Tag: ଆୟୁଷ୍ମାନ ଭାରତ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆୟୁଷ୍ମାନ ଯୋଜନା ୧.୬୦ ଲକ୍ଷ ସ୍ୱାସ୍ଥ୍ୟ ଓ ସୁସ୍ଥତା କେନ୍ଦ୍ରକୁ ବିସ୍ତାର ହେବାକୁ ପ୍ରଶଂସା କରିଛନ୍ତି।

କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ. ମନସୁଖ ମାଣ୍ଡଭ୍ୟଙ୍କ ଏକ ଟୁଇଟ୍ ସେୟାର କରି ପ୍ରଧାନମନ୍ତ୍ରୀ ଟୁଇଟ୍ କରି କହିଛନ୍ତି ଯେ, ‘ଗରିବଙ୍କ ପାଇଁ ଉନ୍ନତମାନର ତଥା ସୁଲଭ ସ୍ୱାସ୍ଥ୍ୟସେବା ସୁନିଶ୍ଚିତ କରିବାକୁ ଆମର ପ୍ରୟାସ ଗତିଶୀଳ ହେବାରେ ଲାଗିଛି’।

ନୂଆଦିଲ୍ଲୀ: ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (ଏବି ପିଏମ୍‌ଜେଏୱାଇ) ଏକ ନୂଆ ମାଇଲଖୁଣ୍ଟ ହାସଲ କରିଛି। ଏହି ଯୋଜନାରେ ଦେଶର ପାଞ୍ଚ କୋଟି ଗରିବ ହିତାଧିକାରୀଙ୍କୁ ଦେଶ ଆଗଧାଡିର ହସ୍‌ପିଟାଲରେ ମାଗଣାରେ ୬୧,୫୦୧ କୋଟି ଟଙ୍କାର ଚିକିତ୍ସା ସୁବିଧା ଯୋଗାଇ ଦିଆଯାଇଛି। ଭାରତ ସରକାରଙ୍କ ଏହି ଅତି ଗୁରୁତ୍ୱପୂର୍ଣ୍ଣ ଯୋଜନାଟି ଜାତୀୟ ସ୍ୱାସ୍ଥ୍ୟ କର୍ତ୍ତୃପକ୍ଷ ବା ଏନ୍‌ଏଚ୍‌ଏ ଦ୍ୱାରା କାର୍ଯ୍ୟକାରୀ ହେଉଛି।

ଏହି ଯୋଜନାରେ ଜାତୀୟ ସ୍ୱାସ୍ଥ୍ୟ କର୍ତ୍ତୃପକ୍ଷ ପ୍ରତ୍ୟେକ ହିତାଧିକାରୀ ପରିବାରକୁ ବାର୍ଷିକ ୫ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ବିନା ମୂଲ୍ୟରେ ଯୋଗାଇ ଦେଇଛନ୍ତି। ପଞ୍ଜୀକୃତ ହୋଇଥିବା ୨୮, ୩୫୧ଟି ଦ୍ୱିତୀୟକ ଓ ତୃତୀୟକ ବର୍ଗର ହସ୍‌ପିଟାଲରେ ଏହି ମାଗଣା ଚିକିତ୍ସା ସୁବିଧା ଯୋଗାଣର ବ୍ୟବସ୍ଥା କରାଯାଇଛି। ହିତାଧିକାରୀ ନିଜର ସ୍ୱାସ୍ଥ୍ୟବୀମା କାର୍ଡ ଦେଖାଇ ଚିକିତ୍ସା ସୁôବିଧା ପାଇବାର ବନ୍ଦୋବସ୍ତ ହୋଇଛି। ଚିକିତ୍ସା  ବାବଦ ଖର୍ଚ୍ଚ ହସ୍‌ପିଟାଲ କର୍ତ୍ତୃପକ୍ଷ ସରକାରଙ୍କ ଠାରୁ ପାଉଛନ୍ତି। ଏହି ଯୋଜନାରେ ଦେଶର ୧୨କୋଟି ଗରିବ ପରିବାର ଅନ୍ତର୍ଭୁକ୍ତ ହୋଇଛନ୍ତି।

ଏହି ଯୋଜନାର ସଫଳତା ସମ୍ପର୍କରେ ସୂଚନା ଦେଇ ଜାତୀୟ ସ୍ୱାସ୍ଥ୍ୟ ପ୍ରାଧିକରଣ ବା ଏନ୍‌ଏଚଏର ମୁଖ୍ୟ କାର୍ଯ୍ୟନିର୍ବାହୀ କହିଛନ୍ତି ଯେ ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାଟି ସାର୍ବଜନୀନ   ସ୍ୱାସ୍ଥ୍ୟସେବା ଯୋଗାଣ ଲକ୍ଷ୍ୟ ହାସଲ ପାଇଁ ଆରମ୍ଭ କରାଯାଇଥିଲା। ଏହି ଯୋଜନା ଏବେ ପଞ୍ଚମ ବର୍ଷରେ ପହଂଚିଛି। ଏହି ଯୋଜନାରେ କୋଟି କୋଟି ଗରିବ ଓ ଅସହାୟ ଲୋକ ଉପକୃତ ହେଉଛନ୍ତି। ଜଟିଳ ବ୍ୟାଧିର ବ୍ୟୟବହୁଳ ଚିକିତ୍ସା ପାଇଁ ସେମାନଙ୍କୁ ଉନ୍ନତ ହସ୍‌ପିଟାଲରେ ମାଗଣା ସୁବିଧା ମିଳୁଛି। ଏଥିପାଇଁ ହିତାଧିକାରୀଙ୍କୁ ନିଜ ପକେଟରୁ  ପଇସାଟିଏ ଖର୍ଚ୍ଚ କରିବାକୁ ପଡୁନାହିଁ। ଏହି ଯୋଜନାର ନିରନ୍ତର କାର୍ଯ୍ୟକାରିତା ଫଳରେ ଚଳିତବର୍ଷ ଏକାଧିକ ସଫଳତା ମିଳିଛି। ଯୋଜନାର ହିତାଧିକାରୀଙ୍କୁ ୯.୨୮ କୋଟି କାର୍ଡ ପ୍ରଦାନ କରାଯାଇଛି। ସେମାନଙ୍କୁ ଏ ବାବଦ ମଞ୍ଜୁର ଅର୍ଥର ଶତ ପ୍ରତିଶତ ବିନିଯୋଗ କରିବାକୁ ଅନୁମତି ମିଳିଛି।

ସେହିଭଳି ୨୦୨୨-୨୩ ବର୍ଷରେ ଯୋଜନାର ହିତାଧିକାରୀଙ୍କୁ ମଧ୍ୟରୁ ୧. ୬୫ କୋଟିଙ୍କୁ ହସ୍‌ପିଟାଲରେ ଭର୍ତ୍ତି ହେବା (ହସ୍‌ପିଟାଲ ଆଡମିଶନ) ସଂକ୍ରାନ୍ତ ଅନୁମୋଦନ ଦିଆଯାଇଛି। ଏହା ଫଳରେ ସେମାନଙ୍କ ଚିକିତ୍ସା ବାବଦ ଖର୍ଚ୍ଚ ସମ୍ପୃକ୍ତ ହସ୍‌ପିଟାଲ ସବୁକୁ ମିଳିବ। ମୋଟାମୋଟି ଭାବେ ୨୦୨୨-୨୩ ବର୍ଷଟି ଆୟୁଷ୍ମାନ ଭାରତ ଯୋଜନା ପାଇଁ ଅତ୍ୟନ୍ତ ସଫଳତାର ବର୍ଷ।

ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା ଦେଶର ୩୩ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ  କାର୍ଯ୍ୟକାରୀ ହେଉଛି। ତେବେ ଓଡିଶା, ପଶ୍ଚିମବଙ୍ଗ ଓ ଦିଲ୍ଲୀ ସରକାର ଏହି ଯୋଜନାକୁ  କାର୍ଯ୍ୟକାରୀ କରୁନାହାନ୍ତି। ଏଯାବତ୍ ଏହି ଯୋଜନାରେ ୨୩. ୩୯କୋଟି ହିତାଧିକାରୀଙ୍କ ଯୋଗ୍ୟତା ଓ ବୈଧତାକୁ ପରଖି କର୍ତ୍ତୃପକ୍ଷ ସେମାନଙ୍କୁ ଆୟୁଷ୍ମାନ କାର୍ଡ ପ୍ରଦାନ କରିଛନ୍ତି। ଏହି ବୀମା କାର୍ଡ ଦେଖାଇ ସେମାନେ ପଞ୍ଜୀକୃତ ହସ୍‌ପିଟାଲରେ ମାଗଣରେ ବାର୍ଷିକ ୫ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସୁବିଧା ପାଇବେ। ଏହି ଯୋଜନାରେ ହିତାଧିକାରୀଙ୍କୁ କୋ-ବ୍ରାଣ୍ଡେଡ୍ ପିଭିସି ଆୟୁଷ୍ମାନ କାର୍ଡ ପ୍ରଦାନ କରାଯାଇଛି।

ଆୟୁଷ୍କାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାରେ ଦେଶର ୨୮, ୩୫୧ହସ୍‌ପିଟାଲ ପଞ୍ଜୀକୃତ ହୋଇଛି। ସେଥିରେ ୧୨,୮୨୪ ଘରୋଇ ହସ୍‌ପିଟାଲ ଅନ୍ତର୍ଭୁକ୍ତ। ୨୦୨୨-୨୩ବର୍ଷରେ ପ୍ରାୟ ୫୬% ରୋଗୀଙ୍କ ଆଡମିଶନ ଘରୋଇ ହସ୍‌ପିଟାଲ ହୋଇଥିବାବେଳେ ୪୪%ଙ୍କ ଚିକିତ୍ସା ସରକାରୀ ହସ୍‌ପିଟାଲରେ ହୋଇଛି।

ଆୟୁଷ୍ମାନ ଭାରତ ହିତାଧିକାରୀଙ୍କୁ ୨୭ପ୍ରକାର ରୋଗରେ  ମୋଟ ୧୯୪୯ ପଦ୍ଧତିରେ ଚିକିତ୍ସା ସୁବିଧା ମିଳୁଛି। ତୃତୀୟକ ଚିକିତ୍ସା ଓ ଯତ୍ନ ବର୍ଗରେ ହିତାଧିକାରୀଙ୍କୁ କ୍ୟାନସର, ଜରୁରୀ ଚିକିତ୍ସା ଓ ଯତ୍ନ, ଅସ୍ଥିଶଲ୍ୟ, ମୂତ୍ରରୋଗ ଓ ବୃକକ୍ ସଂକ୍ରାନ୍ତ ବ୍ୟାଧିର ଚିକିତ୍ସା ସେବା ମାଗଣାରେ ମିଳୁଛି। ଆହୁରି ମଧ୍ୟ ଏହି ଯୋଜନାରେ ଲିଙ୍ଗଗତ ସମାନତା ରକ୍ଷା ଉପରେ ଗୁରୁତ୍ୱ ଦିଆଯାଉଛି। ଏବେ ଆୟୁଷ୍ମାନ କାର୍ଡଧାରୀଙ୍କ ମଧ୍ୟରେ ୪୯ ପ୍ରତିଶତ ମହିଳା। ସେହିଭଳି ହସ୍‌ପିଟାଲରେ ଚିକିତ୍ସା ପାଇଁ ଭର୍ତ୍ତି ହେବାରେ ମହିଳାଙ୍କ ସଂଖ୍ୟା ୪୮%। ମହିଳାଙ୍କ ପାଇଁ ଏହି ଯୋଜନାରେ ୧୪୧ପ୍ରକାର ଚିକିତ୍ସା ସୁବିଧା ଉପଲବ୍ଧ  ହେଉଛି।

ନୂଆଦିଲ୍ଲୀ: ରାଷ୍ଟ୍ରୀୟ ସ୍ବାସ୍ଥ୍ୟ ପ୍ରାଧିକରଣ (ଏନଏଚଏ) ଏହାର ଆୟୁଷ୍ମାନ ଭାରତ ଡିଜିଟାଲ୍ ମିଶନ୍ (ଏବିଡିଏମ୍) ଯୋଜନା ଅନ୍ତର୍ଗତ ସ୍ବାସ୍ଥ୍ୟ ସେବା ଯୋଗାଣରେ ପାରଦର୍ଶିତା ଆଣିବା ପାଇଁ ଡିଜିଟାଲ୍ ହସ୍ତକ୍ଷେପକୁ ସକ୍ଷମ କରୁଛି। ଏପରି ଏକ ହସ୍ତକ୍ଷେପ ‘ସ୍କାନ୍ ଆଣ୍ଡ ସେୟାର’, ଯେଉଁଥିରେ ଓପିଡିରେ ରୋଗୀଙ୍କର ତୁରନ୍ତ ପଞ୍ଜୀକରଣ ହୋଇଥାଏ। ଏହି ସେବା ଏହି ପ୍ରକ୍ରିୟାରେ ସାମିଲ୍ ଥିବା ହସ୍ପିଟାଲରେ ଉପଲବ୍ଧ ରହିଛି। ଏହି ସେବାର ବ୍ୟବହାର କରୁଥିବା ରୋଗୀମାନଙ୍କର ସଂଖ୍ୟା ବୃଦ୍ଧି ହୋଇଛି ଏବଂ ନିଜର ପ୍ରାରମ୍ଭିକ ଛଅ ମାସରେ ହିଁ ଏହି ସଂଖ୍ୟା 10 ଲକ୍ଷ ପଞ୍ଜୀକରଣକୁ ଅତିକ୍ରମ କରିଛି। ଏହା ଉଲ୍ଲେଖନୀୟ ଯେ ଗତ ମାସରେ (23 ଫେବୃୟାରୀ, 2023 ସନ୍ଦର୍ଭରେ) ହିଁ ପାଞ୍ଚ ଲକ୍ଷ ରୋଗୀ ପଞ୍ଜୀକରଣ କରାଇଥିଲେ। ସ୍କାନ-ଆଣ୍ଡ-ସେୟାର ସେବାର ପ୍ରଭାବ ଏବଂ ଏହାର ସ୍ବୀକୃତି ଏହି ବିଷୟରେ ପ୍ରମାଣିତ ହୋଇଯାଏ ଯେ ଏହି ସଂଖ୍ୟା ଦ୍ରୁତ ଗତିରେ ବୃଦ୍ଧି ହେଉଛି।

