ନୂଆଦିଲ୍ଲୀ: କେନ୍ଦ୍ର ଅର୍ଥ ଏବଂ କର୍ପୋରେଟ୍ ବ୍ୟାପାର ମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ସଂସଦରେ ‘ଆର୍ଥିକ ସର୍ଭେ ୨୦୨୩-୨୪’ ଉପସ୍ଥାପନ କରିବା ଅବସରରେ କହିଛନ୍ତି ଯେ, ସମାବେଶୀ ବିକାଶ ପ୍ରତି ଉତ୍ତରଦାୟୀ ଆବଶ୍ୟକ ଦୀର୍ଘକାଳୀନ କାରକମାନଙ୍କ ସହିତ ସମ୍ବନ୍ଧିତ ଥିବା ମଜଭୁତ ସ୍ୱାସ୍ଥ୍ୟ ସେବା ପ୍ରଣାଳୀ ସୁଦୃଢ଼ ଅର୍ଥ ବ୍ୟବସ୍ଥା ନିମନ୍ତେ ମହତ୍ତ୍ୱପୂର୍ଣ୍ଣ।
ଏହି ସମୀକ୍ଷାରେ ବିକାଶ ସମ୍ବନ୍ଧିତ ସମସ୍ତ ନୀତିଗୁଡ଼ିକରେ ନିବାରକ ଏବଂ ସମ୍ବର୍ଦ୍ଧକ ସ୍ୱାସ୍ଥ୍ୟ ସେବା ଅଭିବିନ୍ୟାସ ମାଧ୍ୟମରେ ସମସ୍ତ ଆୟୁବର୍ଗ ନିମନ୍ତେ ଉତ୍ତମ ସ୍ୱାସ୍ଥ୍ୟ ଏବଂ ସ୍ୱାସ୍ଥ୍ୟ କଲ୍ୟାଣର ସୁନିଶ୍ଚିତ କରାଯିବା ତଥା ଉତ୍ତମ ଗୁଣବତ୍ତାଯୁକ୍ତ ସ୍ୱାସ୍ଥ୍ୟ ସେବା ପର୍ଯ୍ୟନ୍ତ ପହଞ୍ଚ ସୁନିଶ୍ଚିତ କରିବା ନିମନ୍ତେ ସରକାର ପ୍ରତିବଦ୍ଧତାର ସହିତ ‘ସମସ୍ତଙ୍କ ନିମନ୍ତେ ଗୁଣାତ୍ମକ ମାନଯୁକ୍ତ ସ୍ୱାସ୍ଥ୍ୟ ସେବା’ ସୁନିଶ୍ଚିତ କରିବା ଦିଗରେ ସରକାରଙ୍କ ଦ୍ୱାରା ଗ୍ରହଣ କରାଯାଇଥିବା ପ୍ରମୁଖ ପଦକ୍ଷେପ ଏବଂ ଯୋଜନା ଉପରେ ଗୁରୁତ୍ୱାରୋପ କରାଯାଇଛି।
ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (ଏବି-ପିଏମଜେଏୱାଇ): ଏହି ଯୋଜନା ବଂଚିତ ପରିବାରମାନଙ୍କୁ ଦ୍ୱିତୀୟ ଏବଂ ତୃତୀୟ ପର୍ଯ୍ୟାୟର ହସପିଟାଲରେ ଭର୍ତ୍ତି କରିବା ନିମନ୍ତେ ୫ ଲକ୍ଷ ଟଙ୍କା/ବାର୍ଷିକର ସ୍ୱାସ୍ଥ୍ୟ ବୀମା ପ୍ରଦାନ କରିବା ପ୍ରତି ଲକ୍ଷ୍ୟ ଧାର୍ଯ୍ୟ କାରଯାଇଛି। ୮ ଜୁଲାଇ ୨୦୨୪ ପର୍ଯ୍ୟନ୍ତ ୩୪.୭୩ କୋଟି ଆୟୁଷ୍ମାନ ଭାରତ କାର୍ଡ ପ୍ରସ୍ତୁତ କରାଯାଇଛି ଏବଂ ଏହି ଯୋଜନା ଅଧିନରେ ହସପିଟାଲମାନଙ୍କରେ ୭.୩୭ କୋଟି ରୋଗୀଙ୍କୁ ଭର୍ତ୍ତି କରାଯାଇଛି। ଉଲ୍ଲେଖନୀୟ କଥା ଯେ, ଏହି ଯୋଜନାର ଲାଭାର୍ଥୀମାନଙ୍କ ମଧ୍ୟରେ ୪୯ ପ୍ରତିଶତ ମହିଳା ରହିଛନ୍ତି।
