Tag: ଇଥାନଲ

ଭୁବନେଶ୍ୱର: ଏହା ୫୦ ବର୍ଷ ପୂର୍ବର ୧୯୭୩ ମସିହାର କଥା। ଆରବ ଓ ଇସ୍ରାଏଲ ମଧ୍ୟରେ ଯୁଦ୍ଧ ହୋଇଥିଲା। ଇସ୍ରାଏଲକୁ ସମର୍ଥନ କରି ସାଉଦି ଆରବ ଆମେରିକା ସମେତ ଅନେକ ପାଶ୍ଚାତ୍ୟ ଦେଶକୁ ପେଟ୍ରୋଲିୟମ ଯୋଗାଣ ବନ୍ଦ କରିଦେଇଥିଲେ। ଏହାକୁ ନେଇ ସାରା ବିଶ୍ୱର ତୈଳ ବଜାରରେ ଅସନ୍ତୁଳନ ସୃଷ୍ଟି ହୋଇଥିଲା। ଏହି ସମୟରେ ବ୍ରାଜିଲ ପେଟ୍ରୋଲ ଏବଂ ଡିଜେଲ ପରିବର୍ତ୍ତେ ଇନ୍ଧନ ଭାବରେ ଇଥାନଲ ବ୍ୟବହାର କରିବାକୁ ନିଷ୍ପତ୍ତି ନେଇଥିଲା।

ଆଜି ବ୍ରାଜିଲ ତୈଳ ଦୃଷ୍ଟିରୁ ଏକ ସମ୍ପୂର୍ଣ୍ଣ ଆତ୍ମନିର୍ଭରଶୀଳ ଦେଶରେ ପରିଣତ ହୋଇଛି।
ଆମେ ଇଥାନଲ ଏବଂ ବ୍ରାଜିଲର ଏହି କାହାଣୀ କହୁଛୁ କାରଣ ଆଜି ଭାରତରେ ୧୦୦% ଇଥାନଲ ଉପରେ ଚାଲୁଥିବା ଏକ ଟୟୋଟା ଇନୋଭା ଲଞ୍ଚ ହେଉଛି। ଇଥାନଲ ଇନ୍ଧନର ଅନ୍ୟତମ ବିଶେଷତ୍ୱ ହେଉଛି ଏହା ତୈଳକୂପରୁ ନୁହେଁ, ବରଂ କୃଷକଙ୍କ କ୍ଷେତରୁ ଆସିଥାଏ। କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡ଼କରୀ ଦାବି କରିଛନ୍ତି ଯେ ଇଥାନଲ ଯୋଗୁଁ ଆଗାମୀ ଦିନରେ ପେଟ୍ରୋଲ ଦର ଲିଟର ପିଛା ୧୫ ଟଙ୍କା ପର୍ଯ୍ୟନ୍ତ ହୋଇପାରେ।

ପ୍ରଥମେ ବ୍ରାଜିଲର କାହାଣୀ, କିପରି ଇଥାନଲ ବ୍ୟବହାରରେ ଏହା ଏକ ନମ୍ବର ଦେଶ ପାଲଟିଲା

ତାହା ଥିଲା ୧୯୭୩ ମସିହା ଅକ୍ଟୋବର ୬ ତାରିଖ। ଇଜିପ୍ଟ ଓ ସିରିଆ ଇସ୍ରାଏଲ ଉପରେ ଆକ୍ରମଣ କରିଥିଲେ। ଏହା ସହ ଆରବ ଦେଶମାନଙ୍କ ସହ ଇସ୍ରାଏଲର ଯୁଦ୍ଧ ଦ୍ୱିତୀୟ ଥର ପାଇଁ ଆରମ୍ଭ ହୋଇଥିଲା। ଇଜିପ୍ଟ ସମେତ ୮ଟି ଆରବ ଦେଶ ଯଥା ଜୋର୍ଡାନ, ଇରାକ, କୁଏତ, ସାଉଦି ଆରବ, ସିରିଆ, ସୁଦାନ ଓ ଆଲଜେରିଆ ମଧ୍ୟ ଇସ୍ରାଏଲ ଉପରେ ଆକ୍ରମଣ କରିଥିଲା।

ଜୁଲାଇ ୧୯୭୯ରେ ପ୍ରଥମ ଫିଆଟ୍ ୧୪୭ କାର୍ ଲଞ୍ଚ ହୋଇଥିଲା, ଯାହା ଏକ ସମ୍ପୂର୍ଣ୍ଣ ଇଥାନଲ୍ ଚାଳିତ କାର ଥିଲା। ମାତ୍ର ୬ ବର୍ଷ ମଧ୍ୟରେ ବ୍ରାଜିଲର କମ୍ପାନିମାନେ ୧୦୦ଟି କାର ମଧ୍ୟରୁ ୭୫ଟି କାର ତିଆରି କରିବା ଆରମ୍ଭ କରିଛନ୍ତି, ଯାହା ସମ୍ପୂର୍ଣ୍ଣଭାବେ ଇଥାନଲରେ ଚାଲୁଛି। ବିଶ୍ୱ ବନ୍ୟପ୍ରାଣୀ ପାଣ୍ଠି ଅଧ୍ୟୟନ ଅନୁଯାୟୀ, ୨୦୩୦ ସୁଦ୍ଧା ବ୍ରାଜିଲରେ ମୋଟ ତୈଳ ଚାହିଦାରେ ଜୈବ ଇନ୍ଧନର ଅଂଶ ୭୨% ରହିବ ବୋଲି ଆକଳନ କରାଯାଇଛି। ଇଥାନଲ ଇନ୍ଧନ ଶିଳ୍ପରେ ବ୍ରାଜିଲ ଚାମ୍ପିୟନ, ଯେଉଁଥିରେ ଭାରତ ଏବେ ପ୍ରବେଶ କରିଛି।
ଆମେରିକା ସହାୟତାରେ ଇସ୍ରାଏଲ ଏହି ୮ଟି ଦେଶକୁ ମାତ୍ର ୬ ଦିନରେ ଯୁଦ୍ଧ ହାରିବାକୁ ବାଧ୍ୟ କରିଥିଲା। ଆମେରିକା ପ୍ରତି କ୍ଷୁବ୍ଧ ହୋଇ ସାଉଦି ଆରବ ସମେତ ଅନ୍ୟ ଆରବ ଦେଶମାନେ ଆମେରିକା, କାନାଡା ଓ ନେଦରଲ୍ୟାଣ୍ଡ ଭଳି ଦେଶକୁ ତୈଳ ରପ୍ତାନି ବନ୍ଦ କରିଦେଇଥିଲା।