ସ୍କାନ-ଆଣ୍ଡ-ସେୟାର ସେବା ବିଷୟରେ ଏନଏଚଏ ର ସିଇଓ କହିଛନ୍ତି – ‘‘ଏବିଡିଏମ୍ ର ଲକ୍ଷ୍ୟ ଡିଜିଟାଲ୍ ସମାଧାନର ଉପଯୋଗ ଦ୍ବାରା ନିରନ୍ତର ସ୍ବାସ୍ଥ୍ୟ ଯୋଗାଣ ପ୍ରସ୍ତୁତ କରିବା ଅଟେ। ସ୍କାନ-ଆଣ୍ଡ-ସେୟାର ପଦକ୍ଷେପ ମାଧ୍ୟମରେ ହସ୍ପିଟାଲ୍ ରୋଗୀଙ୍କର ଆଭା (ଏବିଏଚଏ) ପ୍ରୋଫାଇଲ୍ ମାଧ୍ୟମରେ ପ୍ରତ୍ୟକ୍ଷ ଭାବରେ ତାଙ୍କର ଡିଜିଟାଲ୍ ପଞ୍ଜୀକରଣ ସେବାର ଉପସ୍ଥାପନ କରୁଛନ୍ତି। ଏହାଦ୍ବାରା ରୋଗୀଙ୍କୁ ତୁରନ୍ତ ପଞ୍ଜୀକରଣ ଟିକେଟ୍ ମିଳି ଯାଇଥାଏ ଏବଂ ତାଙ୍କୁ ଲାଇନରେ ଛିଡ଼ା ହେବା ଏବଂ ସମ୍ପୂର୍ଣ୍ଣ ବିବରଣୀ ଲେଖିବାରୁ ମୁକ୍ତି ମିଳି ଯାଇଥାଏ। ଏହି ସମୟରେ, ପ୍ରତି ଦିନ ହାରାହାରି 25,000 ଓପିଡି ଟୋକନ୍ ପ୍ରଦାନ କରାଯାଉଛି। ଆମର ଉଦ୍ଦେଶ୍ୟ ହେଉଛି ଖୁବ ଶୀଘ୍ର ଏହି ପରିମାଣକୁ ପ୍ରତି ଦିନ ଏକ ଲକ୍ଷ ଟୋକନରୁ ଅଧିକ କରିବା। ଏହା ବ୍ୟତୀତ ଆମେ ରୋଗୀ ଓ ସ୍ବାସ୍ଥ୍ୟ ସେବା ପ୍ରଦାନକାରୀଙ୍କ ମଧ୍ୟରେ ଅନ୍ୟ ପ୍ରକାର ଯୋଗାଯୋଗ ପାଇଁ ଏହି ପଦକ୍ଷେପକୁ ଆଗକୁ ନେଉଛୁ।

ସ୍କାନ-ଆଣ୍ଡ-ସେୟାର ସେବା କ୍ୟୁଆର କୋଡ୍ ଆଧାରିତ ଅଟେ ଏବଂ ଏହି ସୂଚନା ପ୍ରଦାନ କରିବାର ଏକ ସରଳ ମାଧ୍ୟମ ଉପରେ କାମ କରିଥାଏ। ଭାଗ ନେଉଥିବା ହସ୍ପିଟାଲ୍ ନିଜର ରୋଗୀ ପଞ୍ଜୀକରଣ କାଉଣ୍ଟରରେ ନିଜର ବିଶେଷ କ୍ୟୁଆର କୋଡ୍ ପ୍ରଦର୍ଶିତ କରିଥାନ୍ତି। ରୋଗୀ ସେବା ପାଇଁ ସମର୍ଥିତ ମୋବାଇଲ୍ ଆପ୍ (ବର୍ତ୍ତମାନ କ୍ଷେତ୍ରରେ ଏବିଏଚଏ ଆପ୍, ଆରୋଗ୍ୟ ସେତୁ, ଡ୍ରିଫକେସ୍, ପେଟିଏମ୍, ବଜାଜ୍ ହେଲ୍ଥ ଏବଂ ଏକୋକେୟାରରେ ଉପଲବ୍ଧ) ର ଉପଯୋଗ କରି କ୍ୟୁଆର କୋଡ୍ ସ୍କାନ କରିବା ପାଇଁ ନିଜର ସ୍ମାର୍ଟଫୋନର ବ୍ୟହବାର କରିଥାନ୍ତି। ଏହାପରେ ରୋଗୀ ନିଜର ଆଭା (ଆୟୁଷ୍ମାନ ଭାରତ ହେଲ୍ଥ ଆକାଉଣ୍ଟ) ପ୍ରସ୍ତୁତ କରିଥାନ୍ତି ବା ନିଜର ପ୍ରଚଳିତ ଆଭା ଆକଉଣ୍ଟରେ ଲଗଇନ୍ କରିଥାନ୍ତି। ଲଗ୍ ଇନ୍ କରିବା ପରେ ରୋଗୀ କୌଣସି ପ୍ରକାର ଫର୍ମ ପୂରଣ ନକରି ପଞ୍ଜୀକରଣ ପୂରଣ କରିବା ପାଇଁ ପ୍ରତ୍ୟକ୍ଷ ଭାବରେ ହସ୍ପିଟାଲ୍ ସହିତ ନିଜର ଆଭା ପ୍ରୋଫାଇଲ୍ ସେୟାର କରିପାରିବେ। ଏହି କାଗଜମୁକ୍ତ ପଞ୍ଜୀକରଣର ପରିଣାମସ୍ବରୂପ ତତ୍କାଳ ଟୋକନ୍ ପ୍ରସ୍ତୁତ ହୋଇ ଯାଇଥାଏ। ଏହିପରି ଆଭାର ବ୍ୟବହାର କରି ରୋଗୀଙ୍କୁ ଲମ୍ବା ଲାଇନରେ ଆଉ ଛିଡ଼ା ହେବାକୁ ପଡ଼ିବ ନାହିଁ।

ଏହି ସେବା ଲେଡି ହାର୍ଡ଼ିଂ ମେଡିକାଲ୍ କଲେଜ୍ (ଏଲଏଚଏମସି) ଏବଂ ଶ୍ରମୀତୀ ସୁଚେତା କ୍ରିପଲାନୀ ହସ୍ପିଟାଲ୍ (ଏସଏସକେଏଚ୍) ହସ୍ପିଟାଲ୍, ନୂଆ ଦିଲ୍ଲୀରେ 6 ଅକ୍ଟୋବର 2022 ରେ ଆରମ୍ଭ କରାଯାଇଥିଲା। ସେହି ଦିନ ଠାରୁ 443 ଜିଲ୍ଲାରେ 147 ରୁ ଅଧିକ ହସ୍ପିଟାଲ୍ ଏହି ସେବାକୁ ଗ୍ରହଣ କରିଛନ୍ତି ଯେଉଁ କାରଣରୁ ନିୟମିତ ଓପିଡିରେ ପଞ୍ଜୀକରଣ କରାଇବା ପାଇଁ ଲାଇନରେ ଛିଡ଼ା ହେବାର ସମୟ ବଞ୍ଚି ପାରୁଛି। ଏମସ ରାୟପୁର, ଏନଡିଏମସି ଚରକ ପାଲିକା ହସ୍ପିଟାଲ୍ – ନୂଆ ଦିଲ୍ଲୀ, ଏଲଏଚଏମସି ଓ ଏସଏସକେଏଚ୍ – ନୂଆ ଦିଲ୍ଲୀ, ସାର ସି ଭି ରମନ୍ ଜେନେରାଲ୍ ହସ୍ପିଟାଲ୍-ବେଙ୍ଗାଲୁରୁ ଓ ଏଲ ବି ଆର ଜଏଣ୍ଟ ହସ୍ପିଟାଲ୍, କାନପୁର ରୋଡ୍, ଲକ୍ଷ୍ମୌ ଏବିଏଚ୍ଏ ଆଧାରିତ ସ୍କାନ-ଆଣ୍ଡ-ସେୟାର ସେବାର ଉପଯୋଗ କରି ନିୟମିତ 25,000 ରୁ ଅଧିକ ରୋଗୀମାନଙ୍କୁ ସହାୟତା ପ୍ରଦାନ କରୁଛନ୍ତି। ସ୍କାନ-ଆଣ୍ଡ-ସେୟାର ସେବାର କାର୍ଯ୍ୟକାରୀ ସମ୍ବନ୍ଧିତ ଅଧିକ ବିବରଣୀ ଏବିଡିଏମ୍ ପବ୍ଲିକ୍ ଡାସବୋର୍ଡ଼ https://dashboard.abdm.gov.in/abdm/ ରେ ଉପଲବ୍ଧ ରହିଛି।

ଯେଉଁ ହସ୍ପିଟାଲ୍ ଏବଂ ଡିଜିଟାଲ୍ ସମାଧାନ କମ୍ପାନୀ ସ୍ବାସ୍ଥ୍ୟ ସୁବିଧାକୁ ନିଜର ପ୍ରଯୁକ୍ତି ପ୍ରଦାନ କରୁଛନ୍ତି, ତାଙ୍କ ଦ୍ବାରା ସ୍କାନ-ଆଣ୍ଡ-ସେୟାର ସେବାକୁ ଗ୍ରହଣ କରିବାର ପ୍ରକ୍ରିୟାକୁ ବଢ଼ାଇବା ପାଇଁ ଏବିଡିଏମ୍ ଡିଜିଟାଲ୍ ହେଲ୍ଥ ଇନ୍ସେନଟିଭ୍ ସ୍କିମ୍ (ଡିଏଚଆଇଏସ୍) ଅନ୍ତର୍ଗତ ସ୍କାନ-ଆଣ୍ଡ-ସେୟାର ଟ୍ରାନ୍ଜାକ୍ସନକୁ ମଧ୍ୟ ସାମିଲ୍ କରିଛନ୍ତି। ଆଭା ଆଧାରିତ ସ୍କାନ-ଆଣ୍ଡ-ସେୟାର ସେବାର ଉପସ୍ଥାପନା କରୁଥିବା ସ୍ବାସ୍ଥ୍ୟ ସୁବିଧାକୁ ଆଭା ଆଧାରିତ ଡିଜିଟାଲ୍ ସ୍ବାସ୍ଥ୍ୟ ଟ୍ରାନ୍ଜାକ୍ସନ ସଂଖ୍ୟାର ଆଧାରରେ ଡିଏଚଆଇଏସ୍ ଅନ୍ତର୍ଗତ ଚାରି କୋଟି ଟଙ୍କା ପର୍ଯ୍ୟନ୍ତ ପ୍ରୋତ୍ସାହନ ପ୍ରଦାନ କରିବାର ସୁଯୋଗ ମିଳୁଛି।

ନୂଆଦିଲ୍ଲୀ: ଯୋଗାଇ ଦିଆଯାଇଥିବା ବିଭିନ୍ନ ପ୍ରକାର ସେବାର ସଂଖ୍ୟା ପରିବର୍ତ୍ତେ ସ୍ୱାସ୍ଥ୍ୟସେବାର ମାନକୁ ବିଚାରକୁ ନେଇ ହସ୍‌ପିଟାଲଗୁଡିକର ପ୍ରଦର୍ଶନ ମାପିବା ଲକ୍ଷ୍ୟରେ ଜାତୀୟ ସ୍ୱାସ୍ଥ୍ୟ ପ୍ରାଧିକରଣ ବା ଏନ୍‌ଏଚ୍‌ଏ ଏକ ବ୍ୟବସ୍ଥା ପ୍ରବର୍ତ୍ତନ କରୁଛି। ଏଥିରେ ରୋଗୀଙ୍କୁ ଯୋଗାଇ ଦିଆଯାଉଥିବା ବିଭିନ୍ନ ପ୍ରକାର ସ୍ୱାସ୍ଥ୍ୟସେବା ଓ ଯତ୍ନକୁ ବିଚାରକୁ ନେଇ ହସ୍‌ପିଟାଲଗୁଡିକର ପ୍ରଦର୍ଶନ ଓ ଗ୍ରେଡ୍ ନିର୍ଦ୍ଧାରିତ ହେବ। ଯେଉଁସବୁ ହସ୍‌ପିଟାଲ ଆୟୁଷ୍ମାନ  ଭାରତ-ପିଏମ୍‌-ଜେଏୱାଇ ଯୋଜନାରେ ତାଲିକାଭୁକ୍ତ ହୋଇଛନ୍ତି ଏଣିକି ସେମାନଙ୍କର ପ୍ରଦର୍ଶନ ଓ ଗ୍ରେଡ ନୂଆ ବ୍ୟବସ୍ଥାରେ ନିର୍ଦ୍ଧାରିତ ହେବ।

