Tag: ଆସିକା ବ୍ଲକ

ମାନସ ପୂର୍ଣ୍ଣ ଆଚାର୍ଯ୍ୟ
ଆସିକା: ଓଡିଶା ସରକାରଙ୍କ କୃଷି ବିଭାଗର ଉପଦେଷ୍ଟା ରାମ ଚନ୍ଦ୍ର ପଣ୍ଡା ଆସିକା ବ୍ଲକର ବିଭିନ୍ନ ପଞ୍ଚାୟତ କ୍ଷେତ୍ର ପରିଦର୍ଶନ ସହ ରାଜ୍ୟ ସରକାରଙ୍କ ବିଭିନ୍ନ ଯୋଜନା ସମ୍ବନ୍ଧରେ ଚାଷୀ ମାନଙ୍କ ସହ ଆଲୋଚନା କରିଥିଲେ। ପ୍ରଥମେ ହରିଡ଼ାପଦର ପଞ୍ଚାୟତର ଧୋବାଡି ଗ୍ରାମର ସୁମନ ଲାଲ ପଟ୍ଟନାୟକଙ୍କ କ୍ଷେତ ପୋଖରୀ ସହ ନଡ଼ିଆ, ଆମ୍ବ, ସାପେଟା ଫଳ ବଗିଚା ପରିଦର୍ଶନ କରିଥିଲେ। ପରେ ପରେ ହରିଡ଼ା ପଦର ଗ୍ରାମବାସୀଙ୍କ ଦ୍ୱାରା ବାଘୁଆ ନଦୀରେ ଚେକ ଡ୍ୟାମ ନିର୍ମାଣ ପାଇଁ ଦୃଷ୍ଟି ଆକର୍ଷଣ କରିଥିଲେ। ଏହାଦ୍ୱାରା ୨୩୭ ହେକ୍ଟର ଚାଷ ଜମିରେ ଜଳସେଚିତ ହେଇ ପାରିବ।

ଜୟପୁର ଗ୍ରାମର ଚାଷୀ ମାନେ ଉଠା ଜଳସେଚନ ବିଭାଗର ବିଭିନ୍ନ ଉଠା ଜଳସେଚନ ପଏଣ୍ଟ କାର୍ଯକ୍ଷମ ପାଇଁ ଦାବି ଜଣେଇ ଥିଲେ। ଖଣ୍ଡଦେଉଳି ପଞ୍ଚାୟତର ପ୍ରେମାନନ୍ଦ ବିଷୋୟୀଙ୍କ OPIICRA ଯୋଜନା ଅନୁଯାୟୀ ସରଂକ୍ଷଣ ଗୃହ, ଅମୃତଭଣ୍ଡା, ବାଇଗଣ, ମାଟି ଆଳୁ, ଶାକର କନ୍ଦା, ମିଠା ମକା, ସହ ମୁଳି ଆଖୁ କ୍ଷେତ୍ର ପରିଭ୍ରମଣ କରିଥିଲେ।

ଉକ୍ତ କାର୍ଯ୍ୟକ୍ରମରେ ବ୍ଲକ କୃଷି ଅଧିକାରୀ ବାସୁଦେବ ସାହୁ, ସହକାରୀ କୃଷି ଅଧିକାରୀ ଶୁଭ୍ରତା ମିଶ୍ର, ସହକାରୀ ଉଦ୍ୟାନ ଅଧିକାରୀ ଗୀତାରାଣୀ ସାହୁ, ଅଗ୍ରଣୀ ଚାଷୀ ପୂର୍ଣ୍ଣ ଚନ୍ଦ୍ର ବରଡ଼, ଆତ୍ମା ଅଧକ୍ଷ ରାଜେଶ କୁମାର ପଟ୍ଟନାୟକଙ୍କ ସହ ବହୁ ଚାଷୀ ଉପସ୍ଥିତ ଥିଲେ।