Tag: ଆଇଆଇଟି ଖଡଗପୁର

ନୂଆଦିଲ୍ଲୀ: ପୂର୍ବ ଭାରତରେ ବିପୁଳ ପ୍ରାକୃତିକ ସମ୍ପଦ, ପ୍ରତିଭାସମ୍ପନ୍ନ ଯୁବଗୋଷ୍ଠୀ ଓ ଦକ୍ଷ ଶ୍ରମଶକ୍ତି ରହିଛି। ଏହି ରାଜ୍ୟ ସମୂହର ମାନବ ସମ୍ବଳ ଏବଂ ବୌଦ୍ଧିକ କ୍ଷମତା ଆମ ଦେଶର ଅଭିବୃଦ୍ଧିକୁ ଆଗକୁ ନେଇପାରିବ। ବିଶେଷ ଭାବରେ କୋଲକାତା, ଭୁବନେଶ୍ଵର, ପାଟନା, ରାଞ୍ଚି, ରାୟପୁର ଏବଂ ପୂର୍ବ ଭାରତର ସମସ୍ତ ପ୍ରମୁଖ ସହର ଭାରତ ଓ ବିଶ୍ୱ ଅଭିବୃଦ୍ଧିର ଇଞ୍ଜିନ ହେବାର ସମ୍ଭାବନା ରଖିଛି ବୋଲି କହିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ।

ଶ୍ରୀ ପ୍ରଧାନ ମଙ୍ଗଳବାର କୋଲକାତା ଠାରେ ଆୟୋଜିତ “ସିଆଇଆଇ ପୂର୍ବାଞ୍ଚଳ ଏକଜିମ୍ ସମ୍ମିଳନୀ- ୨୦୨୪”ରେ ପୂର୍ବାଞ୍ଚଳକୁ ଭାରତର ପ୍ରଗତିର ପ୍ରବେଶ ଦ୍ୱାରରେ ପରିଣତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣ ଉପରେ ଆଲୋକପାତ କରିଥିଲେ। ସେ କହିଥିଲେ ପୂର୍ବାଞ୍ଚଳର ସର୍ବାଙ୍ଗୀନ ବିକାଶ ପାଇଁ ଚଳିତବର୍ଷ ବଜେଟରେ ପ୍ରସ୍ତୁତ ‘ପୂର୍ବୋଦୟ ଯୋଜନା’ ହୋଇଛି। ସାଧାରଣତଃ ଦେଶର ସମସ୍ତ ରପ୍ତାନି ମଧ୍ୟରୁ ଅଳ୍ପ ପରିମାଣର ରପ୍ତାନି ପୂର୍ବ ଭାରତରୁ ଆସିଥାଏ। ଭାରତ ସରକାରଙ୍କ ରପ୍ତାନି ପ୍ରୋତ୍ସାହନ ନୀତିକୁ ମୋଦୀ ସରକାର ପ୍ରାଥମିକତା ଦେଉଛନ୍ତି। ଆମର ଅନେକ ଦେଶ ସହିତ ମୁକ୍ତ ବାଣିଜ୍ୟ ଚୁକ୍ତି ଅଛି ଯାହାଦ୍ୱାରା ପୂର୍ବ ଭାରତ ଏଥିରୁ ଅଧିକ ଲାଭବାନ ହୋଇପାରିବ। ପ୍ରଥମ ପର୍ଯ୍ୟାୟରେ ଏହି କ୍ଷେତ୍ରର ବିକାଶ ପାଇଁ ଏଠାରେ ଭିତ୍ତିଭୂମି କ୍ଷେତ୍ରରେ ପୁଞ୍ଜିନିବେଶ ବୃଦ୍ଧି ପାଇଁ ନୀତି ସଂସ୍କାର ପାଇଁ ଚିନ୍ତା କରାଯାଇଛି। ଦୀର୍ଘ ଦିନ ପରେ ଦେଶର ଖଣିଜ ନୀତିରେ ସଂସ୍କାର ଆସିଛି। ଏହି ସବୁ ଲାଭ ପୂର୍ବ ଭାରତକୁ ମିଳିବ। ପୂର୍ବ ଭାରତର ପ୍ରତିଭା ପୁଞ୍ଜିର ଆକାଂକ୍ଷାକୁ ପ୍ରଭାବଶାଳୀ ଭାବରେ ପରିଚାଳନା କରିବା ପାଇଁ ପୂର୍ବ ଭାରତର ଓ୍ୱେଲଥ୍ କ୍ରିଏଟର, ବୁଦ୍ଧିଜୀବୀ, ଶିକ୍ଷାବିତ୍ ଏବଂ ନୀତି ନିର୍ଦ୍ଧାରଣକାରୀ ଏକାଠି ହେବା ଆବଶ୍ୟକ। ପୂର୍ବ  ଭାରତର ସମ୍ପୂର୍ଣ୍ଣ ରପ୍ତାନି ସମ୍ଭାବନାକୁ ଉପଲବ୍ଧ କରିବା ଏବଂ ଭାରତକୁ ରପ୍ତାନିର ଏକ କେନ୍ଦ୍ର ଭାବରେ ପ୍ରତିଷ୍ଠା କରିବା ପାଇଁ ଭାରତୀୟ ଶିଳ୍ପ ସଂଘ (ସିଆଇଆଇ ଭଳି ଶିଳ୍ପ ସଂସ୍ଥା ଅଗ୍ରଣୀ ଭୂମିକା ଗ୍ରହଣ କରିବା ଆବଶ୍ୟକ।

ଏହି ଗସ୍ତକାଳରେ ଶ୍ରୀ ପ୍ରଧାନ ଆଇଆଇଟି ଖଡଗପୁର ଗବେଷଣା ପାର୍କ ପରିଦର୍ଶନ କରିଥିଲେ। ପଶ୍ଚିମବଙ୍ଗରେ କେନ୍ଦ୍ରୀୟ ଅନୁଦାନପ୍ରାପ୍ତ ଉଚ୍ଚଶିକ୍ଷା ଅନୁଷ୍ଠାନଗୁଡ଼ିକର କାର୍ଯ୍ୟକାରିତା, ଶୈକ୍ଷିକ ପ୍ରଦର୍ଶନ, ଗବେଷଣା ପ୍ରକଳ୍ପ, ଶିଳ୍ପ ସହଭାଗୀତା, ରାଙ୍କିଂ, ରେଟିଂ ଏବଂ ଭବିଷ୍ୟତ ଯୋଜନା ଉପରେ ଏକ ବିସ୍ତୃତ ପ୍ରଜେଣ୍ଟେସନ ଦେଖିଥିଲେ। ଏନଆଇଟି ଦୁର୍ଗାପୁର, ଆଇଜର୍ କୋଲକାତା, ଆଇଆଇଇଏସଟି ଶିବପୁର, ତ୍ରିପଲ ଆଇଟି କଲ୍ୟାଣୀ, ବିଶ୍ୱ ଭାରତୀ, ଆଇଆଇଏମ କୋଲକାତା, ଏନଆଇଟିଟିଆର କୋଲକାତା, ଜିକେସିଆଇଇଟି ମାଲଦା ଏବଂ ଆଇଆଇଟି ଖଡ଼ଗପୁର ଭଳି ସମସ୍ତ ଅନୁଷ୍ଠାନ ଗବେଷଣା, ଇନୋଭେସନ, ଉଦ୍ୟୋଗ ଏବଂ ନିଯୁକ୍ତି ଦୃଶ୍ୟପଟ୍ଟକୁ ଆହୁରି ପ୍ରୋତ୍ସାହିତ କରିବା ପାଇଁ ଅନେକ ମହତ୍ୱାକାଂକ୍ଷୀ ଯୋଜନା ଉପରେ କାର୍ଯ୍ୟ କରୁଛନ୍ତି। ଆମର ଉଚ୍ଚ ଶିକ୍ଷାନୁଷ୍ଠାନଗୁଡ଼ିକୁ ବିଶ୍ୱସ୍ତରୀୟ ଜ୍ଞାନ କେନ୍ଦ୍ରରେ ପରିଣତ କରିବା ଏବଂ ବିକଶିତ ଭାରତର ଲକ୍ଷ୍ୟକୁ ସାକାର କରିବା ପାଇଁ ନାଳନ୍ଦା ଭାବନାକୁ ପୁନର୍ଜୀବିତ କରିବା ପାଇଁ କେନ୍ଦ୍ରମନ୍ତ୍ରୀ ଆହ୍ୱାନ କରିଥିଲେ।