୧୯୭୩ରେ ଆରବ ଦେଶମାନଙ୍କର ଏହି ନିଷ୍ପତ୍ତି ବିଶ୍ୱର ତୈଳ ଯୋଗାଣ ଶୃଙ୍ଖଳାକୁ ଏକ ବଡ଼ ଝଟକା ଦେଇଥିଲା। ଏହାର ପ୍ରଭାବ ବ୍ରାଜିଲ ଉପରେ ମଧ୍ୟ ପଡ଼ିଥିଲା। ୧୯୭୫ ମସିହାରେ ବ୍ରାଜିଲ ତୈଳରେ ଆତ୍ମନିର୍ଭରଶୀଳ ହେବା ପାଇଁ ଜାତୀୟ କାର୍ଯ୍ୟକ୍ରମ ଆରମ୍ଭ କରିଥିଲା। ବ୍ରାଜିଲ ପ୍ରଥମେ ଆଖୁରୁ ଇଥାନଲ ତିଆରି କରିବା ଆରମ୍ଭ କରିଥିଲା। ଫିୟାଟ୍, ଫୋକ୍ସଓ୍ଵାଗନ୍, ଜିଏମ୍ ଓ ଫୋର୍ଡ ଭଳି କମ୍ପାନି ଇଥାନଲ୍ ଚାଳିତ ଗାଡ଼ି ତିଆରି କରିବା ଆରମ୍ଭ କରିଛନ୍ତି।

ଇଥାନଲ କ’ଣ ଏବଂ ଏହାକୁ କିପରି ପ୍ରସ୍ତୁତ କରାଯାଏ?

ଇଥାନଲ ହେଉଛି ଏକ ପ୍ରକାର ମଦ, ଯାହା ଆଖୁ ରସ ଏବଂ ମକା, ପଚିଲା ଆଳୁ, କାସାଭା ଏବଂ ପଚିଲା ପନିପରିବାରୁ ପ୍ରସ୍ତୁତ କରାଯାଏ। ଷ୍ଟାର୍ଚ ଏବଂ ଚିନିର ଫର୍ମେଣ୍ଟେସନରୁ ପ୍ରସ୍ତୁତ ଇଥାନଲ୍ ପେଟ୍ରୋଲ ସହିତ ମିଶାଇ ଜୈବ ଇନ୍ଧନ ଭାବରେ ବ୍ୟବହୃତ ହୁଏ। ଏଗୁଡ଼ିକ ମୁଖ୍ୟତଃ ତିନୋଟି ପ୍ରକାରର …

୧ଜି ଇଥାନଲ: ଆଖୁ ରସ, ମିଠା ବିଟ୍, ପଚିଲା ଆଳୁ, ମିଠା ସୋରିଷ ଓ ମକାରୁ ପ୍ରଥମ ପିଢ଼ିର ଇଥାନଲ୍ ପ୍ରସ୍ତୁତ କରାଯାଏ।

୨ଜି ଇଥାନଲ: ଦ୍ୱିତୀୟ ପିଢ଼ିର ଇଥାନଲ ଚାଉଳ ବ୍ରାନ, ଗହମ ବ୍ରାନ, କର୍ଣ୍ଣକୋବ୍, ବାଉଁଶ ଏବଂ କାଠ ବାୟୋମାସ୍ ପରି ସେଲୁଲୋଜ୍ ଏବଂ ଲିଗ୍ନୋସେଲୁଲୋସିକ୍ ପଦାର୍ଥରୁ ପ୍ରସ୍ତୁତ କରାଯାଏ।

୩ଜି ଜୈବ ଇନ୍ଧନ: ତୃତୀୟ ପିଢ଼ିର ଜୈବ ଇନ୍ଧନ ଶୈବାଳରୁ ପ୍ରସ୍ତୁତ ହେବ। ବର୍ତ୍ତମାନ ଏହା ଉପରେ କାମ ଚାଲିଛି।

ଭାରତରେ ଇଥାନଲ ପାଇଁ ସରକାରଙ୍କ ଯୋଜନା

୨୦୨୧-୨୨ରେ ଭାରତ ତା’ର ଶକ୍ତି ଆବଶ୍ୟକତା ପୂରଣ କରିବା ପାଇଁ ୮୬% ଇନ୍ଧନ ଆମଦାନୀ କରିଛି। ଏହି ନିର୍ଭରଶୀଳତାକୁ ହ୍ରାସ କରିବା ପାଇଁ ଭାରତ ସରକାର ଇ-୨୦ ଯୋଜନା ଆରମ୍ଭ କରିଛନ୍ତି। ସରକାର ବର୍ତ୍ତମାନ ଇ-୨୦ ଫ୍ଲେକ୍ସ ଇନ୍ଧନରେ ପେଟ୍ରୋଲରେ ୨୦% ଇଥାନଲ ମିଶ୍ରଣ କରିବାକୁ ଯୋଜନା ଉପରେ କାର୍ଯ୍ୟ କରୁଛନ୍ତି।

ଏଥିପାଇଁ ଅନ୍ୟ ଦେଶରୁ କମ୍ ତେଲ କିଣିବାକୁ ପଡ଼ିବ। କେବଳ ଏତିକି ନୁହେଁ ସରକାରୀ ରାଜକୋଷରେ ବାର୍ଷିକ ୩୩ ହଜାର କୋଟିରୁ ଅଧିକ ଟଙ୍କା ସଞ୍ଚୟ ହେବ। ୨୦୨୫-୨୬ ସୁଦ୍ଧା ସମଗ୍ର ଦେଶରେ ଇ-୨୦ ଯୋଜନାକୁ ସଫଳତାର ସହ କାର୍ଯ୍ୟକାରୀ କରିବାକୁ ଭାରତ ସରକାର ଲକ୍ଷ୍ୟ ରଖିଛନ୍ତି।

୧୧ଜୁଲାଇ, ୨୦୨୩ରେ ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀ କହିଥିଲେ ଯେ ଇ ୨୦ ପେଟ୍ରୋଲ ବର୍ତ୍ତମାନ ୧,୩୫୦ ପେଟ୍ରୋଲ ପମ୍ପରେ ଉପଲବ୍ଧ ଅଛି ଏବଂ ୨୦୨୫ ସୁଦ୍ଧା ଏହା ସାରା ଦେଶରେ ଉପଲବ୍ଧ ହେବ।

ଇଥାନଲ ତିଆରି କରିବା ପାଇଁ ଦେଶରେ ଏତେ ପରିମାଣର ଅତିରିକ୍ତ ଶସ୍ୟ ଉପଲବ୍ଧ ଅଛି କି ?

କେନ୍ଦ୍ର କୃଷି ମନ୍ତ୍ରାଳୟର ପୂର୍ବତନ ସଚିବ ସିରାଜ ହୁସେନଙ୍କ କହିବାନୁଯାୟୀ, ମୁଖ୍ୟତଃ ତିନୋଟି ଫସଲ ଧାନ, ଆଖୁ ଓ ମକା ମାଧ୍ୟମରେ ଦେଶରେ ଇଥାନଲର ଚାହିଦା ପୂରଣ କରିବାକୁ ଲକ୍ଷ୍ୟ ରଖାଯାଇଛି। ଆଧୁନିକ ଜ୍ଞାନକୌଶଳ ଯୋଗୁଁ ଫସଲ ଅମଳ ଉପରେ ଜଳବାୟୁ ପରିବର୍ତ୍ତନର ପ୍ରଭାବ ଏବଂ ଏହାର ଅମଳ ବୃଦ୍ଧିର ଆକଳନ କରାଗଲେ ଇଥାନଲ ତିଆରି ପାଇଁ ତିନୋଟି ଶସ୍ୟକୁ ନେଇ ଦେଶରେ ଏହି ସ୍ଥିତି ଦେଖିବାକୁ ମିଳୁଛି।

୧. ଇଥାନଲ ପାଇଁ ମକା ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଫସଲ। ଏହି ଫସଲର ଅମଳ ଆହୁରି ବଢ଼ାଇବାର ଆବଶ୍ୟକତା ରହିଛି। ଇଣ୍ଡିଆନ ସୁଗାର ମିଲ୍ସ ଆସୋସିଏସନ କହିଛି ଯେ ୨୦୨୧-୨୨ରେ କେବଳ ମହାରାଷ୍ଟ୍ରରେ ଆଖୁ ଉତ୍ପାଦନ ୧୬ ଲକ୍ଷ ଟନ୍ ହ୍ରାସ ପାଇଛି। ଯଦି ଆପଣ ଇଥାନଲ ତିଆରି କରିବାରେ ଭଲ କରିବାକୁ ଚାହୁଁଛନ୍ତି ତେବେ ଏହାକୁ ବଢ଼ାଇବାକୁ ପଡ଼ିବ।

୨. ଦେଶରେ ମକା ଉତ୍ପାଦନ ଏତେ ଅଧିକ ନୁହେଁ ଯେ ସେଥିରୁ ଇଥାନଲ ତିଆରି କରିବା ସମ୍ଭବ।

୩. ଚାଉଳ ବିଷୟରେ କହିବାକୁ ଗଲେ ସରକାର ପ୍ରଥମେ ଏହାକୁ ଲୋକଙ୍କ ଭୋକ ଦୂର କରିବା ପାଇଁ ବ୍ୟବହାର କରିବେ । ଭାରତ ବାର୍ଷିକ ୨୦ ନିୟୁତ ମେଟ୍ରିକ୍ ଟନ୍ ଚାଉଳ ବିଦେଶକୁ ପଠାଇଥାଏ । ଯଦି ବିଦେଶରେ ବାର୍ଷିକ ଚାଉଳ ରପ୍ତାନି ୧୫ ନିୟୁତ ମେଟ୍ରିକ୍ ଟନକୁ ହ୍ରାସ କରାଯାଏ, ତେବେ ଏଥିରୁ ୧.୨୭ ବିଲିୟନ ଲିଟର ଇଥାନଲ ଉତ୍ପାଦନ ହୋଇପାରିବ ।

କେଉଁ ଯାନରେ ଇଥାନଲ ମିଶା ଇ୨୦ ଫ୍ଲେକ୍ସ ଇନ୍ଧନ ବ୍ୟବହାର କରାଯିବ ?