ପାରମ୍ପାରିକ ଭାବେ, ଅର୍ଥ ପ୍ରଦାନକାରୀଙ୍କ ଦୃଷ୍ଟିରୁ ଦେଖିଲେ ସ୍ୱାସ୍ଥ୍ୟ ସେବାର ଢାଞ୍ଚା ରୋଗୀଙ୍କୁ ଯୋଗାଇ ଦିଆଯାଉଥିବା ବିଭିନ୍ନ ପ୍ରକାର ସେବାର ସଂଖ୍ୟା ଉପରେ ଗୁରୁତ୍ୱ ଦିଏ। ଏଥିରେ ରୋଗୀର ଚିକିତ୍ସା ପାଇଁ ହସ୍‌ପିଟାଲକୁ ଯେଉଁ ଅର୍ଥ ପ୍ରଦାନ କରାଯାଏ ସେଥିରେ ଯୋଗାଇ ଦିଆଯାଉଥିବା ବିଭିନ୍ନ ପ୍ରକାର ଚିକିତ୍ସା ସେବାକୁ ହିସାବକୁ ନିଆଯାଏ ଏବଂ ଏହା ବଣ୍ଡଲ ପେମେଣ୍ଟ ନାମରେ ପରିଚିତ। ତେବେ ନୂଆ ବ୍ୟବସ୍ଥାରେ ଏକଥା ରହିବ ନାହିଁ। ଏଥିରେ ରୋଗୀଙ୍କୁ  ଯୋଗାଇ ଦିଆଯାଉଥିବା ମୂଲ୍ୟ ମିଶ୍ରିତ ସେବା ବା ଭ୍ୟାଲ୍ୟୁ ବେସ୍‌ଡ କେୟାର ଗୁରୁତ୍ୱ ପାଇବ। ସୁତରାଂ ଏଥିରେ ବଣ୍ଡଲ ପେମେଣ୍ଟ  ନ ହୋଇ ଚିକିତ୍ସାର ନିର୍ଯାସ ବା ଫଳାଫଳକୁ ଗୁରୁତ୍ୱ ଦିଆଯିବ। କୌଣସି ସେବା ଯୋଗାଣ ଦ୍ୱାରା ରୋଗୀର ଯଦି କିଛି ଉପକାର ନ ହୁଏ, ସେ କ୍ଷେତ୍ରରେ ସେହି ଚିକିତ୍ସା ପାଇଁ ହସ୍‌ପିଟାଲ ଅର୍ଥ ନେବାକୁ ହକ୍‌ଦାର ହେବ ନାହିଁ। ଅତଏବ ହସ୍‌ପିଟାଲ ସମୂହ ସେମାନଙ୍କର ଚିକିତ୍ସା ଓ ସେବାର ମାନ ଏବଂ ଫଳାଫଳ ବିଚାରରେ ପୁରସ୍କୃତ ହେବେ। ନୂଆ ମଡେଲରେ ରୋଗୀ ଚିକିତ୍ସା ଗୁରୁତ୍ୱ ପାଇବ। ରୋଗୀଙ୍କ ସ୍ୱାସ୍ଥ୍ୟରେ ଉନ୍ନତି ଘଟିଲେ ବା ସେମାନେ ସୁସ୍ଥ ହେଲେ ହସ୍‌ପିଟାଲକୁ ତାହାର ଆଧାରରେ ଗ୍ରେଡ ପ୍ରଦାନ କରାଯିବ। ଏହା ଦ୍ୱାରା ହସ୍‌ପିଟାଲଗୁଡିକୁ ବିଭିନ୍ନ ସେବା ଯୋଗାଣର ପ୍ରାବଲ୍ୟ ପରିବର୍ତ୍ତେ ରୋଗୀଙ୍କର ଉପଯୁକ୍ତ ଚିକିତ୍ସା ଓ ଯତ୍ନ୍ ଉପରେ ଗୁରୁତ୍ୱ ଦେବେ। ଏହା ଫଳରେ ଲୋକଙ୍କ ବ୍ୟାଧିର ବୋଝ ଓ ପ୍ରଭାବ ଦୀର୍ଘମିଆଦି ନୀତିରେ ହ୍ରାସ ପାଇବ।

ଏହି ପଦକ୍ଷେପ ଦ୍ୱାରା ସାମଗ୍ରିକ ସ୍ୱାସ୍ଥ୍ୟସେବା ଓ ଚିକିତ୍ସା ବ୍ୟବସ୍ଥାରେ ବିଶେଷ ଉନ୍ନତି ଆସିବାର ସମ୍ଭାବନା ଅଧିକ। ଏହା ଦ୍ୱାରା ଉଭୟ ରୋଗୀ ଏବଂ ହସ୍‌ପିଟାଲ କର୍ତ୍ତୃପକ୍ଷ ଉପକୃତ ହେବେ ଏବଂ କାହାର କ୍ଷତି ଘଟିବ ନାହିଁ। ତା’ଛଡା ରୋଗୀଙ୍କ ବୀମା ବାବଦ ଅର୍ଥ ଯୋଗାଉଥିବା ସରକାର ବା ସମ୍ପୃକ୍ତ ପକ୍ଷ ମଧ୍ୟ ନିଜର ଲକ୍ଷ୍ୟ ସାଧନରେ ସଫଳ ହୋଇପାରିବେ। ରୋଗୀ ଆରୋଗ୍ୟ ଲାଭ କରି ଖୁସି ହେବେ ଏବଂ ହସ୍‌ପିଟାଲ କର୍ତ୍ତୃପକ୍ଷ ଅର୍ଥ ପାଇବେ। ବୀମାବାବଦ ଅର୍ଥ ପ୍ରଦାନକାରୀ ଏହି ବ୍ୟବସ୍ଥାରେ ନିଜର ଖର୍ଚ୍ଚ ତୁଳନ।।ରେ ପୂର୍ବାପେକ୍ଷା ଅଧିକ ସଫଳତା ପାଇବେ।

ନୂଆ ବ୍ୟବସ୍ଥା ସମ୍ପର୍କରେ ସୂଚନା ଦେଇ ଜାତୀୟ ସ୍ୱାସ୍ଥ୍ୟ ପ୍ରାଧିକରଣର ମୁଖ୍ୟ କାର୍ଯ୍ୟନିର୍ବାହୀ ଡକ୍ଟର ଆର୍‌.ଏସ. ଶର୍ମା କହିଛନ୍ତି ଯେ ପ୍ରତ୍ୟେକ ତାଲିକାଭୁକ୍ତ ହସ୍‌ପିଟାଲରେ ପ୍ରଧାନମନ୍ତ୍ରୀ  ଜନ ଆରୋଗ୍ୟ ଯୋଜନାର ପ୍ରତ୍ୟେକ ହିତାଧିକାରୀ ଯେପରି କ୍ୟାସଲେସ ବ୍ୟବସ୍ଥାରେ ଉଚ୍ଚମାନର ଚିକିତ୍ସା ସେବା ପାଆନ୍ତି ତାହାକୁ ସୁନିଶ୍ଚିତ କରିବାକୁ ଏହି ନୂଆ ପଦକ୍ଷେପ ଗ୍ରହଣ କରାଯାଇଛି। ଏଥିରେ ଯୋଜନା ଅନ୍ତର୍ଭୁକ୍ତ ଚିକିତ୍ସାର ଖର୍ଚ୍ଚକୁ ମାନକୀକୃତ ବା ଷ୍ଟାଣ୍ଡାଡାଇଜ୍ କରିବା ଏବଂ ଅତ୍ୟାଧୁନିକ ଓ ଅଗ୍ରଣୀ ଚିକିତ୍ସା ବ୍ୟବସ୍ଥାକୁ କାର୍ଯ୍ୟକାରୀ କରିବା  ଆଦି ରହିଛି। ଅତିରିକ୍ତ ଭାବେ ଜାତୀୟ ସ୍ୱାସ୍ଥ୍ୟ ପ୍ରାଧିକରଣ ଏକ ବ୍ୟବସ୍ଥା କରିଛି, ଯେଉଁଥିରେ ଯେଉଁ  ହସ୍‌ପିଟାଲ ସବୁ ଉଚ୍ଚମାନର ଚିକିତ୍ସା ସେବା ରୋଗୀଙ୍କୁ ଯୋଗାଉଛନ୍ତି ସେମାନଙ୍କ ପ୍ରଦର୍ଶନକୁ ବିଚାରକୁ ନେଇ ସମ୍ପୃକ୍ତ ହସ୍‌ପିଟାଲଗୁଡିକୁ ପ୍ରୋତ୍ସାହିତ କରାଯିବ।

ମୂଲ୍ୟଭିତ୍ତିକ ସ୍ୱାସ୍ଥ୍ୟସେବା ବ୍ୟବସ୍ଥାରେ ଅର୍ଥ ଦେଉଥିବା ପକ୍ଷ ମଧ୍ୟ ଖର୍ଚ୍ଚ ନିୟନ୍ତ୍ରଣ ଉପରେ ନିଜର କ୍ଷମତା ଦୃଢଭାବେ ଜାହିର କରିପାରିବେ। ଏକ ସୁସ୍ଥ ଜନସଂଖ୍ୟାର ଅର୍ଥ ହେଲା ଏଥିରେ ଚିକିତ୍ସା ବାବଦ ବୀମା କ୍ଲେମ କମ୍। ଏଭଳି ସ୍ଥିତିରେ ବୀମା ପ୍ରଦାନକାରୀଙ୍କ ଉପରେ ଚାପ ହ୍ରାସ ପାଏ ଓ ତାଙ୍କର ଖର୍ଚ୍ଚ କମେ। ସେହିଭଳି ଯୋଗାଣକାରୀ ନିଜର ଉତ୍ପାଦ ଓ ସେବାକୁ ରୋଗୀଙ୍କ ଆଡକୁ ମୁହାଁଇ ସକାରାତ୍ମକ ଫଳାଫଳ ପାଇବାକୁ ଗୁୁରୁତ୍ୱ ଦେବେ। ମୋଟାମୋଟି ଏହି ମୂଲ୍ୟଭିତ୍ତିକ ସ୍ୱାସ୍ଥ୍ୟସେବା ବ୍ୟବସ୍ଥା ସ୍ୱାସ୍ଥ୍ୟସେବା ପ୍ରଦାନକାରୀଙ୍କୁ ପ୍ରୋତ୍ସାହିତ ଓ ଅନୁପ୍ରାଣିତ କରିବ ଏବଂ ସେମାନେ ରୋଗୀ କୈନ୍ଦ୍ରିକ ସେବା ଉପରେ ଅଧିକ ଗୁରୁତ୍ୱ ଦେବେ।

ଏହି ମୂଲ୍ୟଭିତ୍ତିକ ସେବା ଅଧୀନରେ ଆୟୁଷ୍ମାନ ଭାରତ  ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାରେ ତାଲିକାଭୁକ୍ତ ହୋଇଥିବା ହସ୍‌ପିଟାଲ ସମୂହଙ୍କ ପ୍ରଦର୍ଶନ ପାଞ୍ଚଟି ସୂଚକାଙ୍କ ଭିତିରେ ମପାଯିବ। ସେଗୁଡିକ ହେଲା-୧) ହିତାଧିକାରୀଙ୍କ ସନ୍ତୋଷ, ୨) ହସ୍‌ପିଟାଲ ରିଆଡମିଶନ ହାର, ୩)ରୋଗୀଙ୍କ ପକେଟରୁ ଖର୍ଚ୍ଚ ହୋଇଥିବା ଅର୍ଥର ପରିମାଣ, ୪) ରୋଗୀଙ୍କ ଆପତ୍ତି ଅଭିଯୋଗର ସତ୍ୟାସତ୍ୟ ନିର୍ଦ୍ଧାରଣ ଓ ୫) ଇନ-ପେସେଣ୍ଟଙ୍କ ସ୍ୱାସ୍ଥ୍ୟ ସମ୍ପର୍କୀତ ଜୀବନର ମାନରେ ଉନ୍ନତି।