ପିଏମ ଜନ ଔଷଧି କେନ୍ଦ୍ର: ଏହି ଯୋଜନାର ଉଦ୍ଦେଶ୍ୟ ହେଲା ଉତ୍ତମ ମାନଯୁକ୍ତ ଔଷଧ ବଜାର ଦର ଠାରୁ ୫୦-୯୦ ପ୍ରତିଶତ ପର୍ଯ୍ୟନ୍ତ ଶସ୍ତାରେ ଉପଲବ୍ଧ କରାଇବା। ଏହି ଯୋଜନା ଅଧୀନରେ ବିଗତ ବର୍ଷ ଏମ୍ସ ଦେଓଘରରେ ୧୦,୦୦୦ତମ ଜନ ଔଷଧି କେନ୍ଦ୍ର ଉଦଘାଟନ କରାଯାଇଛି।
ଅମୃତ (ଉପଚାର ନିମନ୍ତେ ଶସ୍ତା ଔଷଧ ଏବଂ ବିଶ୍ୱସନୀୟ ପ୍ରତ୍ୟାରୋପଣ): ବିଭିନ୍ନ ରାଜ୍ୟମାନଙ୍କରେ ଏବଂ କେନ୍ଦ୍ରଶାସିତ ପ୍ରଦେଶରେ ୩୦୦ରୁ ଅଧିକ ଅମୃତ ଫାର୍ମାସୀ କାର୍ଯ୍ୟ କରୁଛି । ଏହାର ଉଦ୍ଦେଶ୍ୟ ହେଲା ଗମ୍ଭୀର ରୋଗରେ ପୀଡ଼ିତ ରୋଗୀମାନଙ୍କ ନିମନ୍ତେ ଶସ୍ତା ଦରରେ ଔଷଧ ଉପଲବ୍ଧ କରାଇବା।
ଆୟୁଷ୍ମାନ ଭବଃ ଅଭିଯାନ: ସେପ୍ଟେମ୍ବର ୨୦୨୩ରେ ଆରମ୍ଭ କରାଯାଇଥିବା ଏହି ଅଭିଯାନର ଉଦ୍ଦେଶ୍ୟ ହେଲା ଦେଶବ୍ୟାପୀ ସର୍ବତ୍ର ପ୍ରତ୍ୟେକ ଗାଁ/ପଲ୍ଲୀରେ ଚୟନକୃତ ସ୍ୱାସ୍ଥ୍ୟ ସେବା ଉପଲବ୍ଧ କରାଇବା ଏବଂ ସାଧାରଣ ନାଗରିକମାନଙ୍କୁ ସରକାରଙ୍କ ପ୍ରମୁଖ ଯୋଜନା ସମ୍ପର୍କରେ ସୂଚୀତ କରିବା। ଏହି ଅଭିଯାନ କାଳରେ ହାସଲ କରାଯାଇଥିବା ଉଲ୍ଲେଖନୀୟ ଉପଲବଧି ନିମ୍ନଲିଖିତ ମତେ:
୧୬.୯୬ ଲକ୍ଷ ସୁସ୍ଥତା- ଯୋଗ ଏବଂ ଧ୍ୟାନ କାର୍ଯ୍ୟକ୍ରମ, ୧.୮୯ କୋଟି ଟେଲି ପରାମର୍ଶ ପ୍ରଦାନ କରାଯାଇଛି।
୧୧.୬୪ କୋଟି ଲୋକଙ୍କ ନିଃଶୁଳ୍କ ଔଷଧ ପ୍ରଦାନ କରାଯାଇଛି ଏବଂ ୯.୨୮ କୋଟି ଲୋକଙ୍କୁ ନିଃଶୁଳ୍କ ସେବାରୁ ହିତାଧିକାରୀମାନେ ଉପକୃତ ହୋଇଛନ୍ତି।
୮୨.୧୦ ଲକ୍ଷ ମାତା ଏବଂ ୯୦.୧୫ ଲକ୍ଷ ଶିଶୁଙ୍କୁ ଜନ୍ମ ପରେ ପରୀକ୍ଷା (ଏଏନସି) ଏବଂ ଟିକାକରଣ ଦ୍ୱାରା ଲାଭାନ୍ୱିତ କରାଯାଇଛି।
୩୪.୩୯ କୋଟି ଲୋକଙ୍କ ସାତ ପ୍ରକାର ପରୀକ୍ଷା (ଟିବି, ଉଚ୍ଚ ରକ୍ତଚାପ, ମଧୁମେହ, ମୁଖ ଗହ୍ୱର କ୍ୟାନସର, ସ୍ତନ କର୍କଟ, ଗର୍ଭାଶୟ ଗ୍ରୀବା କର୍କଟ ଏବଂ ମୋତିଆବିନ୍ଦୁ)ର ଲାଭ ଉଠାଇଛନ୍ତି।