ନୂଆଦିଲ୍ଲୀ: ନ୍ୟାସନାଲ୍ ସୁପର କମ୍ପ୍ୟୁଟିଂ ମିଶନ ଅନ୍ତର୍ଗତ ଆଇଆଇଟି ଖଡ଼ଗପୁରରେ ପେଟାସ୍କେଲ ସୁପର କମ୍ପ୍ୟୁଟର ପରମ ଶକ୍ତିକୁ ଦେଶକୁ ସମର୍ପିତ କରାଯାଇଛି। ଏହା ଇଲେକ୍‌ଟ୍ରୋନିକ୍ସ ଓ ସୂଚନା ପ୍ରଯୁକ୍ତି ମନ୍ତ୍ରଣାଳୟ ଓ ବିଜ୍ଞାନ ଏବଂ ପ୍ରଯୁକ୍ତି ବିଭାଗ (ଡିଏସଟି) ର ସଂଯୁକ୍ତ ଉଦ୍ୟମ ଅଟେ। ଏହି ଜାତୀୟ ସୁପର-କମ୍ପ୍ୟୁଟିଂ ସୁବିଧା କେନ୍ଦ୍ରର ଲୋକାର୍ପଣ 27 ମାର୍ଚ୍ଚ, 2022 ରେ ପଶ୍ଚିମବଙ୍ଗର ମାନ୍ୟବର ରାଜ୍ୟପାଳ ଶ୍ରୀ ଜଗଦିପ ଧନଖର କରିଛନ୍ତି। ଏହି ଅବସରରେ ଆଇଆଇଟି ଖଡ଼ଗପୁରର ନିର୍ଦ୍ଦେଶକ ପ୍ରଫେସର ବି.କେ. ତିୱାରୀ, ସି-ଡାକର ମହା ନିର୍ଦ୍ଦେଶକ କର୍ଣ୍ଣଲ (ଅବସରପ୍ରାପ୍ତ.) ଏକେ ନାଥ, ଆଇଆଇଟି ଖଡ଼ଗପୁରର ଉପ ନିର୍ଦ୍ଦେଶକ ପ୍ରଫେସର ଅମିତ ପାତ୍ର, ଇଲେକ୍‌ଟ୍ରୋନିକ୍‌ସ ଓ ସୂଚନା ପ୍ରଯୁକ୍ତି ମନ୍ତ୍ରଣାଳୟର ଏନଏସଏମ-ଏଚପିସି ଡିଭିଜନ ର ଗ୍ରୁପ କୋର୍ଡିନେଟର ଶ୍ରୀ ଅରବିନ୍ଦ କୁମାର, ଶ୍ରୀ ଏସ.ଏ. କୁମାର, ଆଡଭାଇଜର, ଏନଏସଏମ, ଏମଇଆଇଟିୱାଇ ତଥା ଇଲେକ୍‌ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟର ଏନଏସଏମ –ଏଚପିସି ଡିଭିଜନ, ଡିଏସଟି, ଆଇଆଇଟି ଖଡ଼ଗପୁର ଏବଂ ସି-ଡାକ୍ ର ଅନ୍ୟ ବରିଷ୍ଠ ଅଧିକାରୀ ଉପସ୍ଥିତ ଥିଲେ। କମ୍ପ୍ୟୁଟେସନାଲ୍ ଏବଂ ଡାଟା ଡିଭିଜନର ବହୁବିଧ କ୍ଷେତ୍ରରେ ଗବେଷଣା ଏବଂ ବିକାଶ କାର୍ଯ୍ୟକୁ ତ୍ବରାନ୍ବିତ କରିବା ପାଇଁ ପରମ ଶକ୍ତି ସୁପର କମ୍ପ୍ୟୁଟର ସୁବିଧା ଉପଲବ୍ଧ ରହିଛି। ଏହା ଆଇଆଇଟି ଖଡ଼ଗପୁର ତଥା ପଡ଼ୋଶୀ ଆକାଡେମିକ୍ ଗବେଷଣା ଏବଂ ବିକାଶ ସଂସ୍ଥା ଗୁଡ଼ିକୁ ବୃହତ ମାତ୍ରାରେ କମ୍ପ୍ୟୁଟିଂ ଦକ୍ଷ କରୁଛି।

