅନ୍ତର୍ଗତ ବିଭିନ୍ନ ସ୍ଥାନରେ ଚଢ଼ାଉ କରାଯାଇଛି। ଆସ୍କା ତହସିଲଦାରଙ୍କ ଉପସ୍ଥିତିରେ ଅବକାରୀ ବିଭାଗ ମିଳିତ ଭାବେ ଚଢ଼ାଉ କରାଯାଇଛି। ଏଥିରେ ୨୮୦ ଲିଟର ଦେଶୀ ମଦ ଏବଂ ୫୫୫୦ ଲିଟର ପୋଚ ଜବତ କରାଯାଇଛି। ଆହୁରି ମଧ୍ୟ ଏହି ସଂଯୋଗରେ ୬ ଜଣଙ୍କୁ ଗିରଫ ଯାଇଛି।

ସୂଚନା ଅନୁସାରେ ଆସିକା ଅଞ୍ଚଳର ବିଭନ୍ନ ଗ୍ରାମରେ ବେଆଇନ ମଦ ପ୍ରସ୍ତୁତ ହେଉଥିବା ଖବର ମିଳିଥିଲା। ଏହାକୁ ଅବକାରୀ ଟିମ୍ କାଳଷଣ୍ଢପୁର, ସମନ୍ତିଆପଲ୍ଲି, କରା ତଳି, ସୁମନ୍ତ ପଲ୍ଲୀ, କଳିଙ୍ଗା ରୋଡ ସ୍ତିସ୍ତ I.B ପଛପାଖ ଆଦି ଗ୍ରାମରେ ଚଢ଼ାଉ କରାଯାଇଥିଲା।

ଏହି ଚଢାଉରେ ଆସିକା ତହସିଲଦାର ସଞ୍ଜୟ ସାମନ୍ତରାୟ, ଅବକାରୀ ଇନସ୍ପେକ୍ଟର ବାଳକ ବିଶି, ଏସଆଇ ପ୍ରଦିପ କୁମାର ମହାନ୍ତି, ନୀଳାମ୍ବର ନାୟକ, ବିଜୟ କୁମାର ମଲ୍ଲିକ ସହ ଅନେକ ଅବକାରୀ କର୍ମଚାରୀ ସାମିଲ ଥିଲେ।

ଖୋର୍ଦ୍ଧା: ଖୋର୍ଦ୍ଧାରେ ଚଢ଼ାଉ କରି ଆଜି ଅବକାରୀ ବିଭାଗ ବିପୁଳ ପରିମାଣରେ ଦେଶୀ ମଦ ଓ ଗଞ୍ଜେଇ ଜବତ କରିଛି। ଗଡ଼ମାଣିତ୍ରି ଗ୍ରାମ ନିକଟରୁ ଚଢ଼ାଉ କରି ୧୭୫ ଲିଟର ଦେଶୀ ମଦ ଜବତ କରିବା ସହ ଅଭିଯୁକ୍ତ ପୁରୁଷୋତ୍ତମ ବଳବନ୍ତରାୟ (୫୯) ଙ୍କୁ ଗିରଫ କରି କୋର୍ଟଚାଲାଣ କରିଛି ଅବକାରୀ ବିଭାଗ।

ସେହିପରି ଖୋର୍ଦ୍ଧା ନୂଆ ବସ ଷ୍ଟାଣ୍ଡ ନିକଟରେ ଚଢ଼ାଉ କରି ୭.୧ କେଜି ଗଞ୍ଜେଇ ଜବତ କରିବା ସହ ଅଭିଯୁକ୍ତ ରଞ୍ଜିତ ସାହୁଙ୍କୁ ଗିରଫ କରାଯାଇଛି। ଜବତ ଗଞ୍ଜେଇର ଆନୁମାନିକ ମୂଲ୍ୟ ୭୧ ହଜାର ଟଙ୍କା ହେବ ବୋଲି ଜଣାପଡିଛି।