୨.୦ କୋଟି ରୋଗୀଙ୍କୁ ସାମାନ୍ୟ ଓପିଡ଼ିରୁ ସ୍ୱାସ୍ଥ୍ୟ ପରାମର୍ଶ ଯୋଗାଇ ଦିଆଯାଇଛି, ଯଦ୍ୟପି ୯୦.୬୯ ଲକ୍ଷ ରୋଗୀ ବିଶେଷଜ୍ଞ ଓପିଡ଼ିରୁ ପରାମର୍ଶ ପାଇପାରିଛନ୍ତି ତଥା ୬୫,୦୯୪ ବଡ଼ ଅସ୍ତ୍ରୋପଚାର ଏବଂ ୧,୯୬,୧୫୬ ଛୋଟ ସର୍ଜରୀ ସମ୍ପାଦନ କରାଯାଇଛି।
୧୩.୪୮ କୋଟି ଏବିଏଚଏ ଖାତା ଖୋଲା ଯାଇଛି ଏବଂ ୯.୫୦ କୋଟି ଆୟୁଷ୍ମାନ କାର୍ଡ ପ୍ରଦାନ କରାଯାଇଛି ଏବଂ ୧.୨୦ ଲକ୍ଷ ଆୟୁଷ୍ମାନ ସଭାର ଆୟୋଜନ କରାଯାଇଛି।
୨୫.୨୫ ଲକ୍ଷ ସ୍ୱାସ୍ଥ୍ୟ ମେଳାରେ ମୋଟ ୨୦.୬୬ କୋଟି ଲୋକ (୩୧ ମାର୍ଚ୍ଚ, ୨୦୨୪ ସୁଦ୍ଧା) ସାମିଲ ହୋଇଛନ୍ତି।
ଆୟୁଷ୍ମାନ ଭାରତ ଡିଜିଟାଲ ମିଶନ (ଏବିଡିଏମ): ୨୦୨୧ ମସିହାରେ ଆରମ୍ଭ କରାଯାଇଥିବା ଏହି ଯୋଜନାର ଉଦ୍ଦେଶ୍ୟ ହେଲା ଦେଶବ୍ୟାପୀ ଏକ ରାଷ୍ଟ୍ରୀୟ ଡିଜିଟାଲ ସ୍ୱାସ୍ଥ୍ୟ ଇକୋ-ସିଷ୍ଟମ ପ୍ରସ୍ତୁତ କରିବା । ଏହି ଯୋଜନା ଅଧୀନରେ ୬୪.୮୬ କୋଟି ଆୟୁଷ୍ମାନ ଭାରତ ସ୍ୱାସ୍ଥ୍ୟ ଖାତା (ଏବିଏଚଏ) ଖୋଲାଯାଇଛି, ୩.୦୬ ଲକ୍ଷ ସ୍ୱାସ୍ଥ୍ୟ ସୁବିଧା ପଞ୍ଜିକରଣ କରାଯାଇଛି। ୪.୦୬ ଲକ୍ଷ ସ୍ୱାସ୍ଥ୍ୟ ବ୍ୟବସାୟୀଙ୍କୁ ପଂଜୀକରଣ କରାଯାଇଛି ତଥା ୩୯.୭୭ କୋଟି ସ୍ୱାସ୍ଥ୍ୟ ରେକର୍ଡ ଏବିଏଚଏ ସହିତ ସଂଯୋଗ କରାଯାଇଛି।
ଇ-ସଞ୍ଜିବନୀ: ଟେଲିମେଡିସିନ୍ ନିମନ୍ତେ ୨୦୧୯ ମସିହାରେ ଆରମ୍ଭ କରାଯାଇଥିବା ଏହି ଯୋଜନା ଦୂରଦୂରାନ୍ତ କ୍ଷେତ୍ରରେ ବସବାସ କରୁଥିବା ଲୋକମାନଙ୍କ ଆଭାସୀ ମାଧ୍ୟମରେ ଡାକ୍ତରୀ ପରାମର୍ଶ ଯୋଗାଇ ଦେବା ନିମନ୍ତେ ଉଦ୍ଦିଷ୍ଟ। ଏହି ଯୋଜନା ଅଧୀନରେ ଜୁଲାଇ ୯, ୨୦୨୪ ତାରିଖ ସୁଦ୍ଧା ୧.୨୫ ଲକ୍ଷ ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ର ଏବେ ଆୟୁଷ୍ମାନ ମନ୍ଦିର ନାମରେ ପରିଚିତ ହୋଇପାରିଛି ଏବଂ ସେଥିରୁ ୧୫,୫୮୭ କେନ୍ଦ୍ର ମାଧ୍ୟମରେ ୨୬.୬୨ କୋଟି ରୋଗୀଙ୍କୁ ସେବା ଯୋଗାଇ ଦିଆଯାଇଛି।