ଏହି ସୂଚକାଙ୍କ ଭିତ୍ତିରେ ପ୍ରସ୍ତୁତ ହସ୍‌ପିଟାଲଗୁଡିକର ପ୍ରଦର୍ଶନ ତାଲିକାକୁ ପବ୍ଲିକ ଡ୍ୟାସବୋର୍ଡରେ ସ୍ଥାନିତ କରାଯିବ। ଏହାର ଏକ ଉତ୍ତମ ପ୍ରଭାବ ରୋଗୀ ଏବଂ ହିତାଧିକାରୀଙ୍କ ଉପରେ ପଡିବ। ସେମାନେ ପ୍ରଦର୍ଶନ ଦେଖି ହସ୍‌ପିଟାଲ ବାଛିବେ ଓ ବିଚାରବନ୍ତ ନିଷ୍ପତ୍ତି ନେବେ। ସୁତରାଂ ଏହା ଦ୍ୱାରା ହସ୍‌ପିଟାଲ ପ୍ରଦର୍ଶନ ତାହାର ଆର୍ଥିକ ପ୍ରୋତ୍ସାହନକୁ ତ୍ୱରାନ୍ୱିତ କରିବ। ଭଲ ଚିକିତ୍ସା ପାଇଁ ଅଧିକରୁ ଅଧିକ ବୀମାକୃତ ରୋଗୀ ଆସିଲେ ହସ୍ପିଟାଲର ଆୟ ବଢିବ।

ହସ୍‌ପିଟାଲର ପ୍ରଦର୍ଶନଜନିତ ଏହି ପ୍ରୟାସ ସହିତ ମୂଲ୍ୟଭିତ୍ତିକ ପ୍ରୋତ୍ସାହନ, ସ୍ୱାସ୍ଥ୍ୟ ଟେକ୍‌ନୋଲୋଜି ବ୍ୟବହାରର ଆକଳନ ଏବଂ ଚିକିତ୍ସାସେବାର ମାନ ତଦାରଖ କରିବାକୁ ଡିଜିଟାଲ ଟୁଲ୍ସର ବ୍ୟବହାର ଆଦି ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାକୁ ଏକ ନୂତନ ଉନ୍ନତ ରୂପ ଦେବ। ଏହାଦ୍ୱାରା ଭାରତୀୟ ସ୍ୱାସ୍ଥ୍ୟସେବା ବ୍ୟବସ୍ଥା ଭଲ୍ୟୁମ୍ ବେସ୍‌ଡ୍‌ରୁ ଭ୍ୟାଲ୍ୟୁ ବେସ୍‌ଡ ସ୍ୱାସ୍ଥ୍ୟସେବା ପ୍ରଦାନକାରୀ ବ୍ୟବସ୍ଥାରେ ପରିଣତ ହେବ।

ଦିଲ୍ଲୀ: ଭାରତ ସ୍ୱାସ୍ଥ୍ୟକ୍ଷେତ୍ରରେ ଏକ ମହତ୍ୱପୂର୍ଣ୍ଣ ମାଇଲ୍‌ଖୁଂଟକୁ ଅତିକ୍ରମ କରିଛି – ୩୧ ଡିସେମ୍ବର ପୂର୍ବରୁ ୧,୫୦,୦୦୦ ଆୟୁଷ୍ମାନ ଭାରତ ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ର (ଏବି – ଏଚ୍‌ଡବ୍ଲ୍ୟୁସି) କାର୍ଯ୍ୟକ୍ଷମ ହୋଇଛି। ନିର୍ଦ୍ଧାରିତ ସମୟସୀମା ପୂର୍ବରୁ ଏହି ସଫଳତା ହାସଲ କରିବା ନିମନ୍ତେ ଦେଶର ପ୍ରୟାସକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଶଂସା କରିଛନ୍ତି ଏବଂ ପ୍ରାଥମିକ ସ୍ୱାସ୍ଥ୍ୟସେବା ସୁବିଧା ତଥା ସୁଯୋଗ ପାଇବା କ୍ଷେତ୍ରରେ ଏହି କେନ୍ଦ୍ର ଗୁଡିକ ସମଗ୍ର ଦେଶରେ ନାଗରିକ ମାନଙ୍କୁ ସହାୟତା  କରିବେ ବୋଲି ସେ ପ୍ରଶଂସା କରି କହିଛନ୍ତି।

ଏହି ସଫଳତା ପାଇଁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡଃ ମନସୁଖ ମାଣ୍ଡଭିୟ ଦେଶକୁ ଶୁଭେଚ୍ଛା ଜଣାଇବା ସହ ଭାରତ ଯେଉଁ ଲକ୍ଷ୍ୟ ଧାର୍ଯ୍ୟ କରିଛି ତାହା ସଫଳତାର ସହ ହାସଲ କରିଛି ବୋଲି ସେ ମଧ୍ୟ ଖୁସି ବ୍ୟକ୍ତ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜୀଙ୍କର ଦର୍ଶନକୁ ବାସ୍ତବିକତାରେ ପରିବର୍ତ୍ତିତ କରି, ରାଜ୍ୟ/କେନ୍ଦ୍ରଶାସିତ ଅଂଚଳ ଏବଂ କେନ୍ଦ୍ର ସରକାରଙ୍କ ସାମୂହିକ ତଥା ସହଯୋଗାତ୍ମକ ପ୍ରୟାସ ଭାରତକୁ ସୁନିଶ୍ଚିତ ବ୍ୟାପକ ପ୍ରାଥମିକ ସ୍ୱାସ୍ଥ୍ୟ ସେବା ପ୍ରଦାନ କରିବା କ୍ଷେତ୍ରରେ ଏକ ବିଶ୍ୱସ୍ତରୀୟ ମଡେଲରେ ପରିଣତ କରିଛି।

କାହାକୁ ପଛରେ ନ ଛାଡି, “ଆନ୍ତୋଦୟ” ର ସିଦ୍ଧାନ୍ତ ଗୁଡିକ ପୂରଣ କରିବାରେ ୧,୫୦,୦୦୦ ଆୟୁଷ୍ମାନ ଭାରତ ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ର (ଏବି – ଏଚ୍‌ଡବ୍ଲ୍ୟୁସି) ବ୍ୟାପକ ପ୍ରାଥମିକ ସ୍ୱାସ୍ଥ୍ୟ ସେବା ଯୋଗାଣରେ ପରିବର୍ତ୍ତନ ଆଣିଛି ଯାହା ସର୍ବଭାରତୀୟ ସ୍ତରରେ ମାଗଣାରେ ଏବଂ ଜନ୍ମରୁ ମୃତ୍ୟୁ ପର୍ଯ୍ୟନ୍ତ ସମସ୍ତ ବୟସର ଲୋକ ମାନଙ୍କୁ ଯତ୍ନର ଏକ ନିରନ୍ତର ଉପାୟ ମାଧ୍ୟମରେ ସେବା ଯୋଗାଇଥାଏ। ବିଭିନ୍ନ ପଦକ୍ଷେପ ଗୁଡିକ ମାଧ୍ୟମରେ ଦେଶର ଭିତର ଅଂଚଳରେ ସ୍ୱାସ୍ଥ୍ୟସେବା ପହଂଚିବାକୁ ସୁନିଶ୍ଚିତ କରି ଏବି – ଏଚ୍‌ଡବ୍ଲ୍ୟୁସି ଇ- ସଞ୍ଜିବନୀ ମାଧ୍ୟମରେ ୮.୫  ଟେଲି ପରାମର୍ଶକୁ ଅତିକ୍ରମ କରିଛି, ଯେଉଁଠାରେ ଦୈନିକ ପ୍ରାୟ ୪ ଲକ୍ଷ ଟେଲି ପରାମର୍ଶ ଦିଆ ଯାଇଥାଏ।

ସାରା ଦେଶରେ ୧୩୪ କୋଟିରୁ ଅଧିକ ଲୋକ ଏବି – ଏଚ୍‌ଡବ୍ଲ୍ୟୁସି ଦ୍ୱାରା ଉପକୃତ ହୋଇଛନ୍ତି ଏବଂ ୮୬.୯୦ କୋଟିରୁ ଅଧିକ ହିତାଧିକାରୀ ମାନଙ୍କର ଅଣ ସଂକ୍ରାମକ ରୋଗ ପାଇଁ  ଯାଂଚ କରାଯାଇଛି , ଯେଉଁଥିରେ ଉଚ୍ଚ ରକ୍ତଚାପ ପାଇଁ ୨୯.୯୫  କୋଟି, ମଧୁମେହ ପାଇଁ ୨୫.୫୬ କୋଟି, ମୁଖ କର୍କଟ ପାଇଁ ୧୭.୪୪ କୋଟି, ସ୍ତନ କର୍କଟ ପାଇଁ ୮.୨୭ କୋଟି ଏବଂ ଗର୍ଭାଶୟ କର୍କଟ ପାଇଁ ୫.୬୬ କୋଟି ହିତାଧିକାରୀ ଅନ୍ତର୍ଭୁକ୍ତ।

ଏବି – ଏଚ୍‌ଡବ୍ଲ୍ୟୁସି ଗୁଡ଼ିକର ସମ୍ପ୍ରସାରଣକୁ ଦୃଷ୍ଟିରେ ରଖି , ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର – ସ୍ୱାସ୍ଥ୍ୟ କଲ୍ୟାଣ କେନ୍ଦ୍ର (ପିଏଚ୍‌ସି – ଏଚ୍‌ଡବ୍ଲ୍ୟୁସି)ରେ ଅତ୍ୟାବଶ୍ୟକ ଔଷଧ ଗୁଡିକର ସଂଖ୍ୟା ୧୭୨ କୁ ଏବଂ ଉପ ସ୍ୱାସ୍ଥ୍ୟ କେନ୍ଦ୍ର – ସ୍ୱାସ୍ଥ୍ୟ କଲ୍ୟାଣ କେନ୍ଦ୍ର (ଏସ୍‌ଏଚ୍‌ସି- ଏଚ୍‌ଡବ୍ଲ୍ୟସି)ରେ ୧୦୫ କୁ ବୃଦ୍ଧି ପାଇଛି  ଏବଂ ଆବଶ୍ୟକୀୟ ନିଦାନ ମଧ୍ୟ ପିଏଚ୍‌ସି – ଏଚ୍‌ଡବ୍ଲ୍ୟୁସିରେ ୬୩ ଏବଂ ଏସ୍‌ଏଚ୍‌ସି- ଏଚ୍‌ଡବ୍ଲ୍ୟସି  ରେ ୧୪ କୁ ବିସ୍ତାର ହୋଇଛି। ଏବି – ଏଚ୍‌ଡବ୍ଲ୍ୟୁସି ଗୁଡିକ ଯୋଗ, ଜୁମ୍ବା, ସାଇକ୍ଲାଥନ୍‌, ୱାକାଥନ୍ ଉପରେ ସୁସ୍ଥତା ଅଧିବେଶନକୁ ମଧ୍ୟ ଅନ୍ତର୍ଭୁକ୍ତ କରିଥାଏ ଏବଂ ସାମୁଦାୟିକ କଲ୍ୟାଣ ପାଇଁ ଏକ ମାନସିକତା ସୃଷ୍ଟି କରିବା ନିମନ୍ତେ ଖାଦ୍ୟ, ଶାରୀରିକ କାର୍ଯ୍ୟକଳାପ, ସକାରାତ୍ମକ ପାଳନ – ପୋଷଣ, ତମାଖୁ, ମଦ୍ୟପାନ ବନ୍ଦ କରିବା ପାଇଁ ନିର୍ଦ୍ଦେଶାବଳୀ ପ୍ରଦାନ କରିଥାଏ।

ଆଜି ପର୍ଯ୍ୟନ୍ତ ଏହି କେନ୍ଦ୍ର ଗୁଡିକରେ ୧.୬୦ କୋଟିରୁ ଅଧିକ କଲ୍ୟାଣ ଅଧିବେଶନ ଅନୁଷ୍ଠିତ ହୋଇ ଯାଇଛି।

ଏହା ସହିତ, ଏବି – ଏଚ୍‌ଡବ୍ଲ୍ୟୁସି ଗୁଡିକ ସହରାଂଚଳ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର – ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ର (ୟୁପିଏଚ୍‌ସି – ଏଚ୍‌ଡବ୍ଲ୍ୟୁସି) ଅଧୀନରେ ସହରାଂଚଳରେ ୨ – ୩  ଟି କେନ୍ଦ୍ର କାର୍ଯ୍ୟକ୍ଷମ କରିଛନ୍ତି, ଆଉଟ୍‌ପେସେଂଟ ଚିକିତ୍ସାକୁ ମଜବୁତ କରିଛନ୍ତି ଏବଂ ୧୫,୦୦୦ ରୁ  ୨୦,୦୦୦ ଲୋକ ମାନଙ୍କୁ ଏହାର ପରିସରଭୁକ୍ତ କରିଛନ୍ତି।