ନୂଆ ମଡେଲରେ ନିର୍ମିତ ସମସ୍ତ ଯାନ ଇଥାନଲରେ ନିର୍ମିତ ପେଟ୍ରୋଲ ବ୍ୟବହାର କରିପାରିବେ। ଏହାର କାରଣ ହେଉଛି ଏଠାରେ ନିର୍ମିତ ହେଉଥିବା ଅଧିକାଂଶ ଗାଡ଼ିର ଇଞ୍ଜିନ୍ ବିଏସ୍-୪ରୁ ବିଏସ୍-୬ ଷ୍ଟେଜ୍ ପର୍ଯ୍ୟନ୍ତ ରହିଛି।

ଇଥାନଲ ମିଶ୍ରଣ କାର୍ଯ୍ୟକ୍ରମ ଅଧୀନରେ କେନ୍ଦ୍ର ସରକାର ଇଞ୍ଜିନ୍ କମ୍ପାନୀଗୁଡ଼ିକୁ ଇ୨୦ ପେଟ୍ରୋଲ ପାଇଁ ଇଞ୍ଜିନ୍ ତିଆରି କରିବାକୁ ନିର୍ଦ୍ଦେଶ ଦେଇସାରିଛନ୍ତି।

ତେବେ ଏହାକୁ ପୁରୁଣା ଗାଡ଼ିରେ ମଧ୍ୟ ବ୍ୟବହାର କରାଯାଇପାରିବ, କିନ୍ତୁ ଏହାଦ୍ୱାରା ଗାଡ଼ିରେ ମାଇଲେଜ କମ୍ ଓ କମ୍ ପାୱାର ମିଳିବ। ତେବେ ପୁରୁଣା କାରର ଇଞ୍ଜିନରେ କିଛି ପରିବର୍ତ୍ତନ କରାଯାଇପାରେ। ଯଦି ଗାଡ଼ିଟି ବହୁତ ପୁରୁଣା ତେବେ ନୂଆ ସ୍କ୍ରାପ୍ ପଲିସି ଅନୁଯାୟୀ ଏହାକୁ ସ୍କ୍ରାପ୍ କରିବାକୁ ପଡ଼ିବ।

ପେଟ୍ରୋଲ ଦର ଲିଟର ପିଛା ୩ ଟଙ୍କା ୫୦ ପଇସା ହ୍ରାସ ପାଇପାରେ

ଶକ୍ତି ବିଶେଷଜ୍ଞ ନରେନ୍ଦ୍ର ତନେଜା କହିଛନ୍ତି ଯେ ଇ-୨୦ ଯୋଜନା ଅଧୀନରେ କେବଳ ପେଟ୍ରୋଲରେ ଇଥାନଲ ମିଶାଯାଉଛି। ଫଳରେ ଲିଟର ପିଛା ଦର ୩ ଟଙ୍କା ୫୦ ପଇସା ପର୍ଯ୍ୟନ୍ତ ହ୍ରାସ ପାଇବାର ସମ୍ଭାବନା ରହିଛି। ତେବେ ଏସବୁ ତୈଳ କମ୍ପାନୀ ଉପରେ ନିର୍ଭର କରୁଛି। ଦୁଇଟି କାରଣରୁ ଶସ୍ତା ହେଉଛି ଫ୍ଲେକ୍ସି ଇନ୍ଧନ…

୧. ପେଟ୍ରୋଲିୟମ ଉତ୍ପାଦ ତୁଳନାରେ ଇଥାନଲ ମୂଲ୍ୟ କମ୍। ଏଭଳି ସ୍ଥିତିରେ ଲିଟର ପିଛା ୨୦% ଇଥାନଲ ମିଶାଗଲେ ଦର କମିବା ସ୍ୱାଭାବିକ।

୨. ପେଟ୍ରୋଲ ତୁଳନାରେ ଇଥାନଲ ଉପରେ କମ୍ ଟିକସ ଆଦାୟ କରାଯାଏ। ଫ୍ଲେକ୍ସି ଇନ୍ଧନ ଶସ୍ତା ହେବାର ଏହା ମଧ୍ୟ ଏକ କାରଣ।

ନରେନ୍ଦ୍ର ତନେଜା କହନ୍ତି ଯେ ଇ ୮୫ ଅର୍ଥାତ୍ ଏକ ଲିଟର ପେଟ୍ରୋଲରେ ୮୫% ଇଥାନଲ ମିଶ୍ରଣ କରିବା ସମ୍ଭବ ନୁହେଁ। ଭାରତରେ କେବଳ ପେଟ୍ରୋଲରେ ଇଥାନଲ ମିଶାଯାଉଛି। ଡିଜେଲରେ ଇଥାନଲ ମିଶ୍ରଣ ପାଇଁ ଏକ ପ୍ରକଳ୍ପ ଉପରେ ମଧ୍ୟ କାମ ଚାଲିଛି। ଇ-୨୦ ଯୋଜନା ପାଇଁ ପ୍ରଚୁର ପରିମାଣରେ ଇଥାନଲର ଆବଶ୍ୟକତା ପଡ଼ିବ।

ଏଭଳି ସ୍ଥିତିରେ ବ୍ରାଜିଲ ଭଳି ଇ ୮୫କୁ କାର୍ଯ୍ୟକାରୀ କରିବା କଷ୍ଟକର ହୋଇପଡ଼ିଛି। ବ୍ରାଜିଲର ଜନସଂଖ୍ୟା ଭାରତ ତୁଳନାରେ କମ୍। ସେଠାରେ ଇନ୍ଧନ ବ୍ୟବହାର ମଧ୍ୟ କମ୍ ଏବଂ ଆଖୁ ଉତ୍ପାଦନ ପାଇଁ ଭୂମି ଏବଂ ପାଣିପାଗ ଅନୁକୂଳ। ଏଭଳି ସ୍ଥିତିରେ ଏହାକୁ ଭାରତ ସହ ତୁଳନା କରାଯାଇପାରିବ ନାହିଁ।

