Tag: ଅର୍ଥ ହେରଫେର ମାମଲା

ନୂଆଦିଲ୍ଲୀ: ଦିଲ୍ଲୀ ଅବକାରୀ ନୀତି ସହ ଜଡିତ ଅର୍ଥ ହେରଫେର ମାମଲାରେ ଆମ ଆଦମୀ ପାର୍ଟି (ଏଏପି) ରାଜ୍ୟସଭା ସାଂସଦ ସଞ୍ଜୟ ସିଂଙ୍କୁ କୋର୍ଟ ଅକ୍ଟୋବର ୨୭ ତାରିଖ ପର୍ଯ୍ୟନ୍ତ ନ୍ୟାୟିକ ହେପାଜତକୁ ପଠାଇଛନ୍ତି। ହେପାଜତ ଶୁଣାଣି ସମୟରେ ସିଂ ଜଣେ ମଧୁମେହ ରୋଗୀ ହୋଇଥିବାରୁ ଔଷଧ ପାଇଁ ପୃଥକ ଆବେଦନ କରାଯାଇଥିଲା।

ଅକ୍ଟୋବର ୧୦ ତାରିଖରେ ଦିଲ୍ଲୀ ମଦ ନୀତି ମାମଲାରେ ଗିରଫ ହୋଇଥିବା ସଞ୍ଜୟ ସିଂଙ୍କ ଇଡି ହେପାଜତକୁ ଅକ୍ଟୋବର ୧୩ ପର୍ଯ୍ୟନ୍ତ ବୃଦ୍ଧି କରାଯାଇଥିଲା। ହେପାଜତର ଅବଧି ଶେଷ ହେବା ପରେ ତାଙ୍କୁ ଆଜି କୋର୍ଟରେ ହାଜର କରାଯାଇଥିଲା।

ନୂଆଦିଲ୍ଲୀ: ପୂର୍ବତନ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ମୁଖ୍ୟ ଲଲିତ ମୋଦୀ ଘୋଷଣା କରିଛନ୍ତି ଯେ, ଦୁର୍ନୀତି ଏବଂ ଅର୍ଥ ହେରଫେର ମାମଲାରେ ତାଙ୍କୁ ନାମିତ କରାଯାଇଥିବା ମନ୍ତବ୍ୟ ପାଇଁ ସେ ବ୍ରିଟେନ କୋର୍ଟରେ ମକଦ୍ଦମା ଦାୟର କରିବେ। ଆଇପିଏଲରେ ଆର୍ଥିକ ଅନିୟମିତତା ଅଭିଯୋଗ ପରେ ୨୦୧୦ ମସିହାରୁ ଲଣ୍ଡନରେ ଅବସ୍ଥାପିତ ଲଲିତ ମୋଦୀ ଆଜି ମାଇକ୍ରୋ ବ୍ଲଗିଂ ୱେବସାଇଟ୍ ଟ୍ୱିଟରରେ ରାହୁଲ ଗାନ୍ଧୀଙ୍କ ଉପରେ ବର୍ଷିଛନ୍ତି ଏବଂ କହିଛନ୍ତି ଯେ, ମୁଁ ତାଙ୍କୁ (ରାହୁଲ ଗାନ୍ଧୀ) ମୂର୍ଖ ବୋଲି ପ୍ରମାଣ କରିବାକୁ ଚାହୁଁଛି। ”

ଲଲିତ ମୋଦୀ ରାହୁଲ ଗାନ୍ଧୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଘୋଷଣା କରିବାର କିଛି ଦିନ ପୂର୍ବରୁ ସୁରଟ କୋର୍ଟ ରାହୁଲ ଗାନ୍ଧୀଙ୍କୁ ଦୋଷୀ ସାବ୍ୟସ୍ତ କରିଥିଲେ ଏବଂ ‘ମୋଦୀ ଉପନାମ’ ଉପରେ ଦେଇଥିବା ମନ୍ତବ୍ୟ ପାଇଁ ତାଙ୍କୁ ମାନହାନୀ ମାମଲାରେ ଦୁଇ ବର୍ଷ ଜେଲ ଦଣ୍ଡାଦେଶ ଶୁଣାଇଥିଲେ। ବାସ୍ତବରେ ୨୦୧୯ ମସିହାରେ କର୍ଣ୍ଣାଟକର କୋଲାରରେ ଏକ ନିର୍ବାଚନ ରାଲିରେ ରାହୁଲ ଗାନ୍ଧୀ ଲଲିତ ମୋଦୀ ଏବଂ ପଳାତକ ହୀରା ବ୍ୟବସାୟୀ ନୀରବ ମୋଦୀଙ୍କୁ ଯୋଡିଥିଲେ, “ସମସ୍ତ ଚୋରମାନଙ୍କ ଉପନାମ କିପରି ମୋଦୀ ହୋଇପାରିବ…?” ମନ୍ତବ୍ୟ ଦେଇଥିଲେ। କୋର୍ଟରେ ଏହି ମାନହାନୀ ମାମଲାରେ ଦୋଷୀ ସାବ୍ୟସ୍ତ ହେବାପରେ ରାହୁଲ ଗାନ୍ଧୀଙ୍କୁ ମଧ୍ୟ ସାଂସଦ ଭାବେ ଅଯୋଗ୍ୟ କରାଯାଇଥିଲା।