ନୂଆଦିଲ୍ଲୀ: ଜାତୀୟ ସ୍ବାସ୍ଥ୍ୟ ପ୍ରାଧୀକରଣ (ଏଚଏନଏ) ନିଜର ପ୍ରମୁଖ ଯୋଜନା ଆୟୁଷ୍ମାନ ଭାରତ ଡିଜିଟାଲ୍ ମିଶନ୍ (ଏବିଡିଏମ୍) ସ୍କାନ୍ ଏବଂ ସେୟାର ମାଧ୍ୟମରେ ରୋଗୀମାନଙ୍କ ପାଇଁ ତ୍ବରିତ ଓପିଡି ପଞ୍ଜୀକରଣ ସେବା ପ୍ରଦାନ କରୁଛି। ଅକ୍ଟୋବର 2022 ରେ ନୂଆଦିଲ୍ଲୀ ସ୍ଥିତ ଏକ ହସ୍‌ପିଟାଲରେ ଏହି ସେବାକୁ ପାଇଲଟ୍ ଭିତ୍ତିରେ ଆରମ୍ଭ କରାଯାଇଥିଲା। ଏବେ ଏହାକୁ ଭାରତର 18 ଟି ରାଜ୍ୟରେ 200 ରୁ ଅଧିକ ସ୍ବାସ୍ଥ୍ୟ କେନ୍ଦ୍ରରେ ଗ୍ରହଣ କରାଯାଇଛି। ଏହାର ଶୁଭାରମ୍ଭ ପରେ 75 ଦିନର ଅବଧି ମଧ୍ୟରେ ସ୍କାନ୍ ଓ ସେୟାର ସେବା ପ୍ରାୟ 1 ଲକ୍ଷରୁ ଅଧିକ ରୋଗୀମାନଙ୍କୁ ଓପିଡି ପରାମର୍ଶ ପାଇଁ ତତ୍କାଳ ପଞ୍ଜୀକରଣ ସୁବିଧା ପ୍ରଦାନ କରିଛି। ଏହାଦ୍ବାରା ତାଙ୍କର ସମୟ ସଞ୍ଚୟ ହେବା ସହିତ ଓପିଡି ପଞ୍ଜୀକରଣର ସହଜ ହୋଇ ପାରିଛି। କର୍ଣ୍ଣାଟକ, ଦିଲ୍ଲୀ, ଉତ୍ତର ପ୍ରଦେଶ ସେହି ପ୍ରମୁଖ ରାଜ୍ୟ ମଧ୍ୟରେ ରହିଛି ଯେଉଁମାନେ ରୋଗୀମାନଙ୍କୁ ଉନ୍ନତ ସେବା ପ୍ରଦାନ କରିବା ପାଇଁ ଏହି ସୁବିଧାର ବ୍ୟବହାର କରୁଛନ୍ତି।

ଏହି ସେବା ରୋଗୀମାନଙ୍କୁ ନିଜ ପସନ୍ଦର କୌଣସି ସ୍ବାସ୍ଥ୍ୟ ଆପ୍ଲିକେସନ (ଯେପରିକି ଏବିଏଚଏ ଆପ୍, ଆରୋଗ୍ୟ ସେତୁ ଆପ୍, ଏକା କେୟାର, ଡ୍ରିଫ୍‌କେସ୍, ବଜାଜ୍ ହେଲ୍‌ଥ, ପେଟିଏମ୍‌) ର ଉପଯୋଗ କରି ଏଥିରେ ଭାଗୀଦାର ହସ୍‌ପିଟାଲ୍/ସ୍ବାସ୍ଥ୍ୟ ସୁବିଧାର ୟୁନିକ୍ କ୍ୟୁଆର କୋଡ୍ କୁ କେବଳ ସ୍କାନ କରିବା ସହିତ ନିଜର ଏବିଏଚଏ ପ୍ରୋଫାଇଲ୍ ଆଦାନ ପ୍ରଦାନ କରିବାର ସୁବିଧା ପ୍ରଦାନ କରିଥାଏ। ନିଜର ଏବିଏଚଏ (ଆୟୁଷ୍ମାନ ଭାରତ ସ୍ବାସ୍ଥ୍ୟ ଆକାଉଣ୍ଟ) ରୁ ରୋଗୀଙ୍କ ନାମ, ଅଭିଭାବକଙ୍କ ନାମ, ବୟସ, ଲିଙ୍ଗ, ଠିକଣା, ମୋବାଇଲ୍ ନମ୍ବର ଆଦି ପରି ଡେମୋଗ୍ରାଫିକ୍ ବିବରଣୀ ପ୍ରତ୍ୟକ୍ଷ ଭାବରେ ହସ୍‌ପିଟାଲ୍ ମ୍ୟାନେଜମେଣ୍ଟ ଇନ୍‌ଫରମେସନ ସିଷ୍ଟମ (ଏଚଏମଆଇଏସ୍‌) ସହିତ ଆଦାନ ପ୍ରଦାନ କରାଯାଇଥାଏ। ଏହାପରେ ଡିଜିଟାଲ୍ ପଞ୍ଜୀକରଣର ପ୍ରକ୍ରିୟା ପୂରଣ ହୋଇଥାଏ। ଏହାପରେ ରୋଗୀ ନିଜର ଆଉଟ୍ ପେସେଣ୍ଟ ସ୍ଲିପକୁ ଗ୍ରହଣ କରି ଡାକ୍ତରଙ୍କ ସହିତ ସାକ୍ଷାତ କରିବାକୁ କାଉଣ୍ଟରକୁ ଯାଇପାରେ।

ଏନଏଚଏ ର ସିଇଓ ଡା. ଆର.ଏସ୍. ଶର୍ମା ଏହି ସେବା ବିଷୟରେ ଆଲୋଚନା କରିଛନ୍ତି। ସେ କହିଛନ୍ତି ଯେ, ‘‘ଏବିଡିଏମ୍‌ ଅନ୍ତର୍ଗତ ଆମେ ଇଣ୍ଟର-ଅପରେବିଲିଟି ର ନିର୍ମାଣ କରୁଛୁ ଏବଂ ସ୍ବାସ୍ଥ୍ୟ ଦେଖାଶୁଣା ବିତରଣ ପ୍ରକ୍ରିୟାରେ ସୁଗମତାକୁ ପ୍ରୋତ୍ସାହନ ଦେଉଛୁ। ସ୍କାନ୍ ଏବଂ ସେୟାର କାର୍ଯ୍ୟ ପ୍ରଣାଳୀ ଏକ ଏପରି ବିଶେଷତା ଅଟେ, ଯାହାକି ଭାରତରେ ଦୈନିକ ଆଧାରରେ ହଜାର ହଜାର ରୋଗୀମାନଙ୍କୁ ସହାୟତା ପ୍ରଦାନ କରୁଛି। ଆମର ଟିମ୍ ଏହି ତ୍ବରିତ ପଞ୍ଜୀକରଣ ସେବାକୁ ଲାଗୁ କରିବା ପାଇଁ ସାରା ଦେଶରେ ବିଭିନ୍ନ ହସ୍‌ପିଟାଲ୍ ସହିତ ମିଶି କାମ କରୁଛି। ସ୍ବାସ୍ଥ୍ୟ କେନ୍ଦ୍ରରେ ଅଂଶଗ୍ରହଣ କରିବା ପାଇଁ ୟୁଜରଙ୍କୁ ଚୟନିତ ଆପ୍ଲିକେସନ ଏବଂ ଏଚଏମଆଇଏସ୍ ମଧ୍ୟରେ ସରଳ ଇଣ୍ଟର-ଅପରେବିଲିଟିର ମାଧ୍ୟମରେ ଦୁଇଜଣ ଅର୍ଥାତ୍ ହସ୍‌ପିଟାଲ୍ ଏବଂ ରୋଗୀମାନେ ଲାଭାନ୍ବିତ ହୋଇ ପାରିବେ।’’

ଏହି ସ୍କାନ୍ ଏବଂ ସେୟାର କାର୍ଯ୍ୟପ୍ରଣାଳୀ ମାଧ୍ୟମରେ ଓପିଡି ପଞ୍ଜୀକରଣକୁ ସହଜ, ସୁଗମ ଏବ ସଠିକ୍ କରାଯାଇଛି। ଏହା ସହିତ ଏହି ପ୍ରକ୍ରିୟାରେ ରିଭିଜିଟ କ୍ଷେତ୍ରରେ ରୋଗୀଙ୍କୁ ଲମ୍ବା ଲାଇନରେ ଛିଡ଼ା ହେବାକୁ ପଡ଼ିବ ନାହିଁ । ଏହା କେବଳ ରୋଗୀମାନଙ୍କୁ ତତ୍କାଳ ଓ ବାସ୍ତବିକ ଲାଭ ପ୍ରଦାନ କରୁ ନାହିଁ ବରଂ ସେମାନଙ୍କୁ ନିଜର ସ୍ବାସ୍ଥ୍ୟ ଆବଶ୍ୟକତା ପାଇଁ ଡିଜିଟାଲ୍ ସମାଧାନ ସ୍ବୀକାର କରିବା ପାଇଁ ମଧ୍ୟ ପ୍ରୋତ୍ସାହିତ କରୁଛି।

ଏବିଡିଏମ୍ ପବ୍ଲିକ୍ ଡାସବୋର୍ଡ଼  https://dashboard.abdm.gov.in/abdm/ ରେ ହେଲ୍‌ଥ ଫାସିଲିଟି ଟୋକନ୍ ଜେନେରେଟଡ୍‌ ଟ୍ୟାବ ଅନ୍ତର୍ଗତ ସ୍କାନ୍ ଓ ସେୟାର ସେବା ମାଧ୍ୟମରେ ଓପିଡି ଟୋକନ୍ ଜେନେରେସନ୍ ବିଷୟରେ ଅପଡେଟ୍ ଉପଲବ୍ଧ ରହିଛି।

ନୂଆଦିଲ୍ଲୀ: କେନ୍ଦ୍ର ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭ୍ୟ ଆଜି ନୂଆଦିଲ୍ଲୀ ଠାରେ ଦୁଇ ଦିନିଆ ଆରୋଗ୍ୟ ମନ୍ଥନ ୨୦୨୨ କାର୍ଯ୍ୟକ୍ରମକୁ ଉଦଘାଟନ କରିଛନ୍ତି। ଏହି ଅବସରରେ କେନ୍ଦ୍ର ରେଳ, ସଞ୍ଚାର, ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ ଅଶ୍ବିନୀ ବୈଷ୍ଣବ, କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ର ମନ୍ତ୍ରୀ ଡକ୍ଟର ଭାରତୀ ପ୍ରବୀଣ ପାୱାର, ନୀତି ଆୟୋଗ ସଦସ୍ୟ (ସ୍ବାସ୍ଥ୍ୟ) ଡକ୍ଟର ବିନୋଦ ପଲ, ଉତ୍ତରାଖଣ୍ଡ ସ୍ବାସ୍ଥ୍ୟ ମନ୍ତ୍ରୀ ଡକ୍ଟର ଧନ ସିଂ ରାୱତ ଏବଂ ଜାତୀୟ ସ୍ବସ୍ଥ୍ୟ ପ୍ରାଧିକରଣର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଡକ୍ଟର ଆର. ଏସ ଶର୍ମା ଉପସ୍ଥିତ ଥିଲେ। ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନା (ଏବି ପିଏମ-ଜୟ)କୁ ୪ ବର୍ଷ ପୂର୍ତ୍ତି ଏବଂ ଆୟୁଷ୍ମାନ ଭାରତ ଡିଜିଟାଲ ସ୍ବାସ୍ଥ୍ୟ ମିଶନର ୧ ବର୍ଷ ପୂର୍ତ୍ତି ଉପଲକ୍ଷେ ଆରୋଗ୍ୟ ମନ୍ଥନ କାର୍ଯ୍ୟକ୍ରମ ଆୟୋଜନ କରାଯାଇଛି।

ଏହି ଅବସରରେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭ୍ୟ କହିଥିଲେ ଯେ ବିଶ୍ବର ସର୍ବବୃହତ ଜନ ସ୍ବାସ୍ଥ୍ୟ ବୀମା ଯୋଜନାରେ ପିଏମଜେଏୱାଇ ହିତାଧିକାରୀମାନେ ହେଉଛନ୍ତି ସବୁଠୁ ବଡ଼ ଅଂଶୀଦାର। ଦେଶର ୩୩ଟି ରାଜ୍ୟ ଏବଂ କେନ୍ଦ୍ର ଶାସିତ ପ୍ରଦେଶରେ ୧୯ କୋଟିରୁ ଅଧିକ ଆୟୁଷ୍ମାନ କାର୍ଡ ବିତରଣ କରାଯାଇଛି। ୨୪ କୋଟିରୁ ଅଧିକ ଏବିଏଚଏ ନମ୍ବର ସୃଷ୍ଟି କରାଯାଇଛି। ଦେଶରେ ସ୍ବାସ୍ଥ୍ୟ ରେକର୍ଡର ଡିଜିଟାଲକରଣରେ ଏହା ଏକ ଗୁରୁତ୍ବପୂର୍ଣ୍ଣ ମାଇଲଖୁଣ୍ଟ ବୋଲି ସେ କହିଥିଲେ। ସେ ସୂଚନା ଦେଇଥିଲେ ଯେ ଏବେ ଦେଶରେ ଦୈନିକ ୪.୫ ଲକ୍ଷ କାର୍ଡ ବିତରଣ କରାଯାଉଛି। ନିକଟ ଭବିଷ୍ୟତରେ ଦୈନିକ କାର୍ଡ ବିତରଣ ସଂଖ୍ୟା ୧୦ ଲକ୍ଷକୁ ବୃଦ୍ଧି ପାଇବ।