ଏହା ଉଲ୍ଲେଖନୀୟ ଅଟେ ଯେ 44 ଟି ଜିପିୟୁ ସହିତ 17680 ସିପିୟୁ କୋର ଯୁକ୍ତ ଉତ୍କୃଷ୍ଟ ସୁପର କମ୍ପ୍ୟୁଟିଂ ସୁବିଧା କେନ୍ଦ୍ର ସ୍ଥାପିତ କରିବା ପାଇଁ ଏମଓୟୁରେ ଆଇଆଇଟି ଖଡ଼ଗପୁର ତଥା ସେଣ୍ଟର ଫର ଡେଭଲପମେଣ୍ଟ ଇନ୍ ଆଡଭାନ୍ସଡ କମ୍ପ୍ୟୁଟିଂ (ସିଡାକ୍) ମଧ୍ୟରେ ମାର୍ଚ୍ଚ 2019 ରେ ସ୍ବାକ୍ଷର କରାଯାଇଛି। ଏହି ସୁବିଧା କେନ୍ଦ୍ରରେ ଆରଡିଏଚଏକ୍ସ ଆଧାରିତ ଦକ୍ଷ କୁଲିଂ ପ୍ରଣାଳୀର ବ୍ୟବହାର ହୋଇଛି, ଯଦ୍ବାରା ଉଚ୍ଚ ଉପାଦେୟତା କ୍ଷମତା ହାସଲ କରାଯାଇପାରିବ। ଏହି ପ୍ରଣାଳୀକୁ ଆଇଆଇଟି ଖଡ଼ଗପୁର ଏବଂ ସି-ଡାକରେ ବାଣିଜ୍ୟିକ, ମୁକ୍ତ ସ୍ରୋତ ଏବଂ ଘରୋଇ ସଫ୍‌ଟଓୟାର ପାଇଁ ଯାଞ୍ଚ କରାଯାଇଛି। ଏହି ଯାଞ୍ଚ ବିବିଧତାପୂର୍ଣ୍ଣ ଆପ୍ଲିକେସନ ସହିତ ସାମିଲ୍ ଅଟେ।

ଆଇଆଇଟି ଖଡ଼ଗପୁର ସୁପର-କମ୍ପ୍ୟୁଟିଂ ପ୍ଲାଟଫର୍ମ ପାଇଁ ଉପଯୋଗୀ ସଫ୍‌ଟଓୟାର ତଥା ଉଚ୍ଚ ମାତ୍ରାରେ ଔଦ୍ୟୋଗିକ ତଥା ବୈଜ୍ଞାନିକ ସମସ୍ୟାଗୁଡ଼ିକ ପାଇଁ ଆପ୍ଲିକେସନ ସମ୍ବନ୍ଧରେ ଏନଏସଏମର ଅଧିକାରର ପାଳନ କରିଥାଏ। ଆଇଆଇଟି ଖଡ଼ଗପୁର, ଏଚପିସି ତଥା ଏଆଇ ପାଇଁ ଏନଏସଏମ ଏକ ନୋଡାଲ କେନ୍ଦ୍ର ଅଟେ ଯାହା ସାରା ଦେଶରେ ସୁପର-କମ୍ପ୍ୟୁଟିଂ ଗବେଷଣା ପାଇଁ ଆବଶ୍ୟକ ଶ୍ରମଶକ୍ତିର ବିକାଶ ପାଇଁ କାମ କରୁଛି। ଏହି କେନ୍ଦ୍ର ପାଠ୍ୟକ୍ରମ, କର୍ମଶାଳା, ବୁଟକ୍ୟାମ୍ପ ଆଦିର ଆୟୋଜନ କରୁଛି ଯାହା ବିଭିନ୍ନ କ୍ଷେତ୍ର ସହିତ ସମ୍ବନ୍ଧିତ ଅଟେ। ଏହି କ୍ଷେତ୍ର ସୁପର କମ୍ପ୍ୟୁଟିଂର ସିଦ୍ଧାନ୍ତ, ଡାଟା ସାଇନ୍‌ସ ଏବଂ କୃଷି, ଆଷ୍ଟ୍ରୋନୋମି, ଜୀବ ବିଜ୍ଞାନ, ଯାନ୍ତ୍ରିକ ଇଞ୍ଜିନିୟରିଂ, ପଦାର୍ଥ ବିଜ୍ଞାନ  ଆଦି କ୍ଷେତ୍ରରେ ତାହାର ଉପାଦେୟତା ସହିତ ସାମିଲ୍ ଅଟେ। ଆଇଆଇଟି ଖଡ଼ଗପୁର ସେଣ୍ଟର ଫର୍ କମ୍ପ୍ୟୁଟେସନାଲ୍ ଆଣ୍ଡ ଡାଟା ସାଇନ୍‌ସକୁ ମଧ୍ୟ ସ୍ଥାପିତ କରିଛନ୍ତି। ଏଥିପାଇଁ ଏହା ପ୍ରାଧୀକୃତ ଅଟେ ଯେ ଗବେଷଣା ଏବଂ ବିକାଶରେ ତୀବ୍ରତା ଆଣିବା ପାଇଁ ସୁପର କମ୍ପ୍ୟୁଟରରେ ଗବେଷଣାକରୀମାନଙ୍କୁ ପ୍ରଶିକ୍ଷିତ କରିବ। ନୂଆ ଉଚ୍ଚ କ୍ଷମତାସମ୍ପନ୍ନ କମ୍ପ୍ୟୁଟେସନାଲ୍ ସୁବିଧା କେନ୍ଦ୍ର ଗବେଷଣାକାରୀଙ୍କୁ ସହାୟତା କରିବ ଯେପରି ବିଜ୍ଞାନ ଓ ଇଞ୍ଜିନିୟରିଂର ବିଭିନ୍ନ କ୍ଷେତ୍ରର ବଡ଼ ବଡ଼ ସମସ୍ୟାର ସମାଧାନ କରାଯାଇପାରିବ।

ଉଚ୍ଚ ମୂଲ୍ୟ ସମ୍ବନ୍ଧିତ ସୁପର କମ୍ପ୍ୟୁଟିଂ ଆଧାରିତ ଗବେଷଣାର କିଛି ବଡ଼ କ୍ଷେତ୍ରର ଚିହ୍ନଟ କରାଯାଇଛି ଯେଉଁଥିରେ କମ୍ପ୍ୟୁଟେସନ ଫ୍ଲୁଇଡ୍‌ ଡାଇନାମିକ୍‌ସ, ଆର୍ଟିଫିସିଆଲ୍ ଇଣ୍ଟେଲିଜେନ୍‌ସ, ବିଗ ଡାଟା ଆନାଲିଟିକ୍‌ସ, ଜଳବାୟୁ ପରିବର୍ତ୍ତନ ଏବଂ ଡିଜିଟାଲ୍ ଆର୍ଥ, କମ୍ପ୍ୟୁଟେସନାଲ୍ ବାୟୋଲୋଜି, କ୍ରିପଟୋଗ୍ରାଫି ଏବଂ ସୁରକ୍ଷା, ସ୍ମାର୍ଟ ଭିତ୍ତିଭୂମି ତଥା ସ୍ଥାୟୀ ସହର ଆଦି ସାମିଲ୍ ଅଟେ। ଏହା ବ୍ୟତୀତ ଏନଏସଏମ ସୁପର କମ୍ପ୍ୟୁଟିଂ ସୁବିଧାର ବ୍ୟବହାର କରୁଥିବା ଅନେକ ଆପ୍ଲିକେସନ ଗବେଷଣା ପ୍ରକଳ୍ପକୁ ପ୍ରାୟୋଜିତ କରିଛି। ଏଥିରେ ଆଇଆଇଟି ତଥା ଅନ୍ୟ ଭାରତୀୟ ସଂସ୍ଥାନ ଏବଂ ଉଦ୍ୟୋଗର ଗବେଷଣାକାରୀମାନଙ୍କୁ ସାମିଲ୍ କରାଯାଇଛି। ମୋଟ୍ ଉପରେ ଏହି ସୁପର କମ୍ପ୍ୟୁଟିଂ ସୁବିଧାରେ ଭାରତୀୟ ଏକାଡେମିକ୍ ଦୁନିଆ ଏବଂ ଉଦ୍ୟୋଗରେ ବିକାଶମୂଳକ ପଦକ୍ଷେପ ପାଇଁ ଗବେଷଣାକୁ ପ୍ରୋତ୍ସାହନ ମିଳିବ ଯଦ୍ବାରା ବିଶ୍ବରେ ଏହା ଏକ ଉଲ୍ଲେଖନୀୟ ସ୍ଥାନ ହାସଲ କରିପାରିବ।