ରାହୁଲ ଗାନ୍ଧୀ ତାଙ୍କୁ ‘ନ୍ୟାୟରୁ ପଳାତକ’ ବୋଲି କହି ଲଲିତ ମୋଦୀ ଏହି ପ୍ରଶ୍ନ ଉଠାଇଛନ୍ତି ଏବଂ କହିଛନ୍ତି ଯେ ସେ କୌଣସି ଅପରାଧରେ ଦୋଷୀ ସାବ୍ୟସ୍ତ ହୋଇନାହାଁନ୍ତି। ସେ ଆହୁରି ମଧ୍ୟ ଦାବି କରିଛନ୍ତି ଯେ, ସେ ‘ଦୁନିଆର ସବୁଠୁ ବଡ କ୍ରୀଡା ଇଭେଣ୍ଟ’ ସୃଷ୍ଟି କରିଛନ୍ତି, ଯାହା ପ୍ରାୟ ୧୦୦ ବିଲିୟନ ଆମେରିକୀୟ ଡଲାର ରୋଜଗାର କରିଛି ଏବଂ ଲଲିତ ମୋଦୀଙ୍କ ପରିବାର ଗାନ୍ଧୀ ପରିବାର ଅପେକ୍ଷା ଭାରତ ପାଇଁ ଅଧିକ କିଛି କରିଛନ୍ତି। ତାଙ୍କ ଅଭିଯୋଗ ପ୍ରମାଣ କରିବାକୁ ରାହୁଲ ଗାନ୍ଧୀଙ୍କୁ ଚ୍ୟାଲେଞ୍ଜ କରି ସେ କହିଛନ୍ତି ଯେ, ତାଙ୍କୁ କୋର୍ଟରେ ନିଜକୁ ସମ୍ପୂର୍ଣ୍ଣ ମୂର୍ଖ ପ୍ରମାଣ କରିବାକୁ ସେ ଅପେକ୍ଷା କରିଛନ୍ତି।

ପୂର୍ବତନ ଆଇପିଏଲ୍ ମୁଖ୍ୟ ମଧ୍ୟ କଂଗ୍ରେସର ଅନେକ ନେତାଙ୍କୁ ବିଦେଶରେ ସମ୍ପତ୍ତି ଥିବା ଅଭିଯୋଗ କରିଛନ୍ତି ଏବଂ ସେ ସେମାନଙ୍କ ସମ୍ପତ୍ତିର ଠିକଣା ଏବଂ ଚିତ୍ର ପ୍ରଦାନ କରିପାରିବେ ବୋଲି କହିଛନ୍ତି। ସେ କହିଛନ୍ତି ଯେ, ଭାରତରେ କଠୋର ମାନହାନୀ ଆଇନ ପ୍ରଣୟନ ହେବା ମାତ୍ରେ ସେ ଭାରତକୁ ଫେରିବେ।

କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଏପର୍ଯ୍ୟନ୍ତ ଲଲିତ ମୋଦିଙ୍କ ଟ୍ୱିଟ କିମ୍ବା ଆଇନଗତ ଧମକକୁ ନେଇ କୌଣସି ପ୍ରତିକ୍ରିୟା ଦେଇନାହାଁନ୍ତି। ତାଙ୍କ ଦଳ ଦାବି କରିଛି ଯେ, ତାଙ୍କୁ ଦିଆଯାଇଥିବା ଦଣ୍ଡ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ଏବଂ ରାହୁଲ ଏହା ବିରୋଧରେ ଏକ ଉଚ୍ଚ ନ୍ୟାୟାଳୟରେ ଆବେଦନ କରିବେ।

ନୂଆଦିଲ୍ଲୀ: ଦିଲ୍ଲୀ ସରକାରଙ୍କ ମନ୍ତ୍ରୀ ତଥା ଆମ୍ ଆଦମୀ ପାର୍ଟି ନେତା ସତ୍ୟେନ୍ଦ୍ର ଜୈନଙ୍କୁ ଦିଲ୍ଲୀ କୋର୍ଟରୁ ଏକ ବଡ଼ ଧରଣର ଝଟକା ଲାଗିଛି। ମନି ଲଣ୍ଡରିଂ ମାମଲାରେ କୋର୍ଟ ତାଙ୍କ ଜାମିନ ଆବେଦନକୁ ଖାରଜ କରିଛନ୍ତି। ଆଜି ଅର୍ଥ ହେରଫେର ମାମଲାରେ ଜୈନ ଏବଂ ଅନ୍ୟ ଦୁଇଜଣଙ୍କ ଜାମିନ ଆବେଦନକୁ ରାଉସ୍ ଆଭେନ୍ୟୁ କୋର୍ଟ ଖାରଜ କରିଛନ୍ତି। ତାଙ୍କ ସହ ବୈଭବ ଏବଂ ଅଙ୍କୁଷ ଜୈନ ମଧ୍ୟ ଅଭିଯୁକ୍ତ ଅଛନ୍ତି। ସେମାନଙ୍କ ଜାମିନ ଆବେଦନକୁ ମଧ୍ୟ ଖାରଜ କରାଯାଇଛି।