ସ୍ବାସ୍ଥ୍ୟ ମନ୍ତ୍ରୀ କହିଥିଲେ ଯେ, ପ୍ରଯୁକ୍ତି ମାଧ୍ୟମରେ ବିତରଣ ଶୃଙ୍ଖଳାର ଶେଷ ଧାଡ଼ିରେ ଛିଡ଼ା ହୋଇଥିବା ବ୍ୟକ୍ତିକୁ ସ୍ବାସ୍ଥ୍ୟ ସେବା ଯୋଗାଇ ଦେବା ଉପରେ ସରକାର ଧ୍ୟାନ ଦେଉଛନ୍ତି। ଡକ୍ଟର ମାଣ୍ଡଭ୍ୟ କହିଥିଲେ ଯେ, ପିଏମ-ଜେଏୱାଇ ସ୍ବାସ୍ଥ୍ୟ ସେବା ଉପଲବ୍ଧତା କ୍ଷେତ୍ରରେ ଦେଶର ଧନୀ ଓ ଗରିବଙ୍କ ମଧ୍ୟରେ ରହିଥିବା ପାର୍ଥକ୍ୟ ଦୂର କରିଛି।

ସମାରୋହକୁ ସମ୍ବୋଧିତ କରି ଅଶ୍ବିନୀ ବୈଷ୍ଣବ କହିଥିଲେ ଯେ ପ୍ରଯୁକ୍ତି ଏବଂ ସ୍ବାସ୍ଥ୍ୟ ସେବା ମଧ୍ୟରେ ଏକ ଗୁରୁତ୍ବପୂର୍ଣ୍ଣ ସମ୍ପର୍କ ରହିଛି। ଏ ଦୁଇଟିର ସମ୍ମିଶ୍ରଣ ମାଧ୍ୟମରେ ସମସ୍ତଙ୍କୁ ସୁଲଭ ସ୍ବାସ୍ଥ୍ୟସେବା ଯୋଗାଇ ଦେବା ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସଂକଳ୍ପ ସାକାର ହୋଇପାରିବ। ସେ କହିଥିଲେ ଯେ ଦେଶର ସବୁ ଗାଁକୁ ହାଇସ୍ପିଡ୍ ଅପ୍ଟିକାଲ ଫାଇବର ସଂଯୋଗ ଆଗାମୀ କିଛି ବର୍ଷ ମଧ୍ୟରେ ସମ୍ପୂର୍ଣ୍ଣ ହେବ। ଏହା ସମସ୍ତଙ୍କ ପାଇଁ କନେକ୍ଟିଭିଟୀ ଏବଂ ନିରନ୍ତର ସ୍ବାସ୍ଥ୍ୟସେବା ସୁନିଶ୍ଚିତ କରିବ। ଶ୍ରୀ ବୈଷ୍ଣବ ମଧ୍ୟ କହିଥିଲେ ଯେ ହିତାଧିକାରୀଙ୍କ ସ୍ବାସ୍ଥ୍ୟ ତଥ୍ୟକୁ ସୁରକ୍ଷିତ ରଖିବା ଲାଗି ସରକାର ଯଥେଷ୍ଟ ଆଇନଗତ ଢାଞ୍ଚା ପ୍ରସ୍ତୁତ କରୁଛନ୍ତି।

ଡକ୍ଟର ଭାରତୀ ପ୍ରବୀଣ ପାୱାର କହିଥିଲେ ଯେ ଭାରତ ସ୍ବାସ୍ଥ୍ୟ ସେବା କ୍ଷେତ୍ରରେ ପ୍ରଯୁକ୍ତିକୁ ଉପଯୋଗ କରିବା କ୍ଷେତ୍ରରେ କେବଳ ଅଗ୍ରଣୀ ହୋଇନାହିଁ ବରଂ ଏହାକୁ ତୃଣମୂଳ ସ୍ତରରେ ପହଞ୍ଚାଇବାରେ ସଫଳ ହୋଇଛି। ପିଏମଜେଏୱାଇ, ଏବିଡିଏମ ଭଳି ଯୋଜନା ଦେଶରେ ଡିଜିଟାଲ ସ୍ବାସ୍ଥ୍ୟ ଭିତ୍ତିଭୂମିକୁ ବହୁଗୁଣିତ କରିଛି ବୋଲି ସେ କହିଥିଲେ।

ଏହି ଅବସରରେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ହେଲଥ୍‌ କ୍ଲେମ୍ସ ଏକ୍ସଚେଞ୍ଜ (ଏଚସିଏକ୍ସ), ନେସନାଲ ଇ-ରୂପି ପୋର୍ଟାଲ ଏବଂ ଡିଜିଟାଲକରଣ ପାଇଁ ରୋଡମ୍ୟାପ ସମେତ ବିଭିନ୍ନ ନୂଆ ଯୋଜନାର ଆରମ୍ଭ କରିଥିଲେ। ଏହି ଅବସରରେ ଏନଏଚଏର ବାର୍ଷିକ ରିପୋର୍ଟ, ଏକ ସୂଚନା ପୁସ୍ତିକା ଏବଂ ଶ୍ରେଷ୍ଠ ପଦ୍ଧତିକୁ ନେଇ ଏକ ପତ୍ରିକା ଉନ୍ମୋଚନ କରାଯାଇଥିଲା। ଏସବୁ ପ୍ରକାଶନୀ pmjay.gov.in. ରେ ଉପଲବ୍ଧ ରହିଛି।

ଡକ୍ଟର ମାଣ୍ଡଭ୍ୟ କାର୍ଯ୍ୟକ୍ରମ ପରିସରରେ ‘‘ଡିଜିଟାଲ ସ୍ବାସ୍ଥ୍ୟ ପ୍ରଦର୍ଶନୀ’’କୁ ଉଦଘାଟନ କରିଥିଲେ। ଏଥିରେ ଏନଆଇସି, ସି-ଡ୍ୟାକ, ସମେତ ବିଭିନ୍ନ ଘରୋଇ ସଂସ୍ଥାର ନବୋନ୍ମେଷକାରୀମାନେ ଅଂଶଗ୍ରହଣ କରିଥିଲେ। ଆରୋଗ୍ୟ ମନ୍ଥନ କାର୍ଯ୍ୟକ୍ରମର ପ୍ରଥମ ଦିନରେ ସୂଚନାପ୍ରଦ ଅଧିବେଶନ ଆୟୋଜନ କରାଯାଇଥିଲା। ଡିଜିଟାଲ ସ୍ବାସ୍ଥ୍ୟ ସେବା ସଂକ୍ରାନ୍ତରେ ଫଳପ୍ରଦ ଆଲୋଚନା ହୋଇଥିଲା।

ନୂଆଦିଲ୍ଲୀ: ଏକ ଐତିହାସିକ ନିଷ୍ପତ୍ତିକ୍ରମେ କିନ୍ନର ମାନଙ୍କୁ ପୂର୍ଣ୍ଣାଙ୍ଗ ସ୍ୱାସ୍ଥ୍ୟସେବା ଯୋଗାଇ ଦେବାକୁ ଆଜି ସ୍ୱାସ୍ଥ୍ୟ ମନ୍ତ୍ରଣାଳୟ ଅଧୀନ ଜାତୀୟ ସ୍ୱାସ୍ଥ୍ୟ ପ୍ରାଧିକରଣ (ଏନ.ଏଚ୍.ଏ.) ଓ ସାମାଜିକ ନ୍ୟାୟ ଓ ସଶକ୍ତିକରଣ ବିଭାଗ ମଧ୍ୟରେ ଏକ ବୁଝାମଣାପତ୍ର ସ୍ୱାକ୍ଷରିତ ହୋଇଛି। ଏହି ବୁଝାମଣାପତ୍ର ଫଳରେ ଦେଶର ସମସ୍ତ କିନ୍ନରଙ୍କୁ ଆୟୁଷ୍ମାନ ଭାରତ-ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାର ପୂର୍ଣ୍ଣାଙ୍ଗ ସ୍ୱାସ୍ଥ୍ୟ ସେବା ସୁବିଧା ମିଳିବ। ଏହି ବୁଝାମଣାପତ୍ରରେ ଜାତୀୟ ସ୍ୱାସ୍ଥ୍ୟ ପ୍ରାଧିକରଣର ସିଇଓ ଡକ୍ଟର ଆର୍ ଆର୍ ଶର୍ମା ଏବଂ ସାମାଜିକ ନ୍ୟାୟ ଓ ସଶକ୍ତୀକରଣ ବିଭାଗର ସଚିବ ଆର. ସୁବ୍ରମଣ୍ୟମ୍ , କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ ଏବଂ କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତୀକରଣ ମନ୍ତ୍ରୀ ଡକ୍ଟର ବୀରେନ୍ଦ୍ର କୁମାରଙ୍କ ଉପସ୍ଥିତିରେ ସ୍ୱାକ୍ଷର କରିଛନ୍ତି।

ଏହାକୁ ଏକ ଐତିହାସିକ ଦିବସ ଭାବେ ବର୍ଣ୍ଣନା କରି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ମନସୁଖ ମାଣ୍ଡଭିୟ କହିଛନ୍ତି ଯେ ଆଜିର ବୁଝାମଣାପତ୍ର ଦେଶର କିନ୍ନର ସମୁଦାୟଙ୍କୁ ଆୟୁଷ୍ମାନ ଭାରତ-ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାରେ ପୂର୍ଣ୍ଣାଙ୍ଗ ସ୍ୱାସ୍ଥ୍ୟସେବା ଯୋଗାଣରେ ସହାୟକ ହେବ। ଏହା ଦ୍ୱାରା ସେମାନେ ସମାଜରେ ଉପଯୁକ୍ତ ମର୍ଯ୍ୟାଦାଜନକ ସ୍ଥାନ ପାଇପାରିବେ। ଆଜିର ଦିନଟି ମୌଳିକ ସାମାଜିକ ପରିବର୍ତ୍ତନ ପାଇଁ ସରକାରଙ୍କ ନିର୍ଣ୍ଣାୟକ ନିଷ୍ପତ୍ତିର ଏକ ସ୍ମରଣୀୟ ଦିବସ ହୋଇ ରହିବ। ଏହା ମଧ୍ୟ ସମାଜରେ ଏକ ଐତିହାସିକ ପରିବର୍ତ୍ତନ ନିମନ୍ତେ ଆଧାରଶୀଳା ଭାବେ କାର୍ଯ୍ୟ କରିବ। ଏହି ଚୁକ୍ତି ଫଳରେ କିନ୍ନରମାନେ ସ୍ୱାସ୍ଥ୍ୟସେବା କ୍ଷେତ୍ରରେ କେବଳ ସମାନ ଅଧିକାର ପାଇବେ ନାହିଁ; ଏହା ମଧ୍ୟ ଏକାଧିକ କ୍ଷେତ୍ରରେ ସଫଳତାର ବାଟ ଦେଖାଇବ।

ଏହି ବୁଝାମଣାପତ୍ର ମାଧ୍ୟମରେ ଦେଶର ସମଗ୍ର କିନ୍ନର ସମୁଦାୟ ସ୍ୱତନ୍ତ୍ର ସ୍ୱାସ୍ଥ୍ୟସେବା ଲାଭ ପାଇ ଉପକୃତ ହେବେ । ସେ ଆହୁରି କହିଛନ୍ତି ଯେ ସରକାର ଓ ସମାଜର ସହଯୋଗରେ ଦୁର୍ଦ୍ଦଶା ଓ ଅସୁବିଧାରେ ଥିବା ସମୁଦାୟ ମର୍ଯ୍ୟାଦାର ସହିତ ଆତ୍ମନିର୍ଭର ହୋଇପାରିବେ। କିନ୍ନରନମାନଙ୍କ ପ୍ରତି ଏକ ଭିନ୍ନ ମନୋଭାବ ସମାଜରେ ରହିଛି ଏବଂ ସେମାନେ ମୁଖ୍ୟଧାରାରୁ ଅଲଗା ହୋଇ ରହିଛନ୍ତି। ଅତଏବ ଏହି ବୁଝାମଣାପତ୍ର ଦ୍ୱାରା ସେମାନେ ପୂର୍ଣ୍ଣାଙ୍ଗ ସ୍ୱାସ୍ଥ୍ୟସେବା ସୁବିଧା ପାଇ ଅନ୍ୟମାନଙ୍କ ସହିତ ସମାନ ଅଧିକାର ଓ ସୁଯୋଗ ଉପଭୋଗ କରିବ ଏବଂ ସାମାଜିକ ପରିବର୍ତ୍ତନ ପାଇଁ ଏହି ଚୁକ୍ତି ଏକ ଆଧାରଶୀଳା ପାଲଟିବ। ଏକ ସମାବେଶୀ ସମାଜ ଗଠନ ଦିଗରେ ଏହା ଏକ ଉଲ୍ଲେଖନୀୟ ପଦକ୍ଷେପ। ଏହି ବୁଝାମଣାପତ୍ର ନୂଆଦିଲ୍ଳୀର ଡକ୍ଟର ଆମ୍ବେଦକର ଇଣ୍ଟର ନ୍ୟାଶନାଲ ସେଣ୍ଟରରେ ସ୍ୱାକ୍ଷରିତ ହେବା ଏକ ବିରଳ ସଂଯୋଗ; କାରଣ ବାବାସାହେବ ଏକ ଶ୍ରେଣୀହୀନ ସମତା ଭିତ୍ତିକ ସମାଜ ଗଠନର ପ୍ରମୁଖ ସମର୍ଥକ ଥିଲେ ବୋଲି ଡଃ ମାଣ୍ଡବୀୟ କହିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ସରକାର ଅନ୍ତ୍ୟୋଦୟ ମାଧ୍ୟମରେ ସୁବିଧା ସୁଯୋଗରୁ ବଂଚିତ ଶେଷତମ ନାଗରିକର କଲ୍ୟାଣ ପାଇଁ ଅଭିପ୍ରେତ ହୋଇ କାର୍ଯ୍ୟ କରୁଛନ୍ତି ବୋଲି ସ୍ୱାସ୍ଥ୍ୟମନ୍ତ୍ରୀ କହିଥିଲେ। କିନ୍ନର ସମୁଦାୟଙ୍କୁ ସମସ୍ତ ପ୍ରକାର ଅଧିକାର ପ୍ରଦାନ ସହିତ ସେମାନଙ୍କ କଲ୍ୟାଣ ପାଇଁ ସରକାର ବିଭିନ୍ନ ପଦକ୍ଷେପ ଗ୍ରହଣ କରୁଥିବା ସେ ଉଲ୍ଲେଖ କରିଥିଲେ। ଏହି ସମୁଦାୟ ପାଇଁ ସାମାଜିକ ନ୍ୟାୟ ଓ ସଶକ୍ତୀକରଣ ମନ୍ତ୍ରଣାଳୟ ନାନାବିଧ ପଦକ୍ଷେପ ନେଉଥିବାରୁ ସ୍ୱାସ୍ଥ୍ୟମନ୍ତ୍ରୀ ତାହାକୁ ସ୍ୱାଗତ କରି ମନ୍ତ୍ରଣାଳୟକୁ ଅଭିନନ୍ଦନ ଜଣାଇଥିଲେ।