ବର୍ତ୍ତମାନ ଭାରତରେ ଇ-୨୦ର ମାତ୍ର ଦୁଇଟି ଫାଇଦା ରହିଛି। ପ୍ରଥମେ ଆପଣଙ୍କୁ ଅନ୍ୟ ଦେଶରୁ କମ୍ ତେଲ କିଣିବାକୁ ପଡନିବ। ଦ୍ୱିତୀୟତଃ ଜୈବ ଇନ୍ଧନ ଯୋଗୁଁ ପରିବେଶ ପ୍ରଦୂଷଣ ହ୍ରାସ ପାଇବ।

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଆର୍ଥିକ ବ୍ୟାପାର ସଂକ୍ରାନ୍ତ କ୍ୟାବିନେଟ କମିଟି ବୈଠକରେ ଇଥାନଲ ଦର ବୃଦ୍ଧିକୁ ଅନୁମୋଦନ କରାଯାଇଛି। ଆଖୁର ବିଭିନ୍ନ କଞ୍ଚାମାଲରୁ ଇଥାନଲ ପ୍ରସ୍ତୁତ ହୋଇଥାଏ। ୧ ଡିସେମ୍ବର ୨୦୨୨ରୁ ୩୧ ଅକ୍ଟୋବର ୨୦୨୩ ମଧ୍ୟରେ ପଡ଼ୁଥିବା ଇଥାନଲ ଯୋଗାଣ ବର୍ଷ (ଇଏସୱାଇ) ୨୦୨୨-୨୩ ସମୟରେ ଆଗାମୀ ୨୦୨୨-୨୩ ଚିନି ଋତୁ ପାଇଁ ଇବିପି କାର୍ଯ୍ୟକ୍ରମ ଅଧୀନରେ ଏହି ଦରବୃଦ୍ଧି କରାଯାଇଛି। ଇଥାନଲ ମିଶ୍ରିତ ପେଟ୍ରୋଲ (ଇବିପି) କାର୍ଯ୍ୟକ୍ରମ ଅଧୀନରେ ରାଷ୍ଟ୍ରାୟତ୍ତ ତୈଳ ବିପଣ କମ୍ପାନୀ (ଓଏମସି) ଦ୍ବାରା ଇଥାନଲ କ୍ରୟ ବ୍ୟବସ୍ଥାକୁ କ୍ୟାବିନେଟ ମଞ୍ଜୁରି ମିଳିଛି।

୧- ସି ହେଭୀ ମୋଲାସେସ (ତରଳ) ମାର୍ଗରେ ଉତ୍ପନ୍ନ ହେଉଥିବା ଇଥାନଲ ଦର ଲିଟର ପିଛା ୪୯.୪୧ ଟଙ୍କାରୁ ଲିଟର ପିଛା ୪୬.୬୬ ଟଙ୍କାକୁ ବୃଦ୍ଧି କରାଯାଇଛି।

୨- ବି ହେଭି ମୋଲାସେସ ମାର୍ଗରେ ଉତ୍ପନ୍ନ ଇଥାନଲ ଦର ଲିଟର ପିଛା ୫୯.୦୮ ଟଙ୍କାରୁ ଲିଟର ପିଛା ୬୦.୭୩ ଟଙ୍କାକୁ ବୃଦ୍ଧି କରାଯାଇଛି।

ଆଖୁ ରସ/ଚିନି/ଚିନି ରସ ମାର୍ଗରେ ଉତ୍ପାଦିତ ହେଉଥିବା ଇଥାନଲ ଦର ଲିଟର ପିଛା ୬୩.୪୫ ଟଙ୍କାରୁ ଲିଟର ପିଛା ୬୫.୬୧ ଟଙ୍କାକୁ ବୃଦ୍ଧି କରାଯାଇଛି।

୧- ଏହା ଅତିରିକ୍ତ, ଜିଏସଟି ଏବଂ ପରିବହନ ଶୁଳ୍କ ମଧ୍ୟ ଦେବାକୁ ପଡ଼ିବ।

ସବୁ ଡିଷ୍ଟିଲେରୀଗୁଡ଼ିକ ଏହି ଯୋଜନାର ଲାଭ ପାଇବା ଲାଗି ସକ୍ଷମ ହେବେ ଏବଂ ଏମାନଙ୍କ ମଧ୍ୟରୁ ଅଧିକାଂଶ ଇବିପି କାର୍ଯ୍ୟକ୍ରମର ପାଇଁ ଇଥାନଲ ଯୋଗାଣ କରିବେ ବୋଲି ଆଶା କରାଯାଉଛି। ଇଥାନଲ ଯୋଗାଣକାରୀମାନଙ୍କୁ ପାରିଶ୍ରମିକ ଦିଆଯିବା ପରେ ଆଖୁ ଚାଷୀଙ୍କ ବକେୟା ପାଉଣା ତୁରନ୍ତ ମିଳିପାରିବ ବୋଲି ଆଶା କରାଯାଉଛି। ଏହା ଆଖୁ ଚାଷୀଙ୍କ ସମସ୍ୟା ଦୂର କରିବାରେ ସହାୟକ ହେବ।

