ଭୁବନେଶ୍ବର, ପୂର୍ବତନ ସିବିଆଇ ନିର୍ଦ୍ଦେଶକ ଉମାଶଙ୍କର ମିଶ୍ରଙ୍କର ଆଜି ପରଲୋକ ଘଟିଛି। ସେ ନୂଆଦିଲ୍ଲୀସ୍ଥିତ ଏକ ଘରୋଇ ହସପିଟାଲରେ ଚିକିତ୍ସିତ ହେଉଥିଲେ। ୧୯୬୮ ବ୍ୟାଚ୍ ଓଡ଼ିଶା କ୍ୟାଡ଼ର ଆଇପିଏସ ଅଫିସର ଉମାଶଙ୍କର ସିବିଆଇ ନିର୍ଦ୍ଦେଶକ ଥିଲେ। ସେ ହେଉଛନ୍ତି ପ୍ରଥମ ଓଡିଆ ଯେ କି ଏହି ସର୍ବୋଚ୍ଚ ପଦବୀରେ କାର୍ଯ୍ୟ କରିଥିଲେ। ୨୦୦୩ ମସିହାରେ ସେ ସିବିଆଇ ନିର୍ଦ୍ଦେଶକ ଭାବେ ନିଯୁକ୍ତ ହୋଇଥିଲେ।
ମୁମ୍ବାଇ ସିରିଏଲ ବୋମା ବିସ୍ପୋରଣ,ମୋନିକା ବେଦୀ ହତ୍ୟା କାଣ୍ଡ, ଆବୁ ସଲେମ ପରି ଘଟଣା ସେତେବେଳେ ତାଙ୍କ ସମୟରେ ସିବିଆଇ ତଦନ୍ତ କରାଯାଇଥିଲା। ଖୋର୍ଦ୍ଧା ଜିଲ୍ଲାର ବାଣପୁର ଅଞ୍ଚଳରେ ଜନ୍ମଲାଭ ଉମାଶଙ୍କର ଅବସର ପରେ ସୂର୍ଯ୍ୟପ୍ରଭା ଖବରକାଗଜର ସଂପାଦକ ଭାବେ କାର୍ଯ୍ୟ କରିଥିଲେ। ତାଙ୍କ ବିୟୋଗରେ ଓଡିଶା ଆଇପିଏସ ଜଗତରେ ଶୋକର ଛାୟା ଖେଳିଯାଇଛି।