ସେ କହିଥିଲେ ଯେ କିନ୍ନର ସୁରକ୍ଷା ଓ ଅଧିକାର ଆଇନ ୨୦୧୯, ଗରିମା ଗୃହ, ପିଏମ୍ ଦକ୍ଷ ଭଳି ବିଭିନ୍ନ ଯୋଜନା ଓ କାର୍ଯ୍ୟକ୍ରମ ଆଦି ସମ୍ପୃକ୍ତ ସମୁଦାୟର କଲ୍ୟାଣ ପାଇଁ ଉଦ୍ଦିଷ୍ଟ। ପ୍ରଧାନମନ୍ତ୍ରୀଙ୍କ ‘ନୂଆ ଭାରତ’ ଲକ୍ଷ୍ୟ ହାସଲରେ ଏକ ସମାବେଶୀ ସମାଜ ଗଠନ ଗୁରୁତ୍ୱ ପାଇଛି। ତାହାକୁ ସାକାର କରିବାକୁ ସମାଜର ସବୁ ବର୍ଗ ସାହାଯ୍ୟ ସହଯୋଗ କରିବାକୁ ସେ ଆହ୍ୱାନ ଜଣାଇଥିଲେ। ସେ କହିଥିଲେ ଯେ ସରକାର ଓ ସମାଜର ମିଳିତ ସହଯୋଗରେ ଦୁର୍ଦ୍ଦଶାଗ୍ରସ୍ତ ଓ ଅସୁବିଧାରେ ଥିବା ସମୁଦାୟ ମର୍ଯ୍ୟାଦାର ସହିତ ଆତ୍ମନିର୍ଭରଶୀଳ ହୋଇପାରିବେ।

ଯେଉଁମାନେ ତୃତୀୟଲିଙ୍ଗ ବା କିନ୍ନର ସାର୍ଟିଫିକେଟ ପାଇଛନ୍ତି ସେମାନେ ଆଜିର ବୁଝାମଣାପତ୍ରର ଲାଭ ସ୍ୱରୂପ ଆୟୁଷ୍ମାନ ଭାରତ-ପ୍ରଧାନମନ୍ତ୍ରୀ ଜନ ଆରୋଗ୍ୟ ଯୋଜନାର ଲାଭ ପାଇପାରିବେ। କିନ୍ନର ପ୍ରମାଣପତ୍ର ଏଥିପାଇଁ ଉଦ୍ଦିଷ୍ଟ ଜାତୀୟ ପୋର୍ଟାଲରୁ ଉପଲବ୍ଧ ହେଉଛି। ପ୍ରତ୍ୟେକ ସାର୍ଟିଫିକେଟଧାରୀ ଅନ୍ୟାନ୍ୟ ଉଦ୍ଦିଷ୍ଟବର୍ଗଙ୍କ ଭଳି ଉନ୍ନତ ହସ୍ପିଟାଲରେ ପାଂଚଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ସୁବିଧା ପାଇପାରିବେ। ଏହାଛଡା ସେମାନଙ୍କୁ ସେକ୍ସ ରିଆସାଇନମେଣ୍ଟ ସର୍ଜରୀ ପାଇଁ ମଧ୍ୟ ଏହି ଯୋଜନାର ଲାଭ ମିଳିବ। ଏହାଛଡା ସେମାନେ ଅନ୍ୟାନ୍ୟ କେନ୍ଦ୍ର ଓ ରାଜ୍ୟ ପ୍ରାୟୋଜିତ ଯୋଜନାର ଲାଭ ମଧ୍ୟ ଉଠାଇପାରିବେ।

ଏହି କାର୍ଯ୍ୟକ୍ରମରେ କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତୀକରଣ ମନ୍ତ୍ରୀ ଡକ୍ଟର ବୀରେନ୍ଦ୍ର କୁମାର କହିଥିଲେ ଯେ ଦୃଢ ରାଜନୀତିକ ଇଚ୍ଛାଶକ୍ତି ଯୋଗୁଁ ଦେଶରେ ଉଲ୍ଲେଖନୀୟ ପରିବର୍ତ୍ତନ ବିଭିନ୍ନ କ୍ଷେତ୍ରରେ ହୋଇଛି। ତାଙ୍କ ମନ୍ତ୍ରଣାଳୟ ଶିକ୍ଷା, ମର୍ଯ୍ୟାଦାବନ୍ତ ଜୀବନ, ସ୍ୱାସ୍ଥ୍ୟସେବା ସହାୟତା, ଜୀବିକାର୍ଜନ ପାଇଁ ସମସ୍ତଙ୍କୁ ସୁଯୋଗ ପ୍ରଦାନ ଓ ଦକ୍ଷତାବିକାଶ ଏହି ପାଞ୍ଚଟି କ୍ଷେତ୍ରରେ ସମର୍ପିତ ସେବା ଯୋଗାଇ ସମାଜରେ ପରିବର୍ତ୍ତନ ଆଣିବାକୁ କାର୍ଯ୍ୟ କରୁଛି। ଏହା ମାଧ୍ୟମରେ ସମାଜରେ ପରିବର୍ତ୍ତନ ଆଣିବାକୁ ସରାକର ଉତ୍ସର୍ଗୀକୃତ ଭାବେ କାମ କରୁଛନ୍ତି।

ଏସବୁ ପଦକ୍ଷେପ ଦ୍ୱାରା ସାମାଜିକ ଦୃଷ୍ଟିରୁ ଉପେକ୍ଷିତ ଓ ବଞ୍ଚିତତ ବର୍ଗର ଲୋକମାନେ ମର୍ଯ୍ୟାଦାର ସହ ବଞ୍ଚିବାର ସୁଯୋଗ ସୁବିଧା ପାଇବେ ବୋଲି ସେ କହିଛନ୍ତି
ଦୁଇ ମନ୍ତ୍ରଣାଳୟର ଅନେକ ବରିଷ୍ଠ ଅଧିକାରୀ ଓ କିନ୍ନର ସମୁଦାୟର ସମସ୍ୟାଗଣ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ। (ପିଆଇବି)

ନୂଆଦିଲ୍ଲୀ: ଜାତୀୟ ସ୍ୱାସ୍ଥ୍ୟ ପ୍ରାଧିକରଣ ଦ୍ୱାରା କାର୍ଯ୍ୟକାରୀ ହେଉଥିବା ଯୋଜନା ଆୟୁଷ୍ମାନ ଭାରତ ଡିଜିଟାଲ ମିଶନର ସ୍ୱାସ୍ଥ୍ୟ ସମ୍ବନ୍ଧୀୟ ଆକାଉଣ୍ଟ “ଆଭା”ର ପୁନଃବିନ୍ୟାସ କରାଯାଉଛି। ପ୍ରାଧିକରଣ ପକ୍ଷରୁ ଏହା ଘୋଷଣା କରାଯାଇ କୁହାଯାଇଛି ଯେ  ଆଭା ଆପ୍‌, ଯାହା ପୂର୍ବରୁ ଏନ୍‌ଡିଏଚଏମ୍ ହେଲଥ ରେକର୍ଡ ଆପ୍ ଭାବେ ପରିଚିତ ଥିଲା ଏବେ ତାହା ଗୁଗୁଲ ପ୍ଲେ ଷ୍ଟୋରରୁ ଡାଉନଲୋଡ କରିବାକୁ ଉପଲବ୍ଧ। ଇତିମଧ୍ୟରେ ୪ଲକ୍ଷରୁ ଅଧିକ ଆଭା ଆପ୍ ଡାଉନଲୋଡ ହୋଇସାରିଲାଣି।

ଏହି ପୁନର୍ବିନ୍ୟସ୍ତ ଆଭା ଆପ୍‌ରେ ଅନେକ ନୂଆ ସୁବିଧା ରହିଛି ଓ ବ୍ୟବହାରକାରୀ ଏଥିରୁ ଅଧିକ ସେବା ପାଇପାରିବେ। ଅପ୍‌ଡେଟେଡ୍ ଆଭା ଆପ୍ ମାଧ୍ୟମରେ ବ୍ୟକ୍ତିବିଶେଷ ଯେକୌଣସି ସମୟରେ ଯେକୌଣସି ସ୍ଥାନରୁ ନିଜର ସ୍ୱାସ୍ଥ୍ୟ ସମ୍ବନ୍ଧୀୟ ତଥ୍ୟାବଳୀ ଆକ୍‌ସେସ୍ କରିପାରିବେ। ପୂର୍ବର ଆଭା ଆପ୍‌କୁ ୟୁଜରମାନେ ନିଜର ପୂର୍ବ ଆପ୍ ଭର୍ସନକୁ ମଧ୍ୟ ନୂଆ ଭର୍ସନକୁ ଅପଡେଟ କରିପାରିବେ ବୋଲି ସରକାରୀଭାବେ ଘୋଷଣା କରାଯାଇଛି।

ଆଭା ମୋବାଇଲ ଆପ୍ଲିକେସନ ବ୍ୟକ୍ତି ବିଶେଷଙ୍କୁ ଏକ ଆଭା  ଆଡ୍ରେସ କ୍ରିଏଟ କରିବାକୁ ସୁବିଧା ଦେଇଥାଏ। ଏହି ଠିକଣା ହେଲା  (username@abdm )ଏହି ୟୁଜର୍ସ  ଆଡ୍ରେଶକୁ ମନେ ରଖିବା ସହଜ। ଏହାକୁ ୧୪ସଂଖ୍ୟା ବିଶିଷ୍ଟ ର‌୍ୟାଣ୍ଡମଲୀ ଜେନେରେଟଡ୍ ଆଭା ନମ୍ବର ସହିତ ଲିଙ୍କ୍ କରି ହେବ। ଏହି ଆପ୍ ମାଧ୍ୟମରେ ୟୁଜରମାନେ ଏବିଡିଏମ୍ ଅନୁକୂଳ ହେଲ୍‌ଥ ଫ୍ୟାସିଲିଟିରେ ସୃଷ୍ଟି ହୋଇଥିବା ନିଜର ସ୍ୱାସ୍ଥ୍ୟ ରେକର୍ଡ ସହିତ ସଂଯୋଗ ସ୍ଥାପନ କରିପାରିବେ। ନିଜର ସ୍ମାର୍ଟଫୋନ ଦ୍ୱାରା ଏହି ଲିଙ୍କ ସ୍ଥାପନ କରି ବ୍ୟବହାରକାରୀ ଏହାକୁ ଦେଖି ପାରିବେ।

ଏହି ଆପ୍ ମାଧ୍ୟମରେ ମଧ୍ୟ ନିଜର ଫିଜିକାଲ ହେଲଥ ରେକର୍ଡକୁ ଏବିଡିଏମ୍ ଅନୁକୂଳ ହେଲଥ ଲକରରେ ଅପଲୋଡିଂ କରିହେବ। ଏହାଛଡା ବ୍ୟବହାରକାରୀ ନିଦାନ ରିପୋର୍ଟ, ପ୍ରେସକ୍ରିପସନ, କୋୱିନ ଭ୍ୟାକସିନ୍ ସାର୍ଟିଫିକେଟ ଆଦିକୁ ଡିଜିଟାଲ ହେଲ୍‌ଥ ରେକର୍ଡକୁ ସେୟାର କରିହେବ। ତେବେ ଏଥିପାଇଁ ସମ୍ପୃକ୍ତ ବ୍ୟକ୍ତି ବିଶେଷଙ୍କ ସମ୍ମତି ଏବିଡିଏମ ମାଧ୍ୟମରେ ହାସଲ କରିବାକୁ ପଡିବ।