ସରକାର ଇଥାନଲ ମିଶ୍ରିତ ପେଟ୍ରୋ (ଇବିପି) କାର୍ଯ୍ୟକ୍ରମ କାର୍ଯ୍ୟକାରୀ କରୁଛନ୍ତି ଯେଉଁଥିରେ ଓଏମସି ବା ତୈଳ ବିପଣନ କମ୍ପାନୀଗୁଡ଼ିକ ପେଟ୍ରୋଲରେ ୧୦ ପ୍ରତିଶତ ପର୍ଯ୍ୟନ୍ତ ଇଥାନଲ ମିଶ୍ରଣ କରୁଛନ୍ତି। ଏହି କାର୍ଯ୍ୟକ୍ରମକୁ କେନ୍ଦ୍ର ଶାସିତ ପ୍ରଦେଶ ଆଣ୍ଡାମାନ ନିକୋବାର ଏବଂ ଲାକ୍ଷାଦ୍ବୀପକୁ ଛାଡ଼ି ଦେଲେ ସାରା ଭାରତରେ କାର୍ଯ୍ୟକାରୀ କରାଯାଉଛି। ବିକଳ୍ପ ଏବଂ ପରିବେଶ ଅନୁକୂଳ ଇନ୍ଧନ ବ୍ୟବହାରକୁ ପ୍ରୋତ୍ସାହନ କରିବା ଲାଗି ୧ ଏପ୍ରିଲ ୨୦୧୯ ଠାରୁ ଇବିପି କାର୍ଯ୍ୟକ୍ରମ ଲାଗୁ ହୋଇଛି। ଇନ୍ଧନ ଆବଶ୍ୟକତା ପୂରଣ ପାଇଁ ଆମଦାନୀ ଉପରେ ନିର୍ଭରଶୀଳତାକୁ କମାଇବା ଏବଂ କୃଷି କ୍ଷେତ୍ରକୁ ପ୍ରୋତ୍ସାହନ ଦେବା ଲାଗି ମଧ୍ୟ ଏଭଳି ପଦକ୍ଷେପ ଗ୍ରହଣ କରାଯାଇଛି।

୨୦୧୪ ପରଠାରୁ ଇଥାନଲର ପ୍ରଶାସନିକ ମୂଲ୍ୟ ସଂକ୍ରାନ୍ତରେ ସରକାର ବିଜ୍ଞପ୍ତି ଜାରି କରିସାରିଛନ୍ତି। ୨୦୧୮ରେ ପ୍ରଥମ ଥର ପାଇଁ, ଇଥାନଲ ଉତ୍ପାଦନ ଲାଗି ଉପଯୋଗ କରାଯିବାକୁ ଥିବା ଫିଡଷ୍ଟକ୍‌ ଆଧାରରେ ଇଥାନଲର ଭିନ୍ନ ଭିନ୍ନ ମୂଲ୍ୟ ସରକାର ଘୋଷଣା କରିଥିଲେ। ଏହିସବୁ ନିଷ୍ପତ୍ତି ଇଥାନଲର ଯୋଗାଣରେ ଉଲ୍ଲେଖନୀୟ ସୁଧାର ଆଣିଥିଲା। ଏହାର ପରିଣାମସ୍ବରୂପ,  ତୈଳ ବିପଣନ କମ୍ପାନୀମାନେ ଅଧିକ ମାତ୍ରାରେ ଇଥାନଲ କିଣିଥିଲେ। ୨୦୧୩-୧୪ ଇଥାନଲ ଯୋଗାଣ ବର୍ଷରେ ଇଥାନଲ କ୍ରୟ ପରିମାଣ ୩୮ କୋଟି ଲିଟରରୁ ବୃଦ୍ଧି ପାଇ ବର୍ତ୍ତମାନ ୨୦୨୧-୨୨ ଇଥାନଲ ଯୋଗାଣ ବର୍ଷରେ ୪୫୨ କୋଟି ଲିଟରରେ ପହଞ୍ଚିଛି (ଇଏସୱାଇ – ବର୍ତ୍ତମାନ ଇଥାନଲ ଯୋଗାଣ ଅବଧି ଗୋଟିଏ ବର୍ଷର ଡିସେମ୍ବର ପହିଲା ଠାରୁ ଆରମ୍ଭ କରି ପରବର୍ତ୍ତୀ ବର୍ଷର ନଭେମ୍ବର ୩୦ ତାରିଖ ପର୍ଯ୍ୟନ୍ତ ଧରାଯାଉଥିଲା)। ସରକାର ନଭେମ୍ବର ୨୦୨୨ ସୁଦ୍ଧା ୧୦% ଇଥାନଲ ମିଶ୍ରଣ ପାଇଁ ଲକ୍ଷ୍ୟ ଧାର୍ଯ୍ୟ କରିଥିଲେ, ଏହାର ବହୁ ପୂର୍ବରୁ ଜୁନ୍‌ ୨୦୨୨ରେ ଏହି ଲକ୍ଷ୍ୟ ହାସଲ କରାଯାଇ ପାରିଥିଲା।

ଏହାଛଡ଼ା ସରକାର ୨୦୩୦ ସୁଦ୍ଧା ପେଟ୍ରୋଲରେ ୨୦% ଇଥାନଲ ମିଶ୍ରଣ ପାଇଁ ଯେଉଁ ଲକ୍ଷ୍ୟ ଧାର୍ଯ୍ୟ କରିଥିଲେ ସେହି ନିର୍ଦ୍ଧାରିତ ଲକ୍ଷ୍ୟ ଅବଧିର ସୀମାକୁ ଏବେ ୨୦୨୫-୨୬ ଇଥାନଲ ଯୋଗାଣ ବର୍ଷକୁ କମାଇ ଦେଇଛନ୍ତି ଏବଂ ‘‘ଭାରତରେ ଇଥାନଲ ମିଶ୍ରଣ ପାଇଁ ରୋଡମ୍ୟାପ ୨୦୨୦-୨୫’’କୁ ସାର୍ବଜନୀନ କରାଯାଇଛି।