ମନି ଲଣ୍ଡରିଂ ଆକ୍ଟ ଅଧିନିୟମ ଅନୁଯାୟୀ ଜେନଙ୍କୁ ମେ ୩୦ ତାରିଖରେ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଥିଲା। ଜାମିନ ନ ପାଇ ସତ୍ୟେନ୍ଦ୍ର ଜେନାଙ୍କ ଅସୁବିଧା ବଢିବାରେ ଲାଗିଛି। ଜୈନ ବର୍ତ୍ତମାନ ତିହାର ଜେଲରେ ରହିଛନ୍ତି ଏବଂ ତାଙ୍କୁ ନ୍ୟାୟିକ ହେପାଜତରେ ରଖାଯାଇଛି। ଆଜି ଅପରାହ୍ନ ୨ ଟାରେ କୋର୍ଟ ଏହି ରାୟ ଦେଇଛନ୍ତି।

ନୂଆଦିଲ୍ଲୀ: ମନି ଲଣ୍ଡରିଂ ମାମଲାରେ ଦିଲ୍ଲୀର ଆପ ସରକାରର ମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ କୋର୍ଟରେ ଏକ ବଡ଼ ଧରଣର ଝଟକା ମିଳିଛି। ବାସ୍ତବରେ ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କୁ ଜାମିନ ମିଳିନାହିଁ। ମନି ଲଣ୍ଡରିଂ ମାମଲାରେ ଦିଲ୍ଲୀ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନଙ୍କ ଜାମିନ ଆବେଦନକୁ କୋର୍ଟ ପ୍ରତ୍ୟାଖ୍ୟାନ କରିଛନ୍ତି। ଏନଫୋର୍ସମେଣ୍ଟ ଡାଇରେକ୍ଟୋରେଟ (ଇଡି) ସତ୍ୟନ୍ଦ୍ର ଜୈନ ଏବଂ ତାଙ୍କ ସହଯୋଗୀଙ୍କ ଅନେକ ସ୍ଥାନରେ ଚଢାଉ କରିଥିଲା। ଯାହା ପରେ ସେମାନଙ୍କ ବିରୋଧରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଚାଲିଛି।

ମନି ଲଣ୍ଡରିଂ ମାମଲାରେ ସତ୍ୟନ୍ଦ୍ର ଜୈନ ବର୍ତ୍ତମାନ ନ୍ୟାୟିକ ହେପାଜତରେ ଅଛନ୍ତି। ଦିଲ୍ଲୀର ସରକାରୀ ମନ୍ତ୍ରୀ ସତ୍ୟେନ୍ଦ୍ର ଜୈନ ଏବଂ ତାଙ୍କ ସହଯୋଗୀଙ୍କ ଚଢାଉରେ କୋଟି କୋଟି ଟଙ୍କାର ନଗଦ ଟଙ୍କା ଏବଂ ଅଳଙ୍କାର ଉଦ୍ଧାର କରାଯାଇଥିବା ଇଡି ପକ୍ଷରୁ କୁହାଯାଇଛି। ଏନଫୋର୍ସମେଣ୍ଟ ଦାବି କରିଛି ଯେ ଚଢାଉରେ ପ୍ରକାଶ ଜୁଏଲର୍ଙ୍କ ସହ ୨.୨୩ କୋଟି ନଗଦ ଟଙ୍କା ମିଳିଥିବା ବେଳେ ଅନ୍ୟ ସହଯୋଗୀ ବୈଭବ ଜୈନଙ୍କ ସହ ୪୧.୫ ଲକ୍ଷ ନଗଦ ଟଙ୍କା ଏବଂ ୧୩୩ ଟି ସୁନା ମୁଦ୍ରା ମିଳିଛି। ଜିଏସ୍ ମଥାରୁଙ୍କ ଏଠାରୁ ୨୦ ଲକ୍ଷ ଟଙ୍କା ନଗଦ ମିଳିଥିଲା।

ଇଡି ଅନୁଯାୟୀ ଏହି ଚଢାଉରେ ଅନେକ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ ଏବଂ ଡିଜିଟାଲ ରେକର୍ଡ ଜବତ କରାଯାଇଛି। ଏଥିସହ ମୋଟ ୨.୮୫ କୋଟି ଟଙ୍କା ଏବଂ ୧୩୩ ଟି ସୁନା ମୁଦ୍ରା ମିଳିଛି, ଯାହାର ଓଜନ ପ୍ରାୟ ୧.୮୦ କିଲୋଗ୍ରାମ, ଯାହା ବିଷୟରେ କୌଣସି ସୂଚନା ଦିଆଯାଇ ନାହିଁ।