ଏହା ସହିତ ଆଭା ମୋବାଇଲ ଆପ୍ଲିକେସନରେ ଆଉ କେତେକ ନୂଆ ବିଶେଷତ୍ୱ ରହିଛି। ସେଗୁଡିକ ମଧ୍ୟରୁ ଏଡିଟ୍ ପ୍ରୋଫାଇଲ ଓ ଆଭା ଆଡ୍ରେସ ସହିତ ୧୪ ଡିଜିଟ୍ ବିଶିଷ୍ଟ ଆଭା ନମ୍ବରର ଲିଙ୍କ ଓ ଅନଲିଙ୍କ୍ ସୁବିଧା ଅନ୍ୟତମ। ଆହୁରି ମଧ୍ୟ ଲଗ୍‌ଇନ୍ ଭାୟା ଫ୍ରେସ ଆଥେଣ୍ଟିକେସନ /ପିଙ୍ଗରପ୍ରିଣ୍ଟ୍‌/ବାୟୋ ମେଟ୍ରିକ ଓ ସ୍କାନ କୋଡ୍ କ୍ୟୁଆର୍ ସୁବିଧା ଉପଲବ୍ଧ।

ଆଭା ମୋବାଇଲ ଆପ୍ ସମ୍ପର୍କରେ ସୂଚନା ଦେଇ ଜାତୀୟ ସ୍ୱାସ୍ଥ୍ୟ ପ୍ରାଧିକରଣର ମୁଖ୍ୟ କାର୍ଯ୍ୟନିର୍ବାହୀ ଡକ୍ଟର ଆର୍ ଏସ୍ ଶର୍ମା କହିଛନ୍ତି ଯେ ବ୍ୟବହାରକାରୀ ଏହା ସାହାଯ୍ୟରେ ନିଜର ପୂର୍ଣ୍ଣାଙ୍ଗ ସ୍ୱାସ୍ଥ୍ୟ ରେକର୍ଡ ରଖିପାରିବେ। ଆବଶ୍ୟକ ସମୟରେ ରୋଗୀ/ବ୍ୟକ୍ତିବିଶେଷ ନିମିଷକ ମଧ୍ୟରେ ଆଭା ଆଡ୍ରେସରେ ଏହାକୁ ପାଇପାରିବେ। ଏହା ଫଳରେ ସେମାନେ ଉପକୃତ ହେବେ। ଗୋଟିଏ ସ୍ଥାନରେ ଲୋକେ ନିଜର ସମସ୍ତ ସ୍ୱାସ୍ଥ୍ୟ ଗତ ତଥ୍ୟ ଠୁଳ କରି ରଖିବାର ସୁବିଧା ଏହା ମାଧ୍ୟମରେ ପାଇବେ। ଆବଶ୍ୟକସ୍ଥଳେ ସେମାନେ ଏହି ତଥ୍ୟକୁ ଯେତେବେଳେ ଯାହା ପାଖକୁ ଚାହିଁବେ ସେୟାର କରିପାରିବେ। ଏହା ଫଳରେ ସେମାନଙ୍କୁ ଚିକିତ୍ସାଗତ ସୁବିଧା ଅଧିକ ସୁଗମ ହେବ।

ଆୟୁଷ୍ମାନ ଭାରତ ହେଲ୍ପ ଆକାଉଂଟ (ଆଭା) ମୋବାଇଲ ଆପ୍ (ପୂର୍ବରୁ ଏନ୍‌ଡିଏଚଏମ ବା ହେଲଥ ରେକର୍ଡ ବା ପିଏଚଆର୍ ଆପ୍ ନାମରେ ପରିଚିତ)କୁ https:// play.google.com/ store/apps/ details ?id= in. ndhm. phr .  ଲିଙ୍କରେ ଗୁଗୁଲ ପ୍ଲେ ଷ୍ଟୋରକୁ ଡାଉନଲୋଡ କରିହେବ। ଆଭା ମୋବାଇଲ ଆପ୍‌ର ଆଇଓଏସ୍ ଭର୍ସନ ଖୁବ୍ ଶୀଘ୍ର ଆରମ୍ଭ ହେବ।

ଏବିଡିଏମ୍ ବିଷୟରେ ଅଧିକ ତଥ୍ୟ https://abdm.gov.in/ରେ ଉପଲବ୍ଧ।

ଦିଲ୍ଲୀ: ରାଜ୍ୟ ଏବଂ କେନ୍ଦ୍ରଶାସିତ ଅଂଚଳ ଗୁଡିକର ସହଯୋଗରେ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ୧୬ ଏପ୍ରିଲ୍‌ରୁ ୨୨ ଏପ୍ରିଲ୍‌, ୨୦୨୨ ପର୍ଯ୍ୟନ୍ତ ଆଜାଦୀର ମହୋତ୍ସବ ଚାଲିଥିବା ଅବସରରେ ଆୟୁଷ୍ମାନ ଭାରତ ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ର (ଏବି – ଏଚ୍‌ଡବ୍ଲ୍ୟୁସି) ଗୁଡିକର ଚତୁର୍ଥ ବାର୍ଷିକୋତ୍ସବ ପାଳନ କରୁଛି। ସମଗ୍ର ଦେଶରେ ପୂର୍ଣ୍ଣ ଉତ୍ସାହ ଏବଂ ଆଗ୍ରହର ସହିତ ଏହି ସମାରୋହର ଆୟୋଜନ କରାଯାଉଛି। ଏହି ଅବସରରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ, ରାଜ୍ୟ/ କେନ୍ଦ୍ରଶାସିତ ଅଂଚଳ  ଗୁଡିକର ସ୍ୱାସ୍ଥ୍ୟ ମନ୍ତ୍ରୀ, ସାଂସଦ, ବିଧାୟକ, କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ବରିଷ୍ଠ ଅଧିକାରୀ, ରାଜ୍ୟ/ କେନ୍ଦ୍ରଶାସିତ ଅଂଚଳ ଗୁଡିକର ପ୍ରମୁଖ ସ୍ୱାସ୍ଥ୍ୟ ସଚିବ/ ରାଜ୍ୟ ଏବଂ କେନ୍ଦ୍ରଶାସିତ ଅଂଚଳ  ଗୁଡିକର ସ୍ୱାସ୍ଥ୍ୟ ସଚିବ, ରାଜ୍ୟ ସ୍ୱାସ୍ଥ୍ୟ ବିଭାଗର ବରିଷ୍ଠ ଅଧିକାରୀ, ପ୍ରତିନିଧି ଏବଂ ସ୍ଥାନୀୟ ମାନ୍ୟଗଣ୍ୟ ବ୍ୟକ୍ତି ଏବି – ଏଚ୍‌ଡବ୍ଲ୍ୟୁସିକୁ ପରିଦର୍ଶନରେ ଯାଉଛନ୍ତି ଏବଂ ଶସ୍ତା ଏବଂ ସୁଲଭ ସ୍ୱାସ୍ଥ୍ୟ ଚିକିତ୍ସା ପ୍ରଦାନ କରିବା କ୍ଷେତ୍ରରେ ଏବି – ଏଚ୍‌ଡବ୍ଲ୍ୟୁସିର ମହତ୍ୱ ପ୍ରତି ଲୋକ ମାନଙ୍କର ସଚେତନତା ସୃଷ୍ଟି କରିବା ପାଇଁ କାର୍ଯ୍ୟ କରିଛନ୍ତି।

୧୮ ରୁ ୨୨ ଏପ୍ରିଲ୍ ୨୦୨୨ ପର୍ଯ୍ୟନ୍ତ ସାରା ଦେଶରେ ରାଜ୍ୟ/ କେନ୍ଦ୍ରଶାସିତ ଅଂଚଳ ଗୁଡିକର ପ୍ରତ୍ୟେକ ଜିଲ୍ଲାର ଅତି କମ୍‌ରେ ଗୋଟିଏ ବ୍ଲକ୍‌ରେ, ଏକ ଲକ୍ଷରୁ ଅଧିକ ଏବି – ଏଚ୍‌ଡବ୍ଲ୍ୟୁସିରେ ବ୍ଲକ୍ ସ୍ତରୀୟ ସ୍ୱାସ୍ଥ୍ୟ ମେଳାର ଆୟୋଜନ କରାଯାଇଛି। ପ୍ରତ୍ୟେକ ବ୍ଲକ୍ ସ୍ତରୀୟ ସ୍ୱାସ୍ଥ୍ୟ ମେଳାର ଆୟୋଜନ ଗୋଟିଏ ଦିନ ପାଇଁ ହେବ ଏବଂ ଏହା ଅନୁସାରେ ରାଜ୍ୟ/ କେନ୍ଦ୍ରଶାସିତ ପ୍ରଦେଶ ଗୁଡିକର ପ୍ରତ୍ୟେକ ବ୍ଲକ୍‌କୁ ପରିସରଭୁକ୍ତ କରାଯିବ।

ସ୍ୱାସ୍ଥ୍ୟ ମେଳାର ପଂଚମ ଦିବସରେ, ସାରା ଦେଶରେ ୪ ଳକ୍ଷ ୫୩ ହଜାରରୁ ଅଧିକ ଲୋକ ଏଥିରେ ଭାଗ ନେଇଛନ୍ତି ଏବଂ ପାଖାପାଖି ୪୯୬ଟି ବ୍ଲକ୍ ଏହି ସ୍ୱାସ୍ଥ୍ୟ ମେଳାର ଆୟୋଜନ କରିଛନ୍ତି। ଏହା ବ୍ୟତୀତ, ୫୯,୦୦୦ରୁ ଅଧିକ ଆଭା ସ୍ୱାସ୍ଥ୍ୟ ପରିଚୟ ପତ୍ର ପ୍ରସ୍ତୁତ କରାଯାଇଛି ଏବଂ ୧୭,୦୦୦ ପିଏମ୍‌ଜେଏୱାଇ ଗୋଲଡେନ୍ କାର୍ଡ ଜାରି କରାଯାଇଛି, ଏହା ସହିତ ଉଚ୍ଚ ରକ୍ତଚାପ, ମଧୁମେହ, ଯକ୍ଷ୍ମା ଆଦି ରୋଗର ଯାଂଚ ପାଇଁ ହଜାର ହଜାର ଲୋକଙ୍କର ପରୀକ୍ଷଣ କରା ଯାଇଛି।

୧୬ ଏପ୍ରିଲ୍ ୨୦୨୨ରେ ଆୟୁଷ୍ମାନ୍ ଭାରତ – ସ୍ୱାସ୍ଥ୍ୟ ଏବଂ କଲ୍ୟାଣ କେନ୍ଦ୍ର (ଏବି – ଏଚ୍‌ଡବ୍ଲ୍ୟୁସି)ରେ ଗୋଟିଏ ଦିନରେ ଇ- ସଞ୍ଜୀବନୀ ପ୍ଲାଟଫର୍ମ (ମଂଚ) ମାଧ୍ୟମରେ ରେକର୍ଡ ପରିମାଣର ୩ ଲକ୍ଷ ଟେଲି – ପରାମର୍ଶ (ଟେଲିକନସେଲଟେସନ୍‌) ଦିଆଯାଇଛି। ଏହା ଗୋଟିଏ ଦିନରେ ଏବି – ଏଚ୍‌ଡବ୍ଲ୍ୟୁସିରେ ହୋଇଥିବା ଏବେ ପର୍ଯ୍ୟନ୍ତ ସବୁଠାରୁ ଅଧିକ ଟେଲିକନସଲ୍‌ଟେସନ୍ (ଟେଲି – ପରାମର୍ଶ) ଅଟେ ଏବଂ ଏହା ପୂର୍ବରୁ ରହିଥିବା ରେକର୍ଡ, ଗୋଟିଏ ଦିନରେ ଏବି – ଏଚ୍‌ଡବ୍ଲ୍ୟୁସିରେ ଦୈନିକ  ୧.୮ ଲକ୍ଷ ଟେଲି – ପରାମର୍ଶର ରେକର୍ଡକୁ ଅତିକ୍ରମ କରିଯାଇଛି। ୨୨ ଏପ୍ରିଲ୍ ୨୦୨୨ରେ ସମଗ୍ର ଦେଶରେ ୨୮,୦୦୦ରୁ ଅଧିକ ଟେଲି – ପରାମର୍ଶ କରାଯାଇଛି।

୨୨.୦୪.୨୦୨୨ର ସ୍ଥିତି ଅନୁସାରେ ସାରା ଦେଶରେ ବ୍ଲକ୍ ସ୍ୱାସ୍ଥ୍ୟ ମେଳାର ରିପୋର୍ଟ ଏହି ପ୍ରକାରର ଅଟେ। (ପିଆଇବି)