ନିକଟରେ ଗ୍ରହଣ କରାଯାଇଥିବା ଅନ୍ୟାନ୍ୟ ପଦକ୍ଷେପ ମଧ୍ୟରେ ସାମିଲ ରହିଛି : ଇଥାନଲ ଡିଷ୍ଟିଲେସନ କ୍ଷମତାକୁ ବାର୍ଷିକ ୯୨୩ କୋଟି ଲିଟରକୁ ବଢ଼ାଇବା; ଇଥାନଲ ଅଭାବ ଥିବା ରାଜ୍ୟରେ ବାର୍ଷିକ ୪୩୧ କୋଟି ଲିଟର କ୍ଷମତା ବିଶିଷ୍ଟ ଘରୋଇ ସଂସ୍ଥା ଦ୍ବାରା ସମର୍ପିତ ଇଥାନଲ ପ୍ଲାଣ୍ଟ ପ୍ରତିଷ୍ଠା କରିବା ଲାଗି ଦୀର୍ଘକାଳୀନ ଅଫ-ଟେକ୍‌ ରାଜିନାମା, ଯାହାଦ୍ବାରା ଆସନ୍ତା ବର୍ଷଗୁଡ଼ିକରେ ୨୫ ହଜାରରୁ ୩୦ ହଜାର କୋଟି ଟଙ୍କାର ନିବେଶ  ଆସିବ ବୋଲି ଅନୁମାନ କରାଯାଉଛି, ରେଳବାଇ ଏବଂ ପାଇପଲାଇନ ଜରିଆରେ ଇଥାନଲ ଏବଂ ଇଥାନଲ ମିଶ୍ରିତ ପେଟ୍ରୋଲର ବହୁମୁଖି ପରିବହନ ବ୍ୟବସ୍ଥା। ଏସବୁ ପଦକ୍ଷେପ ବ୍ୟବସାୟିକ ସୁଗମତାକୁ ବଢ଼ାଇବା ସହିତ ଆତ୍ମନିର୍ଭର ଭାରତ ଲକ୍ଷ୍ୟ ହାସଲରେ ସହାୟକ ହୋଇପାରିବ।

ଇଥାନଲ ଉତ୍ପାଦନ ପାଇଁ ଚିନି ହସ୍ତାନ୍ତର କରିବା ଏବଂ ଚିନି ଆଧାରିତ କଞ୍ଚାମାଲ ଯୋଗାଇ ଦେବା ସମେତ ଆଖୁ ଚାଷୀଙ୍କ ବକେୟା ପରିଶୋଧ କରିବା ଲାଗି ସରକାର ଅନେକ ପଦକ୍ଷେପ ଗ୍ରହଣ କରିଛନ୍ତି। ଏବେ ଆଖୁ ରସ ଏବଂ ବି ହେଭୀ ମୋଲାସକୁ ଇଥାନଲରେ ପରିବର୍ତ୍ତନ କରାଯିବା କାରଣରୁ ଚିନି ଋତୁ ଆରମ୍ଭରୁ ବହୁ ପରିମାଣରେ ଇଥାନଲ ଉପଲବ୍ଧ ହୋଇପାରୁଛି। ସେହିପରି ଇଥାନଲ ଯୋଗାଣ ବର୍ଷର ଅବଧିକୁ ପୁନଃପରିଭାଷିତ କରିବା ଲାଗି ନିଷ୍ପତ୍ତି ନିଆଯାଇଛି। ଏଣିକି ଗୋଟିଏ ବର୍ଷର ୧ ନଭେମ୍ବରରୁ ପରବର୍ତ୍ତୀ ବର୍ଷ ୩୧ ଅକ୍ଟୋବର ପର୍ଯ୍ୟନ୍ତ ଅବଧିକୁ ଇଥାନଲ ଯୋଗାଣ ବର୍ଷ ଭାବେ ଗ୍ରହଣ କରାଯିବ। ୨୦୨୩ ନଭେମ୍ବର ପହିଲା ପରଠାରୁ ଏହି ନିୟମ ଲାଗୁ ହେବ।  ଆହୁରି, ଆଖୁର ଉଚିତ୍‌ ଏବଂ ଲାଭଜନକ ମୂଲ୍ୟ (ଏଫଆରପି) ଏବଂ ଚିନିର ଏକ୍ସ-ମିଲ୍‌ ମୂଲ୍ୟ ପରିବର୍ତ୍ତନ କରାଯାଇଥିବା କାରଣରୁ, ବିଭିନ୍ନ ଆଖୁ ଆଧାରିତ କଞ୍ଚାମାଲରୁ ଉତ୍ପାଦିତ ହେଉଥିବା ଇଥାନଲର ଦର ସଂଶୋଧନ କରିବାର ଆବଶ୍ୟକତା ଦେଖା ଦେଇଛି।

ନୂଆଦିଲ୍ଲୀ: ଯାନବାହାନ ଚଳାଇବା ପାଇଁ ଦେଶରେ ଏକ ନୂତନ ଇନ୍ଧନ ବିକଳ୍ପ ଆସିବାକୁ ଯାଉଛି, ଯାହାର ନାମ ଫ୍ଲେକ୍ସ ଇନ୍ଧନ। କେନ୍ଦ୍ର ମନ୍ତ୍ରୀ ନିତିନ ଗଡକରୀ ଏହି ନୂତନ ଇନ୍ଧନ ପ୍ରଯୁକ୍ତିବିଦ୍ୟାରେ ଚଳିତ ମାସ ତଥା ସେପ୍ଟେମ୍ବର ୨୮ ତାରିଖରେ ଦେଶର ପ୍ରଥମ କାର ଉପସ୍ଥାପନ କରିବେ। ପେଟ୍ରୋଲକୁ ଇଥାନଲ କିମ୍ବା ମିଥାନୋଲ ମିଶାଇ ଏହି ଇନ୍ଧନ ପ୍ରସ୍ତୁତ କରାଯାଏ।

ଫ୍ଲେକ୍ସ ଇନ୍ଧନ କଣ?:

ଏହି ଇନ୍ଧନ ସାହାଯ୍ୟରେ କାରଟି ସାଧାରଣ ପେଟ୍ରୋଲ / ଡିଜେଲ ଚାଳିତ କାର ପରି ଚଲାଯାଇପାରିବ। ପେଟ୍ରୋଲକୁ ଇଥାନଲ କିମ୍ବା ମିଥାନୋଲ ମିଶାଇ ଏହା ପ୍ରସ୍ତୁତ କରାଯାଏ।

ଏହା କିପରି ପ୍ରସ୍ତୁତ?:

ଏହା ଏକ ଆଲକୋହଲ ଭିତ୍ତିକ ଇନ୍ଧନ, ଆଖୁ ଏବଂ ମକା ପରି ଫସଲରୁ ପ୍ରସ୍ତୁତ। ଏହାକୁ ତିଆରି କରିବା ପ୍ରକ୍ରିୟାରେ ଫର୍ମେଟେସନ ପାଇଁ ଷ୍ଟାର୍ଚ ଏବଂ ଚିନି ବ୍ୟବହୃତ ହୁଏ। ଭାରତ ଆଖୁ ଉତ୍ପାଦନକାରୀ, ତେଣୁ ଏହାକୁ ତିଆରି କରିବା ପାଇଁ ଦେଶରେ କଞ୍ଚାମାଲର ଅଭାବ ନାହିଁ।

ଏହା କିପରି କାମ କରେ?:

ଆସୁଥିବା କାରଗୁଡିକ ବର୍ତ୍ତମାନ ସମାନ ଇନ୍ଧନରେ ଚାଲୁଥିବାବେଳେ କିଛି କାର ପେଟ୍ରୋଲ ଏବଂ ସିଏନଜିରେ ଚାଲିଥାଏ। କିନ୍ତୁ ଏଥିପାଇଁ ଗାଡିରେ ଅଲଗା ସିଏନଜି କିଟ୍ ଲଗାଇବାକୁ ପଡିବ କିମ୍ବା କମ୍ପାନୀମାନେ ନିଜେ କିଟ୍ ଅଲଗା ଭାବରେ ସ୍ଥାପନ କରିବେ। କିନ୍ତୁ ଫ୍ଲେକ୍ସ ଇନ୍ଧନରେ ଚାଲୁଥିବା ଯାନଗୁଡ଼ିକ ଯେତେବେଳେ ଚାହିଁବେ ଉଭୟ ପେଟ୍ରୋଲ କିମ୍ବା ଫ୍ଲେକ୍ସରେ ଚଲାଯାଇପାରିବ।

ପ୍ରଦୂଷଣରେ ହ୍ରାସ ଘଟିବ:

ବିଶ୍ୱରେ ପ୍ରଦୂଷଣ କ୍ରମାଗତ ଭାବେ ବୃଦ୍ଧି ପାଉଛି। ଯେଉଁଥିପାଇଁ ଗ୍ଲୋବାଲ ୱାର୍ମିଂ ଭଳି ସମସ୍ୟା ଉପୁଜିଛି। ଯେଉଁଥି ପାଇଁ ଯାନରୁ ନିର୍ଗତ ଧୂଆଁ ମୁଖ୍ଯତଃ ଦାୟୀ। ଏହାକୁ ହ୍ରାସ କରିବା ପାଇଁ ପେଟ୍ରୋଲରେ ଇଥାନଲ କିମ୍ବା ମିଥାନୋଲ ମିଶାଇ ଏକ ନୂତନ ପ୍ରକାରର ଇନ୍ଧନ ବିକଳ୍ପ ପ୍ରସ୍ତୁତ କରାଯାଇଛି। ଏହି ଇନ୍ଧନର ବିଶେଷତ୍ୱ ​​ହେଉଛି, ଏହା ସାଧାରଣ ପେଟ୍ରୋଲ ଅପେକ୍ଷା ଭଲ ଜଳିଯାଏ, ଯେଉଁ କାରଣରୁ ଇନ୍ଧନ ଜାଳିବା ଦ୍ୱାରା ନିର୍ଗତ କାର୍ବନ ମନୋ ଡାଇଅକ୍ସାଇଡର ପରିମାଣ ୩୫% ପର୍ଯ୍ୟନ୍ତ କମିଯାଏ। ଏହା ସହିତ ନାଇଟ୍ରୋଜେନ୍ ଅକ୍ସାଇଡ୍ ର ନିର୍ଗମନ ପରିମାଣରେ ମଧ୍ୟ ହ୍ରାସ ଘଟେ।

ପେଟ୍ରୋଲ ତୁଳନାରେ ଏହାର ମୂଲ୍ୟ ମଧ୍ୟ କମ୍ ଅଟେ:

ପେଟ୍ରୋଲ ଏବଂ ଡିଜେଲ ତୁଳନାରେ ଫ୍ଲେକ୍ସ ଇନ୍ଧନର ମୂଲ୍ୟ ମଧ୍ୟ ବହୁତ କମ୍ ଅଟେ। ଏହି ଇନ୍ଧନର ମୂଲ୍ୟ ଲିଟର ପିଛା ପ୍ରାୟ ୬୦ ରୁ ୭୦ ଟଙ୍କା ଅଟେ। ଯାହା ପେଟ୍ରୋଲ ଡିଜେଲଠାରୁ ପ୍ରାୟ ୩୦ ଟଙ୍କା କମ୍ ଅଟେ। ତେଣୁ, ଫ୍ଲେକ୍ସ ଇନ୍ଧନର ବ୍ୟବହାର ପ୍ରଦୂଷଣକୁ ହ୍ରାସ କରିବା ସହିତ ଇନ୍ଧନ ଉପରେ ଖର୍ଚ୍ଚ ମଧ୍ୟ ହ୍ରାସ କରିପାରେ।